Morgunblaðið - 25.06.2005, Blaðsíða 39

MORGUNBLAÐIÐ LAUGARDAGUR 25. JÚNÍ 2005 39
MINNINGAR
Ragnar Heiðar
Bergsson, Háaleitis-
braut 50, Reykjavík, er
sjötugur í dag. Hann er
sonur hjónanna sr.
Bergs Björnssonar
prófasts og Guðbjarg-
ar Pálsdóttur frá Staf-
holti.
Hann hefur löngum
dvalist á heimili for-
eldra sinna og reynst
þeim hin styrkasta stoð
RAGNAR
BERGSSON
í sjúkdómsstríði þeirra.
Á þessum merku
tímamótum á æviför
okkar kæra frænda og
vinar þökkum við hon-
um hugljúf kynni,
drengskap og hlýju í
okkar garð, árnum
honum heilla og giftu
og biðjum honum Guðs
blessunar í bráð og
lengd.
Sjöfn og Björn.
AFMÆLI
ALLT frá því að skákforrit komu
fyrst til sögunnar spáðu menn því að
þau myndu verða betri en bestu
skákmenn heims. Mikhail Botvinnik,
sem var heimsmeistari í skák í 13 ár
á tímabilinu 1948-1963, hætti tafl-
mennsku árið 1970 til þess að hanna
skákforrit sem gæti teflt eins og
maður. Það verkefni meistarans
lukkaðist aldrei en hinsvegar virðist
sem hönnuðir skákforrita nútímans
beiti samskonar hugmyndum til að
gera forritin öflugri. Þannig er
frægt að Dimmblá tölva IBM hafði
verið mötuð af sterkum stórmeist-
ara til að auðvelda henni að taka
stöðulegar ákvarðanir þegar hún
lagði Garry Kasparov að velli í 6
skáka einvígi árið 1997. Síðar tefldi
Garry tvö einvígi við sterk forrit og
hélt jöfnu, 3-3.
Um þessar mundir fer fram 6
skáka einvígi milli eins sterkasta
skákmanns heims, Michael Adams
(2.741), og tölvunnar Hydra. Að mati
samtaka skákforrita er Hydra öfl-
ugasta skáktölva heims. Örgjörvi
tölvunnar jafnast á við 200 venjuleg-
ar heimilistölvur en svo virðist sem
hún samanstandi af 64 tölvum sem
tengjast í einni heild. Hönnun skák-
forrits tölvunnar hefur tekið nokkur
ár og kostað milljónir dollara. Sér-
fræðingar í smíði tölva og hugbún-
aðargerð hafa komið að gerð vélar-
innar ásamt því að þýski stór-
meistarinn Christopher Lutz (.2614)
hefur aðstoðað við að bæta skákfor-
ritið. PAL Group sem hefur aðsetur
í Abu Dhabi í Sameinuðu arabísku
furstadæmunum fjármagnar verk-
efnið og er móðurtölvan hýst þar á
rammgerðum stað. Á síðasta ári
vann forritið stórmeistarann Evg-
eny Vladimirov (2.623) með 3½ vinn-
ingi gegn ½ í einvígi. Síðan þá hefur
það verið bætt með ýmsu móti og
fullyrða aðstandendur tölvuskrímsl-
isins að það hafi aldrei tapað fyrir
manneskju í skák. Einnig er athygl-
isvert að þeir fullyrða að tölvan hafi í
minninu bara fyrstu tíu leikina í
hverri byrjun og að upp frá því tefli
hún sjálf. Í einvíginu gegn Adams
undirbýr Lutz hana fyrir hverja
skák.
Í fyrstu skákinni gegn Adams
hafði tölvan hvítt og eftir 23. leik
hennar kom upp eftirfarandi staða:
Adams tefldi rússneska vörn og
þegar hér var komið við sögu var
staða hans orðin eilítið þröng. Næsti
leikur gerir að verkum að staðan
kemst á vonarvöl. 23. – Hc7?
Bent hefur verið á að 23. – cxd4
hafi veitt svörtum færi á að halda
taflinu gangandi þó að hvítur standi
betur eftir 24. Dxc8 Dxc8 25. Bxc8
Hxc8 26. Bf4 eða 26. Rd3.
24. Bxf5! Bxe5 25. dxe5 Hxf5 26.
Dxe4
Hvítur er nú peði yfir og hefur öfl-
ugan frelsingja sem gerði út um
skákina.
26. – Bg6 27. Hb6! Hf8 28. De3
Hcf7 29. Hd6 Da5 30. e6 He7 31.
Ba3 Hfe8 32. Bxc5 Dxa2 33. Hd2
og svartur gafst upp.
