Fréttablaðið - 02.04.2004, Blaðsíða 10
10 2. apríl 2004 FÖSTUDAGUR
MÚSLIMAR ERU EKKI
HRYÐJUVERKAMENN
Eiginkona manns sem handtekinn var af
filippeyskum yfirvöldum vegna gruns um
aðild að hryðjuverkasamtökum mótmælir
handtökunni á blaðamannafundi. Á skilt-
inu stendur „Við erum múslimar - ekki
hryðjuverkamenn“.
Félagsmálaráðherra um fæðingarorlofssjóð:
Misnotaður í skjóli eldri laga
FÆÐINGARORLOFSSJÓÐUR „Við höfum
því miður séð rökstudd dæmi um að
fólk hefur verið að misnota fæðing-
arorlofssjóðinn. Að hluta til er það
eflaust vegna þess að reglurnar hafa
verið rúmar og heimildir ekki verið
skýrar varðandi viðurlög eða endur-
greiðslukröfur sjóðsins á hendur
þeim sem úr honum fá,“ segir Árni
Magnússon félagsmálaráðherra.
Fæðingarorlofssjóður er nánast
uppurinn, en samkvæmt nýju frum-
varpi um breytingar á lögum um
fæðingarorlof batnar afkoma hans
um 1,3 milljarða og sparast 150
milljónir á ári. Ekki er vitað hversu
miklar fjárhæðir hafa verið oftekn-
ar úr sjóðnum.
„Við getum tekið dæmi um fólk
sem áætlaði tekjur sínar upp á 500
þúsund krónur á mánuði og fékk
greitt úr sjóðnum í samræmi við
það. Skattframtal sýndi hins vegar
að tekjurnar voru mun minni, eða
um 300 þúsund krónur á mánuði.
Mismuninn sem liggur í þessu hefur
sjóðurinn í raun ekki haft heimildir
til að sækja og krefjast endur-
greiðslu,“ segir Árni.
Ráðherra segir einnig brögð hafa
verið að því að fólk hafi fengið
greiðslur úr fæðingarorlofssjóði á
sama tíma og það hefur notið launa
hjá sínum vinnuveitanda.
„Markmiðið er að tryggja viður-
lög við brotum af þessu tagi og
setja skýrari reglur og endur-
greiðslukröfur sjóðsins á hendur
þeim sem hafa oftekið úr honum,“
segir Árni. ■
Þjónusta við fatlaða
skorin við nögl
Umtalsverður munur er á þeirri aðstoð sem veitt er hreyfihömluðum og fötluðum einstaklingum í Reykjavík
og nágrannasveitarfélögunum þegar kemur að ferðaþjónustu. Er munurinn svo mikill að nokkur dæmi eru
um að hreyfihamlaðir einstaklingar sem flutt hafa í Kópavogs úr Reykjavík flytji aftur til baka vegna þessa.
HREYFIHAMLAÐIR Öldruðum manni
sem þjáist af Parkinsonsveiki og
getur enga björg sér veitt er gert
að sitja heima hjá sér öllum stund-
um þar sem kvóti hans hjá ferða-
þjónustu fatlaðra í Kópavogi er
uppurinn. Vegna þess að hann fær
ekki dagvist hjá sveitarfélaginu
verður hann að gera sér að góðu
að fá aðeins 36 ferðir á ári hverju.
Sótt var um aukaferðir fyrir við-
komandi fyrir skömmu en félags-
málastjóri Kópavogs gaf neitun.
Fjölskylda mannsins er miður sín
en öll sund virðast manninum lok-
uð nema þá helst að flytja til
Reykjavíkur.
Umtalsverður munur er á
þeirri aðstoð
sem veitt er
hreyfihömluð-
um og fötluðum
einstaklingum í
Reykjavík ann-
ars vegar og ná-
grannasveitar-
félögunum hins
vegar þegar
kemur að ferða-
þjónustu. Er
munurinn svo
mikill að nokkur
dæmi eru um að
hreyfihamlaðir einstaklingar sem
flutt hafa í Kópavog úr Reykjavík
hafi gert sér að góðu að flytja
aftur til höfuðborgarinnar enda sé
þjónusta þar með öðru og betra
móti. Bæði eru mun fleiri ferðir í
boði búi fólk í Reykjavík og ein-
staklingar greiða mun minna fyrir
þjónustuna en í nágrannasveitar-
félögunum. Getur það skipt sköp-
um fyrir einstaklinga sem að öllu
jöfnu sitja hjálparþurfi á heimil-
um sínum alla daga ársins.
Í Reykjavík sér Strætó bs. um
allan akstur fatlaðra og veikra
einstaklinga sem þurfa hjálp við
að komast leiðar sinnar. Þrátt fyr-
ir að strætisvagnar fyrirtækisins
keyri almenning um allt höfuð-
borgarsvæðið, frá Hafnarfirði að
Kjalarnesi, sjá aðrir verktakar
um þjónustu við hreyfihamlaða í
Kópavogi, Garðabæ og í Hafnar-
firði. Allt að helmingsmunur er á
því gjaldi sem einstaklingar
greiða fyrir hverja ferð. Í Reykja-
vík er gjaldið 65 krónur en 120 í
Kópavogi og Hafnarfirði. Engar
upplýsingar fengust á skrifstofu
Garðabæjar þegar eftir því var
leitað en gjaldið er svipað þar.
