Fréttablaðið - 29.05.2004, Side 2

2 29. maí 2004 LAUGARDAGUR
Botninn er funheitur, maður er
nær þeim í neðra.
Sigursteinn Gíslason er nífaldur Íslandsmeistari með
ÍA og KR en hann leikur nú með nýliðum Víkings
sem sitja stigalausir á botni Landssímadeildarinnar
eftir þrjár umferðir. Stundum er sagt að það sé kalt á
toppnum en þetta er alveg ný reynsla fyrir Sigurstein.
SPURNING DAGSINS
Sigursteinn, er botninn eins og kaldur
og toppurinn?
Bakkavör kaupir í Bretlandi:
Líklegt að stefnt verði að yfirtöku
VIÐSKIPTI Bakkavör keypti í gær
ríflega tíu prósenta hlut í breska
matvælafyrirtækinu Geest fyrir
rúma fimm milljarða króna. Geest
er skráð í kauphöllinni í London og
var markaðsvirði þess í lok dags í
gær 57 milljarðar króna.
Eftir kaupin er Bakkavör
stærsti einstaki hluthafinn í fyrir-
tækinu, sem er leiðandi á sviði
kældra matvara. „Við höfum horft
lengi á þetta fyrirtæki sem leið-
andi félag í þeim geira sem við
störfum í,“ segir Ágúst
Guðmundsson, stjórnarformaður
Bakkavarar. „Þetta er fyrirtæki
eins og við viljum að Bakkavör
verði eftir nokkur ár.“ Í tilkynn-
ingu Bakkavarar kemur fram að
félagið hyggi ekki á yfirtöku að
sinni. Samkvæmt breskum reglum
þýðir það að Bakkavör má ekki
fara yfir þrjátíu prósenta hlut á
næstu sex mánuðum. Fram til þess
tíma er Bakkavör frjálst að auka
eða minnka hlut sinn. Miðað við
stefnu fyrirtækisins verður að
telja líklegt að yfirtaka sé endan-
legt markmið. Ágúst vill ekki
svara neinu um það. „Það er hins
vegar alveg ljóst að þetta er lang-
tímafjárfesting. Við förum ekki
með svona fjárhæðir inn á hluta-
bréfamarkaðinn til að leika okkur.“
Geest liggur vel við yfirtöku.
Það er í dreifðri eignaraðild og
stofnanafjárfestar eru áberandi í
hluthafahópnum. Um tíu þúsund
manns starfa hjá Geest í Bret-
landi og á meginlandi Evrópu. ■
HÆSTIRÉTTUR SÝKNAR
Ósannað að fyrri eigendur hafi vitað um
veggjatítlu.
Veggjatítludómur:
Skortur á
sönnun
VEGGJATÍTLUR Fyrri eigendur for-
skalaðs timburhúss, sem undir-
lagt var í veggjatítlu, voru í fyrra-
dag sýknaðir í Hæstarétti af kröf-
um um skaðabætur eða afslátt.
Síðari eigendur hússins kröfðust
tæplega 18 milljóna króna í bætur
vegna galla á húsinu en allt tré-
verk þess var metið ónýtt sökum
veggjatítlunnar.
Hæstiréttur staðfesti niður-
stöðu héraðsdóms með þeim rök-
stuðningi að ósannað væri að fyrri
eigendur hefðu haft vitneskju um
veggjatítluna við sölu hússins árið
1992 eða að þeir hafi ábyrgst eitt-
hvað í þá veru. Kröfu um afslátt
var hafnað þar sem ósannað þótti
að húsið hefði verið gallað við
sölu. ■
Fréttablaðið:
Útgáfa um
hvítasunnu
Fréttablaðið kemur næst út
þriðjudaginn 1. júní. Ekkert blað
verður á sunnudag og mánudag.
Afgreiðsla blaðsins í Skaftahlíð
24 verður opin í dag, laugardag,
frá klukkan 9 til 17. Lokað verður
á morgun, hvítasunnudag, en á
mánudag, annan dag hvítasunnu,
verður afgreiðslan opin frá
klukkan 9 til 17. ■
LAGÐIR AF STAÐ
Bakkavör á mikið laust fé og fyrirtækjakaup
hafa verið á stefnuskránni um skeið.
