Morgunblaðið - 10.11.2005, Qupperneq 42

Morgunblaðið/Brynjar Gauti
A
ndri er fyrri til að mæta upp á Morg-
unblað. Hann kemur fyrir sem mjög
eðlilegur ungur maður, efalaust af
góðu fólki kominn og kurteis, en
umfram allt stundvís. Blaðamaður
sækir kaffi og svo er beðið eftir ókrýndri popp-
prinsessu Íslands.
Saga Írafárs er kannski ekkert ótrúlega
merkileg, alla vega ekki sú saga sem þau vilja
segja, en sá árangur sem sveitin hefur náð á und-
anförnum árum er frábær. Fyrsta plata sveit-
arinnar Allt sem ég sé hefur selst í rúmum 19
þúsund eintökum og önnur platan Nýtt upphaf er
að nálgast 12 þúsund seldar plötur. Birgitta
Haukdal er orðin að fyrirmynd þúsunda ungra ís-
lenskra stúlkna og þegar sú ábyrgð og það álag
sem því fylgir er haft í huga, er fölskvalaus fram-
koma hennar og heilindi allt að því ofurmannleg.
Eitthvað í þessa átt er hugur blaðamanns að
reika þegar Birgitta birtist „fashionably late“
eins og sannri dívu sæmir og það fer ekki framhjá
nokkrum lifandi manni á Morgunblaðinu að hér
er poppstjarna á ferð.
Fóru milliveginn
„Við völdum að fara til Danmerkur til að kom-
ast í rólegheit og þarna sveif rómantísk stemning
yfir vötnum,“ segir Birgitta um upptökuferlið.
„Ekkert í kringum okkur nema guðsgræn náttúr-
an og það fyrsta sem við mættum þegar við
keyrðum upp heimreiðina var dádýr.“
„Lögin voru öll í sjálfu sér til og við höfðum
þegar valið hvaða lög færu á plötuna stuttu eftir
jól,“ bætir Andri við. „Áður en við fórum út höfð-
um við tekið upp trommur en í Danmörku tókum
við upp bassa, gítar og hljómborð auk demó-
radda. Svo þegar við komum heim kláruðum við
rafmagnsgítara, strengi, söng …“ „… og allt dúll-
erí,“ bætir Birgitta við.
Höfðuð þið ákveðnar hugmyndir um hvernig
platan ætti að hljóma?
„Já,“ svarar Birgitta. „Við vorum með ákveðna
mynd í huga. Við höfðum sent frá okkur eina létta
poppplötu og aðra þyngri poppplötu og núna
langaði okkur að fara milliveginn. Okkur fannst
eins og Írafárs-hljómurinn væri þarna mitt á
milli, því eins og fólk veit finnst okkur gaman að
vera með þunga og harða rafmagnsgítara í bland
við poppið. Þannig að við lögðum upp með að feta
þennan milliveg og ég held að okkur hafi tekist
það.“
„Já,“ samsinnir Andri. „Við vildum líka vera
með náttúruleg hljóðfæri og minna af elektrón-
ískum hljóðum sem voru fyrirferðarmikil á síð-
ustu plötu. “
„En þetta er einmitt ástæðan fyrir því að plat-
an heitir Írafár, því að svona er tónlistin – svona
er Írafárshljómurinn.“
Hvernig ganga æfingar?
„Þær ganga mjög vel. Við erum þessa dagana
að æfa í NASA þar sem við stillum öllu upp eins
og um tónleika væri að ræða og þetta er allt að
smella. Enda ekki seinna vænna þar sem við er-
um á leið í þetta tónleikaferðalag um landið.“
„Við erum líka þessa dagana að teikna upp út-
gáfutónleikana og okkur langar mikið að hafa
strengjasveitina sem leikur á plötunni þar.“
Hvernig semjið þið lögin, eða eru kannski
margar leiðir að lagi?
„Nei,“ svarar Andri án þess að hugsa sig um.
„Það er bara ein leið að því.“
„Við erum náttúrlega með gulldreng að mínu
mati í bandinu sem á bara endalaust af lögum,“
bætir Birgitta við og hér á hún að sjálfsögðu um
Vigni Snæ Vigfússon gítarleikara. „Það er eins og
hann semji tíu lög á dag og þá er það eins og hann
taki við þeim frá einhverjum öðrum heimi.
En þú samdir eitt lag á síðustu plötu?
„Jú, það er rétt. En ég er mun einfaldari í laga-
smíðum en Vignir og ekki með þennan Írafárs-
stíl í lögunum. Einhvern tímann mun ég
kannski gefa mín eigin lög út en ekki með Íra-
fári, ekki eins og staðan er í dag, með annan eins
lagasmið og Vigni á meðal okkar.“
Þú sérð um að semja texta við lögin?
