Morgunblaðið - 25.06.2005, Blaðsíða 33

MORGUNBLAÐIÐ LAUGARDAGUR 25. JÚNÍ 2005 33
UMRÆÐAN
PÁLL Skúlason, fráfarandi rekt-
or, útskrifar í dag sína síðustu
kandídata frá Háskóla Íslands. Á
þeim átta árum sem Páll hefur gegnt
stöðu rektors hefur Háskólinn farið í
gegnum eitt mesta breytingatímabil
í sögu skólans og breyst frá því að
vera háskóli á grunnstigi yfir í öfl-
ugan rannsóknarháskóla sem er í
stöðugri þróun í takt við nútímaþjóð-
félag. Í byrjun næsta mánaðar tekur
svo nýr rektor við stjórntaumunum
og mun leiða starf Háskólans næstu
ár. Á þessum tímamótum er því
kjörið að staldra örlítið við og skoða
hvað það er sem gerir menntun okk-
ar stúdenta verðmæta og hvernig
við getum unnið að því að auka verð-
mæti hennar. Hvaða aðferðir skila
okkur stúdentum mestum árangri?
Þeir stúdentar sem fá próf-
skírteini úr höndum rektors í dag
hafa margir lagt dag við nótt til að
uppskera vel. Til þess að vel eigi að
takast er því ljóst að öll aðstaða og
aðbúnaður skiptir miklu máli til þess
að ná árangri – og nemendur þurfa
að geta nýtt þessa aðstöðu. Bygg-
ingar Háskólans eru vinnuaðstaða
nemenda og því mjög mikilvægt að
þeir geti nýtt sér þær til fulls. Að
frumkvæði stúdentaráðsliða Vöku,
félags lýðræðissinnaðra stúdenta,
var þrýst á háskólayfirvöld að lengja
opnunartíma bygginga í síðustu
prófatíð. Í fyrstu voru háskóla-
yfirvöld efins um að auka opn-
unartímann vegna þess að umgangi
hefur í gegnum tíðina verið ábóta-
vant þegar opnunartími hefur verið
lengdur. Til þess að
telja háskólayfirvöld á
að lengja opnunartím-
ann fengum við stúd-
enta í lið með okkur til
að vakta byggingar og
halda þeim snyrti-
legum – við keyptum
jafnvel fleiri rusla-
tunnur þar sem þær
vantaði. Það er ljóst að
þessi samtakamáttur
tryggði árangur og á
honum má byggja
kröfur um enn lengri
opnunartíma. Þetta er
dæmi um aðferð sem við teljum skila
miklum árangri.
Það er þó ekki nóg að einungis
byggingarnar séu opnar stúdentum.
Með aukinni samkeppni þarf Há-
skóli Íslands að vera tæknivæddur
og framsækinn skóli. Fartölvur eru
orðnar helstu vinnutæki nemenda,
sem gera kröfur um að aðstaða fyrir
slík vinnutæki sé góð. Á und-
anförnum árum hefur Vaka náð
miklum árangri með því að gera há-
skólayfirvöldum grein fyrir kröfum
nemenda í tæknimálum. Þráðlaust
net hefur verið sett upp víðast hvar á
háskólasvæðinu, ljósritunarvélar
eru nú komnar í helstu byggingar,
hægt er að prenta úr fartölvum víð-
ast hvar um háskólasvæðið og fjöldi
raftengla hefur stóraukist. Á næst-
unni mun einnig verða sett upp
þráðlaust net á allri Þjóðarbókhlöð-
unni – bestu lestraraðstöðu stúd-
enta.
Við teljum að með því að bæta að-
stöðu okkar til náms séum við að
bæta Háskólann í heild. Þannig
náum við stúdentar betri árangri og
verðum betur búin undir framtíðina.
Ef Háskóli Íslands verður talinn
slakur eftir tuttugu ár er ljóst að
menntun þaðan verður ekki metin
mikils. Ef hinsvegar Háskólinn er
talinn vera afburðagóður eftir tutt-
ugu ár er ljóst að menntun úr þeim
skóla verður mikils virði. Menntun
okkar verður þeim mun verðmætari
eftir því sem skólinn verður öflugri –
og það er nákvæmlega með þessum
aðferðum og þessu frumkvæði sem
hér var lýst sem við stúdentar get-
um gert skólann okkar og menntun
verðmætari.
