Fréttablaðið - 29.05.2004, Side 12

12 29. maí 2004 LAUGARDAGUR
KÁTIR PILTAR
Strákarnir í Hay al-Soulom hverfinu í
Beirút létu blóðug mótmæli á fimmtudag
ekki koma í veg fyrir leiki sína í gær, held-
ur brugðu sér undir stýri á bíl sem var
kveikt í.
Flugstöðin keypti Íslenskan markað:
Aftur í ríkiseigu
FLUGSTÖÐ Flugstöð Leifs Eiríks-
sonar hefur keypt allt hlutafé í
Íslenskum markaði fyrir 336
milljónir króna og tekur við
rekstrinum á þriðjudag. Miklar
deilur hafa staðið vegna upp-
sagnar Flugstöðvarinnar á
leigusamningi við Íslenskan
markað og aðstöðu í Leifsstöð en
þær eru nú úr sögunni.
Hluthafar Íslensks markaðar
eru 41 en þeir keyptu 52% hlut
sinn af ríkinu við einkavæðingu
árið 1998. Ríkið er því að kaupa
aftur hinn einkavædda hlut.
Í tilkynningu frá flugstöðinni
segir að um þetta hafi verið
samið til að hægt sé að vinna
hratt að nauðsynlegum breyt-
ingum í stöðinni og laga starf-
semi hennar að örri fjölgun far-
þega.
Gert er ráð fyrir að starfs-
fólki Íslensks markaðar verði
boðin önnur störf í flugstöðinni
og því komi ekki til uppsagna
vegna breytinga á eignarhaldi
félagsins.
Næstu misserin er ætlunin að
stækka innritunarsal og mót-
tökusal, útbúa nýtt skrifstofu-
rými á 3. hæð og verslunar- og
þjónusturými á 2. hæð verður
stækkað og endurskipulagt. ■
Lýstur látinn:
Andaði eftir
andlátið
BANDARÍKIN, AP Klukkutíma eftir að
læknir lýsti hinn tveggja ára gamla
Logan Pinto látinn varð hjúkrunar-
kona vör við að hann andaði.
Hjúkrunarkonan var þá að búa
„líkið“ til flutnings á útfararstofu.
Logan féll í skurð nærri heimili
sínu í Idaho og lá í vatninu í nær
hálftíma áður en lögregla fann
hann. Lífgunartilraunir virtust ekki
bera árangur og var pilturinn lýstur
látinn. Foreldrar hans fengu smá
tíma til að kveðja hann áður en lík
hans var búið til flutnings en þá sá
hjúkrunarkona að brjóstkassi hans
lyftist lítillega. Hann dvelur nú á
gjörgæslu. ■
Þrjú börn myrt:
Ungur piltur
afhöfðaður
BANDARÍKIN, AP „Ég hef séð minn
skerf af morðum en ég hef aldrei
séð neitt jafn hryllilegt og þetta,“
sagði lögreglumaðurinn Kenneth
Blackwell við Washington Post
um sjónina sem blasti við honum
þegar hann var kallaður á vett-
vang í Baltimore þar sem þrjú
börn höfðu verið myrt. Höfuðið
hafði verið skorið af tíu ára dreng
og tvær níu ára stúlkur stungnar
til bana. „Þetta er eitthvað sem ég
man eftir þar til ég dreg andann í
síðasta sinn,“ sagði Blackwell.
Móðir stúlknanna fann börnin
myrt þegar hún sneri heim eftir
vinnu. Einn maður hefur verið
tekinn til yfirheyrslu en óvíst er
hvort hann framdi morðin. ■
LINDH MINNST Í BÚDAPEST
Minnisvarði um Önnu Lindh, fyrr-
um utanríkisráðherra Svíþjóðar,
var vígður í Búdapest, höfuðborg
Ungverjalands, í gær. Borgar-
stjórnin og utanríkisráðuneytið
stóðu að þessu í sameiningu og
vildu leggja áherslu á þátt Lindh í
stækkun Evrópusambandsins.
SVÍAR TIL AFGANISTAN Sænsk
stjórnvöld hafa ákveðið að fjölga
sænskum hermönnum sem eru
við friðargæslu í Afganistan. 85
hermenn verða sendir til
landsins til viðbótar við þá 25
sem eru þar fyrir.
