Fréttablaðið - 17.09.2004, Qupperneq 22
22 17. september 2004 FÖSTUDAGUR
STJÓRNMÁL Davíð Oddsson verður
áfram ráðherra Hagstofu Ís-
lands þó hann flytji sig úr for-
sætisráðuneytinu. Embætti sam-
starfsráðherra Norðurlanda
verður áfram hjá Framsóknar-
flokknum en ekki hefur verið
ákveðið hver ráðherranna taki
það að sér. Hagstofa Íslands
hefur verið sérstakt ráðuneyti
frá miðjum sjötta áratugnum.
Davíð Oddsson tók við embætti
ráðherra Hagstofunnar 1991 af
Júlíusi Sólnes, sem um tíma var
eingöngu hagstofuráðherra uns
umhverfisráðuneytið var stofn-
að. Fram að þeim tíma hafði Hag-
stofan fylgt ýmsum ráðuneytum,
oftast fjármálaráðuneyti. Einn
forsætisráðherra fyrir tíma
Davíðs, Steingrímur Hermanns-
son, fór einnig með mál Hagstof-
unnar. Utanríkisráðherra gegnir
nú í fyrsta sinn einnig embætti
hagstofuráðherra.
Hagstofan fékk aukin verk-
efni árið 2002 þegar Þjóðhags-
stofnun var lögð niður og er
stefnt að því að á grunni hennar
rísi ný Hagsýslustofnun. ■
HALLDÓR FÉKK FORSÆTISRÁÐUNEYTIÐ
Þó að Davíð flytji sig í utanríkisráðuneytið verður hann áfram ráðherra Hagstofu Íslands.
FR
ÉT
TA
B
LA
Ð
IÐ
/G
VA
Gleymdu ráðuneytin:
Hagstofan flyst með
Davíð Oddssyni
TÖLVUR OG TÆKNI Þetta er dálítið eins
og að hitta gamlan vin,“ sagði Hall-
ur Þór Sigurðarson, vörustjóri hjá
Microsoft Íslandi, um hvernig væri
að nota íslenskt viðmót Windows og
Office í fyrsta sinn. „Í raun er ekk-
ert þarna sem kemur á óvart,“
bætti hann við í fyrirlestri sínum á
ráðstefnunni „Hittu Microsoft“
sem lauk í gær á Nordica hótel í
Reykjavík.
Microsoft kynnti fyrir skömmu
íslenskt viðmót fyrir bæði Windows
XP-stýrikerfið og fyrir Office 2003-
hugbúnaðarvöndulinn.
Hallur velti upp spurningunni
hvort það væri í raun þess virði að
þýða hugbúnað, hvort ekki væri um
að ræða peningasóun, því vissulega
væri þetta dýrt og markaðurinn lít-
ill hér. „Er svo ekki bara ágætt að
nota enska viðmótið, svona til að
styrkja okkur í enskunni? Fólk vinn-
ur jú í alþjóðlegu umhverfi og sumt
hvert, eins og ég, hjá erlendum
fyrirtækjum,“ spurði hann, en bætti
við að þótt tína mætti til rök bæði
með og á móti þýðingum væri það
skoðun fyrirtækisins að „lifandi
tungumál yrði að hafa orðaforða á
öllum meginsviðum þjóðlífsins.“
Þar sagði hann ekki hægt að undan-
skilja orðaforða upplýsingatækn-
innar. „Svo kunna heldur ekki allir
ensku,“ áréttaði hann og benti á að
þegar börn notuðu tölvur vissu þau
ekki endilega hvað þau væru að
velja þó svo að þau myndu leiðina í
valmyndartré hugbúnaðarins.
