Morgunblaðið - 26.06.2005, Page 20

20 SUNNUDAGUR 26. JÚNÍ 2005 MORGUNBLAÐIÐ
heildsölu hér á landi. Þegar gengi
dollarsins lækkaði bjargaði það út-
flutningi lambakjötsins að nýjar
geymsluaðferðir gerðu okkur kleift
að flytja það með skipum í stað flug-
véla. Það væri skemmtilegra að flytja
landbúnaðarvörur til Bandaríkjanna
og fá yfir 100 krónur fyrir dollarann,
í stað þess að fá 65 krónur. Verði
gengisbreyting þannig að dollar
hækki í verði vonum við að sá ávinn-
ingur skili sér til afurðastöðva og
framleiðenda. Við sjáum þennan út-
flutning sem vænlegan kost, því það
er hægt að auka framleiðslu bæði í
sauðfjárrækt og mjókurframleiðslu.“
Eftirlitskerfin markaðstæki
Baldvin segir að ekki megi líta á
eftirlitskerfi í sjávarútvegi og land-
búnaði sem hvimleiðar hindranir,
heldur megi nota þau til hagsbóta í
útflutningi. „Að mati allra þeirra sem
ég hef fengið hingað og hafa kynnst
fiskveiðistjórnunarkerfinu þá er það
talið eitt allra fullkomnasta eftirlits-
kerfi með auðlindanýtingu sem um
getur. Sama gildir um nýja gæða-
stýringu í landbúnaði. Ávinningur
kerfanna á að skila sér í hærra verði
til þeirra sem bera mesta ábyrgð á
auðlindunum, sjómanna og bænda.
Ég sé eftirlitskerfin sem markaðs-
tækifæri.
Nú skrá sjómenn hvað þeir veiða
og hvar. Það er hægt að nýta þannig
að þegar viðskiptavinir standa við
búðarborðið í erlendri matvöru-
verslun geti þeir fengið upplýsingar
um hvar og hvenær tiltekinn fiskur
var veiddur við Ísland, hver veiddi
hann, hvenær honum var landað,
hvar hann var unninn og hvenær
hann fór með flugi úr landi. Hvenær
hann lenti og kom í verslunina. Einn-
ig upplýsingar um bátana og jafnvel
skipstjórana sem taka þátt í þessu.
Gæðastýring í landbúnaði gerir kleift
að rekja uppruna hvers lambs, frá
hvaða bæ og bónda það kemur. Það
er til fólk sem borgar meira fyrir
svona afurðir.
Öll markaðsfræði gengur út á að
segja sögur, sögur sem eru sannar.
Forsenda og saga byggðar í landinu
byggist á bóndanum og sjómann-
inum. Við skulum ekki gleyma því í
kapphlaupinu um veraldlegu gæðin.“
gudni@mbl.is
Íslenskir kjötiðnaðarmeistararfengu nýlega tækifæri til vera„innanbúðar“ hjá Whole Foods Market-verslun (WFM) í
Washington, DC, í Bandaríkjunum í
nokkra daga, auk þess að heim-
sækja fleiri verslanir í þremur
fylkjum. Þessar verslanir hafa ver-
ið í fararbroddi í sölu á íslensku
lambakjöti í Bandaríkjunum.
Kjötiðnaðarmeistararnir eru þeir
Ólafur Júlíusson, sölustjóri hjá
Ferskum kjötvörum hf., og Óli Þór
Hilmarsson, starfsmaður MATRA –
matvælarannsókna á Keldnaholti
(samstarfsverkefni Iðntæknistofn-
unar og Landbúnaðarháskóla Ís-
lands).
Um þessar mundir eru starfs-
menn MATRA að leggja lokahönd á
nýtt námsefni fyrir Samtök versl-
unar og þjónustu. Námsefnið er
ætlað ófaglærðu starfsfólki kjöt-
deilda og kjötborða í verslunum.
Þetta er í fyrsta sinn sem sérhæft
námsefni á þessu sviði hefur verið
útbúið fyrir aðra en kjötiðn-
aðarmenn.
Sem sölustjóri Ferskra kjötvara
fæst Ólafur Júlíusson einnig við
leiðbeiningar og ráðgjöf til starfs-
fólks í kjötborðum verslana. Þeir
sögðu Morgunblaðinu frá því sem
þeir urðu fróðari um í kynnisferð
sinni bakvið kjötborðin í Ameríku.
Eftirtektarverð tækni
Ólafur segir að það hafi verið ný
reynsla fyrir sig að fá að kynnast
rekstri þessara verslana svo náið.
