Fréttablaðið - 21.08.2004, Qupperneq 44

Reykjavíkurdeild Rauða kross-
ins rekur tvær gjaldfrjálsar
símalínur hér á landi; annars
vegar 1717 og hins vegar Vina-
línuna. Sjálfboðaliðar ljá fólki
þar eyra og veita því stuðning
við vandamálum sem koma upp
í lífi þess.
1717 er opin allan sólarhring-
inn og er aðallega hugsuð sem
neyðarlína fyrir fólk sem komið
er í öngstræti. Vinalínan er opin
frá frá 8 til 11 á kvöldin og er
frekar hugsuð sem stuðningur
við einmana einstaklinga en tek-
ur einnig á móti alvarlegri sím-
tölum eins og 1717. Það er þó
ekki svo, eins og einn sjálfboða-
liðinn benti á, að fólkið sem
vinni hjá 1717 skelli á fólk ef
það er ekkert stórvægilegt að
hjá því, en fólki sem er ein-
göngu í leit að spjalli er hins
vegar oft bent á að hringja í
Vinalínuna frekar en að teppa
símann fyrir alvarlegri tilvikum
hjá 1717. Virkni línanna er sam-
bærileg en 1717 hefur skýrari
virkni sem sjálfsvígs- og neyð-
arlína. 1717 getur gefið beint
samband við 112, sem er neyð-
arlína, og einnig við bráða-
móttöku geðdeildar. Talað er
um mögulega sameiningu
línanna tveggja í náinni
framtíð.
Rúmlega sex þúsund
manns hringdu inn í 1717 í
fyrra og það sem af er ár-
inu er tala innhringinga
orðin sú sama og allt árið í
fyrra þannig að greinilega
er um að ræða aukningu í
notkun línunnar sem þjón-
ar markhópi sem nær frá
börnum til aldraðra.
Vinalínunni var komið á
árið 1992 og er markhóp-
urinn fólk frá tvítugu og
upp úr. Um 2.000 manns
hringdu í línuna á síð-
asta ári.
Áhrif starfsins á sjálf-
boðaliðanna hljóta að
vera nokkur því upp geta
komið tilfelli þar sem tekist
er á við dauðann þó að í flestum
tilfellum sé ekki um að ræða svo
alvarleg símtöl heldur frekar
símtöl þar sem viðkomandi vant-
ar félagsskap og vinarþel.
Símalínurnar bjóða sjálfboðalið-
unum upp á sálfræðiaðstoð þurfi
þeir þess við eftir símtöl sem
koma illa við þá. Hvernig ætli sé
fyrir sálarlífið að sitja fyrir
svörum og aðstoða þá sem finna
til við að líða betur?
Gagnkvæmni
Allir sjálfboðaliðarnir gefa þá
augljósu útskýringu á þáttöku
sinni í starfsemi innhringilínanna
að þeir vilji gefa af sér. Að sama
skapi eru flestir þeirra á því að að
með því að gefa af sér fái þeir
mikið í staðinn. „Það er ekki hægt
að stunda sjálfboðaliðastörf af al-
gerri óeigingirni. Það er grein
innan sálfræðinnar sem gengur út
á að maðurinn geri ekkert nema
af sjálfsprottnum hvötum, ef það
er ekki vegna efnislegs ágóða þá
til að öðlast viðurkenningu eða að-
dáun. Það er kannski ekki hægt að
tala um sjálfboðaliðastörf á alveg
svona kapitalískan hátt en það er
eitthvað til í þessu,“ sagði einn
viðmælandinn. „Fólk er ekki bara
að gefa heldur líka að þiggja því
það lærir mikið í mannlegum
samskiptum og hvað eru eðlileg
viðbrögð fólks við ákveðnum krís-
um enda fá sjálfboðaliðarnir
mikla handleiðslu til að þeir séu
betur í stakk búnir að takast á við
vandamál,“ segir Þorfinnur Þrá-
inn Guðbjartsson, formaður Vina-
línunnar. Ekki er hægt að setja
sjálfboðaliðastörf upp sem svo að
annar aðilinn sé sá eini sem þiggi,
annars myndu ekki jafn margir
taka þátt í slíkum störfum og raun
ber vitni. Samband sem eingöngu
gengur út á að einn gefi öðrum er
ekki líklegt til að vara þar sem sá
sem gefur myndi hafa nægilegt
vit á að koma sér út úr því. Sam-
kvæmt því sem sjálfboðaliðarnir
segja fá þeir annað og meira út úr
samskiptunum en vellíðanina með
því að hjálpa öðrum því starfið
herðir þá og þroskar á margan
hátt.
Starfið ekki með heim
“Þegar ég er búinn á vaktinni
er ég búinn á vaktinni. Ég tek
starfið ekki með mér með
heim,“ segir einn sjálfboðalið-
inn. Eitt af mikilvægari atriðum
sjálfboðastarfsins hjá símalín-
32 21. ágúst 2004 LAUGARDAGUR
Sjálfboðaliðar inn-
hringilína Vinalín-
unnar: 5616464 og Hjálpar-
síma Rauða Krossins: 1717,
sem reknar eru af Rauða
krossinum, ræða um störf
sín.
,,
Það er nauðsynlegt að hafa einhvern að tala við þegar svo virðist sem fokið sé í flest skjól. Hér á landi eru starfrækt tvær símalínur þar sem
sjálfboðaliðar veita fólki stuðning við vandamálum sem koma upp í lífi þess. Rúmlega sex þúsund manns hringdu í aðra þeirra í fyrra.
Vinur í nauð
Það er ekki hægt að
stunda sjálfboða-
liðastörf af algerri óeigin-
girni.
,,
LINDA PÉTURSDÓTTIR Alger nafn-
leynd er mikilvæg í mörgum greinum
símaþjónustu þar sem veitt er per-
sónuleg þjónusta eða ráðgjöf. Af
þessum sökum er hvorki hægt að
birta nöfn þeirra sjálfboðaliða
sem tekið hafa þátt í að svara
spurningum blaðsins né birta
af þeim myndir. Linda Péturs-
dóttir fegurðardrottning hefur
tekið að sér að koma fram í
auglýsingum 1717 og er því
andlit línunnar út á við.
Andlit 1717
44-45 (32-33) Helgarefni 20.8.2004 19:51 Page 2