Morgunblaðið - 15.10.2005, Page 4

4 LAUGARDAGUR 15. OKTÓBER 2005 MORGUNBLAÐIÐ
FRÉTTIR
„Þessi bók er frábær.
Hún snerti mig djúpt.“
Umberto Eco
„Stórkostlegasta bók
sem ég hef nokkru sinni lesið.“
Sinéad O’Connor /
The Irish Sunday Independent
Mögnuð saga eftir einn áhrifamesta
samtímahöfund heims
Veronika ákveður að deyja
er áhrifamikill óður
til lífsins sem minnir okkur
á að hver einasta stund
lífsins er kraftaverk.
www.jpv.is
30%
AFSLÁTTUR
Gildir til 31.10.2005.
BJÖRN Bjarnason dómsmálaráð-
herra fjallar um þá ákvörðun Davíðs
Oddssonar að hverfa af vettvangi
stjórnmálanna í grein í nýju tíma-
riti, Þjóðmál. Þar rekur hann einnig
hvernig tímasetningar ríkisráðs-
fundar og hádegisverðar breyttust
er Davíð lét af embætti hinn 27.
sept. sl.
Grein Björns ber heitið Viðskipta-
veldi, heilbrigð samkeppni og
stjórnmál. Þar segir hann að Davíð
sé talinn drengilegur andstæðingur
af þeim sem honum eru öndverðir í
stjórnmálum og hann bregðist eng-
um, sem reynst hafi honum vel,
hvort heldur úr hópi samherja eða
andstæðinga.
Davíð þótti synjun Ólafs
Ragnars aðför að þingræðinu
„Hafi menn unnið sér óhelgi í aug-
um Davíðs, fer það ekki fram hjá
þeim og oft ekki heldur öðrum. „Ég
tel, að fátt hafi misboðið Davíð
meira á stjórnmálaferli hans en sú
ákvörðun Ólafs Ragnars Grímsson-
ar að synja svonefndum fjölmiðla-
lögum staðfestingar sumarið 2004.
Þótti honum synjun Ólafs Ragnars
aðför að þingræðinu, en í öllum
störfum sínum hefur Davíð gætt
þess af kostgæfni að virða hefðir, lög
og reglur,“ segir Björn og víkur því
næst að ríkisráðsfundinum 27. sept-
ember þegar Davíð Oddsson hvarf
úr ríkisstjórninni og hádegisverði
sem forseti hafði boðað til í hádeg-
inu á Bessastöðum á milli ríkisráðs-
funda.
Björn segir að rætt hafi verið um
tilhögun fundarhalda þennan dag í
ríkisstjórn að Davíð fjarverandi og
niðurstaðan orðið sú að ríkisstjórn
kæmi saman fyrir hádegi. Ríkis-
ráðsfundur ætti að hefjast kl. 11.30,
síðan yrði hádegisverður og að hon-
um loknum yrði ríkisráðsfundi hald-
ið áfram.
„Tilhögunin yrði sem sagt sú, að
Davíð sæti fundinn fram að hádeg-
isverði en að honum loknum hyrfi
hann á brott og Einar K. Guðfinns-
son tæki sæti í ríkisráðinu sem nýr
sjávarútvegsráðherra. Um helgina
var síðan borið heim til ráðherra
boðskort frá forseta Íslands, þar
sem ríkisstjórn og mökum var boðið
til hádegisverðar í tengslum við rík-
isráðsfundinn.
Að morgni mánudagsins 26. sept-
ember tilkynnti ritari minn mér, að
enginn hádegisverður yrði á Bessa-
stöðum, ríkisráðsfundurinn hæfist
klukkan 14.00. Bolli Þ. Bollason rík-
isráðsritari skýrði þessa breytingu á
fundartímanum á þann veg, að land-
búnaðarráðherra hefði ekki getað
sótt fundinn fyrr en eftir hádegi.
Morgunblaðið spurði Davíð, hvort
hann hefði ekki séð sér fært að sitja
hádegisverð á Bessastöðum í
tengslum við ríkisráðsfundinn.
Hann sagðist ekki hafa getað breytt
ráðstöfunum sínum í þriðja sinn
vegna þessara breytinga á tíma fyrir
ríkisráðsfundinn. Honum var áreið-
anlega nokkur léttir af því, að tíma-
setningar breyttust á þennan veg,“
segir Björn Bjarnason í grein sinni.
Björn Bjarnason fjallar um fund ríkis-
ráðs og hádegisverð í tímaritsgrein
„Áreiðanlega nokkur
léttir af því að tíma-
setningar breyttust“
SKÍÐASVÆÐI Mývetninga við Kröflu var opnað
1. október og hefur verið í notkun síðan. Sem sjá
má er þar mikill og góður snjór. Þetta er
skemmtileg og nokkuð óvænt staða varðandi
skíðaiðkun fyrir Mývetninga sem undanfarin ár
hafa varla komist á skíði fyrr en um áramót.
Morgunblaðið/BFH
Skíðasnjór í Mývatnssveit
STÖKKBREYTIST fuglaflensu-
veiran og taki að berast milli manna
„verða ekki margir dagar til stefnu
til þess að reyna að ná tökum á flens-
unni,“ segir David Nabarro, sem hef-
ur yfirumsjón með aðgerðum Sam-
einuðu þjóðanna gegn útbreiðslu
fuglaflensu og hugsanlegum flensuf-
araldri í mönnum. Nabarro segir Ís-
lendinga ekki þurfa að óttast fugla-
flensusmit á ferðum sínum erlendis
eins og staða mála sé nú. Hann bend-
ir á að fram til þessa hafi aðeins um
100 manns í heiminum greinst með
fuglaflensu.
