Fréttablaðið - 02.04.2004, Blaðsíða 2

2 2. apríl 2004 FÖSTUDAGUR
„Hún er 290664-4119.“
Sigurjón Þórðarson, Frjálslynda flokknum, hefur
lagt fram þingsályktunartillögu um að Hagstofu
Íslands verði falið að gera úttekt á þeim forsend-
um sem liggja að baki kennitölukerfi einstaklinga
hér á landi. Sumum þyki bagalegt að þurfa sífellt
að veita persónulegar upplýsingar á borð við
fæðingardag og ár.
Spurningdagsins
Sigurjón, hver er kennitala þín?
■ Norðurlönd
Hömlur settar á
notkun rítalíns
Nýjar aðgerðir heilbrigðisráðherra í lyfjamálum eiga að spara ríkinu
450 milljónir króna á árinu. Hömlur verða settar á notkun rítalíns og
annarra örvandi lyfja og hætt verður niðurgreiðslu þeirra.
HEILBRIGÐISMÁL Notendur rítalíns
og lyfja skyldum amfetamíni verð-
ur gert að sækja um sérstakt skír-
teini til Tryggingastofnunar ríkis-
ins eftir 1. maí. Það þarf að gera til
að almannatryggingar taki þátt í
greiðslu lyfjanna. Sama máli gegn-
ir um tiltekna flokka bólgueyðandi
lyfja og gigtarlyfja. Skírteinin
verða ekki gefin út nema að
ákveðnum forsendum gefnum.
Þetta kemur fram í aðgerðum
heilbrigðisráðherra í lyfjamálum,
sem kynntar voru í gær. Aðgerð-
irnar eiga að skila ríkinu 450 millj-
óna króna sparnaði. Jafnframt fela
þær í sér hömlur á notkun tiltek-
inna flokka örvandi lyfja og stýr-
ingu á notkun gigtarlyfja.
„Til viðbótar stóraukinni notk-
un hefðbundins rítalíns hér á landi
eru komin inn ýmis ný afbrigði af
lyfinu, sem eru dýrari, þannig að
kostnaður hefur einnig farið úr
böndum,“ sagði Einar Magnússon,
yfirlyfjafræðingur hjá heilbrigðis-
ráðuneytinu. „Það er hægt að stýra
þessu betur ef fólk þarf að sækja
um skírteini til Tryggingastofnun-
ar. Íslendingar nota nú orðið rítalín
næstmest allra í heiminum, sem
sýnir hve aukningin hér á landi
hefur verið gríðarleg. Flestar að-
gerðir sem við kynntum í gær eru
vegna kostnaðar, nema hvað varð-
ar rítalínið. Þar er verið að koma
böndum á notkunina.“
Aðgerðirnar fela enn fremur í
sér breytingar á álagningu og
verðlækkun á einstökum lyfjum,
samkvæmt ákvörðun lyfjaverðs-
nefndar. Frá 1. maí verður svo tek-
ið upp viðmiðunarverð lyfja með
sambærileg klínísk meðferðará-
hrif í þremur kostnaðarsömustu
lyfjaflokkunum. Þeir eru sýru-
bindandi magalyf, blóðfitulækk-
andi lyf og þunglyndislyf. Mun
Tryggingastofnun miða sinn hluta í
greiðslunum við viðmiðunarverð-
ið.
Hins vegar verður felld niður
30 daga takmörkun á lyfseðlum
á sýrubindandi lyf og þunglynd-
islyf. Einar sagði, að þetta væri
gert til að vega upp á móti um-
svifum sem viðmiðunarverðið,
svo og skírteinaútgáfa vegna
örvandi lyfja og gigtarlyfja
hefði í för með sér hjá Trygg-
ingastofnun.
Enn fremur voru kynntar þær
breytingar, að tveimur nefndum,
lyfjaverðsnefnd og greiðsluþátt-
tökunefnd, verði steypt saman í
eina, til að einfalda stjórnsýsl-
una og styrkja hana.
jss@frettabladid.is
Þorgerður Katrín Gunnarsdóttir um RÚV:
Ekki ástæða til að
draga úr þjónustu
STJÓRNMÁL Þorgerður Katrín
Gunnarsdóttir menntamálaráð-
herra telur ekki ástæðu til þess að
dregið verði úr þjónustu Ríkisút-
varpsins vegna hallarekstrar eins
og boðað var í ársskýrslu stofnun-
arinnar. Hún segir að í mennta-
málaráðuneytinu sé unnið að til-
lögum um varanlegar lausnir á
rekstri Ríkisútvarpsins og hún
vilji ekki bregðast við tímabundn-
um vanda með skyndilausnum.
