Morgunblaðið - 07.10.2005, Síða 6

BERGUR Ágústsson, bæjarstjóri í Vest-
mannaeyjum, sendi Morgunblaðinu eftirfar-
andi fréttatilkynningu í gær:
„Vegna upplýsinga sem fram hafa komið í
fjölmiðlum um að Vestmannaeyjabær sé
hluthafi í Skúlason ehf. vill Vestmanna-
eyjabær taka fram að Vestmannaeyjabær er
ekki og hefur aldrei verið hluthafi í Skúlason
ehf. Bæjaryfirvöld harma að nafn bæjarins
hafi dregist inn í umræðu fjölmiðla um rann-
sókn ríkislögreglustjóra á félaginu.
Til frekari skýringa vill Vestmanna-
eyjabær koma eftirfarandi upplýsingum á
framfæri.
Þróunarfélag Vestmannaeyja (ÞV) var
stofnað 1. sept. 1996 og var slitið 12. des.
2003. ÞV sem var sameignarfélag, m.a. í eigu
Vestmannaeyjabæjar, gerði munnlegt sam-
komulag við Skúlason ehf. um kaup á hlutafé
í Skúlason ehf. á árinu 2001. Vegna kaup-
anna voru greiddar 6 milljónir króna í júní-
og júlímánuði árið 2001. Eftir að ÞV var lagt
niður árið 2003 voru réttindi og skyldur þess
yfirteknar af Vestmannaeyjabæ. Við ítarlega
skoðun sem fór fram áður en ÞV var lagt nið-
ur kom í ljós að Skúlason ehf. hafði aldrei
uppfyllt kröfur laga um hlutafélög, ársreikn-
inga o.fl. vegna kaupanna, sem gerði það að
verkum að Vestmannaeyjabær taldi sig ekki
bundinn af áðurnefndum samningi ÞV. Gerði
Vestmannaeyjabær kröfu um að kaupin
gengju til baka og að Skúlason ehf. endur-
greiddi það fé sem greitt hafði verið félag-
inu. Enn fremur var ríkislögreglustjóra send
kæra vegna meintra brota forsvarsmanna
Skúlason ehf. á almennum hegningarlögum,
lögum um einkahlutafélög, lögum um bók-
hald og ársreikninga og meðferð almanna-
fjár.
Skúlason ehf. hafnaði kröfu bæjarins um
endurgreiðslur. Þá þegar hófst Vest-
mannaeyjabær handa við að fá kaupunum
rift eða láta þau ganga til baka. Stefndi Vest-
mannaeyjabær Skúlason ehf. fyrir héraðs-
dómi Reykjavíkur vegna þessa. Héraðs-
dómur féllst á kröfur bæjarins þess efnis að
kaupin gengju til baka og var félaginu í dómi
héraðsdóms gert skylt að endurgreiða Vest-
mannaeyjabæ 6 milljónir króna ásamt drátt-
arvöxtum. Vestmannaeyjabær hefur því
aldrei verið hluthafi í Skúlason ehf. Krafa
Vestmannaeyjabæjar samkvæmt dómnum
hefur ekki fengist greidd. Af þeim sökum
verður fjárnámsbeiðni Vestmannaeyjabæjar
á hendur Skúlason ehf. tekin fyrir hjá sýslu-
manninum í Reykjavík 17. okt. nk.
Í ljósi alls þessa lýsa bæjaryfirvöld í Vest-
mannaeyjum því yfir að þau harma mjög að
nafn bæjarins hafi dregist inn í umræðu um
rannsókn ríkislögreglustjóra á hlutafélaginu
Skúlason ehf. Vestmannaeyjabær hefur aldr-
ei verið þátttakandi í rekstri Skúlason ehf.,
né hluthafi í félaginu, skv. dómi héraðsdóms
Reykjavíkur.“
Vestmanna-
eyjabær
aldrei hluthafi í
Skúlason ehf.