Framkvæmdastjórn Evrópusam-
bandsins hefur fyrirskipað hertar
aðgerðir vegna hugsanlegs fugla-
flensufaraldurs í aðildarríkjum sam-
bandsins, en veiran hefur nú greinst
í fugli í að
minnsta kosti
einu þorpi í Tyrk-
landi og tveimur í
Rúmeníu. Nab-
arro segir það
ekki koma á óvart
að veiran hafi
greinst í Evrópu.
Um sé að ræða al-
varlegan faraldur
sem gert hafi vart við sig í mörgum
löndum. Hann bendir á að Evrópu-
ríkin hafi tekið mjög vel á málum
vegna flensunnar í álfunni. „Sjúk-
dómar í kjúklingum eru algengir en
sjaldan er gert veður vegna þessa í
fjölmiðlum,“ segir hann.
Mörg afbrigði til af veirunni
„Þótt veiran hafi fundist í Tyrk-
landi eykur það ekki líkurnar á því
að hún stökkbreytist og verði að far-
aldri í mönnum fremur en ef hennar
verður vart í Pakistan, svo dæmi sé
tekið.“ Nabarro bendir á að því út-
breiddari sem fuglaflensan er á
heimsvísu, því meiri líkur séu á að
veiran stökkbreytist. „Það sem við
óttumst er að það verði stökkbreyt-
ing og að hún valdi flensu í mönnum
sem breiðist hratt út,“ segir Nabarro
en hann leggur áherslu á að slík
stökkbreyting geti átt sér stað „hvar
sem er í heiminum“. Nabarro segir
að til séu mörg afbrigði af fugla-
flensuveirunni. Afbrigði sem nefnist
H5N1 hefur reynst mannskætt. Seg-
ir Nabarro þetta afbrigði sérlega
varhugavert og menn hafi áhyggjur
af stökkbreytingu þess.
Nabarro er þessa dagana á ferð
um nokkur Asíuríki sem glíma við
fuglaflensu. Mun hann kynna sér
stöðu mála í Taílandi, Víetnam og
Kína.
Kemur ekki á óvart að
veiran greinist í Evrópu
David Nabarro
Eftir Elvu Björk Sverrisdóttur
elva@mbl.is
ÚTGJÖLD ríkissjóðs vegna sóknar-
gjalda verða alls nærri 2,4 milljarðar
króna á næsta ári samkvæmt fjár-
lagafrumvarpi. Munu útgjöldin
aukast um 45% á tímabilinu 1996–
2000 á föstu verðlagi miðað við vísi-
tölu neysluverðs. Segir í vefriti fjár-
málaráðuneytisins að þetta sé heldur
meiri raunhækkun en verið hafi í
ýmsum almennum stjórnsýslu-
rekstri ríkisins á borð við til dæmis
skattstofur.
Samkvæmt lögum um sóknargjöld
frá árinu 1987 skal ríkissjóður greiða
mánaðarlega framlag til þjóðkirkju-
safnaða, skráðra trúfélaga og Há-
skóla Íslands. Fyrir hvern einstak-
ling, 16 ára og eldri, er greidd
ákveðin upphæð sem í ár er 662
krónur. Í lögunum er einnig kveðið á
um að sú fjárhæð hækki árlega í
samræmi við þá hækkun sem kann
að verða á meðaltekjuskattsstofni
einstaklinga á milli næstliðinna
tekjuára. Þá ber einnig að greiða í
Jöfnunarsjóð sókna framlag sem
nemur 18,5% af framlaginu til þjóð-
kirkjusafnaðanna og sem nemur
11,3% til Kirkjumálasjóðs. Framlög-
in aukast frá einu ári til annars, bæði
vegna fólksfjölgunar, sem hefur ver-
ið á bilinu 1–1,5% síðustu ár og
vegna hækkunar á tekjuskattstofni
einstaklinga. Launabreytingar á al-
mennum vinnumarkaði hafa verið á
bilinu 5–9% undanfarin ár. Í ár er
hækkunin á framlögunum að saman-
lögðu 8,7% frá fyrra ári.
Sóknargjöld hækka
LÁRUS Bjarnason, sýslumað-
ur á Seyðisfirði, hefur fengið
leyfi frá störfum til að taka við
störfum hjá tollstjóranum í
Reykjavík. Hann fór fram á
leyfið með tilvísun til tilrauna-
verkefnis um tímabundin vista-
skipti ríkisstarfsmanna.
Í fréttatilkynningu frá dóms-
málaráðuneytinu segir að leyfið
sé veitt frá 15. október 2005 til
1. maí 2006. Ástríður Gríms-
dóttir, sýslumaður á Ólafsfirði,
hefur verið sett í embætti
sýslumanns á Seyðisfirði með-
an á leyfi skipaðs sýslumanns
stendur. Þá hefur Björn Jósef
Arnviðarson, sýslumaður á Ak-
ureyri, verið settur til að gegna
embætti sýslumanns á Ólafs-
firði til sama tíma.
Sýslumaður
Seyðfirð-
inga til
Reykjavíkur