„Ég hef bent á að það hafa önn-
ur fjölmiðlafyrirtæki í landinu,
hvort sem það eru fyrirtæki Norð-
urljósa, Skjár einn eða Morgun-
blaðið, þurft að hagræða í sínum
rekstri,“ segir Þorgerður Katrín.
Hún segir fjölmiðlamarkaðinn
vera breyttan og aðrir fjölmiðlar
hafi einnig gengið í gegnum
þrengingar á undanförnum árum.
„Það er ekkert óeðlilegt að
RÚV geri það sama. Aftur á móti
sé ég ekki að þjónustan þurfi að
skerðast við áhorfendur og hlust-
endur. Sú þjónusta hefur ekki
skerst á öðrum fjölmiðlum þrátt
fyrir þrengingar,“ segir Þorgerð-
ur Katrín. ■
Fundur vegna Sjúkrahúss
Keflavíkur
Engin
niðurstaða
HEILBRIGÐISMÁL „Það var engin nið-
urstaða á þessum fundi annað en að
annar fundur var ákveðinn eftir
helgina,“ segir Björk Guðjónsdóttir,
bæjarfulltrúi Reykjanesbæjar, en
hún var fundi stjórnar sambands
sveitarfélaga á Suðurnesjum með
Sigríði Snæbjörnsdóttur, stjórnanda
heilbrigðisstofnunar Suðurnesja.
Mikil ólga er í íbúum svæðisins
vegna hugmynda hennar um að
breyta þjónustuhlutverki einnar
álmu sjúkrahúss Keflavíkur. Hún
var ætluð öldruðum sjúklingum en
nú stendur til að flytja þá til Grinda-
víkur vegna breytinganna. ■
590 milljarðar til Afganistans:
Karzai
ánægður með
árangurinn
BERLÍN, AP Hamid Karzai, forseti
Afganistans, sagðist vera mjög
ánægður með þann árangur sem
náðist á alþjóðlegri fjáröflunar-
ráðstefnu í Berlín. Fulltrúar frá yfir
fimmtíu löndum hétu því að verja
sem svarar yfir 590 milljörðum
íslenskra króna til uppbyggingar
Afganistans á næstu þremur árum
og sagðist Karzai afar þakklátur
fyrir þennan stuðning.
Afganistan og sex nágrannalönd
undirrituðu samkomulag um að
stilla saman strengi sína í barátt-
unni gegn framleiðslu og smygli á
ópíum. Alþjóðasamfélagið hefur
heitið því að aðstoða afgönsk stjórn-
völd við að byggja upp innviði
öryggismála í landinu. ■
Flutningabílstjóri á
eftirlaunum:
Vann 17,2
milljarða
í lottó
VIRGINÍA, AP Flutningabílstjóri á eft-
irlaunum vann sem svarar yfir 17,2
milljörðum íslenskra króna í banda-
rísku lottói. Um er að ræða næst-
hæsta lottóvinning sem komið hefur
á einn miða í heiminum. Vinningur-
inn var dreginn út í febrúar en hann
var ekki sóttur fyrr en í gær.
J.P. Triplett keypti vinnings-
miðann í verslun skammt frá heim-
ili sínu í Virginíu. Líkurnar á því að
fá stóra vinninginn voru einn á móti
135 milljónum en Triplett var þó
sallarólegur. „Þetta er nú ekkert
stórmál í mínum augum,“ sagði
hann í samtali við fjölmiðla. ■
Olli hörðum árekstri:
Ók yfir á
rauðu ljósi
LÖGREGLAN Tvennt var flutt á slysa-
deild eftir harðan árekstur tveggja
bíla á gatnamótum Suðurlandsbraut-
ar og Álfheima um miðjan dag í gær.