Í annarri skákinni lokaðist taflið
og þó að tölvan ynni skiptamun gat
hún ekki fært sér það í nyt svo að
keppendur skildu jafnir. Tölvan af-
greiddi Adams snyrtilega í þriðju
skákinni.
Hvítt: Hydra
Svart: Michael Adams (2.741)
1. e4 e5 2. Rf3 Rc6 3. Bb5 a6 4.
Ba4 Rf6 5. 0-0 Be7 6. He1 b5 7. Bb3
d6 8. c3 0-0 9. d4 Bg4 10. d5 Ra5 11.
Bc2 c6 12. h3 Bc8
Sjaldgæfur leikmáti sem hefur í
för með sér að svartur leikur sömu
mönnunum oft og mörgum sinnum í
byrjuninni.
13. dxc6 Dc7 14. Rbd2 Dxc6 15.
Rf1 Be6
Svartur virðist hafa komið ár sinni
vel fyrir borð en tölvan finnur leið til
að angra hann.
16. Rg5! Bd8 17. Re3 Bd7
Svartur tekur þann kostinn að
víkja mönnunum sínum til baka og
boðar það sjaldan gott.
18. a4! h6 19. Rf3 Hc8 20. axb5
axb5 21. Rh4 Rc4 22. Rxc4 bxc4 23.
Ba4 Dc7 24. Bxd7 Dxd7 25. Rf5 d5
26. Ha6! Db7 27. Hd6 Be7
Svo virðist sem svartur hafi ekki
gert mörg mistök í þessari skák en
þrátt fyrir það þvingar hvítur hann
til uppgjafar í næsta leik.
28. Bxh6! og svartur gafst upp.
Uppgjöfin virðist vera snemma á
ferðinni en við nánari skoðun er svo
ekki. 28. – gxh6 væri svarað með 29.
Df3! og eftir 29. – Re8 30. Hxh6 Bg5
31. Dg3 væri fátt til varnar hjá
svörtum. 28. – Bxd6 yrði svarað með
29. Bxg7 og hvíta sóknin er óstöðv-
andi þar eð eftir 29. – Db3 kæmi 30.
Df3! og svartur yrði snarlega mát ef
hann léki 29. – Be7 30. Bxf6 Bxf6 31.
Dg4+ Kh7 32. He3. Einvíginu lýkur
mánudaginn 27. júní og geta áhuga-
samir fylgst með því á heimasíðu
þess, http://www.hydrachess.com.
Hannes fyrir ofan miðju á EM
Gengi íslensku keppendanna í
Evrópukeppni einstaklinga hefur
ekki verið eins og best hefði verið á
kosið í síðustu umferðum. Hannes
Hlífar (2.567) gerði jafntefli með
hvítu gegn Alexander Beljavsky
(2.630) í fjórðu umferð en tapaði
slysalega gegn rússneska stórmeist-
aranum Sergei Rublevsky (2.645) í
þeirri fimmtu. Hannes hafði hvítt í
skákinni og fékk ívið betra tafl eftir
byrjunina. Hann kaus að sækja
strax að andstæðingnum en það
veitti honum færi á gagnsókn. Með
snjallri skiptamunsfórn náði Rúss-
inn frumkvæðinu og hefði Hannes
getað náð jafntefli með nákvæmri
vörn. Honum voru hinsvegar mis-
lagðar hendur og rússneski björninn
fór með sigur á hólmi. Í sjöttu um-
ferð gerði Hannes jafntefli með
svörtu gegn króatíska alþjóðlega
meistaranum Ante Birkic (2.477) og
hefur hann því 3½ vinning af sex
mögulegum og er í 50.–100 sæti en
alls eru 229 keppendur á mótinu.
Stefán Kristjánsson hefur unnið tvo
stigalága Svía á mótinu en tapað fyr-
ir fjórum stórmeisturum. Bragi Þor-
finnsson byrjaði vel á mótinu en tap-
aði svo tveimur skákum í röð gegn
sterkum stórmeisturum. Hann hef-
ur svo gert tvö jafntefli gegn stiga-
lægri andstæðingum og hefur því
tvo vinninga eins og Stefán. Efstur á
mótinu er svissneski stórmeistarinn
Vadim Milov (2653) með 5½ vinning
en þrír stórmeistarar koma næstir
með 5 vinninga. Vefsíðan www.skak-
.is færir lesendum sínum upplýsing-
ar um mótið en heimasíða þess er
http://www.eurochamp.pl/.
