Fréttablaðið - 17.09.2004, Blaðsíða 2

2 17. september 2004 FÖSTUDAGUR
RÍKISREKSTUR Ríkisstjórnin hefur
ákveðið að kanna hvort fækka
megi ríkisstofnunum. Sett verður á
fót sérstök ráðherranefnd fjögurra
ráðherra sem skipa einn fulltrúa
hver í framkvæmdanefnd undir
formennsku fulltrúa fjármálaráð-
herra.
Framkvæmdanefndin mun hafa
það verkefni að endurskoða stofn-
anakerfi og rekstur verkefna á
vegum ríkisins. Einnig verður hug-
að að því hvernig taka megi ákveð-
in verkefni úr umsjá ríkisins.
Kannað verði hvort fela megi aðil-
um utan ríkiskerfisins fram-
kvæmd einstakra verkefna þótt
kostnaður við þau verði áfram
greiddur úr ríkissjóði.
Að sögn Baldurs Guðlaugssonar,
ráðuneytisstjóra í fjármálaráðu-
neytinu, eru stofnanir ríkisins um
240. Helmingur þeirra hefur færri
en tuttugu ársverk. „Margar og litl-
ar stofnanir eru verr í stakk búnar
til að mæta nútímakröfum varð-
andi rekstur og stjórnun,“ segir
Baldur.
Nefndinni ber jafnframt að
safna saman á einum stað sérþekk-
ingu á framkvæmd verkefna á veg-
um ríkisins og samræma vinnu-
brögð milli ráðuneyta varðandi
fyrirkomulag á rekstri verkefna
ríkisins. Að sögn Baldurs hafi
nefndinni ekki verið sett nein tíma-
mörk enda sé um að ræða verkefni
sem þurfi að vinna í áföngum og
yfir lengri tíma. ■
Kári Jónasson ráðinn
ritstjóri Fréttablaðsins
Nýr ritstjóri Fréttablaðsins hefur starfað í 42 ár við fjölmiðlun. Hann segir þörf á heiðarlegum og
sanngjörnum fjölmiðlalögum og vill að lögin um Ríkisútvarpið verði endurskoðuð sem fyrst.
FJÖLMIÐLAR Kári Jónasson hefur
verið ráðinn ritstjóri Fréttablaðs-
ins og tekur til starfa 1. nóvember.
Kári var fréttastjóri á fréttastofu
Útvarps í sautján ár en vann þar
samfleytt í 31 ár, fyrst sem frétta-
maður og svo varafréttastjóri.
Áður var hann blaðamaður á Tím-
anum.
Kári segist hafa hugsað málið og
rætt við fjölskyldu sína þegar hon-
um bauðst ritstjórastarfið en slegið
svo til. „Fréttablaðið er spennandi
blað og það má segja að ég sé að
byrja á byrjunarreit á ný, ég var á
Tímanum í tíu ár þegar allt var í
blýi og offset.“ Hann vann í 31 ár
hjá Ríkisútvarpinu og segir árin þar
hafa verið góð. „Ég held að ég hafi
þjónað því fyrirtæki ágætlega en
því er ekki að leyna að stjórnvöld
hafa ekki staðið sig í stykkinu gagn-
vart RÚV og starfsfólkið þar hefur
lifað lengi í mikilli óvissu um fram-
tíðina. Á þessu þarf að taka og ég
vona að núverandi menntamálaráð-
herra efni orð sín og ráðist í endur-
skoðun laga og stjórnskipulags Rík-
isútvarpsins.“ Kári segist ekki hafa
viljað bíða eftir breytingunum enda
taki þær sinn tíma. Honum hafi þótt
fýsilegra að stökkva á nýja starfið
þegar það bauðst.
Þó að fjölmiðlar séu í eðli sínu
líkir er margt ólíkt með Ríkisút-
varpinu og Fréttablaðinu og eins
með fréttastjórastarfinu og rit-
stjórastarfinu. „Ég hef verið á 24
tíma fréttavakt í dálítið mörg ár
þannig að þetta verða viðbrigði. Það
er gaman að takast á við nýja hluti.