Ökumaður bifreiðarinnar sem ók
vestur Suðurlandsbraut er talinn hafa
farið yfir á rauðu ljósi og ekið á bíl
sem var að beygja inn á Suðurlands-
braut frá Álfheimum. Sá sem olli
árekstrinum er grunaður um að hafa
ekið undir áhrifum lyfja. ■
Nýr blaðauki:
Allt sem þig vantar
FRÉTTABLAÐIÐ Með Fréttablaðinu í dag
hefur Allt göngu sína, nýr blaðauki
sem mun fylgja Fréttablaðinu alla
daga vikunar. Í Allt er hvort tveggja í
senn farvegur fyrir umfjöllun um hús
og heimili, mat og tísku, fjármál og
fasteignir, ferðir, heilsu og fleira, en
jafnframt vettvangur fyrir þjónustu-
og smáauglýsingar Fréttablaðsins,
fasteigna-, atvinnu- og raðauglýsing-
ar. Í Allt verður lífleg neytenda-
umfjöllun en það á einnig að vera góð-
ur leiðarvísir fyrir lesendur um hvað
er í boði á markaðnum – hvort sem
það eru vörur, þjónusta, húsnæði,
atvinna og hvaðeina.
Í Allt í dag er fjallað um mat,
tísku og heimili. Á morgun verður
fjallað um bíla, á sunnudag um
atvinnumarkaðinn, á mánudag um
fjármál, hús og fasteignir og svo
koll af kolli. Á næstu vikum munu
nýir efnisþættir bætast við Allt og
ýmsar nýjungar kynntar.
„Allt er liður i því að gera fram-
setningu Fréttablaðsins skýrari og
aðgengilegri,“ segir Gunnar Smári
Egilsson, ritstjóri Fréttablaðsins.
„Fréttablaðið hefur stækkað mikið
að undanförnu og það skapar bæði
tækifæri til að fjölga efnisþáttum
og gera skipulag blaðsins skýrara. Í
kjölfar útgáfu á Allt munum við
síðan kynna nýtt efni í Fréttablað-
inu sjálfu og auka þjónustu við
lesendur enn frekar.“ ■
ÞORGERÐUR KATRÍN GUNNARS-
DÓTTIR
Telur ekki að Ríkisútvarpið þurfi að skera
niður þjónustu þrátt fyrir erfiðan rekstur.
Hún bendir á að aðrir fjölmiðlar hafi ekki
minnkað þjónustu þrátt fyrir þrengingar.
BETLAÐ Í KABÚL
Afganskur karlmaður, sem hefur misst báða
fætur, situr og betlar úti á miðri götu í Kabúl.
Smáauglýsingar
byrja í dag á bls. 8
Flokkar & fjöldi
Bílar & farartæki 97 stk.
Keypt & selt 23 stk.
Þjónusta 45 stk.
Heilsa 6 stk.
Skólar & námskeið 3 stk.
Heimilið 14 stk.
Tómstundir & ferðir 12 stk.
Húsnæði 28 stk.
Atvinna 21 stk.
Tilkynningar 5 stk.
til London og Kaupmannahafnar
Tvisvar á dag
Gallabuxur ómissandi í vor
BLS. 20
Góðan daginn!
Í dag er föstudagur 2. apríl,
93. dagur ársins 2004.
Reykjavík 6.41 13.31 20.23
Heimild: Almanak Háskólans
Sólarupprás Hádegi Sólarlag
Þú færð líka
allt sem þig vantar á
Belgíski viðskiptafræðingurinn Muriel
Liglese settist á skólabekk í Háskóla Ís-
lands fyrir fjórum árum til að ljúka gráðu
í viðskiptafræði. Fljótlega tók Amor af
henni öll ráð um að halda aftur heim til
Belgíu þegar hún kynntist íslenskum
manni sem töfraði hana ástarljóma. Ísland
varð því nýtt heimaland Muriel, sem er nú
altalandi á íslensku og rekur veisluþjón-
ustuna „Muriel’s Wedding“ eftir bíómynd-
inni heimsfrægu. Veisluþjónustan (sem í
símaskrá nefnist „Veislumeistarinn“) tek-
ur að sér hvers kyns undirbúning fyrir
brúðkaup, fermingar og skírnir, en er ekki
eldhús í sjálfu sér.