Verkefnisstjóri ferðaþjónustu
fatlaðra hjá Strætó bs., Halldór
Þórhallsson, segir það hafa vakið
furðu sína lengi hversu mikill
munur sé á þjónustu við hreyfi-
hamlaða milli Reykjavíkur og ná-
grannasveitarfélaganna. „Það
virðist gleymast að þarna er um
manneskjur að ræða alveg eins og
við hin sem heilbrigð erum. Hér
er meginreglan sú að fólk fær 60
ferðir í hverjum mánuði og ef
virkileg þörf er á reynum við að
koma til móts við alla með fleiri
ferðum. Þetta er spurning um
mannúð og mannréttindi.“
albert@frettabladid.is
Einkamál fyrir héraðs-
dómstólum í fyrra:
Tvöfalt fleiri
en 1999
HÉRAÐSDÓMAR Fjöldi einkamála fyrir
héraðsdómstólum hefur rúmlega tvö-
faldast frá árinu 1999. Í fyrra af-
greiddu héraðsdómstólar 22.397 al-
menn einkamál en til samanburðar af-
greiddu þeir alls 10.698 mál árið 1999.
Þetta kemur meðal annars fram í
skýrslu Hagstofu Íslands um starf-
semi héraðsdómstólanna í fyrra.
Fjöldi munnlega fluttra einkamála
hefur haldist nokkuð stöðugur undan-
farin ár og voru 1.312 slík mál af-
greidd frá héraðsdómstólunum í
fyrra. Um 70% allra einkamála eru af-
greidd í Héraðsdómi Reykjavíkur og
15% í Héraðsdómi Reykjaness. ■
„Það virðist
gleymast að
þarna er um
manneskjur
að ræða al-
veg eins og
við hin sem
heilbrigð
erum.
Engjateigi 5, sími 581 2141
Opið virka daga frá kl. 10.00-18.00, laugardaga frá kl. 10.00-16.00.
NÝ SENDING
ÍTALSKAR BUXNADRAGTIR
Nauðungarhjónabönd:
Ný reglugerð
í vændum
BRETLAND Bresk yfirvöld hafa gefið
út nýja reglugerð sem ætlað er að
stemma stigu við nauðungarhjóna-
böndum. Hún er ætluð til að auð-
velda félagsmálayfirvöldum að-
gerðir í málum þar sem ætla má að
fólk hafi verið beitt þvingunum til
giftingar.
Nauðungarhjónabönd eru fyrst
og fremst, en þó ekki eingöngu,
mannréttindabrot gegn konum en
talið er að allt að 15 prósent fórnar-
lambanna séu karlmenn. ■
MÓTMÆLI Í LONDON
Bresk ungmenni telja Bush Bandaríkja-
forseta beina ógn gegn heimsfriði.
Bretland:
Vakning með-
al ungmenna
BRETLAND Ungmenni í Bretlandi hafa
meiri áhuga á stjórnmálum og eru
félagslega ábyrgari en nokkru sinni
fyrr, samkvæmt niðurstöðum nýrrar
rannsóknar.
Sex af hverjum tíu ungmennanna
sögðu að vörumerki skipti þau miklu
máli en 85 prósent sögðust þó meta
siðfræðileg gildi umfram fjármuni.
85 prósent aðspurðra sögðust
einnig líta á George Bush Bandaríkja-
forseta sem beina ógnun við heims-
frið.
Rannsakendur sögðu það koma sér
á óvart hve ungmenni hefðu breyst
mikið frá því á níunda áratugnum.
Ungmenni nú væru almennt mjög
ábyrgt fólk sem liti björtum augum á
framtíðina. ■
KONA TIL METORÐA Kona hefur
í fyrsta sinn verið kosin forseti
héraðsþings Andalúsíu á Spáni
en héraðið hefur löngum þótt
karlaveldi hið versta. María del
Mar Moreno heitir sú sem ísinn
braut með fullu húsi atkvæða en
Moreno er einnig þekkt sem rit-
ari spænska sósíalistaflokksins,
PSOE, sem náði völdum á ævin-
týralegan hátt í kosningunum á
Spáni fyrir skemmstu.
FLEIRI HANDTÖKUR Lögregla á
Spáni hefur handtekið enn einn í
tengslum við rannsóknina á
sprengjuárásunum í Madrid
þann 11. mars síðastliðinn. Ot-
man El Gnaout er 24. einstak-
lingurinn sem handtekinn er en
flestir hinna handteknu eru frá
Marokkó. Þarlend yfirvöld veita
Spánverjum fullan stuðning og
leita enn fimm manna til viðbót-
ar sem talið er að séu í felum í
Marokkó.
VÆGUR DÓMUR VEKUR ATHYGLI
Dómstóll í Toledo hefur dæmt
rúmlega fimmtugan karlmann í
fjögurra ára fangelsi fyrir ítrek-
uð kynferðisbrot gegn átta börn-
um frá árinu 2000 til 2001. Dóm-
urinn þykir afar vægur og hefur
verið gagnrýndur en tekið var
tillit til þess við dómsuppkvaðn-
ingu að maðurinn er ekki heill á
geði.
ÁRNI MAGNÚSSON
Félagsmálaráðherra segir brögð hafa verið
að því að fólk hafi fengið greiðslur úr
fæðingarorlofssjóði, á sama tíma og það
hefur notið launa hjá sínum vinnuveitanda.
NAUÐUNGARHJÓNABÖND
Fyrst og fremst mannréttindabrot á konum
en allt að 15 prósent fórnarlamba eru þó
karlmenn.
■ Spánn
HREYFIHAMLAÐIR EINSTAKLINGAR
Mikill munur er á þjónustu gagnvart þeim milli sveitarfélaganna á suðvesturhorninu.