Á Fréttablaðinu vinnur margt ungt
hæfileikaríkt fólk og það verður
spennandi að blanda saman reynslu
minni annars vegar og menntun og
hæfni unga fólksins hins vegar og
gera úr þessu gott blað.“
Kári segir von á einhverjum
breytingum á blaðinu undir hans
stjórn en vill sem minnst um þær
segja enda ekki tekinn til starfa.
„Fréttablaðið er mikill gullmoli, 70
prósent þjóðarinnar sjá blaðið dag-
lega og það verður að klappa því og
slípa, hlusta vel á lesendur og
þjóna þeim dyggilega.“
Í umræðum um fjölmiðlamálið í
vor og sumar sögðu sumir Frétta-
blaðið hallt undir eigendur sína og
tiltekin pólitísk öfl. Er Kári sam-
mála því? „Umræðan um eigend-
urna hefur aldrei truflað mig. Ég
hef upplifað risa á fjölmiðlamark-
aðnum en aldrei velt eignarhaldinu
fyrir mér. Hins vegar vil ég að til
séu heiðarleg, sanngjörn og góð
fjölmiðlalög og það þarf líka lög
um ritstjórnir og blaðamenn. Svo
er nauðsynlegt að stjórnvöld hlúi
að blaðamennsku í landinu með því
að skjóta fastari rótum undir
kennslu í faginu. Sjálfur tel ég mig
hafa lagt mitt af mörkum hjá Há-
skólanum á Akureyri en það vantar
meiri endurmenntun og frekari
rannsóknir. Háskólamenn þurfa
t.d. að rannsaka frammistöðu fjöl-
miðla í umfjöllunum þeirra um um-
deild mál á borð við Íraksstríðið,
Kárahnjúkavirkjun og fjölmiðla-
lögin. Fullyrt er út og suður um
þessi mál en það vantar algjörlega
rannsóknir og einhvern botn. Það
er sagt að fjölmiðlarnir séu fjórða
valdið í samfélaginu og það þarf að
búa betur að þessu fjórða valdi.“
Kári tekur við starfinu af Gunn-
ari Smára Egilssyni, sem verið hef-
ur ritstjóri frá endurreisn Frétta-
blaðsins í júlí 2002. Gunnar Smári
verður áfram útgefandi Fréttar
ehf., útgáfufélags blaðsins.
bjorn@frettabladid.is
RAFMAGNSLAUST Í LÓNSSVEIT
Rafmagnslína losnaði af raf-
magnsstaur í hvassviðrinu í
gærmorgun og kviknaði í
staurnum sem er við Almanna-
skarð austan við Höfn. Eldurinn
slokknaði af sjálfsdáðum en raf-
magn fór af Lónssveit og var
rafmagnslaust þar fram eftir
degi.
HÉLT ÁFRAM VEIÐUM Færeyski
línubáturinn sem átti við vélar-
bilanir að stríða við Meðallands-
bugt í fyrradag og til stóð að
draga til Vestmannaeyja hélt
áfram veiðum í gær. Samkvæmt
upplýsingum hjá Landhelgisgæsl-
unni komu fáar skýringar frá
skipstjóranum en báturinn fór
aldrei í land.
ÓVEÐUR Nokkurt tjón varð í Vest-
mannaeyjum í óveðri í fyrrinótt
og var erilsamt hjá lögreglunni
frá miðnætti til klukkan níu í gær-
morgun. Björgunarfélag Vest-
mannaeyja hjálpuðu lögreglu að
festa þakplötur og lausa muni.
Skreiðarhjallar með á milli
sextíu til áttatíu tonn af skreið
lögðust á hliðina, í sunnanverðri
Heimaey, í hvassviðrinu. „Það
kom brjálað rok sem feykti niður
öllum hjöllunum. Síðan var unnið
að því að tína fiskinn úr þeim og
hengja þá á aðra hjalla, síðan þarf
að reisa hjallana aftur við,“ segir
Magnús Gylfason, einn af for-
svarsmönnum fiskverkunarinnar
Lóndranga sem á skreiðina.
