Morgunblaðið - 25.06.2005, Blaðsíða 47
MORGUNBLAÐIÐ LAUGARDAGUR 25. JÚNÍ 2005 47
DAGBÓK
Félagsstarf
Félagsstarf Gerðubergs | Vegna
sumarleyfa er lokað frá föstudegin-
um 1. júlí, opnað aftur þriðjudaginn 16.
ágúst. Vetrardagskrá hefst 1. sept.
Hraunbær 105 | Miðvikudaginn 6. júlí
verður farið að Skógum, borðuð ís-
lensk kjötsúpa með heimabökuðu
brauði, og kaffi á eftir. Svo verða
söfnin skoðuð. Leiðsögumaður verð-
ur Jón R. Hjálmarsson. Verð 3.800
kr. Brottför kl. 10 frá Hraunbæ 105.
Skráning á skrifstofu eða í síma
587 2888. Greiða verður í ferðina
fyrir 1. júlí.
Hraunsel | Pútt á Vallarvelli kl. 10–
11.30.
Hæðargarður 31 | Félagsstarfið er
öllum opið. Morgunganga Háaleitis-
og Laugardalshverfis árdegis alla
laugardagsmorgna kl. 10. Boðið upp á
teygjuæfingar, vatn og spjall að lok-
inni göngu. Sniglarnir ganga á þriðju-
dögum og fimmtudögum kl. 10. Sum-
arferðir 22. júní, 7. júlí og 18. ágúst.
Kirkjustarf
Aðventkirkjan í Reykjavík | Biblíu-
fræðsla fyrir börn og fullorðna. Sér-
stök unglingadeild. Samkoma hefst á
eftir biblufræðslunni kl. 11.
Aðventkirkjan í Vestmannaeyjum |
Biblíufræðsla fyrir börn og fullorðna
kl. 10–11.
Aðventsöfnuðurinn í Hafnarfirði |
Guðsþjónusta/biblíufræðsla kl. 11.
Sérstakar barnadeildir og unglinga-
deild.
Safnaðarheimili aðventista Keflavík
| Kl. 10.45 Biblíufræðsla fyrir börn og
fullorðna. Guðsþjónusta á eftir biblíu-
fræðslunni.
Safnaðarheimili aðventista Selfossi
| Kl. 10 Biblíufræðsla fyrir börn og
fullorðna. Guðsþjónusta á eftir biblíu-
fræðslunni.
Krossinn | Leiðtogi sígaunahreyfing-
ar í Bandaríkjunum, stórpredikarinn
og forstöðumaðurinn Hamlin Parker,
ásamt Ike Forester frá Bandaríkjun-
um, verða á samkomu í kvöld kl.
20:30. Mikil tónlist. Allir velkomnir.
Staðurogstund
http://www.mbl.is/sos
DRENGJAKÓR frá Fredericia í
Danmörku er staddur á Íslandi og
verður hér til 30. júní.
Kórinn syngur í Hallgrímskirkju í
fyrramálið kl. 11. Eftir guðsþjón-
ustuna heldur kórinn stutta tón-
leika í kirkjunni. Seinna um daginn
gefst tækifæri til að hlýða á kórinn í
Langholtskirkju og hefst dagskráin
kl. 17:00. Þeir verða í Skálholti á
Drengjakór frá Danmörku í heimsókn
mánudaginn. Áhersla er lögð á
klassíska tónlist hjá kórnum en góð-
ur félagsskapur er, að þeirra sögn,
lykillinn að góðum flutningi. Stjórn-
andi kórsins er Hans Chr. Magaard.
Skógarhlíð 18 • sími 595 1000 www.heimsferdir.is
Ævintýri í Toscana
Munið Mastercard
ferðaávísunina
Einstakar sérferðir
Allra síðustu sætin
í sérferðir sumarsins
21. - 28. júli - 6 sæti laus
Rómantík, heilsulindir, smábæir, matur
og menning. Toscana svíkur engan.
