Fréttablaðið - 17.09.2004, Page 38

Fýlsungi við Seljalandsfoss.
SJÓNARHORN
17. september 2004 FÖSTUDAGUR12
Myndi spila fyrir Sfinxina
Sigurður Flosason tónlistarmaður hugsar í austurátt þegar draumahelgina ber
á góma. „Það eru svo margir staðir í heiminum sem ég hef ekki komið á sem
gaman væri að heimsækja þannig að ef ég gæti smellt fingrum og farið milli
staða í einu vetfangi myndi ég byrja á Indlandi. Ég gæti auðvitað hugsað mér
að eyða þar meiri tíma en einum degi. Það sem helst vekur áhuga minn á
Indlandi er menningin og svo maturinn. Ég er mikill áhugamaður um matar-
gerð og hef gaman af því að elda og stór hluti af því sem ég les er um listir
matargerðarinnar. Mér finnst indverska tónlistin einnig heillandi þar sem hún
er svo ólík þeirri sem ég fæst við á hverjum degi. Á laugardeginum færi ég
svo með eldingarhraða til Egyptalands til að skoða pýramídana sem hafa
heillað mig frá því ég var krakki og sá mynd af í bókum. Ég myndi sigla nið-
ur ána Níl, fara til Kaíró og setjast á kaffihús en kaffihúsamenningin þar er víst
einstök og kaffið afar gott.“ Væri saxófónninn með í för ?
„Já, já, ég myndi að sjálfsögðu spila fyrir Sfinxina ef hún bæði mig um það og
ekki bregðast framliðnum faraóum heldur. Á sunnudeginum væri ég svo til í
að heimsækja Landið helga ef ástandið þar gerði það kleift. Ég var einmitt að
ræða það við ísraelskan ferðamann sem ég hitti í pottinum á Hótel Skógum
í sumar. Það var dálítið sérstakt að hitta mann sem býr í miðju þess sem
maður sér í fréttunum daglega og það færir hörmungarnar nær. Það er löngu
kominn tími til að þetta ástand breytist og ég vona að það gerist sem fyrst,“
segir austurfarinn Sigurður Flosason.
AUSTURFARINN SIGURÐUR FLOSASON
DRAUMAHELGIN
FR
ÉT
TA
B
LA
Ð
IÐ
/V
IL
H
EL
M