Fréttablaðið - 17.09.2004, Page 39

Langlundargeð og þolinmæði
samninganefndar grunnskóla-
kennara eru með ólíkindum.
Launanefnd sveitarfélaganna
(LN), dyggilega studd af sveitar-
stjórnum landsins, reynir ítrekað
að villa um fyrir almenningi með
ósannindum og fölsunum. LN hef-
ur hefur t.d. viðhaft talnaleiki í
fjölmiðlum þar sem vinnutími
kennara á Íslandi og í Danmörku
er borinn saman. Skv. LN kenna
danskir kennarar um áttatíu
kennslustundum meira á ári en ís-
lenskir kennarar. Það er ekki rétt,
þarna munar átta stundum en
ekki áttatíu. Hægt er að halda
svona áfram með fleiri tölur þar
sem formaður Launanefndar
sveitarfélaganna, Birgir B. Sigur-
jónsson, fer með rangt mál. Það
óhugnanlega við þetta er að Birg-
ir B. Sigurjónsson vann sjálfur að
gerð síðasta kjarasamnings kenn-
ara og tölurnar sem hann falsaði
honum vel kunnugar og því hljóta
falsanirnar að vera meðvitaðar.
Og til að bíta höfuðið af skömm-
inni lýsir Samband íslenskra
sveitarfélaga algerum stuðningi
við störf og stefnu LN og er því í
raun að hvetja LN að viðhafa slík
vinnubrögð. Ekkert hefur heyrst
frá neinum sveitarstjórnarmanni
þar sem hann fordæmir þessar
makalausu falsanir. Þeir hljóta
því að styðja þessi vinnubrögð.
Stjórnarmenn Sambands ís-
lenskra sveitarfélaga, vinnuveit-
anda grunnskólakennara, virðast
ekki vita hvað er að gerast í samn-
ingamálum grunnskólakennara.
Þrátt fyrir það eru þeir tilbúnir að
leggja blessun sína yfir það sem
LN gerir. Kristján Þór Júlíusson,
stjórnarmaður Sambands ís-
lenskra sveitarfélaga, fullyrðir í
fréttaviðtali að allur launakostn-
aður Akureyrarbæjar muni rúm-
lega tvöfaldast ef gengið verði að
kröfum kennara. Hið rétta er að
ítrustu kröfur kennara hefðu þýtt
um 40%-45% kostnaðarauka fyrir
sveitarfélögin. Þessar ítrustu
kröfur kennara eru reyndar ekki
uppi á samningsborðinu núna og
kennarar komnir niður í 30%-35%
kostnaðarauka fyrir sveitarfélög-
in. Er von á góðu þegar stjórnar-
menn viðsemjenda eru ekki betur
með á nótunum en þetta? Kannski
var þetta bara eitt óþverrabragðið
enn af hálfu sveitarfélaganna til
að tortryggja og sverta grunn-
skólakennara.
Traust og heiðarleiki virðast
vera hugtök sem viðsemjendur
kennara hvorki skilja né þekkja.
Það er löngu kominn tími til að
heiðarlegir sveitarstjórnarmenn
stígi fram og gagnrýni þau vinnu-
brögð sem LN, í umboði Sam-
bands íslenskra sveitarfélaga,
viðhefur í stað þess að lofa þau og
hvetja til frekari óhæfuverka.
Auk þess er sú aðferð sveitar-
stjórnarmanna að etja embættis-
mönnum sveitarfélaganna á for-
aðið og svara fyrir metnaðarleysi
þeirra í menntamálum þeim ekki
sæmileg. Þessi þögn er þeim til
skammar og sýnir í raun skeyt-
ingarleysi þeirra þegar að
menntamálum kemur. ■
Myndir þú treysta þessum mönnum?
27FÖSTUDAGUR 17. september 2004
Manstu Davíð?
Manstu Davíð, daginn þegar þú varðst
forsætisráðherra? Ég man það varla
sjálfur nema óljóst, enda bara 14 ára og
rétt nýfarinn að spá í íslensk stjórnmál.
