Morgunblaðið - 19.12.2005, Qupperneq 10

10 MÁNUDAGUR 19. DESEMBER 2005 MORGUNBLAÐIÐ
FRÉTTIR
SIGURÐUR Gestsson frá Akureyri er nýkominn frá
keppni á heimsmeistaramóti áhugamanna í vaxtarrækt.
Sigurður, sem rekur líkamsræktarstöðina Vaxtarrækt-
ina í íþróttahöllinni á Akureyri, hóf keppni í vaxtarrækt
á fyrstu dögum hennar hérlendis fyrir um 24 árum og
hefur verið í fararbroddi sem talsmaður líkamsræktar.
Eftir að hafa unnið marga Íslandsmeistaratitla í vaxt-
arrækt tók hann sér 14 ára frí frá keppni, en steig aftur á
svið fyrr á þessu ári og er nú nýkominn frá keppni á
heimsmeistaramóti áhugamanna í vaxtarrækt sem fór
fram í Búdapest í Ungverjalandi. Keppendur á mótinu
voru 210 talsins frá 37 löndum og keppti Sigurður í flokki
þeirra sem eru undir 80 kg að þyngd í flokki 39–49 ára.
Keppendur voru 30 í þeim flokki, 15 komust áfram í úr-
slit en Sigurður var aðeins hársbreidd frá því og kveðst
hann mjög ánægður með þann árangur. Að sögn Sig-
urðar kom það honum skemmtilega á óvart að vera kom-
inn svona nálægt toppbaráttunni en mótið segir hann
undirbúning fyrir heimsmeistaramótið á næsta ári.
Markið er sett hátt á næsta ári og miðað við hversu vel
hefur gengið undanfarið ár gerir Sigurður sér vonir um
að ná lengra á þessu sviði.
Á næsta ári ætlar Sigurður að keppa á allt að sjö mót-
um af fullum þunga. Fyrsta mótið er í apríl í Noregi, viku
síðar er Íslandsmótið á Akureyri, eftir það þrjú mót á
Norðurlöndunum, tvö Grand Prix mót í Finnlandi og
Danmörku og síðast en ekki síst heimsmeistaramótið
sem haldið verður um haustið í Rúmeníu.
Sigurður Gestsson er hér ásamt heimsmeistaranum í hans flokki, Luiz Carlos Sarmento frá Brasilíu. Sigurður
Gestsson er nýkominn frá keppni á heimsmeistaramóti áhugamanna í vaxtarrækt.
Kominn á fullt í vaxtar-
ræktinni eftir 14 ára hlé
ÍSFIRSKI silfursmiðurinn Pétur
Tryggvi Hjálmarsson varð þess
heiðurs aðnjótandi á dögunum að
vera valinn í hóp 18 silfursmiða
sem fjallað er
um í bókinni
Dansk sølv på
Koldinghus en
Koldinghus er
safn í Kolding á
Jótlandi. Á safn-
inu er stærsta
safn silfurmuna
frá 20. öldinni í
Evrópu auk
fjölda annarra
merkra gripa.
Framlag Péturs Tryggva til bók-
arinnar er silfurkanna sem er 36
cm há, með hanka úr 18 karata
gulli.
Að sögn Péturs Tryggva á
safnið einnig mikinn fjölda muna
frá fyrri öldum. Í bókinni Dansk
sølv på Koldinghus eru einungis
myndir og umfjöllun um verk
silfursmiða frá síðustu öld. Þann-
ig voru 24 verk valin frá þeirri
öld sem þóttu mestu völund-
arsmíðarnar, eftir 18 silfursmiði
og hönnuði en þar af eru ellefu
látnir. Meðal þeirra eru Georg
Jensen, Henning Koppel og Carl
Gustav Hansen. Verkin í bókinni
gefa góða mynd af fjölbreytileika
og lífskrafti silfursmiðanna.