Vaka leggur mikið upp úr því að
vera jákvæð og sýna frumkvæði og
hrífa þannig með sér háskólayfirvöld
og stjórnvöld í að gera Háskóla Ís-
lands að öflugra menntasetri. Við
viljum þakka Páli Skúlasyni kærlega
fyrir öflugt starf í þágu skólans og
bjóða Kristínu Ingólfsdóttur, verð-
andi rektor, velkomna til starfa. Við
óskum henni alls hins besta í starfi
og vonum að samstarfið við stúdenta
verði gott og farsælt.
Stúdentar og verðmæti menntunar
Andri Heiðar Kristinsson og
Hrefna Lind Ásgeirsdóttir
fjalla um menntamál
’Vaka leggur mikið uppúr því að vera jákvæð og
sýna frumkvæði og hrífa
þannig með sér háskóla-
yfirvöld og stjórnvöld í
að gera Háskóla Íslands
að öflugra mennta-
setri.‘
Hrefna Lind
Ásgeirsdóttir
Höfundar eru fulltrúar Vöku
í hagsmunanefnd stúdentaráðs.
Andri Heiðar
Kristinsson
FYLGISMENN H-tillögu í kosn-
ingum um skipulag á Seltjarnarnesi
kynntu nýlega málstað sinn í
Morgunblaðinu. Kynning þeirra
leiddi í ljós, að sá mál-
staður byggist á veik-
um grunni, sem ein-
kennist um margt af
rangfærslum og sýnd-
arrökum. Berum sam-
an fullyrðingar fylgis-
manna og staðreyndir
málsins.
a) Fullyrt er, að
ekki sé skorið af
grænu svæði skv.
H-tillögu.
Þetta er rangt.
Opna vallarsvæðið við
Valhúsaskóla, sem
jafngildir grænu svæði, fer undir
byggð og umtalsverð rönd af
Græna treflinum svokallaða lendir
undir blokk. Afgangurinn verður að
eins konar bakgarði fyrir blokk-
irnar. Einnig er þjarmað að Val-
húsaskóla sem af óskiljanlegum
ástæðum verður útundan í um-
hyggju H-manna fyrir skólabörn-
um.
b) Fullyrt er, að væntanlegar
blokkir við Suðurströnd verði nú
ekki lengur háreistar.
Þetta er villandi. Þær eru reistar
ofan á bílageymslur og skaga skv.
sniðmynd hátt upp undir hæð Val-
húsaskóla sem stendur miklu ofar í
hallanum. Og á húsunum verða
leyfð „sólskýli“, sem mynda í raun
eina hæð til viðbótar. Útsýni úr
milliblokkinni verður að mestur yfir
til hinna tveggja og sú sem er næst
sundlauginni hefur mest útsýni í átt
til hennar.
c) Fullyrt er, að íþróttavöllur á
Hrólfsskálamel verði í betri
tengslum við öll íþróttamannvirkin
þar.
Þetta er rangt. Það munar engu
fyrir fullhrausta knattspyrnumenn,
unga jafnt sem eldri, að ganga þá
ekki nema um 200 metra sem nú
eru á völlinn úr norðurenda íþrótta-
miðstöðvarinnar. Líka er innan-
gengt gegnum sundlaugarhúsið. Er
ekki í raun gert lítið úr íþróttafólki
með því að tala um þetta sem
vandamál? En svo er hitt að sturtu-
og búningsklefar, sem
sagt er að verði hag-
kvæmt að samnýta,
eru enn óbyggðir!
Hægur vandi væri því
að hafa þá þeim megin
í íþróttamiðstöðinni
sem nær er núverandi
velli við Suðurströnd,
ef máli skiptir.
Á Suðurströnd er
hægt, ef S-tillaga sigr-
ar, að byggja upp
glæsilegt íþróttasvæði
fyrir fjölmargar
keppnisíþróttir og al-
menningsíþróttir, þ.á m. skokk, sem
útilokað er að gera í þrengslum á
Melnum.
d) Fullyrt er, að skv. H-tillögu
þurfi börn ekki að fara yfir neina
umferðargötu til að fara úr skóla
eða tónlistarskóla og til hvers kon-
ar íþróttaiðkunar.
Þetta er mjög villandi. Börn
þurfa ekki að fara yfir neina um-
ferðargötu til þess að komast úr
skólanum á núverandi íþróttavöll –
en ef byggt væri á núverandi vall-
arstæði skv. H-tillögu ykist umferð
um Suðurströnd sem mörg
barnanna verða að fara yfir á leið
sinni til skólasvæðisins og frá því.
e) Fullyrt er, að nýtt vallarsvæði
á Melnum verði bein framlenging
af leiksvæði Mýrarhúsaskóla.
Þetta er villandi. Á milli leik-
svæðis og vallar verður kantur,
sem myndar 3–4 metra þverhnípi.