„Já, aðallega. Ég er með um 70–80% en svo á
Vignir til að koma með einn og einn texta og Óli
bróðir hans líka. Stefán Hilmarsson og Friðrik
Sturluson áttu svo texta á síðustu plötu þannig
að þetta er ekki allt ég. Hins vegar fæ ég lögin
fyrst og sem svo texta við þau lög sem kalla á
mig en ef það er eitthvað lag sem ég á erfitt með
að tengjast leyfum við einhverjum öðrum að
prófa. Ég vil nefnilega að tilfinningin í laginu
skili sér í textanum og ef ég finn hana ekki vil ég
frekar að hún sé fundin af einhverjum öðrum í
stað þess að búa til eitthvað til málamynda.“
Allsber á sviði
Hvernig eru þínir textar?
„Þeir eru mjög misjafnir. Þeir geta verið ein-
hverjar sögur eða draumar; rosalega einlægir
án þess að fólk viti það og stundum hefur mér
fundist sem ég hefði átt að bremsa mig af. En
þeir eru allir mjög persónulegir og yfirleitt allt-
af eitthvað að baki þeim.“
Draumar eru einmitt fyrirferðarmiklir?
„Jú,“ en áður en hún kemst lengra, grípur
Andri inn í. „Hana dreymir alveg tóma steypu
og alltaf einhverja vitleysu alla daga, ótrúlegar
sögur sem maður heyrir stundum.“
„Það er ótrúlegt hvað mig dreymir mikið og
ég get verið með tárin í augunum einn daginn
vegna einhvers sem mig dreymir eða alveg
brjáluð í skapinu. Margar súrar sögur – ég veit
ekki einu sinni hvort ég á að segja þetta – en
eins og lagið „Stórir hringir“, þetta var bara
draumur sem mig dreymdi.“
Finnst þér auðveldara að syngja eigin texta?
„Það er alla vega auðveldara að túlka þá af því
að mér finnst það ekki sami hlutur að syngja
eitthvað vel og að flytja það vel. Sagan verður að
skila sér í flutningi og tilfinningin.“
Er það óþægilegt þegar fólk rýnir í textana?
„Nei, mér finnst það ekki óþægilegt. Ég hef
að vísu samið texta sem var eftir á litið aðeins of
einlægur og þá fannst mér ég allsber þegar ég
söng textann á sviði. En svona er ég bara og í
daglegu lífi segi það sem mér finnst og af hverju
þá ekki líka í textunum mínum?“
Nú er Írafár líklega ein stærsta hljómsveit
landsins um þessar mundir. Er reksturinn orð-
inn stærri en listræni hluti hennar?
„Það er náttúrlega gríðarlegt umstang í
kringum hljómsveit eins og Írafár, sérstaklega
þegar það kemur að því að gefa út plötu eða
undirbúa tónleikaferðalög,“ útskýrir Andri. „Þá
getur það gleymst að við erum í hljómsveit. En
það sem heldur okkur saman og gangandi er að
við viljum starfa við tónlist og vera í hljómsveit.
Þetta á það til að gleymast.“
„Sennilega vegna þess að Ísland er svo lítið,“
heldur Birgitta áfram. „Við erum ekki með her
fólks í vinnu því að það eru ekki peningar til að
réttlæta það. Við erum í raun að stússast í öllu
því sem alla jafna væri afgreitt af starfs-
mönnum. Það hefur til dæmis gerst að hljóm-
sveitaræfingar verða ósjálfrátt að viðskipta-
fundum.“
„Já, einmitt,“ segir Andri. „Þegar við ættum
að vera að einbeita okkur að tónlistinni erum við
kannski að ræða það hver eigi að fara í viðtalið á
morgun hjá Morgunblaðinu eða hvernig plaköt-
in eigi að líta út og þar fram eftir götunum.“
„En þetta er alveg ómetanleg reynsla sem við
höfum safnað okkur á svo mörgum sviðum í
kringum tónlistina. Þetta er eins og að vera í há-
skólanum. Maður er að læra markaðsfræði,
bókhald, fjölmiðlafræði og svo margt annað sem
tengist þessu. Það er ekki síður skemmtilegt.“
Hvernig upplifið þið ykkur sjálf á íslenskum
tónlistamarkaði, þá í sambandi við bílskúrs-
böndin og Airwaves sem þið voruð ekki á?
„Ég verð að viðurkenna að eins og með
Airwaves, sem gengur út á að kynna íslenskar
hljómsveitir, að þá finnst mér það skrýtið að þar
hafi ekki verið eitt einasta vinsælda- eða met-
söluband íslenskt,“ svarar Birgitta. „Auðvitað
fer maður að velta því fyrir sér hvort þeir sem
eru að halda þetta, skammist sín fyrir okkur eða
finnist við ekki nógu kúl og vilja frekar sýna hitt
– eða þá hvort þetta sé tónlistin sem útlending-
arnir kalla á? Á hinn bóginn höfum við ekki ver-
ið að sækjast eftir því sérstaklega að spila á
Airwaves, kannski liggur ástæðan þar – eða þá
að við erum bara svona ótrúlega halló, “ bætir
hún svo við hlæjandi.
