Morgunblaðið - 19.10.2005, Síða 23

MORGUNBLAÐIÐ MIÐVIKUDAGUR 19. OKTÓBER 2005 23
UMRÆÐAN
Rannís tekur þátt í evrópska verkefninu Researchers
in Europe 2005 til að kynna mikilvægi vísinda og
rannsókna fyrir samfélagið. Rannsóknamiðstöð Íslands • Laugavegi 13 • 101 Reykjavík • www.rannis.is
Eirný Þöll Þórólfsdóttir sameindalíffræðingur, 32
„Það var aldrei nein spurning eftir að ég kynntist erfðafræðinni í menntaskóla. Ég ætlaði að leggja
hana fyrir mig. Hún er full af óleystum ráðgátum — og ég hef alltaf elskað að grúska í þess konar
efni. Það er því óendanlega spennandi að hafa tækifæri til að taka þátt í rannsóknum á þessu sviði,“
segir Eirný Þöll Þórólfsdóttir, yfirmaður LindGen á Íslandi, sem er í eigu bandarísku rannsókna-
stofnunarinnar Cold Spring Harbor Laboratories.
Eirný valdi sér líffræði við Háskóla Íslands og lauk MS-prófi þaðan. Hún segir að það sé mikill kostur
hve víðtæk líffræðin sé og því auðvelt að finna sér farveg innan hennar. „Ég hafði t.d. lítinn áhuga
á grasa- eða dýrafræði... sem aðrir sökkva sér í. Ég sá ekkert annað en erfðafræðina.“ Eirný stýrir
nú sérhæfðum rannsóknum í erfðarannsóknum þar sem notaðar eru örflögur við meingenaleit og
upplýsingaöflun um erfðamengi mannsins.
„Fimm ára gömul dóttir mín og eiginmaðurinn eiga hins vegar hug minn allan þegar vinnunni sleppir
— og við notum hvert tækifæri til að ferðast innanlands og fara í gönguferðir. Þórsmörk er uppáhalds-
staðurinn — þar er magnað að vera!“
Sjá nánar á vefnum www.visindi2005.is
[ráðgátur og ferðalög]
Vísindi – minn vettvangur
P
R
[p
je
e
rr
]
„…ERU það réttkjörnir þing-
menn, sem fá kjörbréf, ekki flokk-
arnir.“
Svo segir í Klippt-
og-skorið-dálki Blaðs-
ins mánudaginn 10.
október, til réttlæt-
ingar þeim fáránleika
að „réttkjörinn“ þing-
maður tiltekins fram-
boðslista geti valsað
með það bréf sitt milli
flokka á þinginu án
tillits til þess hvernig
þetta bréf hans er
fengið.
Því – út á hvað er
það fengið? Lista sem
hann bar fram í eigin
nafni? Var hann persónulega kjör-
inn?
Reyndar hvorugt. Hann átti sæti
á lista sem tiltekinn flokkur bar
fram. Hann fékk kjörbréf sitt út á
atkvæði sem flokkurinn fékk – ekki
hann persónulega. Hann var rétt-
kjörinn þingmaður þess flokk – eða
er hægt að segja að hann sé rétt-
kjörinn þingmaður einhvers annars
flokks – sem hann kom hvergi nærri
á þeim tíma?
Ef til vill er þetta
hægt út á einhverjar
reglur frá öldinni sem
leið, eða jafnvel enn
eldri. Ekki veit ég það.
Hitt hef ég sannreynt að
fjölmörgum okkar sem
útífrá standa þykir fjar-
stæða að þetta skuli
vera hægt og skiptir
engu hvaða flokkur eða
hverjir eiga í hlut. At-
kvæði greidd tilteknum
lista hljóta að tilheyra
honum og þeim flokki
sem bar hann fram. Ef
einhverjum sem fékk kjörbréf sitt út
á atkvæði greidd þeim lista hugnast
ekki lengur að standa fyrir mál-
staðnum sem hann gerði að sínum
þegar hann var kjörinn á hann að
taka pokann sinn og hypja sig –
næsti maður af listanum á þá að taka
við og fá sitt réttkjörna kjörbréf til
þess.