FR
ÉT
TA
B
LA
Ð
IÐ
/G
VA
BAGDAD, AP Íraska framkvæmdaráð-
ið útnefndi Iyad Allawi forsætisráð-
herra í bráðabirgðastjórninni sem
tekur við völdum af hernámsstjórn-
inni 30. júní. „Þetta er frágengið,“
sagði Hameed al-Kafaei, talsmaður
framkvæmdaráðsins. „Hann verður
forsætisráðherra.“
Sjíamúsliminn Allawi var
áberandi í stjórnarandstöðunni í
valdatíð Baath-flokksins og
Saddams Hussein en í flokki hans
eru margir fyrrum foringjar úr
Íraksher sem flúðu ofríki Saddams.
Er það talið honum til tekna nú þeg-
ar ofbeldi veður uppi í Írak en eitt
helsta verkefni nýju stjórnarinnar
verður að tryggja öryggi lands-
manna. Flokkur Allawi hvatti á sín-
um tíma til þess að Saddam yrði bylt
en tilraun til þess mistókst árið
1996.
Talsmaður Lakhdar Brahimi,
fulltrúa Sameinuðu þjóðanna í Írak,
sagði hann fagna tilnefningunni og
virða hana. Brahimi hefur rætt við
íraska hópa, flokka og þjóðarbrot
um hvernig stjórnin skyldi skipuð.
Búist er við að forseti og tveir
varaforsetar verði útnefndir í dag. ■
IYAD ALLAWI
Barðist gegn Íraksstjórn frá því á áttunda áratugnum. Naut stuðnings bandaríska utanríkis-
ráðuneytisins.
M
YN
D
A
P
Íraska framkvæmdaráðið sameinast um forsætisráðherra:
Útlagi tekur við völdum
Hjálmar Árnason:
Kraftmikið
kjörtímabil
ALÞINGI „Þetta hefur ver-
ið mjög afkastamikið
þing. Vel á annað hund-
rað frumvörp hafa farið
í gegn. Þar af mörg stór
mál og sum umdeild og
erfið. Ég held að þetta
sýni að kjörtímabiliið
fer af stað með miklum
krafti og sá kraftur
mun endast út kjörtíma-
bilið,“ segir Hjálmar
Árnason, þingfokksfor-
maður Framsóknar-
flokksins.
„Núna á síðasta deg-
inum eru söguleg tíðindi
því nú er búið að ein-
falda fiskveiðistjórnun-
arkefnið. Af nýlegum
málum má nefna fjöl-
miðlafrumvarið en ekki
síður breytinguna á
Íbúðalánasjóði, sem á
ekki bara eftir að lækka
húsnæðiskostnað hjá
einstaklingum heldur
líka hafa áhrif á vexti í
landinu.
Ekki má gleyma jafn-
réttisáæltunum þar sem
að félagsmálanefndin,
stjórn og sjórnarand-
staðan, náði öll saman.
Þetta eru skýr skila-
boð.“ ■
Einar Kristinn
Guðfinnsson:
Farsælt
þing
ALÞINGI Þetta var þing sem
fór rólega af stað. Hörð
átök áttu sér stað undir
lokin þar sem við urðum
vitni að ótrúlegu staðfestu-
leysi stjórnarandstöðunn-
ar, sem hafði kallað eftir
lagasetningu um fjölmiðla
en þorði ekki að standa við
hugmyndir sínar þegar á
móti fór að blása.
Þingið var farsælt, við
afgreiddum mörg stór og
veigamikil mál. Fram und-
an er að takast á við það
sem við leggjum gríðar-
lega áherslu á, að lækka
skatta í því skyni að bæta
hag almennings.
Næsta þing mun hafa
gríðarlega breytingu í för
með sér er Davíð Oddsson
hættir sem forsætisráð-
herra. Sjálfstæðismönn-
um finnst það lakara og
hefðum við viljað hafa for-
ingja okkar áfram sem
forsætisráðherra. Við
sömdum um þetta og við
það verður að standa.
Davíð Oddsson er yfir-
burðastjórnmálamaður og
verður mikið skarð fyrir
skildi þegar hann hverfur
úr embættinu. ■
Magnús Þór
Hafsteinsson:
Skrýtinn
starfsandi
ALÞINGI „Orrustan um
fjölmiðlafrumvarpið og
sóknardagafrumvarpið
standa klárlega upp úr á
þessu þingi sem lauk í
gærkvöld,“ sagði Magn-
ús Þór Hafsteinsson,
formaður þingflokks
Frjálslynda flokksins.