Besta platan hingað til
En af hverju eruð þið ekki að reyna að
„meikaða“ eins og allir aðrir?
„Ætli við séum ekki bara ánægð með það sem
við höfum,“ svarar Andri eftir smáumhugsun.
„Okkur líður bara vel hér,“ bætir Birgitta við.
„Við erum öll mikið fjölskyldufólk og … ég við-
urkenni það samt að ef mér yrði boðinn plötu-
samningur á morgun myndi ég líklega elta hann
en ég nenni ekki að púla sveitt til að sækjast eft-
ir honum.“
„Þetta er kannski leti að einhverju leyti,“
heldur Andri áfram, „og svo á það kannski við
marga í hljómsveitinni að við erum líka að vas-
ast í öðrum hlutum sem gerir okkur það mjög
erfitt að ferðast um heiminn í leit að frægð.“
Hverjar eru þá væntingar ykkar og plötufyr-
irtækisins til þessarar plötu ef fyrri plötur eru
hafðar til hliðsjónar?
„Ég held að það séu meiri væntingar frá
gagnrýnendum og því fólki öllu. Við erum ekki
að gera okkur vonir um að selja tugi þúsunda,
hvað þá að hún eigi eftir að toppa hinar plöt-
urnar.“
Verðið þið vonsvikin ef þið náið ekki gulli?
„Ókei, ég skal viðurkenna það,“ segir Andri
og hlær. „Nei!“ mótmælir Birgitta. „Þetta má
sko ekki fara í blaðið. Við eigum ekki að hugsa
um tölur, þetta kemur allt í ljós. Ég vil til dæmis
ekki vakna á aðfangadag og hugsa, „oh, við
hefðum átt að selja fleiri plötur!“ Það er ekkert
sjálfgefið að fólk kaupi plötuna.“
Besta platan til þessa?
„Það segir mamma alla vega,“ svarar Birgitta
og hlær. „En hún er örugglega bara búin að fá
leið á hinum plötunum. Við erum allavega mjög
ánægð með þessa plötu, enda hættum við ekki
fyrr en við vorum orðin ánægð.“
Hljómurinn
fundinn
Þriðja plata Írafárs kemur út á morgun og ber hún nafn
hljómsveitarinnar. Söngkonan Birgitta Haukdal og Andri
Guðmundsson hljómborðsleikari settust niður með Hösk-
uldi Ólafssyni og ræddu tímamótin.
hoskuldur@mbl.is
Hljómsveitin Írafár sendir á morgun frá sér samnefnda breiðskífu.
42 FIMMTUDAGUR 10. NÓVEMBER 2005 MORGUNBLAÐIÐ
Ný Íslensk heimildarmynd sem
hefur farið sigurför um heiminnSýnd kl. 5.30 og 10.30 B.i. 12 ára
Sýnd kl. 5, 8 og 10.45 B.i. 12 ára
Sýnd kl. 5.40 og 8
DREW
BARRYMORE
JIMMY
FALLON
MMJ - kvikmyndir.com
S.V. / MBL
Africa
United
S.V. Mbl.
TOPP5.is
Ó.H.T. Rás 2
S.k. Dv
Sýnd kl. 5.30 og 8
kl. 5, 8 og 10.40
Sýnd kl. 5, 8 og 10.40
Sýnd kl. 4 og 6 Sýnd kl. 8 og 10 B.i. 16
SÁ BESTI Í BRANSANUM
ER MÆTTUR AFTUR!
hörku spennumynd frá
leikstjóra 2 fast 2 furious
og boyz´n the hood
Þeir voru leiddir í gildru...
nú þarf einhver að gjalda!
Sýnd kl. 8 og 10.15 bi. 16 ára
Hún er besti vinur þinn
og versti óvinur þinn Hún
er eina persónan sem þú
getur ekki verið án
Frá leikstjóra 8 Mile & LA Confidential og
handritshöfundi Erin Brockovich
Miðasala opnar kl. 15.30
FARÐU TIL HELVÍTIS!
MBL
TOPP5.IS
MBL
TOPP5.IS
Sýnd kl. 3.50Sýnd kl. 10.15 B.i. 16
TOPP MYNDIN Á ÍSLANDI Í 2 VIKUR
Sími 564 0000
TOPP MYNDIN Á ÍSLANDI Í 2 VIKUR
„Frábær
kvikmynd,
áhugaverðari
og fyndnari
en flestar
þær sem
boðið hefur
verið upp á
undanfarið“
MMJ
Kvikmyndir.com
Frá leikstjóra 8 Mile & LA Confidential
og handritshöfundi Erin Brockovich
Hún er besti vinur þinn og versti óvinur þinn.
Hún er eina persónan sem þú getur ekki verið án
MMJ Kvikmyndir.com