■ Evrópa
Úthlutað úr forvarnarsjóði:
Frumkvöð-
ull heiðraður
FORVARNIR Jón Kristjánsson,
heilbrigðisráðherra, úthlutaði
formlega úr forvarnarsjóði á
fimmtudag en alls voru tæplega 45
milljónir veittar í styrki. Verkefnin
voru af fjölbreyttum toga og ljóst
er að skortur á vilja, hugmynda-
auðgi og krafti stendur forvarna-
starfi ekki fyrir þrifum. Við sama
tækifæri var Helgi Seljan heiðrað-
ur fyrir ötult og óeigingjarnt starf í
þágu áfengisvarna, en starf hans
innan bindindissamtakanna spann-
ar rúmlega hálfa öld. ■
HELGI SELJAN BINDINDISFRÖMUÐUR.
Helgi var heiðraður fyrir ötult forvarnarstarf
í gegnum tíðina.
LEIFSSTÖÐ
Íslenskur markaður, sem var seldur að
hluta í einkavæðingu ríkisins fyrir fimm
árum, er nú aftur kominn í eigu ríkisins.
Stjórnsýslan vanmáttug
Koma verður á fót mengunarbótasjóði til að koma í veg fyrir deilur um kostnað við björgun á
strandstað, líkt og komu upp þegar Víkartindur strandaði í mars 1997. Í nýrri skýrslu um strand-
ið segir að stjórnsýslan hafi verið vanmáttug til að fást við slysið.
VÍKARTINDUR Stjórnsýslan og opin-
berir viðbragðsaðilar voru um
margt vanmáttug við að bregð-
ast við þeim aðstæðum sem upp
komu þegar flutningaskipið
Víkartindur strandaði við Þjórs-
árósa 5. mars 1997. Þetta má
meðal annars lesa í skýrslu Um-
hverfisstofnunar um strandið.
Þar er einnig fjallað um óvissu í
lagaumhverfi, óljósa verkaskipt-
ingu í viðbrögðum, skort á sam-
ræmingu og ómarkviss sam-
skipti við fjölmiðla og sagt að
þau hafi orsakað togstreitu, óör-
yggi og vantrú meðan á aðgerð-
um stóð, einkum til að byrja
með.
Skýrslan er unnin af frum-
kvæði bráðamengunarnefndar
umhverfisráðueytisins, Um-
hverfisstofnunar og Siglinga-
stofnunar. Bráðamengunar-
nefndin er skipuð fulltrúum
stofnana sem tengjast viðbrögð-
um við bráðum mengunaróhöpp-
um á sjó og ströndum. Nefndin
ákvað að fá óháðan aðila til að
fara yfir þær aðgerðir er lutu að
viðbrögðum vegna mengunar-
hættu sem skapaðist af strand-
inu. Hvað gekk vel, hvað hefði
mátt betur fara, auk þess sem
leggja átti fram tillögur til úr-
bóta.
Verkið unnu Þær Ásthildur
Elva Bernharðsdóttir og Soffía
Björk Guðmundsdóttir.
Í skýrslu þeirra er farið ýtar-
lega í strandið, frá því að skip-
stjórinn frétti fyrst að eitthvað
væri að, þar til búið var að
hreinsa upp af strandstað. Skip-
stjórinn var harðlega gagnrýnd-
ur eftir strandið fyrir að þiggja
ekki hjálp varðskips Landhelgis-
gæslunnar og annarra skipa fyrr
en í óefni var komið, og lést
skipverji á varðskipinu Ægi við
að reyna að bjarga skipinu.
Í skýrslunni eru lagðar til
ýmsar leiðir til úrbóta, svo sem
að siglingalög og strandlög verði
endurskoðuð. Einnig er rætt um
rétt stjórnvalda til íhlutunar inn-
an landhelginnar. Loks er bent á
nauðsyn þess að koma á fót
mengunarbótasjóði til að koma í
veg fyrir deilur um kostnað
vegna björgunar. Skýrsluhöfund-
ar leggja áherslu á mikilvægi
þess að eiga gott samstarf við
fjölmiðla og segja að með því að
sniðganga þá eða sýna viljaskort,
sé hætta á að stjórnendur rýri
eigin trúverðugleika og þeirra
stofnana sem þeir vinna fyrir.
the@frettabladid.is
FARMURINN Í FJÖRUNNI
Gámar af Víkartindi og varningur dreifðist
um stórt svæði á strandstað en eigendur
skips og farms stóðu við við sínar ábyrgðir
vegna hreinsunar.
VÍKARTINDUR Á STRANDSTAÐ
Strand Víkartinds við Þjórsárósa var eitt stærsta strand síðari tíma hér við land, en Víkartindur var gámaflutningaskip sem flutti gáma til
Íslands á vegum Eimskipafélagsins.