Fréttablaðið - 02.04.2004, Blaðsíða 34
2. apríl 2004 Föstudagur12
Meðan sumir hafa aðeins regnhlíf sér til skjóls sitja aðrir við kertaljós og horfa út í veðrið.
Hvernig?
Frekar róleg og kósí, en einhver tími myndi örugglega
fara í að hitta vinina á ölstofum bæjarins.
Með hverjum?
Manninum mínum Reyni Lyngdal.
Laugardagur
Við myndum byrja á því að fá okkur góðan morgun-
mat og lesa blöðin heima. Svo myndum við skella
okkur í Bláa lónið og hafa það gott þar. Við fengum
boðsmiða á myndlistarsýningu hjá Jóni Óskari í Gall-
erí Kling og Bang á laugardaginn og við myndum
kíkja þangað eftir lónið.
Laugardagskvöld
Eftir það myndum við tygja okkur heim, fara í betri
fötin og fara á Austur-Indíafélagið. Kjúklingurinn þar
er alveg geggjaður og þetta er uppáhaldsstaðurinn
okkar. Við myndum eiga notalegt kvöld þar en eftir
það myndum við hitta vini okkar, til dæmis Silju og
Gunna, á einhverju kaffihúsi.
Sunnudagur
Sunnudagarnir eru svo eiginlega alveg heilagir hjá
okkur og við liggjum yfirleitt í leti. Við förum þó oft í
bíó og ég væri alveg til í að fara í fimmbíó og sjá The
Passion of the Christ.
Raunveruleikinn
Helgin verður sko alveg gjörólík þessu. Við erum
reyndar bæði í fríi á föstudagskvöldið og getum þá
kannski gert eitthvað kósí. En svo er ég að leika í
Meistaranum og Margarítu bæði laugardags- og
sunnudagskvöld. Ég þarf líka að fara á fund á sunnu-
dagskvöldið. En við reynum alltaf að hafa smá tíma
fyrir afslöppun.
Elma Lísa Gunnarsdóttir:
Draumahelgin
FR
ÉT
TA
B
LA
Ð
IÐ
/V
IL
H
EL
M
FR
ÉT
TA
B
LA
Ð
IÐ
/G
VA
Sjónarhorn
Vissir þú...
...að Ítalir borða hanakamba?
Flestar þjóðir veraldar eiga uppskriftir í fórum sín-
um sem aðrir en heimamenn myndu álíta furðuleg-
ar, eða hreinan viðbjóð undir tönn. Börn hata gjarn-
an þessa þjóðarrétti, en læra með tímanum að meta
þá og þannig helst hefðin kynslóða á milli. Hér get-
ur að líta nokkra vinsæla rétti úr sælkeraeldhúsum
heimsins.
ENGLAND: Heitur bjór, blóðbúðingar, súrsað
svínakjöt, nýrnabaka, lungu.
SVÍÞJÓÐ: „Sylta“ (hádegisverður búinn til úr soðn-
um dýrahausum).
HOLLAND: Saltaðar hrossakjötssamlokur, hnetu-
smjörssósa með frönskum kartöflum.
FRAKKLAND: Froskalappir, heili, úlfaldalappir,
vinstur, garðsniglar.
ÍTALÍA: Söngfuglar, Campari, gráðostur, hana-
kambar.
ÞÝSKALAND: Bjórostur.
SPÁNN: „Criadillas“ (nautseistu).
RÚSSLAND: Rauðrófusúpa, heimabruggaður bjór,
kavíar.
AFRÍKA: Ferskt blóð úr lifandi dýrum, engisprett-
ur, stokkrósabelgir.
MIÐ-ASÍA: Kaplamjólk, kindafita.
KÍNA: Rottur, snákar, tígriseistu, uglusúpa, hland-
blöðrur fiska, gyltuleg, fuglsungasúpa, saltað anda-
og svínablóð, ölvaðar rækjur, dúfnaheilar.
TÍBET: Þránuð mjólk, te með jakuxasmjöri.
HONG KONG: Apaheilar.
SUÐUR-ASÍA: Úldið fiskmauk, hundakjöt, nauta-
typpi, súrt sælgæti.
ÁSTRALÍA: Kengúrur, lirfur og maðkar.
KÓREA: Silkiormar, „Kim Chee“ (úldin blanda
kjöts, fisks, grænmetis og chilipipars. Grafið í jörð
og étið seinna).
ALASKA: Selspik, úldnir fiskhausar.
BANDARÍKIN: Djúpsteikt svínapara, skröltormar,
djúpsteiktir ostaboltar, kjúklingafætur, kálfa- og
svínagarnir, vatnakrabbi, svínatrýni og svína-
vélinda, djúpsteikt nautasteik.
MEXÍKÓ: Tequila-ormar, asnar, habanero-pipar,
garnir.
ÍSLAND: Hákarl, svið, hrútspungar.
JAPAN: „Fugu“ (“blowfish“, fiskur með svo eitruð
líffæri að aðeins sérstakir kokkar mega elda hann.
Drepur 300 Japani á ári), úldnar baunir.
TAÍLAND: Risa-mjölbjöllur sem éta hrísgrjón. Taí-
lendingar bíta hausinn af bjöllunni og sjúga út
grjónin.