Morgunblaðið - 19.12.2005, Qupperneq 16

16 MÁNUDAGUR 19. DESEMBER 2005 MORGUNBLAÐIÐ
ERLENT
Calsíum og
magnesíum
FRÁ
A
ll
ta
f
ó
d
ýr
ir
Nr. 1 í Ameríku
APÓTEK OG HEILSUBÚÐIR
Góð heilsa - Gulli betri
fyrir bein, tennur
og liðamót
H
á
g
æ
ð
a
fra
m
le
ið
sla
Hong Kong. AFP, AP. | 149 aðild-
arríki Heimsviðskiptastofnunar-
innar (WTO) náðu í gær málamiðl-
unarsamkomulagi sem greiðir fyrir
því að hægt verði að ganga frá
samningi um aukið frelsi í heims-
viðskiptum fyrir lok næsta árs.
Á sex daga ráðherrafundi, sem
lauk í Hong Kong í gær, náðist
samkomulag um að afnema út-
flutningsstyrki með búvörum í
áföngum á átta árum og veita fá-
tækustu þjóðum heims sérstakar
viðskiptaívilnanir.
Aðildarríki WTO samþykktu til-
lögu Evrópusambandsins um að
styrkirnir yrðu afnumdir smám
saman ekki síðar en árið 2013.
Bandaríkin og helstu þróunarlönd
heims höfðu hins vegar beitt sér
fyrir því að miðað yrði við árið
2010.
Styrkir til bómullarbænda
afnumdir á næsta ári
Samkvæmt skjalinu, sem sam-
þykkt var í gær, er stefnt að því að
semja um meginatriði nýs samn-
ings fyrir 30. apríl á næsta ári.
Auðugu ríkin samþykktu einnig
að ívilna fátækustu löndunum með
því að afnema kvóta og tolla á að
minnsta kosti 97% af útflutnings-
vörum þeirra. Ívilnanirnar eiga að
hefjast ekki síðar en árið 2008 eða
þegar nýr samningur tekur gildi.
Auðugu ríkin féllust og á að af-
nema alla útflutningsstyrki til
bómullarbænda á næsta ári og var
sú niðurstaða mikill sigur fyrir
bómullarframleiðendur í Vestur-
Afríku. Hún var jafnframt tilslök-
un af hálfu Bandaríkjastjórnar og
fulltrúar hennar sögðu að erfitt
yrði að fá þingmenn til að sam-
þykkja hana.
Hundruð mótmælenda
handtekin
Yfir 7.000 manns tóku þátt í
mótmælum gegn Heimsviðskipta-
stofnuninni í grennd við fundar-
staðinn í Hong Kong í gær. Dag-
inn áður voru hundruð
mótmælenda handtekin í einum
mestu átökum sem blossað hafa
upp á götum borgarinnar í áratugi.
Lögreglan beitti táragasi, slökkvi-
slöngum og piparúða gegn fólkinu
og hermt er að yfir hundrað
manns hafi særst.
Bændur frá Suður-Kóreu létu
mest að sér kveða í mótmælunum
og sumir þeirra beittu bambus-
stöfum eða öðrum bareflum.
Bændurnir berjast gegn því að
innflutningur á hrísgrjónum verði
heimilaður í Suður-Kóreu. Þeir
segja að samkeppni frá öðrum
löndum geti orðið til þess að marg-
ir suður-kóreskir bændur flosni
upp frá búi.
Afnema útflutnings-
styrkina á átta árum
Samþykkt á fundi WTO að veita fá-
tækustu löndunum viðskiptaívilnanir
ReutersJapanskir bændur taka þátt í mótmælum gegn Heimsviðskiptastofnuninni í Hong Kong í gær þegar ráðherrafundi hennar lauk.
BANDARÍSKA fréttatímaritið
Time tilkynnti í gær að írski rokk-
söngvarinn og mannréttinda-
frömuðurinn Bono og bandarísku
hjónin og mannvinirnir Bill og Mel-
inda Gates hefðu verið valin fólk
ársins fyrir störf þeirra að mann-
úðarmálum. Bill Gates er talinn rík-
asti maður heims en hann stofnaði
hugbúnaðarfyrirtækið Microsoft.