Perlur Ítalíu
28. júli - 11. ágúst - 5 sæti laus
Listir og menning á fegurstu stöðum
Ítalíu í fylgd Ólafs Gíslasonar listfræðings.
Fegurstu staðir Þýskalands
12. - 25. ágúst - 6 sæti laus
Rín, Mósel og Bodensee, sigling og sæla í
draumaveröld.
Perlur Króatíu
8. - 22. sept. - 8 sæti laus
Einstök ferð um fegurstu slóðir Mið- og
Suður-Króatíu.
Gönguferð í Cinque Terre
1. - 8. sept. - 3 sæti laus
Vinsælasta gönguferðin í ár, síðustu sætin.
Króatía - Slóvenía -
Ítalía-Austurríki
25. ágúst - 8. sept. - 6 sæti laus
Fjögurra landa sýn, ferðin sem sló svo
rækilega í gegn í fyrra .
Korsíka og ítalska rivíeran
1. - 15. sept. - 7 sæti laus
Ein mest spennandi nýjungin í ár.
Opna myndlistarsýningu
í Halldórskaffi Vík laugardaginn 25. júní.
Sýningin er opin til 5. júlí og er sölusýning.
Erla Magna Alexandersdóttir.
NESHAGI útgáfa
hefur sent frá sér
bókina Dauða-
djassinn eftir
Arne Dahl í þýð-
ingu Kristjáns
Kristjánssonar.
Í kynningu um
bókina segir:
„Dauðadjassinn
er mögnuð spennusaga þar sem
sögusviðið er viðskiptaheimurinn í
Svíþjóð. Valdamiklir og áberandi
menn í sænsku viðskiptalífi eru
myrtir á óhugnanlegan hátt hver af
öðrum. Stofnaður er sérstakur úr-
valshópur innan ríkislögreglunnar til
að fást við málið. Við upphaf rann-
sóknarinnar koma brestir í fagurt
yfirborð kaupsýslumannanna.
Óvenjulegt líferni, syndir og spilling í
þerra röðum koma í ljós. Þegar
tengsl kaupsýslumannanna við rúss-
nesku mafíuna koma í ljós fer ógn-
vænleg og æsispennandi atburða-
rás af stað.“
Dauðadjassinn er fyrsta bókin um
rannsóknarhóp innan sænsku ríkis-
lögreglunnar. Í kynningunni segir um
höfundinn: „Arne Dahl er einn vin-
sælasti spennusagnahöfundur
Norðurlanda. Bækur hans hafa verið
þýddar á fjölda tungumála og setið á
metsölulistum víða um Evrópu.
Gagnrýnendur hefja Arne Dahl til
skýjanna og margir lýsa honum sem
besta spennusagnahöfundi Svía í
dag. Þykja bækur hans um margt
minna á hinar frábæru spennusögur
eftir Sjöwall og Wahlöö.“
Spenna
Sumarslemma.
Norður
♠10873
♥ÁK10954 N/NS
♦--
♣G96
Suður
♠--
♥72
♦ÁK953
♣ÁKD1054
Suður spilar sjö lauf eftir þessar
sagnir:
Vestur Norður Austur Suður
-- Pass Pass 1 lauf
1 spaði 2 hjörtu 4 spaðar 6 lauf
Pass 7 lauf Allir pass
Hver er áætlunin eftir spaðaásinn
út?
Tvennt kemur til greina: (1) Fría
hjartalitinn og nota laufgosann sem
innkomu. (2) Trompa tvo til þrjá tígla í
borði eftir þörfum. Skoðum báða
möguleika.
(1) Í grunninn byggist þessi leið á
því að hjartað liggi 3-2 og trompið ekki
verr en 3-1. Fyrirframlíkur á slíkri
legu eru rúmlega 60%. (Sá aukamögu-
leiki er fyrir hendi að vestur sé með
stakt mannspil í hjarta og 1-2 tromp,
en líkur á því eru hverfandi.)
