Morgunblaðið - 07.10.2005, Síða 68
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FÖSTUDAGUR 7. OKTÓBER 2005 VERÐ Í LAUSASÖLU 220 KR. MEÐ VSK.
HANNES Smárason, stjórnarfor-
maður FL Group, og Pálmi Haralds-
son, annar aðaleigandi danska lág-
fargjaldaflugfélagsins Sterling, áttu
með sér fund í Kaupmannahöfn í
gærmorgun þar sem umræðuefnið
var hugsanleg kaup FL Group á
Sterling. Þeir Hannes og Pálmi vildu
í samtölum við Morgunblaðið í gær
ekki tjá sig um gang fundarins í gær-
morgun.
„Það eina sem ég get sagt á þessu
stigi, er að við skiptumst á skoðunum
og höfum ákveðið að hittast á nýjan
leik eftir helgi,“ sagði Pálmi Har-
aldsson.
Hannes Smárason tók í sama
streng og sagði: „Við reifuðum okkar
sjónarmið og fórum yfir málið.
Ákváðum við svo búið að skoða málin
fram yfir helgi og hittast á öðrum
fundi í næstu viku.“
Eins og áður segir var fundur tví-
menninganna haldinn í Kaupmanna-
höfn og auk þeirra Hannesar og
Pálma sátu fundinn danskir og ís-
lenskir bankamenn.
Funduðu um kaup FL
Group á Sterling
ÞÓKNUN fjárfestingarbankans Morgan Stanley
fyrir ráðgjöf við sölu á Landssíma Íslands hf. var
696 milljónir króna. Þetta kemur fram í frumvarpi
til fjáraukalaga, sem lagt var fram á Alþingi í gær,
en þar er lögð til 750 millj. kr. aukafjárveiting vegna
kostnaðar við einkavæðingarverkefni á árinu.
Jón Sveinsson, formaður Einkavæðingarnefnd-
ar, sagði að gerður hefði verið samningur á sínum
tíma við Morgan Stanley í kjölfar útboðs um aðstoð
og ráðgjöf við undirbúning sölunnar og sú tala sem
þarna væri nefnd væri ekki fjarri því sem um hefði
verið samið.
Auðvitað stórar tölur
„Auðvitað eru þetta stórar tölur í sjálfu sér, en
bæði þekki ég það sjálfur, persónulega, af eigin
reynslu í sambandi við fyrirtæki og félög sem mað-
ur hefur komið nærri að þegar verið er að selja
miklar og dýrar eignir þá kostar það mikið fé oft á
tíðum,“ sagði Jón.
Hann sagði jafnframt að í slíkum tilfellum sem
þessum væri yfirleitt ekki um að ræða fyrirfram
ákveðnar upphæðir heldur miðaðist þóknun alltaf
við einhverja ákveðna prósentutölu af söluverði og
það væri það sem um væri að ræða í þessu tilviki.
Hann bætti því við aðspurður að að hluta til end-
urspeglaði þessi fjárhæð að vel hefði tekist til með
söluna. „Auðvitað var það hagur þeirra aðila sem
veittu okkur ráðgjöf í þessu sambandi að þetta tæk-
ist sem best,“ sagði hann.
Jón sagði að einkavæðingarnefnd væri að taka
saman upplýsingar um heildarkostnað við sölu Sím-
ans og skýrsla þar að lútandi væri væntanleg síðar í
haust.
696 milljónir
fyrir ráðgjöf
við Símasölu
Eftir Hjálmar Jónsson
hjjo@mbl.is
Talan ekki fjarri því
sem samið var um
Opið 8-24 alla daga
í Lágmúla og Smáratorgi
ÓPERUSÖNGKONAN Kiri Te
Kanawa þurfti í tvígang að biðja tón-
leikagesti í Háskólabíói sl. mið-
vikudagskvöld að slökkva á farsím-
um en í miðjum flutningi á lagi eftir
Franz Liszt hringdi sími í salnum.
Jónas Sen, tónlistargagnrýnandi
Morgunblaðsins, víkur orðum að
þessu atviki í umsögn í blaðinu í dag
og finnur einnig að að ekki hafi verið
nóg til af tónleikaskrám. Jónas
hreifst af söng Kiri Te Kanawa sem
var „einstaklega fallegur í sjálfu sér
þó maður hafi þurft að liggja á hleri í
veikustu köflunum“. Efnisskráin var
dálítið lágstemmd, „og þeir sem
bjuggust við flugeldasýningu hljóta
að hafa orðið fyrir vonbrigðum“. | 30
Bað gesti
að slökkva
á símum
FLEST bendir til þess að starfsemi
hefjist um eða eftir helgi á athafna-
svæði Slippstöðvarinnar, sem lýst
var gjaldþrota í byrjun vikunnar.