„Íslendingar eru allir að koma til þegar
kemur að því að láta veisluþjónustu sjá um
allar hliðar veisluhaldanna og úti í heimi
eru brúðkaupsþjónustur afar vinsælar,“
segir Muriel sem aðallega vinnur í sam-
starfi við bandaríska brúðkaupsþjónustu
sem sendir ævintýragjörn og Íslands-elsk-
andi brúðhjón til eyjunnar í norðri. „Þá tek
ég við skipulagningu brúðkaupsins hér
heima og er til að mynda að undirbúa
brúðkaup amerískra brúðhjóna þessa dag-
ana, sem haldið verður á Búðum á Snæ-
fellsnesi með heimatilbúin skemmtiatriði
og tónlist úr sveitinni í kring. Sú ákvörðun
er tekin út frá manngerð og áhugamáli
brúðhjónanna, því þótt ég sjái um allan
undirbúning veisluhaldanna hafa brúð-
hjónin að sjálfsögðu uppi sínar óskir sem
ég fer eftir.“
Muriel sér um allt frá a til ö þegar kem-
ur að brúðkaupum. Hún sér um að panta
prestinn og kirkjuna, hárgreiðslu, snyrt-
ingu og brúðarkjólinn sjálfan; að sjálf-
sögðu einnig klæðnað brúðgumans og
brúðarvöndinn; allar skreytingar og blóm í
veisluna, ljómyndara, veislustjórn,
skemmtiatriði, veitingar, brúðarbíl, stað-
setningu fyrir veisluna sjálfa, brúðkaups-
nóttina og brúðkaupsferðina, ef óskað er.
Auk þess að skipuleggja brúðkaup,
fermingar og skírnir, flytur Muriel inn
dýrindis belgískt konfekt, súkkulaði- og
möndlugjafir, innpakkaðar kökugjafir og
tjullglaðning til gestagjafa að loknum
veisluhöldum.
Brúðkaup Muriel
heimili@frettabladid.is
Rigningin fylgir íslenska
sumrinu eins og allir vita og
því er kærkomið að eiga eina
góða regnhlíf til að bregða
yfir sig þegar skúrirnar skel-
la á manni. Margar gerðir
regnhlífa eru komnar í búðir,
allir regnbogans litir eru fá-
anlegir, sem og alls kyns mis-
munandi munstur. Einnig er
þó nokkuð úrval af barna-
regnhlífum svo yngsta kyn-
slóðin fær líka úr ýmsu að
velja. Fréttablaðið leit við í
Drangey í Smáralind og skoð-
aði úrvalið.
Lífrænt ræktaðar matvör-
ur njóta sífellt meiri vinsælda en
einnig er hægt að fá hreinlætis-
vörur sem einungis eru unnar úr
lífrænt ræktuðum hráefnum og
eiga ekki að menga umhverfið á
sama hátt og hefðbundnar hrein-
lætisvörur. Verslunin
Yggdrasill selur til
dæmis Sonett-hrein-
lætisvörur sem eru
framleiddar úr
hreinni jurtasápu
með olíum sem
unnar eru úr líf-
rænt ræktuðum
hráefnum. Ilm-
efnin eru úr nátt-
úrulegum eterísk-
um olíum sem
unnar eru úr líf-
rænt ræktuðum
eða villtum jurt-
um. Þessar vörur
eiga að brotna
fullkomlega niður í
náttúrunni á stuttum tíma og eru
án tilbúinna rotvarnarefna og ens-
íma.
Meðal annars er hægt að fá upp-
þvottalög, mýkingarefni, bletta-
hreinsi og þvottaefni í þessu vöru-
merki, en einnig handsápur sem
eiga að vera sérlega umhverfis-
vænar.
Handverk
og hönnun
er tíu ára um
þessar mundir.
Í tilefni þess
hefur verið
opnuð sýning
sem varpa á
sýn á stöðu
handverks, list-
iðnaðar og
hönnunar á Íslandi í dag. Sýn-
ingin er fyrst opnuð í Aðalstræti
12 en mun síðan verða sett upp
á nokkrum stöðum á landinu, til
dæmis í Listasafni Árnesinga í
Hveragerði og Norska húsinu í
Stykkishólmi. Síðan mun sýning-
in væntanlega fara til Ísafjarðar,
Akureyrar, að Skriðuklaustri, í
Reykjanesbæ og til Hafnar í
Hornafirði. Markmið verkefnis-
ins Handverk og hönnun er að
stuðla að eflingu handverks- og
listiðnaðar, meiri menntun og
þekkingu handverks- og listiðn-
aðarfólks og að auka gæðavit-
und í greininni.
Efni í allt er yfirskrift nýrra
þemadaga hjá IKEA sem standa
yfir til 18. apríl. Áhersla er lögð á
allt sem snýr að vefnaðarvöru og
búið er að taka upp fullt af nýjum
vörum í þessum flokkum. Tískan í
ár einkennist
af mynstruð-
um efnum.