(2) Ef tígullinn er 4-4 er nóg að
stinga tvo tígla í borði. Sé sú leið valin
er best að taka fyrst ÁK, stinga tígul
smátt. Fara næst heim með spaða-
stungu og trompa tígul. Ef báðir fylgja
eru trompin tekin og þá mega þau
liggja 4-0.
En ef tígullinn reynist vera 5-3,
verður að trompa spaða heim til að
stinga síðasta tígulinn og svo aftur til
að taka trompin. En þá er suður kom-
inn niður á tvö tromp og þarf á 2-2 legu
að halda. (Annar möguleiki er að taka
ÁK í hjarta þegar tígullegan sýnir sig,
svo framarlega sem sá með þrílitinn í
tígli hefur ekki hent hjarta.)
Það er erfitt að meta nákvæmlega
vinningslíkur samkvæmt síðari leið-
inni. Spilið er skothelt ef tígullinn er
4-4 og ætti að vinnast í 5-3 legunni í um
það bil helmingi tilfella. Og það skilar
tæplega 60% heildarlíkum.
Spilið kom upp í sumarspilamennsku
BSÍ á mánudaginn og leit þannig út í
heild sinni:
Norður
♠10873
♥ÁK10954
♦--
♣G96
Vestur Austur
♠ÁK964 ♠DG52
♥DG3 ♥86
♦107 ♦DG8642
♣872 ♣3
Suður
♠--
♥72
♦ÁK953
♣ÁKD1054
Slemman rúllar heim eftir báðum
leiðum (ef sagnhafi tekur ÁK í hjarta
þegar hann sér tígulleguna, eða djúp-
svínar fyrir DGx).
BRIDS
Guðmundur Páll Arnarson | dagbok@mbl.is
Á FJÓRÐU tónleikum sumartón-
leikaraðar veitingahússins Jómfrúr-
innar við Lækjargötu kemur fram
Brasilíu-kvartett saxófónleikarans
Óskars Guðjónssonar. Aðrir með-
limir kvartettsins eru gítarleikarinn
Ómar Guðjónsson og
slagverksleikararnir Matthías Hem-
stock og Þorvaldur Þór Þorvaldsson.
Sérstakur gestur kvartettsins í
hluta efnisskrárinnar verður brasil-
íski söngvarinn og gítarleikarinn Ife
Tolentino. Tónleikarnir hefjast kl. 16
í dag og standa til kl. 18. Leikið verð-
ur utandyra á Jómfrúrtorginu ef
veður leyfir, en annars inni á Jóm-
frúnni. Aðgangur er ókeypis.
Djass á
Jómfrúnni
SUNNUDAGINN 26. júní lýk-
ur sýningunni „Skipholt“ eftir
John Bock. Á sýningunni eru
verk er tengjast myndinni
Skipholt sem John Bock kvik-
myndaði á Íslandi fyrr á árinu.
Kvikmyndin, sem er sýnd í
kjallararými Kling & Bang, er
klukkustundarlöng og er sýnd
á heila tímanum.
Sýningin í Kling & Bang
gallerí er hluti af Listahátíð
Reykjavíkur.
Kling & Bang gallerí er opið
fimmtudaga til sunnudaga frá
klukkan 14–18.
Sýningu lýkur
LISTAKONAN Erla Magna Alexanders-
dóttir opnar myndlistarsýningu í Hall-
dórskaffi í Vík í Mýrdal í dag.
Þetta er sölusýning og verður hún opin í
tvær vikur. Erla hefur verið nemandi í
Myndlistarskóla Reykjavíkur og í einka-
tímum hjá Roberto Cuabany og í sumar-
akademíu í Salzburg Fortress hjá Prof.
Irenu og fleiri þekktum listamönnum þar.
Erla Magna með sýningu
í Vík í Mýrdal