Ef raunin er sú að það dæmi sem
við höfum nú fyrir augunum sé leyfi-
legt og gilt eru það afleitar reglur og
ber að breyta þeim hið fyrsta. Menn
eiga að sjálfsögðu að fara eftir sann-
færingu sinni og gera það sem þeir
telja rétt, en atkvæðin sem fleyttu
þeim inn á þing af listanum sem þeir
voru á eiga ekki að vera þeirra eign
sem þeir geti farið með og gefið öðr-
um flokkum að geðþótta.
– Pistill þessi var sendur Blaðinu
sama dag og ofanígjöf var send þing-
flokki Frjálslyndra í dálki Blaðsins,
Klippt og skorið, fyrir að vilja fá álit
frá umboðsmanni Alþingis um rétt-
mæti þess að þingmaður sem kemst
á þing á atkvæðum greiddum til-
teknum flokki geti fært þau öðrum
flokki ef honum sýnist svo. Bersýni-
legt er að Blaðið hyggst ekki birta
ofanskráð og er því Morgunblaðið
beðið fyrir það.
Út á hvað er
kjörbréfið fengið?
Sigurður Hreiðar Hreiðarsson
fjallar um kjörbréf
’Hann fékk kjörbréfsitt út á atkvæði sem
flokkurinn fékk – ekki
hann persónulega. ‘
Sigurður Hreiðar
Hreiðarsson
Höfundur er blaðamaður.
NÚ ÞEGAR ljóst er að Síminn
hefur verið seldur fyrir yfir 60
miljarða vakna spurn-
ingar um hvernig
þeim fjármunum skuli
varið.
Jú, ríkisstjórn
íhalds og framsóknar
hefur gefið frá sér yf-
irlýsingar um hvernig
þeim fjármunum skuli
varið.
Ekki er að sjá að
eldri borgarar séu
hátt skrifaðir á þeim
framkvæmdalista.
Þeir eru þó stór
hluti kjósenda þessa
lands og fer hópur
þeirra vaxandi.
Ekki króna til
hagsbóta fyrir eldri
borgara er þar sjáan-
leg. Fólkið er skóp
þess fjármuni með
atorku og tæknikunn-
áttu sinni að lang-
mestu leyti og er að
fara á eftirlaun flest
hvert í dag.
Nei, það er ekki
króna til þessa fólks
hjá ríkisstjórn íhalds
og framsóknar. Hvað
með fjármagn til hjúkrunarheim-
ilis fyrir aldraða sem sárlega vant-
ar, ekki síst í Suðvesturkjördæmi?
Við skulum einnig minnast þess
að 10 þúsund eldri borgarar eru
með innan við 110 þúsund til fram-
færslu sinnar á mánuði og af því
eru að sjálfsögðu skattar teknir.
Hvað verður þá eftir?
Það væri fróðlegt ef ríkisstjórn-
arflokkarnir gætu gefið þessu fólki
uppskrift að því
hvernig hægt er að
lifa af innan við 100
þúsund kr. á mánuði.
Það er einnig at-
hyglisvert að sjá þá
aðila sem komið hafa í
sviðsljósið undanfarna
daga og tala um að
ekki megi auka laun
eða kjarabætur til
handa launþegum.
Þetta er oft á tíðum
sama fólkið og er með
nokkur hundruð þús-
und í mánaðarlaun.
Geta þessir aðilar tal-
ist sannfærandi í sín-
um málflutningi? Ég
held varla.
Er ekki enn og aft-
ur nauðsynlegt að
eldri borgarar og
launþegar á þessu
landi hugsi alvarlega
sinn gang og veiti
þeim atkvæði sitt
hvort sem er í sveit-
arstjórnarkosningum
eða alþingiskosningum
er raunverulega eru
tilbúnir að auka vel-
ferð fólksins í landinu?
Þar er Samfylkingunni fyrst og
fremst treystandi til góðra verka.
Aldraðir ekki
inni í myndinni
Jón Kr. Óskarsson
fjallar um aldraða
Jón Kr. Óskarsson
’Það væri fróð-legt ef ríkis-
stjórnarflokk-
arnir gætu gefið
þessu fólki upp-
skrift að því
hvernig hægt er
að lifa af innan
við 100 þúsund
kr. á mánuði.‘
Höfundur er varaþingmaður
Samfylkingar í Suðvesturkjördæmi.
Fréttir í tölvupósti