Fréttablaðið - 02.04.2004, Blaðsíða 14
14 2. apríl 2004 FÖSTUDAGUR
SÍGAUNAR BORNIR ÚT
Til átaka kom milli lögreglu og mótmæl-
enda á götum Mílanó þegar yfirvöld ráku
sígauna út úr byggingu í hverfinu Via
Adda.
Öldrunarþjónusta á Suðurnesjum gagnrýnd:
Sjötíu aldraðir á biðlistum
HEILBRIGÐISMÁL „Samkvæmt síð-
ustu upplýsingum má gera ráð
fyrir sjötíu öldruðum á bið-
listum fyrir vistun á dvalar- eða
hjúkrunarstofnun, á sama tíma
er D- álman ekki notuð í það
sem hún var byggð fyrir.“
Svo segir í yfirlýsingu aðal-
fundar Samfylkingarinnar í
Reykjanesbæ sem haldinn var í
fyrradag. Þar er lýst áhyggjum
yfir því ástandi sem hafi skap-
ast í málefnum aldraðra og
sjúkra á Suðurnesjum, en nýleg
dæmi séu um að þeir hafi verið
fluttir nauðungarflutningum í
annað sveitarfélag.
Frá upphafi umræðna um
D-álmuna á sjúkrahúsinu í
Keflavík hafi verið gert ráð
fyrir því að hún vistaði aldraða
sjúklinga. Eftir að stjórnir heil-
brigðisstofnana hafi verið lagð-
ar niður með lagabreytingu
hafi heimamenn enga aðkomu
að ákvarðanatöku um þá þjón-
ustu sem veitt sé.
Forstjóri og þeir sérfræðing-
ar sem með honum vinna hafi
sitt umboð beint frá ráðuneyti
heilbrigðismála.
„Enn alvarlegra er ástandið
eftir að flestir starfsmenn í
stjórnunarstöðum sem hér búa
hafa látið af störfum og fólk
sem ekki þekkir til aðstæðna
heldur eitt um stjórnar-
taumana,“ segir enn fremur.
„Sveitarstjórnarmenn verða að
berjast fyrir því að íbúar
svæðisins njóti þeirrar grund-
vallarþjónustu sem gera verð-
ur kröfu um í nútímasam-
félagi.“
Skorað er á ráðherra heil-
brigðismála að stofna til um-
ræðna um framtíðarþróun heil-
brigðis- og öldrunarmála á Suð-
urnesjum í þeim tilgangi að
skapa sátt um þann mikilvæga
málaflokk. ■
Samgöngunefnd endurskoðar fjarskiptalög:
Gæti þurft að breyta
nýjum lögum
FJARSKIPTI „Það voru allir nefndar-
menn sammála um að taka fjar-
skiptalögin til athugunar. Sú at-
hugun gæti hugsanlega leitt til
þess að lögunum yrði breytt,“
sagði Kristinn H. Gunnarsson,
varaformaður samgöngunefndar,
eftir fund nefndarinnar í gær.
Fjarskiptalögin voru sett rétt
fyrir þinglok í fyrra. Í fyrirliggj-
andi athugasemd ríkislögreglu-
stjóra hafði komið fram að þau
gætu torveldað lögreglu að koma
upp um barnaníðinga, þar sem
ákvæði í þeim kvæði á um að
gögn á netinu væru ekki varð-
veitt lengur en þörf krefði. Um-
rætt ákvæði hefur valdið miklum
deilum, sem leiddu til þess að
Persónuvernd sendi frá sér yfir-
lýsingu í vikunni. Þar sagði að
ekki væri kunnugt um ágreining
milli Persónuverndar og Ríkis-
lögreglustjóra um vörslu net-
gagna.
Kristinn sagði að nefndin
myndi þegar hefja vinnu við að
fara yfir þau skjöl sem lögð hefðu
verið til grundvallar við vinnslu
frumvarpsins. Hún myndi einnig
afla sér frekari gagna. Engin
tímamörk hefðu verið sett á end-
urskoðunina, enda borgaði sig að
vanda vinnuna, ekki síst ef menn
teldu að fjarskiptamálið hefði
fengið flýtimeðferð í þinginu.
„Við munum skoða sjónarmið
ríkislögreglustjóra og annarra að-
ila,“ sagði Kristinn. „Það verður
að taka þetta alvarlega.“ ■
Prestar gefa skýrslu:
Kynlífs-
venjur og
drykkjusiðir
ÁSTRALÍA, AP Biskupakirkjan í
Sydney í Ástralíu hefur fyrirskip-
að öllum prestum og djáknum
kirkjudeildarinnar að veita upp-
lýsingar um kynlífsvenjur sínar
og drykkjusiði.
Prestarnir og djáknarnir verða
að fylla út eyðublöð með spurn-
ingum um áhuga þeirra á dul-
speki, framhjáhald, umferðar-
lagabrot og sitthvað fleira. Einnig
er spurt um viðhorf mannanna til
misþyrminga á dýrum.