6 FÖSTUDAGUR 7. OKTÓBER 2005 MORGUNBLAÐIÐ
FRÉTTIR
FIMM breskir hluthafar í Skulason UK Ltd.,
sem Morgunblaðið ræddi við í gær, höfðu allir
keypt hlutaféð í gegnum síma, flestir í gegnum
spænskt fyrirtæki. Þegar þeir keyptu hlutaféð
var þeim m.a. sagt að gengið myndi hækka mjög
þegar fyrirtækið yrði skráð á markað í Bret-
landi. Jóhannes B. Skúlason, framkvæmdastjóri
Skúlason ehf., sem er í meirihlutaeigu Skulason
UK, segist enga skýringu hafa á því hvers vegna
spænskt fyrirtæki bauð hlutafé í fyrirtækinu í
gegnum síma. Hann telur hugsanlegt að fyrir-
tæki hans sé fórnarlamb í málinu. „Við erum
fórnarlamb einhvers atburðar sem ég á erfitt
með að átta mig á,“ sagði hann.
Skulason UK Ltd. á 80% í Skúlason ehf., sam-
kvæmt upplýsingum frá Jóhannesi B. Skúlasyni,
framkvæmdastjóra fyrirtækisins. Samkvæmt
upplýsingum frá bresku hlutafélagaskránni voru
á síðasta ári 178 hluthafar í Skulason UK. Jó-
hannes og Ingibjörg Reynisdóttir eiga stærstan
hlut og félagið ASSA, sem á 8% hlut. Að öðru
leyti eru flestir hluthafanna breskir einstaklinga
með tiltölulega lítinn hlut.
Að ósk bresku lögreglunnar gerði ríkislög-
reglustjóri í fyrradag húsleit hjá Skúlason ehf.
og yfirheyrði Jóhannes í tengslum við málið. Yf-
irheyrslur héldu áfram í gærmorgun og kvaðst
Jóhannes vera með réttarstöðu grunaðs manns,
hann væri grunaður um að tengjast málinu ytra.
Hann átti þó von á því að hann yrði hreinsaður af
þeim grun enda hefði hann hvergi komið nálægt
málinu. Flest af því sem borið hefði verið undir
hann um málið hefði hann ekkert kannast við.
Honum skildist þó að málið snerist um rannsókn
á aðilum í Bretlandi og á Spáni sem hefðu selt
hlutafé í gegnum síma en fyrirtæki hans hefði
aldrei tekið þátt í slíkri starfsemi.
Um 25 stöðugildi
Milli 40 og 50 manns vinna hjá Skúlason ehf. í
um 25 stöðugildum, að sögn Jóhannesar. Fyr-
irtækið sér um símsvörun fyrir nokkur íslensk
fyrirtæki og stofnanir auk úthringinga, svokall-
aða beina markaðssókn. Jóhannes sagði í samtali
við Morgunblaðið að undanfarið ár eða svo hefði
hann reynt að ná viðskiptum breskra fyrirtækja
en án árangurs. Viðskiptavinirnir væru því ein-
göngu á Íslandi. Þessu markaðsstarfi hefði hann
sinnt, ásamt öðrum starfsmanni í hlutastarfi. Þá
sagðist Jóhannes frá stofnun fyrirtækisins árið
1999 hafa selt hlutafé til breskra aðila og það
skilað 20–30 milljónum í auknu hlutafé. Aðspurð-
ur sagði hann að salan hefði farið fram með ýms-
um hætti, hann hefði hitt menn á fundum, fengið
ábendingar um hugsanlega fjárfesta og síðan
hefðu þeir sem hann hefði rætt við haft samband
við enn aðra. Spurður hvort salan hefði farið
fram í gegnum síma sagði hann að svo væri ekki,
þó hefði í einhverjum tilfellum verið rætt við
menn í gegnum síma. Einnig hefði salan farið
fram í gegnum „tengslanet“ en hann sagðist ekki
vita nákvæmlega hvernig það hefði farið fram.
Jóhannes tók skýrt fram að fyrirtæki hans hefði
aldrei selt hlutabréf í gegnum síma.
