Fréttablaðið - 29.05.2004, Blaðsíða 6
6 29. maí 2004 LAUGARDAGUR
GENGI GJALDMIÐLA
Bandaríkjadalur 71,55 -0,60%
Sterlingspund 131,35 0,02%
Dönsk króna 11,78 0,20%
Evra 87,65 0,21%
Gengisvísitala krónu 122,09 -0,33%
KAUPHÖLL ÍSLANDS
Fjöldi viðskipta 275
Velta 6.844 milljónir
ICEX-15 2.665 0,21%
Mestu viðskiptin
Kaupþing Búnaðarbanki hf. 268.329
Actavis Group hf. 88.871
Íslandsbanki hf. 56.955
Mesta hækkun
Þormóður rammi-Sæberg hf. 7,25%
Burðarás hf. 1,04%
Medcare Flaga 0,86%
Mesta lækkun
Kögun hf. -1,80%
AFL fjárfestingarfélag hf. -0,83%
Marel hf. -0,68%
Erlendar vísitölur
DJ* 10.192,1 -0,1%
Nasdaq* 1.987,1 0,1%
FTSE 4.430,7 -0,5%
DAX 3.902,7 -0,3%
NK50 1.413,3 0,3%
S&P* 1.119,7 -0,1%
*Bandarískar vísitölur kl. 17.00
VEISTU SVARIÐ?
1Hvað heitir vikurflutningaskipið semstrandaði við innsiglinguna í Þorláks-
höfn í vikunni?
2Íslandsmeistarar KR í knattspyrnunáði í sín fyrstu stig í Landsbanka-
deildinni í vikunni. Hverja sigruðu KR-
ingar og hvernig?
3Rússneska olíufyrirtækið Yukos ramb-ar á barmi gjaldþrots vegna skatta-
skulda. Hver er eigandi Yukos?
Svörin eru á bls. 22
Drífa Kristjánsdóttir á Torfastöðum í Biskupstungum:
Kærum okkur ekki
um að eiga kirkju
SAFNAÐARMÁL „Við kærum okkur
ekkert um að eiga kirkju,“ sagði
Drífa Kristjánsdóttir á Torfastöð-
um í Biskupstungum um þær
fregnir að gleymst hefði í land-
búnaðarráðuneytinu að undan-
skilja kirkjuna á Torfastöðum,
þegar hún og Ólafur Einarsson
bóndi hennar keyptu jörðina af
ríkinu árið 1997.
Drífa sagði að málið hefði orð-
ið ljóst með þeim hætti að einhver
í sóknarnefndinni hefði uppgötv-
að að kirkjan hefði verið seld með
jörðinni.
„Við gerðum ekkert veður út af
þessu, það skipti engu máli,“ sagði
Drífa. „Við litum aldrei svo á að
við ættum kirkjuna, en hins vegar
var hún ekki undanskilin í kaup-
samningi á sínum tíma. Ég geri
ráð fyrir að ráðherra landbúnaðar
hafi forgöngu um að gengið verði
frá þessu máli eins og menn telja
að það eigi að vera.“
Drífa sagði að samkomulag
eigenda Torfastaða við safnaðar-
nefndina hefði verið gott og þeim
Torfastaðahjónum þætti vænt um
kirkjuna og söfnuðinn.
„Þetta er mjög einfalt mál og
verið að gera úlfalda úr
mýflugu í fréttaflutningi af
því,“ sagði Drífa og bætti við að
þau hjónin skrifuðu að sjálf-
sögðu undir samning um að-
skilnað kirkju og jarðar þegar
til þess kæmi. ■
Lögreglan leitar
vitorðsmanna
Lögreglan leitar nú hugsanlegra vitorðsmanna Íslendings sem tekinn
var með tvö kíló af amfetamíni og kókaíni í Leifsstöð á mánudag. Eng-
inn hafði verið yfirheyrður vegna málsins í gær utan umrædds manns.
LÖGREGLUMÁL Rannsókn lögregl-
unnar í Reykjavík á máli Íslend-
ings sem tekinn var með tvö kíló
af amfetamíni og kókaíni í Leifs-
stöð beinist nú meðal annars að
því hverjir séu í vitorði með hon-
um. Með tilliti til magns fíkniefn-
anna sem maðurinn reyndi að
koma inn í landið þykir fullljóst að
hann hafi verið í samstarfi við
einhverja hér. Nær útilokað þykir
að hann hafi ætlað sér að vera
einn um að koma efnunum í verð,
samkvæmt upplýsingum Frétta-
blaðsins. Fleiri höfðu þó ekki ver-
ið yfirheyrðir síðdegis í gær.