Spurning er, hvort ekki skapist
hætta af þessu fyrir börnin. Það er
líka vafasamt að skólabörn muni
hafa mikil afnot af gervigrasi
Gróttu, ef miðað er við reynslu
annarra sveitarfélaga. Gervigras-
völlur fyrir 80–120 milljónir króna
er líka væntanlega meira mál en
svo að notagildi hans metist út frá
því hvort hann geti verið viðbót við
skólaleiksvæði yngstu barnanna.
Hins vegar er þagað yfir því að
leiksvæði Mýrarhúsaskóla mun
stækka verulega, ef S-tillaga sigrar
og líklegt að það svæði nýtist börn-
unum mun betur.
f) Fullyrt er, að með auknum
fjölda lítilla íbúða á Seltjarnarnesi
sé tryggt að samsvarandi fjöldi
stærri húsa á Seltjarnarnesi losni
handa ungu barnafólki, þar sem
eigendur þeirra flytji sig um set.
Fullyrt er í hinu orðinu að ungt
fólk sé líklegt til að kaupa þessar
íbúðir.
Þetta er villandi eða beinlínis
rangt. Seltirningar njóta einskis
forgangs að nýju íbúðunum. Þær
verða seldar á samkeppnismarkaði,
sem nær yfir landið allt. Ekkert er
því hægt að fullyrða um að ögn
meira framboð lítilla íbúða skv. til-
lögu H, lækki meðalaldur íbúa.
g) Fullyrt er, að takmörkuð land-
svæði nýtist betur skv. tillögu H án
þess að umhverfinu sé ofgert á
nokkurn hátt.
Þetta er rangt. Aðþrengdur
knattspyrnuvöllur, sem stendur við
hús aldraðra á miðbæjarsvæði á
Hrólfsskálamel er vond nýting á
landi, og stefnir verslun í bænum í
hættu, því að hún rúmast væntan-
lega ekki öll á Eiðistorgi. Mann-
virki vallarins setja ljótan svip á að-
komu í bæinn. Umhverfi er ofgert
með 90 íbúða háreistum íbúðar-
húsum á aðeins hálfum melnum.
Aukin bílaumferð inn eftir Suður-
strönd er til baga á álagstímum.
h) Fullyrt er, að H-tillaga gefi
bænum miklu meiri tekjur og
möguleika til að nýta þjónustu-
stofnanir sínar án þess að það kosti
neitt á móti.
Þetta er villandi. Munur á íbúa-
fjölda skv. tillögum H og S er 110
manns, sem er tæplega 2,5% af nú-
verandi fjölda íbúa. Fráleitt er að
halda því fram að þessi smávægi-
lega aukning skipti sköpum um
fjárhag bæjarins, hvað þá tryggi
heppilegustu aldursdreifingu í ein-
stökum bekkjardeildum skólanna.
Þótt íbúum fækkaði skv. spám um
3–400 manns á næstu tuttugu árum
sýnir reynslan að slík lítilsháttar
fækkun sl. ár hefur ekki hindrað
stórvaxandi tekjur bæjarfélagsins.
Nýlega aukið frelsi í skólamálum
þýðir líka að nemendur geta komið
úr nágrannabyggð ef skólarnir hafa
laust rými og aðdráttarafl. Kjarni
málsins liggur því í að hagræða og
aðlaga rekstur bæjarfélagsins að-
stæðum.
i) Fullyrt er, að íbúaþing hafi
mótað tillöguna um fótboltavöll á
Hrólfsskálamel og um þá tillögu
ríkt góð samstaða.
Þetta er rangt. Á heimasíðu íbúa-
þingsins www.ibuathing.is/snes/
sést að engin tillaga var tekin fram
yfir aðra hvað varðar staðsetningu
knattspyrnuvallar.
j) Fullyrt er, að ýmsir eldri borg-
arar vilji gjarnan fá knattspyrnu-
völl fyrir framan hús sitt til að
forðast bakhliðar á blokkum.