Rómantísk
eða „sveitó“
áhrif eru ríkj-
andi með
rósóttu eða
röndóttu
mynstri, blúnduefni í ljósum lit.
Hins vegar eru nýtískuleg gegnsæ
efni með fallegum daufum vorlit-
um einnig áberandi.
Mikil aðsókn er á þæfing-
arnámskeið Heimilisiðnaðar-
skólans. Er fólki þá kennt að
þæfa ullarflóka, móta hann og
búa til úr honum listmuni eða
nytjahluti. Meðal þess sem hægt
er að gera úr þæfðri ull eru
mottur, töskur, myndir og tehett-
ur. Næsta námskeið verður 1.
maí en byrjað er að bóka á
námskeið alveg fram á haust.
Meðal annarra námskeiða sem
boðið er upp á hjá Heimilisiðn-
aðarskólanum eru útsaumsnám-
skeið, þar sem kennd eru harð-
angur og klaustur, og leður-
saumsnámskeið, sem verður 17.
og 18. apríl. Þar er meðal annars
kennt að móta og handsauma
töskur.
MURIEL LIGLESE Belgísk og ástfangin af Íslendingi. Rekur veisluþjón-
ustuna „Muriel’s Wedding“ fyrir verðandi brúðhjón á Íslandi og víðar.
Smáauglýsingar
á 750 kr.
visir.is
Regnhlífar:
Í regnbogans litum
SMÁAUGLÝSINGASÍMINN ER 550 5000
Liggur í loftinu
FYRIR HEIMILIÐ
FASTEIGNIR HEIMILI HEILSA NÁM FERÐIR MATUR VIÐBURÐIR BÍLAR ATVINNA FJÁRMÁL TÍSKA OFL.
Jæja, þá er
víst kominn þessi
árstími, þegar
harmonikkurnar
fljúga suður á
bóginn!
Til sölu YZ-426F, árgerð 2001. Protaper
stýri, O Ringkeðja, mjög gott hjól. Til
Sýnis sal Toyota notaðir bílar. Uppl. í
892 9500.
Grand Cherokee Laredo ‘01 grár ek. 60
þ. míl. Leður, toppeintak, verð. 3.250
þús., tilboð 2.800 þús., skipti mögul. á
ódýrari. Uppl. í s. 693 8210.
NÝTT FYLGIRIT
FRÉTTABLAÐSINS
Allt mun fylgja Fréttablað-
inu alla daga.
AÐGERÐIR Í LYFJAMÁLUM
Jón Kristjánsson heilbrigðisráðherra kynnti aðgerðir gegn vaxandi lyfjakostnaði
hins opinbera í gær.
NOTKUN RITALÍNS
Dagskammtur á hverja 1000 íbúa
1998 2000 2002
Bandaríkin 3,69 3,69 5,88
Ísland 0,78 2,29 3,56
Bretland 0,64 1,31 1,35
Noregur 0,58 0,74 0,95
Þýskaland 0,20 0,56 0,78
Danmörk 0,11 0,19 0,27
Svíþjóð 0,04 0,10 0,21
MAROKKÓI HANDTEKINN Í DAN-
MÖRKU Héraðsdómur í Danmörku
hefur staðfest gæsluvarðhalds-
úrskurð yfir 38 ára Marokkóa sem
handtekinn var á miðvikudag í um-
fangsmikilli lögregluaðgerð í Ishöj,
skammt fyrir utan Kaupmanna-
höfn. Maðurinn er ákærður fyrir
hryðjuverk í Marokkó og gæti átt
yfir höfði sér dauðadóm verði hann
framseldur.
1. apríl í gær:
Engin Idol-
keppni í gær
APRÍLGABB Margir mættu í Austur-
bæjarbíó í gær í því skyni að taka
þátt í undankeppni fyrir sérstaka
Idol-keppni sem fjallað var um í
Fréttablaðinu í gær. Þeir sem mættu
gripu þó í tómt enda var um aprílgabb
að ræða.
Fréttablaðið vonar að þeir sem
hlupu apríl að tilstuðlan blaðsins í
gær hafi haft gaman af uppátækinu.
Það skal einnig tekið fram að Íslenska
útvarpsfélagið er enn með sýningar-
rétt á Idol-þáttunum á Íslandi. ■