Fréttablaðið - 02.04.2004, Blaðsíða 56

SÍMANÚMER FRÉTTABLAÐSINS: 515 75 00, fax: 515 75 16 Ritstjórn: 515 75 05, fax: 515 75 06, ritstjorn@frettabladid.is
Auglýsinga- og markaðsdeild: 515 75 15 - fax 515 75 16, auglysingar@frettabladid.is Dreifing: 515 75 00, dreifing@frettabladid.is
Aprílgöbb
SM Á A U G L Ý S I N G AS Í M I N N E R 515 7500
VERTU fiAR SEM
FJÖRI‹ ER!
Fylgstu me› dagskránni
WWW.NORDUR.IS
Mér hefur alltaf þótt gaman áfyrsta apríl. Ég reyni eins og ég
get að gabba einhvern en yfirleitt
kemst ég að því mér til nokkurra von-
brigða að ég er enginn stríðnispúki.
Mér dettur aldrei neitt í hug. Ekki
neitt mergjað. Í gær datt mér til dæm-
is ekkert betra í hug en að segja við
kærustuna mína að mamma hennar
vildi heyra í henni. Það var lygi.
Kærastan mín hringdi í mömmu sína.
Og það eina sem gerðist var það að
þær töluðu saman í hálftíma.
Á MEÐAN beið ég hinum megin við
vegginn og beið eftir því ofsalega
spenntur að gabbið kæmi upp á yfir-
borðið og mamman myndi segja að hún
hefði bara alls ekkert verið að reyna
að ná í dóttur sína, en það gerðist ekki
neitt. Þær bara töluðu saman. Þegar
samtalið var búið fór ég samt inn í her-
bergið og tuðaði eitthvað um það að
þetta símtal hefði nú verið „fyrsti apr-
íl“ og eitthvað. Hálf dapurt gabb.
ÉG FLETTI líka blöðunum til þess að
reyna að sjá hvaða fréttir væru apríl-
gabb og hvað ekki. Maður var fljótur
að spotta það. En samt veit maður
aldrei. Eitt lítið horn í sálinni er reiðu-
búið að trúa hverju sem er. Á góðum
degi hefði ég hugsanlega orðið einn af
þeim sem fór niður í fjöru á Seltjarn-
arnesi hér um árið til þess að leita að
peningum. Eitt dagblaðið hafði sagt að
skipsfarmur með peningum hefði rekið
á land. Ég man alltaf eftir myndinni af
þeim sem létu gabbast. Hálf hnípnir
menn í úlpum eitthvað að vandræðast í
fjörunni eins og hálfvitar.
EN SEM SAGT, ég sá auðvitað
strax hvaða fréttir voru aprílgöbb og
hvað ekki. Það vafðist sko ekki fyrir
mér að skilja á milli lygi og sannleika.
Eins og til dæmis forsíðan á Frétta-
blaðinu í gær. „Harkalega vegið að
lýðræðinu,“ var fyrirsögnin. Vinnu-
brögðin á Alþingi voru sögð ólýð-
ræðisleg, af einum þingmanni, og
framkvæmdavaldið sakað um yfir-
gang. He he, hugsaði ég. Sé í gegnum
þetta. Augljóslega aprílgabb. Ólýð-
ræðislegt þing! Kom on! Og svo fór
ég í sparifötunum niður í Austurbæ til
þess að sjá Idol-keppni með Simon
Cowell. En hann mætti ekki þannig að
ég ákvað að fara á Bruce Springsteen
tónleika á Nasa, en Bruce mætti ekki.
En það var allt í lagi því ég endaði
kvöldið á því að mótmæla kröftuglega
þeim áformum ríkisstjórnarinnar að
færa styttuna af Danakóngi frá
stjórnarráðinu, og fór svo heim sáttur
og ánægður með að hafa látið gott af
mér leiða.
Bakþankar
GUÐMUNDAR
STEINGRÍMSSONAR
VI Ð S EG J U M F R É T T I R