Þetta er villandi. Stuðningsmenn
S-tillögu hafa lagt ríka áherslu á,
að haldið verði opnu útsýni frá húsi
aldraðra. Þá er þagað um þá há-
reysti sem stafar af knattspyrnu-
leikjum og ekkert minnst á það
hvort að eldri borgarar hafi áhuga
á þeim tveimur háreistu blokkum
sem skv. H-tillögu loka að miklu
leyti af sjónlínunni í þá átt. Skv. til-
lögu S verður mun meira svigrúm
til að tryggja útsýni eldri borgara,
þegar endanleg hönnun bygginga á
sér stað, þar sem rýmra verður um
þær byggingar.
k) Fullyrt er, að einbýlisfólkið á
Suðurströnd vilji ekki fá blokkar-
fólk við hliðina á sér af annarlegum
ástæðum. Þetta er rangt. Hér er al-
ið á einhvers konar stéttafordómum
sem eru Seltirningum með öllu
framandi. Málið snýst um miðbæ
Seltjarnarness, sem kallað er eftir í
Staðardagskrá 21 samþykktri af
sjálfri bæjarstjórninni á sínum
tíma, miðbæ sem bæinn sárlega
skortir. Málið snýst líka um stað-
setningu knattspyrnuvallarins.
l)Fullyrt er, að skemmtilegra sé
að búa á Suðurströnd en í roki á
Hrólfsskálamel.
Þetta er mótsagnakennt. H-menn
segja í öðru orðinu að flytja þurfi
knattspyrnuvöllinn af Suðurströnd
vegna þess hve mjög hann sé
„áveðurs“, en telja þó lítt búandi á
Hrólfsskálamel því þar sé eilíft rok.
Er þetta ekki kallað að aka seglum
eftir vindi?
m) Fullyrt er, að Grótta þurfi
ekki að stofna fleiri deildir en fyrir
knattspyrnu, handbolta og fimleika.
Nálægð við KR tryggi að frjáls-
íþróttavöllur sé óþarfi.
Þetta er villandi, en lýsir einnig
metnaðarleysi. Það þarf enginn að
ana út í neitt þó að aðstaða fyrir
frjálsíþróttamenn komi á Nesið. Þó
að Grótta sé nálægt stórveldinu í
Vesturbænum þá hefur KR ekki
rekið frjálsíþróttadeild í mörg ár.
Þarna er því mjög spennandi sókn-
arfæri fyrir Seltirninga og Vestur-
bæinga, auk þess sem völlurinn
nýtist enn betur til íþróttakennslu í
skólum ef möguleiki er á fleiri og
fjölbreyttari íþróttum en knatt-
spyrnu.
Niðurstaða þessa yfirlits frá a-m
talar skýru máli. Höfnum rökleys-
um, styðjum tillögu S fyrir Sel-
tjarnarnes.
Fullyrðingar og staðreyndir
um skipulagsmál á Seltjarnarnesi
Sigmundur Magnússon fjallar
um skipulagsmál á Seltjarnar-
nesi ’… sá málstaður bygg-ist á veikum grunni, sem
einkennist um margt af
rangfærslum og sýndar-
rökum. ‘
Sigmundur Magnússon
Höfundur er læknir
og býr á Seltjarnarnesi.
Sturla Kristjánsson: Bráðger
börn í búrum eða á afgirtu
svæði munu naumast sýna getu
sína í verki; þeim er það fyr-
irmunað og þau munu trúlega
aldrei ná þeim greindarþroska
sem líffræðileg hönnun þeirra
gaf fyrirheit um.
Kristján Guðmundsson: Því
miður eru umræddar reglur nr.
122/2004 sundurtættar af
óskýru orðalagi og í sumum til-
vikum óskiljanlegar.
Sigurjón Bjarnason gerir
grein fyrir og metur stöðu og
áhrif þeirra opinberu stofnana,
sem heyra undir samkeppn-
islög, hvern vanda þær eiga við
að glíma og leitar lausna á hon-
um.
Þorsteinn H. Gunnarsson:
Nauðsynlegt er að ræða þessi
mál með heildaryfirsýn og
dýpka umræðuna og ná um
þessi málefni sátt og með hags-
muni allra að leiðarljósi, bæði
núverandi bænda og fyrrver-
andi.
Dr. Sigríður Halldórsdóttir:
Skerum upp herör gegn heim-
ilisofbeldi og kortleggjum
þennan falda glæp og ræðum
vandamálið í hel.
Svava Björnsdóttir: Til þess
að minnka kynferðisofbeldi
þurfa landsmenn að fyrir-
byggja að það gerist. Forvarnir
gerast með fræðslu almenn-
ings.
Jóhann J. Ólafsson: „Lýðræð-
isþróun á Íslandi hefur, þrátt
fyrir allt, verið til fyrirmyndar
og á að vera það áfram.“
Pétur Steinn Guðmundsson:
„Þær hömlur sem settar eru á
bílaleigur eru ekki í neinu sam-
ræmi við áður gefnar yfirlýs-
ingar framkvæmdavaldsins,
um að skapa betra umhverfi
fyrir bílaleigurnar.“
Aðsendar greinar á mbl.is
www.mbl.is/greinar