Lenka hefur lokið
keppni á EM kvenna
Lenka Ptácníková (2.277) fékk 5½
vinning af 12 mögulegum á Evrópu-
meistaramóti kvenna sem lauk fyrir
skömmu í Chisinau í Moldavíu. Ár-
angur hennar samsvarar því að hún
hafi teflt undir 2.130 stigum sem
þýðir að gengi hennar var ekki með
besta móti. Hún endaði í 98.–115
sæti en alls voru keppendurnir 164
talsins. Efstar á mótinu urðu Kate-
ryna Lahno (2.467) og Nadezhda
Kosintseva (2.459) með 9 vinninga.
Nánari upplýsingar um keppnina er
að finna á vefsíðunni http://
eiwcc2005.chisinau.md/.
3. mót Eddusyrpunnar fer
fram sunnudaginn 26. júní
Þriðja mótið í bikarsyrpu Eddu
útgáfu og Hellis fer fram á skák-
þjóninum ICC sunnudaginn 26. júní.
Mótið hefst kl. 20.00 og er öllum vel-
komið að taka þátt. Tefldar verða
hraðskákir og hægt er að skrá sig til
leiks rétt áður en keppnin byrjar.
Nánari upplýsingar um mótið er að
finna á vefsíðunni www.skak.is.
Mun Adams liggja kylliflatur fyrir tölvu?
SKÁK
London, England
EINVÍGI ADAMS OG TÖLVUNNAR HYDRA
21. – 27. júní 2005
Helgi Áss Grétarsson
daggi@internet.is
Eftir þrjár skákir hefur Hydra
tveggja vinninga forskot á Adams.
Lenka Ptácníková.
Félag eldri borgara,
Gjábakka
Það var spilað á 8 borðum 10.
júní og í N/S riðli urðu Rafn Krist-
jánsson og Oliver Kristófersson
efstir með 201 og Auðunn Guð-
mundsson og Bragi Björnsson í
öðru sæti með 187.
Í A/V urðu Guðjón Kristjánsson
og Magnús Oddsson efstir með
224 og Einar Einarsson og Guð-
mundur Magnússon í öðru sæti
með 182.
Bridsdeild FEB í Reykjavík
Tvímenningskeppni var spiluð í
Ásgarði í Glæsibæ mánudaginn
20. júní sl. Spilað var á 8 borðum.
Meðalskor var 168 stig.
Árangur N/S
Alfreð Kristjánsson – Sigrún Pétursd.182
Sæmundur Björnss.– Oliver Kristóferss.
175
Þorsteinn Sveinss. – Gunnar Andréss.174
Árangur A/V
Alda Hansen – Jón Lárusson 195
Björn Pétursson – Oddur Halldórsson
194
Magnús Oddsson – Magnús Halldórsson
171
Tvímenningskeppni var spiluð í
Ásgarði Glæsibæ 13. júní og var
spilað á 7 borðum. Meðalskor 168
stig.
N-S
Alda Hansen – Jón Lárusson 193
Örn Sigfússon – Jón Hallgrímss. 192
Júlíus Guðmundss. – Rafn Kristjánss.186
Árangur A-V
Björn Pétursson – Ragnar Björnsson 204
Eysteinn Einarsson – Kári Sigurjónss.
183
Elín Jónsdóttir – Soffía Theodórsd. 182
BRIDS
Umsjón Arnór G.
Ragnarsson
Nokkru síðar tók Magga sig til og
lærði fótaaðgerðafræði á snyrtistof-
unni Hilmu og Heilbrigðisskólanum
við Ármúla. Hún stofnaði síðan
heima í bílskúrnum í Höfðabrekk-
unni Fótaaðgerðastofuna Tána. Við-
skiptavinunum fjölgaði og bjartsýni
ríkti. Hún ákvað að auka við starf-
semina og setti á stofn verslunina
Tamara. Þar rak hún blómabúð auk
snyrtivöruverslunar og fótaaðgerða-
stofu. Aftur er ég komin að blóm-
unum hennar systur minnar. Oft
þegar ég heyrði í henni var hún að
gera skreytingar eða kransa þennan
klukkutímann og svo átti einhver
pantaðan tíma í fótaaðgerð þann
næsta. Já, þarna held ég að hún hafi
verið á tindinum blessunin,vildi öll-
um vel og fór vel með flesta nema
sjálfa sig. Af og til í lífinu höfðu
óveðursský gert vart við sig. Og það
seig á ógæfuhliðina dálítið ört. En
alltaf reis prinssessan Margrét Ei-
ríksdóttir upp.
Hafliði og Magga slitu samvistir
árið 1996. Hún seldi verslunina
Tamara og helt ótrauð áfram með
Tána fótaaðgerðastofu. Og systir
mín átti tryggan hóp viðskiptavina
sem aldrei sneru við henni baki þó
veikindi gerðu starf hennar svolítið
slitrótt um tíma. Hún hélt áfram
starfi sínu. Vann við fætur eldri sem
yngri. Fólk sagði að hún hefði engla-
hendur. Sannarlega tek ég persónu-
lega undir það. Hún fluttist um tíma
á höfuðborgarsvæðið. En hún fór
margar ferðirnar norður til Húsa-
víkur og nágrannabyggðanna og
sinnti sínu fólki.