Til þessa hafi menn ekki einu sinni
fengið að taka ljósmyndir í svona
verslunum vestanhafs. Óli Þór seg-
ir að sér hafi þótt eftirtektarverð-
ust tæknin sem notuð var í kjöt-
borðunum. „Þeir eru með lokuð
kjötborð, meðan við erum með opin
kjötborð. Rýrnunin hjá þeim er
mun minni en þekkist hjá okkur. Þá
er miklu minni meðhöndlun á kjöt-
inu. Eftir að kjötið er komið í borð-
ið fer það yfirleitt ekki þaðan, nema
til viðskiptavina.“
Ólafur tók eftir því að viðskipta-
vinirnir völdu sér ekki bita úr borð-
inu, heldur fengu þá kjötsneið sem
var næst í röðinni. Óli Þór segir að
skýringin á þessu sé sú að kjöt-
borðið hafi verið svokallað
skammtaborð. Allir skammtar í
hverri tegund hafi verið jafnstórir.
Hann nefnir til samanburðar ís-
lensku lærissneiðarnar sem séu til í
öllum stærðum. Íslendingar séu
ekki farnir að hugsa í skömmtum.
Hér sé kjöthakk afgreitt úr stórum
bakka, en þarna hafi verið búið að
deila hakkinu í punds þunga
skammta, sem samt voru ópakkaðir
og hægt að fá hluta úr skammti.
„Þeir passa líka að skilja á milli
allra kjötsneiða og bita með eins
konar húðuðum smjörpappír sem
leysist ekki upp. Þetta hef ég
hvergi séð gert annars staðar.
Þetta eykur geymsluþol kjötsins
mikið ásamt stöðugri kælingu í
kjötborðinu.“
Ólafur sagði að verðlagið, eink-
um á nautakjötinu, hafi komið sér á
óvart. „Við höfum verið annálaðir
fyrir að vera með dýrt kjöt, ekki
síst nautakjöt. Svo kemur maður í
þessa hágæðaverslun, sem tilheyrir
einni af vinsælustu verslanakeðj-
unum í Bandaríkjunum, og sér að
nautakjötið hjá þeim er í sumum til-
vikum dýrara en hjá okkur. Þeir
segja að nautið sem þeir selji sé „líf-
rænt ræktað“, alið á grasi sem er
mjög sambærilegt við okkar kjöt.“
Óli Þór segir að algengt verð á
nautasteikum hafi verið 50 – 60 dal-
ir á kíló (3.200 – 3.800 kr.) og jafn-
vel tvöfalt hærra fyrir dýrustu bit-
ana.
Ísland hátt skrifað
„Íslenska lambakjötið smell-
passar inn í þessar verslanir,“ segir
Óli Þór. „Það passar alveg inn í
hugmyndafræðina og þessar versl-
anir eru besta umgjörð um sölu á ís-
lensku lambakjöti sem hægt er að
hugsa sér.“
„Já, og viðskiptavinirnir eru
farnir að bíða eftir lambakjötinu,“
segir Ólafur. „Þegar við sögðum að
við værum frá Íslandi lyftist á þeim
brúnin og þeir spurðu hvenær ís-
lenska lambakjötið kæmi! Mér þótti
gaman að heyra nánast hvern ein-
asta viðskiptavin spyrja að þessu.
Það var greinilegt að Ísland er
mjög hátt skrifað og það aðallega
út af lambakjötinu. Allir sem versla
í þessum búðum tengja Ísland við
lambakjöt og hreinleika.“
Ólafur segir að lambakjöt í þess-
um verslunum sé skorið svipað og
við þekkjum. Kótilettur, úrbeinuð
og heil læri, hryggir skornir í kór-
ónur þannig að skorið er frá rifja-
beinunum. Þessa hugmynd hefðu
þeir fengið frá Íslandi. Ólafur segir
að Íslendingar, ekki síst kjötiðn-
aðarmenn, hafi lengi heyrt talað
um útflutning á íslensku lambakjöti
og hvað hann sé mikilvægur. „Þeg-
ar maður sér þann árangur sem
hefur náðst þarna úti og fær hann
Íslenska lambið
selur landið
Belgískar vöf
Nýlega bættist við enn einn ljúffengur réttur í kaffiteríu Perlunnar.
Bragðið á gómsætum nýbökuðum belgískum vöff lum í kaffiteríunni
á 4. hæð. Næg ókeypis bílastæði!
BELGÍSKAR VÖFFLUR
Veitingahúsið Perlan - S: 562 0200 - perlan@perlan.is - www.perlan.is
Hr
in
gb
ro
t
Íþróttir á morgun
Helgin
öll…