Magnús segist ekki vera viss um
hvenær starfinu ljúki en hann tel-
ur að hægt verði að bjarga mestu
af skreiðinni.
Þakplötur fuku víðs vegar um
bæinn og fór ein þeirra inn um
stofuglugga á húsi á Vesturvegi.
Bíll skemmdist nokkuð þegar
tjaldvagn fauk utan í hann. Land-
festar losnuðu á tveimur litlum
bátum í höfninni og skemmdist
annar þeirra þegar þeir rákust
saman. Þá lagðist ljósastaur á
hliðina við Hamarsskóla. ■
Töluvert tjón varð sökum óveðurs í Vestmannaeyjum:
Skreiðarhjallar
lögðust á hliðina
■ LÖGREGLUFRÉTTIR
Ég get því miður ekkert sagt til um það
á þessu stigi málsins. En þetta eru allt
saman miklar og stórar áskoranir.
Sverrir Þór Sverrisson (Sveppi) og félagar hans,
Auðunn Blöndal og Pétur Jóhann Sigfússon,
munu hætta með hinn vinsæla þátt 70 mínútur
um áramótin.
SPURNING DAGSINS
Sveppi, var þetta áskorun
frá Skjá einum?
Óveðrið í Eyjum:
Meirihlutinn
var valtur
SVEITARSTJÓRNAMÁL Litlu munaði
að meirihluti bæjarstjórnar
Vestmannaeyja félli í gær vegna
veðurs.
Boðað hafði verið til bæjar-
stjórnarfundar klukkan sex þar
sem átti að
ræða um-
deilda sölu á
f a s t e i g n u m
Vestmanna-
eyjabæjar til
eignarhalds-
f é l a g s i n s
F a s t e i g n a r
hf. fyrir rúm-
an milljarð
króna. Andr-
és Sigmunds-
son, oddviti
Framsóknar-
flokksins í
bæjarstjórn,
var veður-
tepptur í Reykjavík. Guðríður
Halldórsdóttir, annar maður á
lista Framsóknarflokksins, styð-
ur ekki meirihlutann, sem sam-
anstendur af Framsóknarflokki
og Samfylkingu. Ef hún hefði
tekið sæti Andrésar má telja víst
að salan til fasteignafélagsins
hefði verið felld.
Hins vegar varð ekkert úr því
þar sem forseti bæjarstjórnar
ákvað að fresta fundinum. ■
BALDUR GUÐLAUGSSON
Ríkisstjórnin hefur ákveðið að kanna hvort
fækka megi ríkisstofnunum.
Ráðherranefnd endurskoðar ríkisrekstur:
Ríkisstofnunum
hugsanlega fækkað
FR
ÉT
TA
B
LA
Ð
IÐ
/S
TE
FÁ
N
ARNAR SIGUR-
MUNDSSON
Tilkynning meirihlut-
ans um frestun fundar
vegna óveðurs lesin.
FR
ÉT
TA
B
LA
Ð
IÐ
/J
Ó
H
AN
N
I
N
G
I
UNNIÐ AÐ BJÖRGUN VERÐMÆTA
Starfsmaður Lóndranga sést hér vinna að
björgun skreiðarinnar eftir að skreiðarhjall-
arnir höfðu lagst á hliðina í óveðrinu.
FR
ÉT
TA
B
LA
Ð
IÐ
/J
Ó
H
AN
N
I
N
G
I
KÁRI JÓNASSON
Kári segist hafa hugsað málið og rætt við fjölskyldu sína þegar honum bauðst ritstjórastarfið en slegið svo til.
■ LÖGREGLUFRÉTTIR
GRJÓTHRUN Í ÓSHLÍÐ Grjóthrun
varð í Óshlíð við Vegskála á milli
Ísafjarðar og Bolungarvíkur í
gær. Vegagerðin færði grjótið
fljótlega. Að sögn lögreglu varð
grjóthrunið sökum mikillar rign-
ingar í gærdag.
ÁREKSTUR Á HRINGBRAUT Fimm
bíla árekstur varð á Hringbraut í
gær. Bílarnir lentu hver aftan á
öðrum. Minniháttar meiðsl urðu á
fólki en talsvert eignartjón.