Pétur Tryggvi stundaði nám í
Institut for Ædelmetal í Kaup-
mannahöfn 1981–83 og setti upp
eigið verkstæði í Kaupmannahöfn
1985 þar sem hann starfaði fram
til ársins 2001 þegar hann fluttist
heim til Ísafjarðar. „Það sem tog-
aði mig heim var löngunin í
breytingu á umhverfi,“ segir Pét-
ur Tryggvi, sem er fæddur á Ísa-
firði og dvaldi þar mörg sumur í
æsku. „Veðrið hér á Ísafirði er
mun þurrara en annars staðar á
landinu og „alltaf“ logn. Það er
umhverfið sem heillar, þetta er
mjög notalegt umhverfi og sam-
félagið er mjög aðgengilegt, stutt
í alla þjónustu.“
Um helstu þætti sem mótað
hafa listsköpun hans segir Pétur
að æskuárin og sumardvalir á
Vestfjörðum hafi án nokkurs efa
haft ríkuleg áhrif á fegurðarskyn
hans og hugmyndaflug. „Ég held
að það hafi gríðarleg áhrif á
mann, umhverfi manns frá sjö til
sextán ára aldurs. Ómeðvitað fer
maður að innbyrða gríðarlegt
magn af umhverfi sínu á þeim
tíma,“ segir Pétur. „Á þessum
tíma var ég mikið á Jökulfjörð-
unum og ég hef oft velt því fyrir
mér að það eru oft að dúkka upp
einhverjar myndir sem hafa fest í
mér þá.“
Í vikunni fyrir jól verður Pétur
Tryggvi í Epal, Skeifunni 6 og
kynnir fyrir þeim sem þangað
koma ýmsa silfurmuni, en þar er
að finna mikið úrval m.a. af
skartgripum eftir listamanninn.
Ísfirskur silfursmiður sýnir gripi í Koldinghus á Jótlandi
Sköpunargáfan
mótaðist
á Vestfjörðum
Silfurkanna Péturs Tryggva, sem
prýðir umfjöllun um hann í bókinni.
Pétur Tryggvi
Hjálmarsson
MENNTARÁÐ Reykjavík-
urborgar hefur samþykkt að
leggja 30 milljónir króna í þróun-
arsjóð skólanna í borginni, og er
það viðbót við þær 45 milljónir
sem þegar hafði verið ákveðið að
leggja í sjóðinn.
Verja á fénu í verkefni sem
tengjast nýsköpun og þróun í
grunn- og leikskólum borg-
arinnar.
Úthlutað verður til verkefna í
lok janúar.
Fram kemur í tilkynningu frá
menntaráði að við úthlutun úr
sjóðnum verði lögð áhersla á
verkefni á leikskólum sem tengist
fjölmenningu eða samstarfi leik-
og grunnskóla.
Í grunnskólum verður lögð
áhersla á verkefni fyrir bráðger
börn, tungumálanám yngri barna,
auk þess sem lögð verður áhersla
á að fá forystukennara til að inn-
leiða verkefni sem þeir hafa öðl-
ast sérþekkingu á í aðra skóla.
Aukið fé í ný-
sköpunarverk-
efni í skólum
ÚTTEKTARÁVÍSANIR sem stjórn
Kaupfélags Eyfirðinga sendi fé-
lagsmönnum sínum í síðasta mán-
uði teljast til arðgreiðslna og bera
því fjármagnstekjuskatt, að því er
Ingibjörg Ösp Stefánsdóttir, mark-
aðs- og kynningarfulltrúi KEA,
upplýsir á vefmiðlinum akureyri.-
net.
Stjórn KEA tók um það ákvörð-
un í apríl síðastliðnum að fé-
lagsmenn fengju þrjár úttektaráv-
ísanir að verðmæti tvö þúsund
krónur hver, sem nota mætti í
völdum verslunum á Akureyri og
var ákvörðunin tekin í ljósi góðs
gengis félagsins á árinu.
Félagsmenn verða hins vegar að
telja greiðslurnar fram, þar sem
ráðstöfun fjármagns til fé-
lagsmanna Kaupfélagsins, sem eru
á áttunda þúsund, jafngildir ráð-
stöfun fjár til eigenda og er þar af
leiðandi ígildi arðs.
Úttektar-
ávísanir
jafngildi arðs
BORIST hefur eftirfarandi athuga-
semd frá skrifstofu forseta Íslands:
Í Morgunblaðinu sunnudaginn
18. desember er fjallað um kostnað
við embætti forseta Íslands. Því
miður er sú umfjöllun byggð á
röngum forsendum.
Í fyrsta lagi er lögð til grundvall-
ar tala fyrir árið 1996 þar sem ein-
göngu er talinn rekstrarkostnaður
embættisins og hún borin saman
við fjárlög komandi árs, en nið-
urstöðutalan fyrir 2006 tekur bæði
til rekstrarútgjalda embættisins og
kostnaðar við opinberar heimsókn-
ir. Upphæðin sem nefnd er fyrir
árið 1996 tekur aðeins til rekstr-
arútgjalda embættisins, þar sem
kostnaður vegna opinberra heim-
sókna var sérstakur fjárlagaliður á
þessum árum. Því var ekki breytt
fyrr en við fjárlagagerð ársins
1998.
Í öðru lagi er brýnt að gæta þess
þegar bornar eru saman tölur milli
ára að það sé gert á sama verðlags-
grundvelli svo samanburður verði
raunhæfur. Þá þarf að taka tilliti
til þess, að kostnaður við embætti
forseta Íslands sveiflast frá einu
ári til annars af ýmsum ástæðum.