Að sögn kirkjuyfirvalda er
markmiðið með þessari upplýs-
ingasöfnun að bera kennsl á þá
sem líklegir eru til að brjóta af
sér í starfi en þó einkum og sér í
lagi barnaníðinga. ■
OD
DI
H
ÖN
N
UN
K
86
71
Héraðsdómstólar
landsins:
Gjaldþrota-
úrskurðum
fjölgar
HÉRAÐSDÓMAR Gjaldþrotaúrskurð-
um lögaðila fer fjölgandi á ný
samkvæmt skýrslu Hagstofunn-
ar um héraðsdómstóla. Samtals
úrskurðuðu héraðsdómstólar í
1.078 gjaldþrotamálum í fyrra.
Þar af voru úrskurðir vegna ein-
staklinga 390 en 688 vegna lögað-
ila. Gjaldþrotaúrskurðir lögaðila
eða fyrirtækja hafa ekki verið
fleiri frá árinu 1993. Þeim fækk-
aði nokkuð allt til ársins 1997 en
hefur farið fjölgandi síðan.
Gjaldþrotaúrskurðir einstaklinga
náðu hámarki árið 1995 en lág-
marki árið 2001. Síðan hefur
gjaldþrotaúrskurðum einstak-
linga fjölgað. ■
HEILBRIGÐISMÁL „Móðir mín veikt-
ist í desember og var flutt á
sjúkrahúsið. Henni var ekki hug-
að líf fram í janúar,“ sagði Guðrún
Ásgeirsdóttir, í Keflavík, um
veika móður sína. „Svo hresstist
hún og þá var talað um að senda
hana á öldrunarheimilið í Víðihlíð
í Grindavík.“
Guðrún sagði, að
hvorki gamla konan
né afkomendur
hennar, hefðu viljað
að hún færi til
Grindavíkur. Guð-
rún segir föður sinn
hafa lærbrotnað í
janúar og því væri
hann alls ófær um
að heimsækja kon-
una sína til Grindavíkur. Þá væri
önugt fyrir ættingja að heimsækja
hana þangað.
„Hún átti rétt á að vera á
sjúkrahúsinu. D-álman, þar sem
hún lá, var upphaflega ætluð fyrir
aldraða Keflvíkinga,“ benti Guð- rún á. „Þá sagði umsjónarlæknir
hennar, að þessi álma væri ekki
ætluð til þeirra nota lengur. Aldr-
aðir hjúkrunarsjúklingar ættu að
fara til Grindavíkur. Við vorum
með í höndunum pappíra, sem við
tókum út af vef sjúkrahússins þar
sem sagði, að sex langlegupláss
ættu að vera í D-álmunni. Við vor-
um einnig með reglugerð frá heil-
brigðisráðuneytinu um hlutverk
sjúkrahússins. Þetta hvoru tveggja
hundsaði umsjónarlæknir gömlu
konunnar. Við vorum raunar afar
óánægð með framkomu hans og
fleiri starfsmanna þarna.“
Guðrún sagði að aðstandendum
gömlu konunnar, sem voru við-
staddir flutninginn, væri mjög
brugðið eftir þá meðferð sem hún
hefði fengið á sjúkrahúsinu.
„Hún var tekin með valdi og
flutt nauðungarflutningum í Víði-
koma henni burt, svo og tvo sjúkra-
flutningamenn sem fluttu hana.“
Konráð A. Lúðvíksson, yfir-
læknir á heilbrigðisstofnuninni,
sagði, að ef konan teldi að hún
hefði verið flutt nauðug, þá væri
það hennar mat.
„Við höfum ekkert annað sér-
stakt rými, sem útbúið er fyrir
öldrunarsjúklinga heldur en það
sem sjúkrahúsið rekur í Víðihlíð,“
sagði Konráð. „Þessi kona er kefl-
vísk og finnst væntanlega að sér
vegið með því að þurfa að fara í
annað sveitarfélag. D-álman á
sjúkarhúsinu er alltaf fullnýtt
sem bráðalyflæknisdeild. Konan
þurfti að fara á deild sem sérstak-
lega er byggð til að taka við hjúkr-
unarsjúklingum til lengri tíma.
Þetta er val til að geta sinnt
mörgu fólki sem er í þörf fyrir
læknisþjónustu. Við getum boðið
ww.plusferdir.is
l - 14 apríl
E T
2 fyrir 1
HEILBRIGÐISSTOFNUN SUÐURNESJA
Flutningur aldraðrar konu frá sjúkrahúsi heilbrigðisstofnunarinnar á öldrunardeild í
Grindavík hefur verið gagnrýndur harðlega af aðstandendum konunnar.
■
Ekki dugði færri
en fjóra starfs-
menn sjúkra-
hússins til að
koma henni
burt, svo og tvo
sjúkraflutninga-
menn sem
fluttu hana..
Sögð flutt nauðug
til Grindavíkur
Aðstandendur aldraðrar konu segja að hún hafi verið flutt nauðug af
sjúkrahúsinu í Keflavík á öldrunarheimilið Víðihlíð í Grindavík. Yfirlækn-
ir segir þetta spurningu um að geta veitt fleirum læknisþjónustu.
FRÉTT FRÉTTABLAÐSINS
Fréttablaðið hefur að undanförnu fjallað
um ágreiningsmál í öldrunarþjónustu á
Suðurnesjum.
KRISTINN H. GUNNARSSON
Samgöngunefnd einhuga um að endur-
skoða fjarskiptalögin.