Það var Tollgæslan á Keflavík-
urflugvelli sem fann fíkniefnin
við eftirlit á íslenskum manni sem
var að koma frá Kaupmannahöfn
síðastliðinn mánudag. Hafði hann
falið efnin innanklæða á nokkrum
stöðum en hafði ekki límt þau á
líkamann eins og gjarnan er gert
þegar um er að ræða tilraunir til
smygls af þessu tagi. Maðurinn
reyndist vera með eitt kíló af
kókaíni og eitt kíló af amfetamíni.
Er þetta mesta magn þessara efna
sem einn maður hefur reynt að
smygla inn í landið til þessa. Hann
var úrskurðaður í 3 vikna gæslu-
varðhald í Héraðsdómi Reykja-
víkur á þriðjudag, daginn eftir
komuna til landsins.
Umræddur maður er 39 ára.
Samkvæmt upplýsingum blaðsins
hefur hann gerst brotlegur við lög
áður, en þau brot munu ekki varða
við fíkniefnalöggjöfina né vera
stórvægileg.
Egill Stephensen saksóknari
hjá lögreglunni í Reykjavík
kvaðst ekki vilja tjá sig um málið.
Rannsókn væri í fullum gangi, en
væri á afar viðkvæmu stigi enn
sem komið væri.
Tollgæslan á Keflavíkurflug-
velli hefur lagt hald á 15 kíló af
hassi það sem af er þessu ári. Það
er meira magn heldur en allt árið
í fyrra. Einnig hefur verið lagt
hald á meira magn af hörðum efn-
um nú en allt árið í fyrra. Hvað
varðar amfetamín og kókaín lagði
lögregla hald á rúmlega kíló af
amfetamíni og um hundrað
grömm af kókaíni á síðasta ári,
þannig að magnið sem hald hefur
verið lagt á þessu ári er þegar
orðið umtalsvert meira.
jss@frettabladid.is
ÞORKELL SIGURLAUGSSON
Eftir langan og fjölbreyttan feril hjá Eim-
skipafélaginu fer hann og sinnir þróun í
Háskólanum í Reykjavík.
Breytingar hjá Burðarási:
Lykilstjórn-
andi kveður
VIÐSKIPTI Þorkell Sigurlaugsson,
einn lykilstarfsmanna Burðaráss,
hefur verið ráðinn framkvæmda-
stjóri þróunarsviðs Háskólans í
Reykjavík. Þorkell á að baki lang-
an feril sem einn af lykilstjórn-
endum Eimskipafélagsins og
Burðaráss. Hann hefur gegnt
stjórnunarstörfum í fyrirtækinu
frá árinu 1977.
Þorkell mun meðfram nýju
starfi hjá Háskólanum sinna
áfram verkefnum fyrir Burðarás,
en hann er meðal annars stjórnar-
formaður Marels. Auk stjórnun-
arstarfa í Eimskipafélaginu hefur
Þorkell ritað fjölda greina og
bækur um stjórnun og viðskipta-
líf. ■
■ LÖGREGLUFRÉTTIR
EGILSSTAÐIR Tveir menn af höf-
uðborgarsvæðinu gistu fanga-
geymslur lögreglunnar á Egils-
stöðum í fyrrinótt. Þeir gengu um
bæinn með óspektum og
drykkjulátum. Lögreglan gat lítið
tjónkað við þeim en lét þá lausa í
gærmorgun. Ekki er vitað um
ferðir þeirra síðan.
www.plusferdir.is
Benidorm
29.955 kr.
N E T
M.v. 2 fullorðna og 2 börn 2ja-11 ára í íbúð með 1 svefnherbergi
í 7 nætur á Halley 16. júní.
Innifalið er flug, gisting, ferðir til og frá flugvelli erlendis,
íslensk fararstjórn og allir flugvallarskattar.
Verð miðað við að 2 fullorðnir ferðist saman 39.990 kr.
NETplús er einungis bókanlegur á www.plusferdir.is
16. júní
Verð frá
KIRKJUSALA
Kirkjan á Torfastöðum í Biskupstungum var ekki undanskilin í samningum þegar land-
búnaðarráðuneytið seldi jörðina fyrir hönd ríkisins árið 1997. Það verður nú leiðrétt.
■ LÖGREGLUFRÉTTIR
HARÐUR ÁREKSTUR Jeppi og
fólksbíll rákust á nálægt Akra-
nesi um tvöleytið í fyrradag. Bíl-
stjórarnir voru fluttir til aðhlynn-
ingar á sjúkrahúsið á Akranesi.
Engir farþegar voru í bílunum.
LEIFSSTÖÐ
Maðurinn sem tekinn var með 2 kíló af fíkniefnum innan klæða í Leifsstöð
var að koma frá Kaupmannahöfn.
KÓKAÍN
Ljóst þykir að maðurinn hafi verið í sam-
starfi við aðra um að koma efnunum í
verð. Myndin er sviðsett.