Segir Time að þau þrjú hafi verið
valin vegna þess að þau fari nýstár-
legar leiðir í góðgerðarmálum og
mannúðarmálum, þau hafi haft
áhrif á stjórnmál, knúið fram rétt-
læti og jafnframt hvatt annað fólk
til að fylgja fordæmi þeirra.
Time hældi Gates-hjónunum fyr-
ir að stofna stærstu góðgerð-
arstofnun heims og að hafa „gefið
meiri peninga og hraðar en nokkrir
hafa gert“ á árinu.
Tímaritið valdi einnig banda-
rísku forsetana fyrrverandi George
W.H. Bush og Bill Clinton félaga
ársins fyrir mannúðarstarf þeirra
vegna flóðbylgjunnar í Asíu og
fellibylsins Katrínar. Segir blaðið
að milli þeirra Bush og Clintons
hafi þróast vinátta eftir samstarf
þeirra á þessu sviði.
AP
Bono og Gates-
hjónin valin
menn ársins
SÓSÍALISTINN og forsetaefnið Evo Morales veifaði
kókalaufum á blaðamannafundi í Bólivíu áður en hann
hélt á kjörstað til að greiða atkvæði í forsetakosn-
ingum sem fram fóru í landinu í gær. Sigri Morales
verður hann fyrsti indíáninn í embætti forseta Bólivíu.
Síðustu skoðanakannanir bentu til þess að Morales
hefði ívið meira fylgi en helsti keppinautur hans,
íhaldsmaðurinn Jorge Quiroga, fyrrverandi forseti.
Morales hefur lýst því yfir að hann hyggist heimila
ræktun kókarunna með lögum nái hann kjöri. Úr lauf-
um kókarunnans er unnið kókaín og indíanar hafa öld-
um saman tuggið þau til að deyfa sult, þorsta og
þreytu. Morales hyggst einnig hækka verð á olíu til
annarra landa og segist ætla að verða „martröð“
Bandaríkjastjórnar.
Sigurvegari kosninganna verður fjórði forseti lands-
ins frá ágúst 2002. Tveir forsetar hafa látið af embætti
vegna götumótmæla fátækra indíána frá 2003. Ed-
uardo Rodriguez gegnir nú embætti forseta til bráða-
birgða.
Fái enginn 50% atkvæðanna í kosningunum á þingið
að velja á milli tveggja efstu frambjóðendanna. Mor-
ales var áður kóka-bóndi og verkalýðsleiðtogi og sækir
fylgi sitt einkum til indíána sem eru um helmingur
þjóðarinnar.
Bólivía er fátækasta land Suður-Ameríku.
Kveðst verða „martröð“
Bandaríkjastjórnar
Reuters
Evo Morales, forsetaefni í Bólivíu, hélt á kókalaufum á
blaðamannafundi í gær.
Chennai. AFP. | Að minnsta kosti 42
manns létu lífið í troðningi í skóla í
borginni Madras á Suður-Indlandi í
gær. Flestir þeirra sem fórust voru
konur.
Skólinn var notaður til að dreifa
matarmiðum handa fólki sem missti
heimili sín í flóðum í október. Yfir
3.000 manns höfðu safnast saman í
skólanum og varð gríðarlegur troðn-
ingur með fyrrgreindum afleiðingum.
Sá orðrómur mun hafa breiðst út
meðal fólksins að matarmiðarnir
væru þeir seinustu sem úthlutað yrði.
Fólkið tróðst að aðaldyrum sem voru
læstar og krömdust þeir til bana sem
fremstir voru.
Um 50 manns slösuðust og voru
fluttir á sjúkrahús. Fjórir lögreglu-
menn gættu svæðisins þegar slysið
varð.
Að minnsta kosti sex konur létust í
svipuðum troðningi í Madras í nóv-
ember og tugir slösuðust.
Mikil flóð í suðurhluta Indlands
urðu um 300 manns að bana í október
og þúsundir manna misstu heimili
sín.
AP
Ættingjar konu, sem fórst í troðn-
ingi í Madras á Indlandi, syrgja
hana er hún var borin til grafar.
Tugir manna
fórust í
troðningi
♦♦♦