Þannig var kostnaður embættisins
fyrir tólf árum, 1994, til dæmis 136
mkr., fjórum árum síðar um 110
mkr. og enn fjórum árum síðar, ár-
ið 2002, 163 mkr. Allar þessar tölur
er á sambærilegum verðlagsgrund-
velli og sóttar í ríkisreikning.
Í þriðja lagi er í umfjöllun blaðs-
ins fullyrt að starfsfólki embættis-
ins hafi fjölgað í tíð núverandi for-
seta. Það er alrangt, sami
starfsmannafjöldi er við embættið
nú og var 1996.
Í fjórða lagi er nauðsynlegt að
hafa eftirfarandi í huga þegar rætt
er um þróun útgjalda við embætti
forseta Íslands á umliðnum árum:
1. Húsnæðiskostnaður embættis-
ins hefur vaxið umtalsvert þar sem
ríkisstjórnin ákvað árið 1996 að
færa skrifstofu forseta úr Stjórn-
arráðshúsinu í Staðastað við Sól-
eyjargötu 1, en áður hafði rekstr-
arkostnaður skrifstofuhúsnæðisins
verið hluti af rekstrarkostnaði
Stjórnarráðshússins.
2. Fasteignagjöld hækkuðu veru-
lega í kjölfar endurbóta og upp-
byggingar á Bessastöðum og flutn-
ings skrifstofu forseta á Staðastað.
3. Alþingi breytti árið 2000 lög-
um um launakjör forseta og hand-
hafa forsetavalds (afnám skatt-
frelsis), en sú ákvörðun hafði í för
með sér umtalsverða hækkun á
þessum liðum.
Að lokum má benda áhugasöm-
um lesendum á verðlaunagreinar
Árna Þórarinssonar blaðamanns og
rithöfundar um þróun þessara
mála og fleiri í tíð núverandi for-
seta. Greinarnar birtust í Tímariti
Morgunblaðsins 2. og 9. maí 2004.
Aths. ritstj.
Sá tölulegi samanburður, sem
forsetaembættið vitnar til í at-
hugasemd sinni, var í orðréttri til-
vitnun í vefritið andríki.is. Hefði
forsetaembættið mátt geta þess í
athugasemd sinni.
Rangar forsendur
Athugasemd frá skrifstofu forseta Íslands
ORKUVEITA Reykjavíkur segir í
umsögn sinni til iðnaðarnefndar Al-
þingis um frumvarp iðnaðarráðherra
um breytingu á lögum um rannsóknir
og nýtingu á auðlindum í jörðu að það
samræmist engan veginn samkeppn-
issjónarmiðum raforkulaga eða al-
mennum sjónarmiðum um jafnræði
og gagnsæi að yfirmaður tveggja raf-
orkufyrirtækja á samkeppnismarkaði
[iðnaðarráðherra] veiti einnig leyfi til
rannsóknar og nýtingar. Gera þurfi
breytingar á lögunum og færa leyf-
isveitingar til annars aðila, sem sé
óháður iðnaðarráðherra, ráðuneyti
hans og undirstofnunum.
Sækja um rannsóknarleyfi
með forgang til nýtingar
„Orkuveita Reykjavíkur gerir ekki
athugasemdir við framlagningu frum-
varpsins eða efni þess og telur til bóta
að hægt verði að sækja um rannsókn-
arleyfi á vatnsafli til raforkufram-
leiðslu. Af því leiðir að hægt verður að
sækja um rannsóknarleyfi með for-
gang til nýtingar og síðan virkjunar-
leyfi leiði athuganir í ljós að hag-
kvæmt sé að virkja vatnsaflið til
raforkuframleiðslu,“ segir í umsögn-
inni sem undirrituð er af Hjörleifi B.
Kvaran hrl. fyrir hönd OR.
Bent er á að samkeppni hafi verið
innleidd hér á landi í vinnslu raforku.
Skv. lögum um rannsóknir og nýtingu
á auðlindum í jörðu veiti iðnaðarráð-
herra rannsóknarleyfi og leyfi til nýt-
ingar. „Frumvarpið gerir ekki ráð
fyrir breytingu á þessu fyrirkomu-
lagi. Iðnaðarráðherra er einnig yfir-
maður Rafmagnsveitna ríkisins sam-
kvæmt lögum 58/1967 og fer með hlut
ríkisins í Landsvirkjun og skipar þar
formann stjórnar samkvæmt lögum
nr. 42/1983,“ segir í umsögn OR.
OR gerir athugasemdir
við frumvarp um
rannsóknir og nýtingu
á auðlindum
Gagnrýna
leyfisveit-
ingarvald
ráðherra