Hún giftist Agli H. Egilssyni veit-
ingamanni 18. október 2001. Þau
börðust bæði við þennan vágest sem
engu eirir. Reyndu hvað þau gátu að
forðast hann en hann krafsaði, eyði-
lagði og truflaði allt í kring um sig.
Þau fluttu til Húsavíkur og Egill
vann mikið í Hótel Reykholti, bæði
sem næturvörður og matreiðslumað-
ur. Magga fór um landið með tækin
sín til vina og vandamanna. Alls
staðar var henni tekið fagnandi. Það
var beðið eftir henni.
En í nóvember sl. fyrir nákvæm-
lega sjö mánuðum kom í ljós að
lungnakrabbi hafði heltekið hana. Í
hönd fóru alls konar rannsóknir og
meðferðir en allt kom fyrir ekki. Við
hjónin heimsóttum Möggu og Egil
um páskana. Þá sáum við það sem
við vissum fyrir að hann bar hana á
höndum sér í eiginlegri og óeigin-
legri merkingu. Hún var svo heppin
að hafa dæturnar líka í kring um sig
þessa síðustu mánuði. Þær viku
varla frá henni síðustu vikurnar. En
ég verð að segja hafi Egill þökk fyr-
ir sinn þátt þessa síðustu mánuði í
lífi systur minnar sem aðeins 56 ára
er fyrst bekkjarsystkina sinna hér í
Sandgerði til að yfirgefa þetta líf. Og
nú er komið að kveðjustund.
Lífið er ferðalag. Himinninn er
áfangastaður. Hafðu þökk fyrir allt
það góða sem þú gafst af þér. Guð
blessi og styrki yndislegar, vel
menntaðar dætur þínar og fjölskyld-
ur, móður okkar sem á fáum dögum
hefur misst dóttur og ungan son-
arson, Hafliða, stórfjölskylduna og
síðast en ekki síst Egil sem hefur
misst svo mikið.
Hvíl í friði, elsku Magga mín.
Þín systir,
Sigurbjörg (Silla).
Magga mín, mikið sakna ég þín.
Við vorum báðar fæddar heima á
Stafnesi, bræðradætur og nöfnur.
Pabbi þinn og mamma bjuggu hjá
foreldrum mínum meðan þau
byggðu Nýlendu, þú fædd 3. des. en
ég í mars, en áramótin á milli okkar.
Þér fannst þú vera miklu eldri þegar
þú fórst í skóla ári á undan mér, ég
var ekki alveg sátt, en seinna var ég
miklu yngri. Það streyma fram
minningar frá æskuárunum. Alltaf
var sól og við að skottast um allt,
reka kýrnar og í boltaleikjum á tún-
unum, fjöruferðir í búaleik, fara í
eggjaleit og tína ber, veiða síli og
busla í sjónum.
Þú fórst snemma að heiman, fyrst
á Laugarvatn í gagnfræðaskóla og
eitt sumar varstu kaupakona í
Hreppunum. Svo fórst þú að vinna í
Vouge. Magga, þú varst alltaf frekar
róleg, hlý og góð, þú varst listræn,
fjölhæf og samviskusöm, og þú fórst
í myndlistarskólann um tíma. Ég
man þegar þú byrjaðir með Gunna
þínum og þú gast hlegið svo mikið
að gríni hans eins og við öll. Þú fórst
svo til Svíþjóðar. Þar var Gunni að
vinna, og svo fæddust stelpurnar
þínar, Anna og Erla. Síðar fórstu til
Húsavíkur. Þar kynntist þú Hafliða
og þú eignaðist Huld. Þar lærðir þú
fótaaðgerðafræði og settir upp stofu
heima, seinna blómabúð. Reglulega
komst þú suður með englahendurn-
ar til taka okkar fætur í gegn. Oft
var hringt og spurt: ,,Er ekki Magga
að koma bráðum í bæinn?“
Síðustu árin hafa verið þér erfið
vegna veikinda þinna, kæra frænka,
og ég veit þú vildir njóta lífsins á
annan hátt. Þakka þér samferðina
og góðu stundirnar og ég bið að
heilsa öllum hinum megin. Huggum
okkur við að nú líður þér betur og
ert laus við erfiðleikana.
Kæra Jóna, Egill, Anna, Erla,
Huld og fjölskyldur. Innilegar sam-
úðarkveðjur. Guð geymi þig, elsku
Magga mín.
Þín frænka
Margrét Guðjónsdóttir.