Spurður hvernig stæði á því að hluthafarnir
sem Morgunblaðið ræddi við í gær, og eru á
hlutafélagaskrá í Bretlandi, hefðu keypt í gegn-
um spánskt fyrirtæki, sagðist Jóhannes enga
skýringu kunna á því. Hann hefði ekki gert
samning við önnur fyrirtæki um sölu á hlutafé í
Skulason. Hann sagðist raunar hafa komist að
ýmsu sem hann vissi ekki áður eftir að rannsókn
ríkislögreglustjóra hófst . „Ég held að við séum
fórnarlamb mjög undarlegra aðstæðna sem ég
þarf að kynna mér sjálfur,“ sagði hann. Aðspurð-
ur sagðist hann vita um einn Íslending sem hefði
verið handtekinn í Bretlandi en hann tengdist
ekki fyrirtæki sínu.
Margt sem hann kannast ekki við
Í viðtölum við hluthafana kom fram að þeim
var tjáð að Skulason UK yrði innan tíðar skráð á
hlutabréfamarkað. Aðspurður sagði Jóhannes
að vonir stæðu til að það yrði mögulegt en ekki
væri útlit fyrir að það væri hægt á þessu ári. Að-
spurður sagði hann ekki hægt að segja hvort það
yrði hægt á næsta ári. Hann sagði að mönnum
hefði verið gerð grein fyrir áætlunum félagsins
og að þeir myndu annaðhvort geta ávaxtað sitt fé
með arðgreiðslum eða með því að selja hlutafé.
Hann sagðist ekki kannast við að nýlega hefði
verið hringt í hluthafa og sagt að það yrði skráð
innan tíðar. „Það er rosalega margt í þessu máli
sem ég kannast ekki við. Það er verið að rann-
saka svikamál. Kannski er ég fórnarlamb í svika-
málinu og ég er bara að reyna að komast að því,“
sagði hann.
Maður af íslenskum uppruna handtekinn
Jina Roe, talsmaður rannsóknardeildar fjár-
svika hjá bresku lögreglunni, staðfesti í gær að
einn þeirra sjö einstaklinga, sem voru handtekn-
ir í Bretlandi í tengslum við rannsóknina, hefði
verið af íslenskum uppruna, en sé ekki íslenskur
ríkisborgari lengur. Hún vildi ekki segja til um
hvernig hann er talinn tengjast málinu, né hvort
hann tengist á einhvern hátt Skúlason ehf. eða
Skulason limited.
Roe sagði að rannsóknin beindist að umfangs-
miklum fjársvikum og peningaþvætti, og talið
væri að það næmi um 3 milljónum punda, jafn-
virði 326 milljóna íslenskra króna. Rannsóknar-
deild fjársvika hjá bresku lögreglunni tekur að-
eins að sér stærri mál, og í þessu tilviki segir Roe
að deildin hafi komið að málinu að beiðni al-
mennra lögregluyfirvalda.
Spurð hvort grunur leiki á því að Skulason
limited hafi verið að selja hlutabréf í gegnum
síma sagði Roe: „Málið snýst um fjársvik og
„boiler room“ svik, en ég get ekki farið út í smá-
atriði um hvað þeir eru grunaðir.“
Alls tóku um 140 lögreglumenn þátt í aðgerð-
unum víðsvegar um Bretland í gær, en hér á
landi tóku 15 starfsmenn efnahagsbrotadeildar
Ríkislögreglustjóra þátt í húsleit hjá Skúlason
ehf. og á heimili Jóhannesar B. Skúlasonar,
framkvæmdastjóra félagsins.
Jóhannes B. Skúlason, framkvæmdastjóri Skúlason ehf., segist ekki
tengjast meintum fjársvikum og peningaþvætti í Bretlandi og á Spáni
Telur fyrirtækið fórnar-
lamb undarlegra aðstæðna
Morgunblaðið/Árni Sæberg
Efnahagsbrotadeild ríkislögreglustjóra framkvæmdi húsleit hjá fyrirtækinu Skúlason sl. mið-
vikudag að beiðni breskra lögregluyfirvalda um samstarf og samvinnu vegna rannsóknar í
Bretlandi á skipulögðum fjársvikum og peningaþvætti.
Eftir Rúnar Pálmason og Brján Jónasson
Veit ekki hvers
vegna hluthafar
keyptu í gegnum
spænskt fyrirtæki
ALLS voru 178 hluthafar í Skulason
limited fyrir ári, nær allir breskir
ríkisborgarar. Þeir hluthafar sem
rætt var við í gær höfðu keypt hluti í
von um skjótan gróða þegar félagið
færi á markað, sem ekki hefur orðið
neitt af.