Magnús kom nýr inn
á þing síðasta vor og var
því að ljúka sínu fyrsta
ári á Alþingi.
„Þetta er mikil
reynsla, eldskírn eins og
þingstörfum var háttað í
vetur. Það sem einkenndi
þingstörfin er þetta sér-
kennilega andrúmsloft
sem ríkir inni á Alþingi.
Gjáin milli stjórnar og
stjórnarandstöðu er djúp
og virðist sífellt dýpka.
Á móti kemur að stjórn-
arandstaðan náði mjög
vel saman.
En þó að þingfundum
hafi verið frestað eru
þingmenn ekki allir
komnir í sumarfrí. Þing-
menn Frjálslyndra legg-
ja strax eftir hvítasunnu
land undir fót og vitja
kjósenda, eins og Magn-
ús Þór orðaði það. ■
Ögmundur
Jónasson:
Blikur
á lofti
ALÞINGI „Þetta hefur verið
óvenju hart átakaþing. Það
má heita að síðari hluta árs
þá hafi þingið nánast leikið
á reiðiskjálfi og það er
ekki séð fyrir endann á
þeim skjálftum. Mér segir
hugur um að sprungurnar
sem þessir skjálftar hafa
myndað séu ekki einvörð-
ungu á milli stjórnar og
andstöðu heldur teygi þær
sig einnig inn í stjórnarlið-
ið,“ sagði Ögmundur Jón-
asson, þingflokksformað-
ur Vinstri grænna.
„Átökin, sem hófust á
vordögum, kristölluðust í
fjölmiðlafrumvarpinu, en
ekki síður að því er ég held,
í átökum um stjórnarstefn-
una til framtíðar. Ég held
að við stöndum frammi fyr-
ir einu stóru spurninga-
merki,“ sagði Ögmundur.
„Það sem mér finnst
ánægjulegast eftir vetur-
inn er hve góð samstaða
myndaðist með stjórnar-
andstöðuflokkunum. Við
náðum saman um ýmis
grundvallarmálefni og ég
hef trú á því að það sé
nokkuð sem við getum
byggt á til framtíðar. ■
Kristján Möller:
Stjórnin
lemstruð
ALÞINGI Þessi fyrsti vetur
eftir kosningar er búinn
að vera frábær hjá þing-
flokki Samfylkingarinn-
ar og erum við stolt af
störfum okkar. Jafnaðar-
menn hafa aldrei haft
jafnmarga þingmenn og
nú, tuttugu.
Það sem ber hæst er
endirinn, þetta dæma-
lausa fjölmiðlafrum-
varp og það að við fór-
um þrjár vikur yfir
áætluð starfslok.
Það sem einkenndi
þingstörfin á árinu voru
hinar heiftarlegu deilur
sem sköpuðust vegna
hins sérkennilega fjöl-
miðlafrumvarps. Reynd-
ar sér ekki fyrir endann á
því máli og eru blikur á
lofti.
Það er ljóst að ríkis-
stjórnin kemur lemstruð
undan þessum vetri.
Samkomulag innan
stjórnarflokkanna er
ekki eins gott og foringj-
arnir vilja láta skína í.
Það verður merkilegt
að koma til þings í haust
með nýjan forsætisráð-
herra, nema að það
breytist í sumar. ■
Íran
Mannskæður
jarðskjálfti
TEHERAN, AP Í það minnsta sex létu
lífið og um 30 slösuðust í jarð-
skjálfta sem reið yfir norðanvert
Íran í gær. Jarðskjálftafræðistofn-
un í Teheran mældi styrk skjálft-
ans 5,5 á Richter-kvarða en Jarð-
fræðistofnun Bandaríkjanna 6,2.
Miðja skjálftans var undir þorp-
inu Baladeh, um 70 kílómetra norð-
austur af Teheran. Skjálftinn reið
yfir rétt eftir klukkan fimm síðdeg-
is. Tólf eftirskjálftar fundust, sá
stærsti þeirra mældist 4,4.
Í desember í fyrra létust 26.000
manns þegar skjálfti upp á 6,6 á
Richter reið yfir borgina Bam. ■