Skv. heimildum Morgunblaðsins er í
burðarliðnum samningur við einka-
hlutafélag í eigu KEA, Sjafnar eign-
arhaldsfélags og Sandblásturs og
málmhúðunar, um leigu á húsnæði,
vélum, tækjum og upptökumann-
virkjum á athafnasvæðinu. Þá mun
Kristján Björn Garðarsson, fyrrv.
framkvæmdastjóri Kísiliðjunnar,
verða framkvæmdastjóri hins nýja
félags sem tekur yfir reksturinn.
Upptökumannvirkin, flotkvíin,
dráttarbrautirnar og viðlegukantur-
inn eru í eigu Hafnasamlags Norður-
lands og þá er orðið ljóst samkvæmt
heimildum blaðsins, að húseignir á
athafnasvæðinu, vélar og tæki, heyri
nú undir skiptastjóra þrotabúsins.
Nokkur óvissa hefur ríkt um hvort
húseignirnar heyrðu undir skipta-
stjóra, þar sem þær voru þinglýstar
eignir Stáltaks. Ráðgert er að hefja
starfsemina á ný með fáum starfs-
mönnum en fjölga þeim jafnt og þétt
á næstu dögum. Ekki náðist í Sig-
mund Guðmundsson, skiptastjóra
þrotabús Slippstöðvarinnar, í gær.
Kristján Þór Júlíusson bæjarstjóri
sagði að málefni Slippstöðvarinnar
hefðu verið til umræðu í bæjarráði í
gærmorgun. Hann sagði eftir fund-
inn að ákveðið hefði verið að fara í
viðræður við þann hluthafahóp sem
KEA, Sjöfn og Sandblástur og
málmhúðun stæðu að, um leigu á
upptökumannvirkjunum. „Það eru
hagsmunir allra, starfsmanna,
þrotabúsins og bæjarfélagsins, að
starfsemin komist í gang á ný sem
allra fyrst og ég sé ekki annað en að
það eigi að geta gengið eftir.“
Samningar í burðarlið um nýtt félag Slippstöðvarinnar
Starfsemin í gang á
ný um eða eftir helgi
Eftir Kristján Kristjánsson
krkr@mbl.is
ÍSLENSKT lamb verður í einu aðal-
hlutverka á EMA-verðlaunahátíðinni
í Hollywood síðar í mánuðinum. Þar
verða veittar viðurkenningar kvik-
myndum, sjónvarpsþáttum og heim-
ildarmyndum sem þykja hafa skarað
fram úr hvað varðar umfjöllun um
umhverfismál. Aðalræðumaður
kvöldsins verður Al Gore, fyrrver-
andi varaforseti Bandaríkjanna.
Reiknað er með að um 1.200 manns
sitji veislu hátíðarinnar. Þar á meðal verða margar þekktar stjörnur á borð
við Darryl Hannah og Woody Harrelson. Tíu þekktir matreiðslumeistarar
frá Los Angeles og nágrenni sjá um veisluhöldin. Þeir notast einungis við
lífrænt og náttúrulegt hráefni við matseldina og völdu að hafa íslenskt
lambakjöt í aðalrétt. „Í Kaliforníu er eftirspurnin slík eftir íslenskum mat-
vælum í Whole Foods-búðunum að við gætum selt helmingi meira. Við
þurftum að skera niður fjölda verslana sem fá vörurnar, því við getum ekki
útvegað meira. Ef svo fer fram sem horfir gæti þurft að auka mjólkur-
framleiðsluna á Íslandi til að mæta þessari eftirspurn í framtíðinni,“ segir
Baldvin Jónsson, framkvæmdastjóri Áforms.
MARGRÉT Sigurðardóttir, söng-
kona í London, varð þess heiðurs að-
njótandi að leika á píanó og syngja
með hinum kunna trompetleikara
Wynton Marsalis. Tóku þau saman
My Funny Valentine og Black
Coffee, en Margrét var stödd á
óformlegum tónleikum hans í húsi
þar sem hún býr í vikunni.
„Í lokin spurði hann hvort það
væri píanóleikari á staðnum sem
gæti spilað með honum,“ segir hún
og er skemmst frá því að segja að
hún steig á svið með Marsalis við
góðar undirtektir. | 30
Á sviðið
með Wynton
Marsalis
♦♦♦
Íslenskt lamb á
borðum í Hollywood
HAUSTINU fylgja einstök litbrigði náttúrunnar
en með vaxandi vindi einnig fallin laufblöð sem
nauðsyn er að sópa burt af gangstéttum og stíg-
um. Hjálpseminni er sem betur fer fyrir að fara
hjá íbúum Reykjavíkur sem leggja hönd á plóg
með kústinn að vopni og láta veðrið ekki á sig fá.
Morgunblaðið/Árni Sæberg
Með fallandi laufum fyllast götur og torg