Skulason limited, félag skráð í
Bretlandi á að sögn forsvarsmanna
þess 80% hlut í Skúlason ehf, sem lög-
reglan gerði húsleit hjá í fyrradag.
Skráðir eru 178 hluthafar í Skulason
limited þann 18. nóvember 2004. Þá
hét félagið reyndar V.I.P. Associates
limited, en nafninu var breytt þann
25. apríl sl. samkvæmt upplýsingum
úr bresku hlutafélagaskránni. Jó-
hannes B. Skúlason, framkvæmda-
stjóri Skúlason ehf., segir að Skula-
son limited hafi keypt V.I.P.
Associates limited í lok árs 2003 og þá
hafi átt að breyta nafninu. Hann hafi
þó ekki séð um það persónulega.
Samkvæmt upplýsingum frá
bresku hlutafélagaskránni áttu Jó-
hannes Skúlason og Ingibjörg Reyn-
isdóttir hvort um sig um 35,6% hlut í
félaginu í nóvember á síðasta ári, eða
um 77,12% samanlagt. Samtals voru
gefnir út 47 milljónir hluta í félaginu,
og var bókfært verð hvers hlutar 1
pens, eða 0,01 pund. Samanlagt bók-
fært virði félagsins var því 470.000
pund, eða um 51 milljón króna á gengi
gærdagsins. Það segir þó ekki til um
raunvirði félagsins, sem gæti verið
mun meira ef vel hefur gengið síðan
það var stofnað.
Öllum selt í gegnum síma
Samkvæmt hlutafélagaskrá voru
176 skráðir hluthafar í félaginu í nóv-
ember 2004, fyrir utan Ingibjörgu og
Jóhannes. Hluthafarnir eru, að undan-
skildu félaginu ASSA, sem á 8% hlut,
allt einkaaðilar búsettir í Bretlandi og
eiga mjög lítinn hlut hver. Sá sem á
stærstan hlut á um 1,3%, en aðrir eiga
allt niður í 5.000 hluti, eða 0,01%.
Morgunblaðið hafði samband við
fimm breska hluthafa í Skulason, sem
allir sögðu að sér hefðu verið seld
hlutabréf í Skulason, eða V.I.P. Assoc-
iates limited áður en þau sameinuðust,
í gegnum síma. Flestir sögðu að þeir
hefðu keypt í gegnum hlutabréfasala
sem staðsettur var á Spáni.
Jina Roe, talsmaður rannsókna-
deildar fjársvika hjá bresku lögregl-
unni, sagði að grunur léki á að stunduð
hefðu verið svokölluð „boiler room“
svik, þar sem miklum þrýstingi er beitt
við símasölu, gjarnan við sölu á hluta-
bréfum sem síðan reynast verðlaus.
Átti að hækka um 80%
„Mér var lofað því að hlutabréfin
myndu hækka úr 10 pensum á hlut í 18
pens á hlut þegar fyrirtækið yrði sett á
markað í London,“ sagði einn hluthaf-
inn í samtali við Morgunblaðið. Sumir
hluthafana keyptu tvisvar, fyrst fyrir
um tveimur árum, en svo aftur fyrir
nokkrum mánuðum. Þeir sögðu að í
síðara skiptið hefði verið talað um að
fyrirtækið hefði verið á leið á markað,
og að þeir hefðu haft vonir um tals-
verðan gróða þegar það yrði.
Tveir hluthafanna sögðust hafa
reynt að hringja í Skúlason limited
undanfarið þar sem þeir voru farnir að
undrast hvers vegna ekkert virtist
vera að gerast, en sögðust ekki hafa
náð í neinn forsvarsmanna félagsins.
Einn sagði að hann hefði gert sér
grein fyrir því að fjárfesting sem
þessi væri ekki áhættulaus, en hann
hefði vonast til þess að fá um 20-50%
hagnað af hlutabréfunum á um einu
ári.
Vonast eftir skyndigróða
Eftir Brján Jónasson
brjann@mbl.is