Hallur sagði það líka skoðun
fyrirtækisins að það myndi auka
framleiðni fyrirtækja að nota ís-
lenskt viðmót því viðmótinu fylgdi
aukin tölvugeta starfsmanna. Hann
vitnaði í Vigdísi Finnbogadóttur,
fyrrverandi forseta, sem sagði
þegar hún tók við íslenskri útgáfu
hugbúnaðarins: „Það er löngu vitað
að allir hugsa, læra og skapa best á
eigin tungumáli.“
Íslenskt viðmóti hugbúnaðar
Microsoft er hægt að sækja endur-
gjaldslaust á netið, auk þess sem
það fylgir á geisladiski þegar hug-
búnaðurinn er keyptur. Hallur
sagði ástæður Microsoftað fyrir að
bjóða íslenskt viðmót vera tvíþætt-
ar, annars vegar að skila til baka
hluta af ágóða sínum til samfélags-
ins og svo voninni um að í kjölfarið
fylgdi aukin sala, þótt síðar yrði.
olikr@frettabladid.is
VIÐSKIPTI Grétar Þorsteinsson, for-
seti Alþýðusambands Íslands,
hefur farið fram á að Samkeppn-
isstofnun kanni hvort það standist
lög að bankarnir krefjist upp-
greiðslugjalds af lánum. Reynist
svo ekki vera fer Grétar fram á að
stofnunin hlutist til um að skil-
málar lánastofnana verði endur-
skoðaðir.
Í bréfi sem Grétar sendi Sam-
keppnisstofnun kemur m.a. fram
að ýmislegt í skilmálum bankanna
vegna nýrra húsnæðislána sé var-
hugavert og í sumum tilvikum
ólögmætt. Hann telur að ákvæði
sem kveða á um langvarandi
tryggð við bankana séu ígildi vist-
arbands og orki tvímælis, þó þau
stangist ef til vill ekki á við lög. ■
ELVAR STEINN ÞORKELSSON OG HALLUR ÞÓR SIGURÐARSON
Elvar Steinn Þorkelsson (t.v.), framkvæmdastjóri Microsoft á Íslandi, og Hallur Þór Sigurð-
arson vörustjóri. Um 260 manns eru skráðir á ráðstefnuna „Hittu Microsoft“, en hún er
sniðin að þörfum stjórnenda, tæknimanna og forritara.
Á RÁÐSTEFNUNNI „HITTU MICROSOFT“
Um 260 manns voru skráðir á ráðstefnuna sem hófst í fyrradag og lauk í gær á Nordica
hótel í Reykjavík. 11 innlendir og 5 erlendir fyrirlesarar uppfræddu gesti.
FR
ÉT
TA
B
LA
Ð
IÐ
/V
IL
H
EL
M
Eins og að hitta
gamlan vin
Íslenskt viðmót hugbúnaðar var til umræðu á stærstu árvissu ráðstefnu
Microsoft hér á landi, sem lauk í gær. Íslenskt viðmót er talið auka
tölvugetu barna og annarra sem ólæsir eru á enska tungu.
ÓSÁTT VIÐ PÚTÍN
Hugmyndir Vladimírs Pútín Rússlandsfor-
seta um að auka völd sín, að sögn til að
efla baráttuna gegn hryðjuverkum, hefur
fallið í grýttan jarðveg. Meðlimir í Yabloko-
stjórnarandstöðuflokknum efndu til mót-
mæla og líktu honum við Adolf Hitler.
SJÚKRAHÚSIÐ Í FOSSVOGI
Á Landspítala – háskólasjúkrahúsi vinna 4.500
til 5.000 starfsmenn. Reynt verður að koma til
móts við þá verði af verkfalli kennara.
Verkfall kennara:
Slæmt mál
fyrir spítala
VERKFALL Ekki verður gripið til
sérstakra áætlana fyrir rúmlega
4.500 starfsmenn Landspítala –
háskólasjúkrahúss fari kennarar í
verkfall. Erna Einarsdóttir, sviðs-
stjóri starfsmannasviðs spítalans,
segir að reynt verði að hliðra til
vöktum og vinnutíma fólks eftir
þörfum.
„Verði verkfall er það mjög al-
varlegt mál fyrir þennan vinnu-
stað eins og aðra. Við munum ekki
setja upp gæslu fyrir börnin en
þar sem hægt er geta foreldrar
tekið börnin með í vinnuna. Það á
auðvitað ekki við um sjúkradeild-
ir. Þar er það ekki hægt.“ ■
FORSÆTISRÁÐHERRANN
Mari Alkatiri segir fólksfjölgunina gera
uppbyggingu erfiðari en ella.
Fólksfjölgun:
Fjölgaði um
17 prósent
AUSTUR-TÍMOR, AP Eftir mikinn
fólksflótta frá Austur-Tímor
meðan á aldarfjórðungslöngu og
ofbeldisfullu hernámi Indónesa
stóð er landsmönnum farið að
fjölga mikið í kjölfar þess að
Indónesar hurfu á braut.
Íbúar telja nú rúmlega 920 þús-
und og er búist við því að þeir fari
yfir eina milljón á næstu tveimur
árum. Um 40 þúsund börn fæðast
árlega og er fæðingartíðni með
því hæsta sem þekkist í heimin-
um. Íbúum fjölgaði um sautján
prósent síðustu þrjú árin, að stór-
um hluta vegna þess að nær 200
þúsund manns sem flýðu ofríki
Indónesa sneru aftur. ■
SUSILO BAMBANG YUDHOYONO
Veltir sitjandi forseta líklega af stalli.
Forsetakosningar:
Berjast um
völdin
INDÓNESÍA, AP Útlit er fyrir að
valdadagar Megawati Sukarno-
putri, forseta Indónesíu, séu tald-
ir. Fyrstu almennu forsetakosn-
ingarnar fara fram á mánudag og
er andstæðingur Sukarnoputri,
Susilo Bambang Yudhoyono, tal-
inn sigurstranglegri.
Í kosningabaráttu sinni lagði
Yudhoyono áherslu á að láta auð-
menn svara til saka fyrir fjársvik
í tengslum við hrun bankakerfis-
ins fyrir sjö árum. Sukarnoputri
sagðist ætla að einbeita sér að því
að bæta hag þeirra verst stöddu,
meðal annars með því að lækka
matvælaverð og kostnað við heil-
brigðisþjónustu og menntun. ■
FR
ÉT
TA
B
LA
Ð
IÐ
/G
VA
GRÉTAR ÞORSTEINSSON
Forseti ASÍ vill kanna hvort uppgreiðslu-
gjald stenst lög.
Húsnæðislán bankanna:
ASÍ óskar eftir athugun
Samkeppnisstofnunar
SLAGSMÁL Í SKIPASMÍÐASTÖÐ
Til átaka kom milli lögreglu og
verkamanna í skipasmíðastöð í
Bilbao á Spáni. Verkamennirnir
efndu til mótmæla gegn áætlun-
um um að einkavæða skipasmíða-
stöðina, sem er í ríkiseigu og rek-
in með tapi.
SAMÞYKKJA UPPSAGNIR Ítalska
flugfélagið Alitalia, sem á í veru-
legum rekstrarerfiðleikum, hefur
náð samkomulagi við verkalýðs-
félög um að segja upp 2.500
manns og frysta launahækkanir
til þeirra sem halda störfum sín-
um. Upphaflega vildi Alitalia
segja upp 3.400 manns.
SKULU GREIÐA SEKTIR Hæsti-
réttur Þýskalands hefur hafnað
beiðni Kristilegra demókrata um
að þeir þurfi ekki að greiða
tæpra tveggja milljarða króna
sekt. Þeim var gert að greiða
sektina eftir að í ljós kom að
þeir brutu lög um fjáröflun
stjórnmálaflokka og greindu
ekki frá fjárframlögum í leyni-
sjóði.
SPRENGJA GERÐ ÓVIRK Sprengja
var gerð óvirk fyrir utan tíu
hæða fjölbýlishús í borginni
Makhatsjkala í suðurhluta Rúss-
lands. Fjarstýrð sprengjan fannst
í bíl sem lagt hafði verið fyrir
utan húsið. Sprengjan var gerð úr
400 grömmum af TNT og tuttugu
lítrum af bensíni.
■ EVRÓPA