Ég man samt að ég var ekki sæll með
að „helvítis íhaldið“ væri komið í stjórn-
arráðið. Sjálfur var ég nýbakaður Alla-
balli á þessu tíma. Manstu, Davíð, eftir
Alþýðubandalaginu? Nú er það ekki
lengur til. Manstu eftir Þjóðvaka, Davíð,
og Kvennalistanum? Nú eru þeir ekki
lengur til. Öll þessi ár Davíð. Stjórnmála-
flokkar hafa komið og farið á meðan þú
varst forsætisráðherra, aðallega þó farið.
Ekki varstu svona erfiður í sambúð? Nei
því trúi ég ekki. Enda ekki þér að kenna
að hinum flokkunum tókst ekki að
vinna saman. Ef þeir bara hefðu notið
þinnar formennsku. Þá væru þeir eflaust
enn starfandi í dag, ef þeir hefðu á ann-
að borð orðið til.
Hjörtur Einarsson á sellan.is
Takmörkuð víðsýni
Síðastliðið vor samþykkti Alþingi lög
sem báru vott um takmarkaða víðsýni.
Voru þetta breytingar á útlendingalög-
gjöfinni. Það sem var mér og mörgum
öðrum þyrnir í augum var 24 ára reglan,
þ.e. lögin eins og þeim var breytt gera að
skilyrði fyrir veitingu dvalarleyfis á grund-
velli hjónabands, sambúðar eða sam-
vistar að erlendur maki, sambúðar- eða
samvistarmaki hafi náð 24 ára aldri. Í
þessu tilfelli virðist vera sem að meiri-
hluti þingheims hafi ekki velt fyrir sér
jafnræðisreglu stjórnarskrárinnar og
hvað felist í ákvæði stjórnarskrárinnar
sem kveður á um friðhelgi fjölskyldunn-
ar. Ég get ekki séð þá brýnu nauðsyn að
takmarka friðhelgi fjölskyldunnar í þessu
tilfelli vegna réttinda annarra. Ég get
heldur ekki séð að þessi skipan mála sé
nauðsynleg í lýðræðislegu þjóðfélagi til
að uppfylla einhver lögmæt markmið.
Bjarni Már Magnússon á frelsi.is
Einkarekstur í menntakerfi
Æ algengara er að foreldrar velji sér
hverfi eftir gæðum grunnskólans og
leggja mikla áherslu á hvað er börnun-
um fyrir bestu. Kannski væri hægt að
auka fjölbreytni í menntakerfinu þannig
að foreldrar hefðu aukið val, bæði um
skóla og kennara fyrir börnin sín. Val um
einkaskóla þar sem stjórnendur skól-
anna hefðu fullt umboð til þess að
semja við sína kennara. Þar væri hægt
að umbuna þeim kennurum sem ynnu
vel án milligöngu ríkisins. Þá tilheyrðu
verkföll liðinni tíð. Engar áhyggjur af því
að börnin fari á vergang í kjarabaráttu
kennaranna. Því börnunum yrði haldið
utan við samninga kennara og yfirstjórn-
enda. Jú, kannski er þetta verkfall ekki
svo slæmt eftir allt saman. Kannski verð-
ur verkfallið, þ.e. ef af því verður, til þess
að dustað verður rykið af hugmyndum
um ávísunarkerfi og hugmyndir viðraðar
um einkarekstur í menntakerfinu.
Erla Tryggvadóttir á tikin.is
JÓN PÉTUR ZIMSEN
GRUNNSKÓLAKENNARI
UMRÆÐAN
KJARADEILA
KENNARA
Við hvetjum lesendur til að senda
okkur línu og leggja orð í belg um efni
Fréttablaðsins eða málefni líðandi
stundar. Greinar og bréf skulu vera
stutt og gagnorð. Ritstjórn áskilur sér
rétt til að stytta aðsent efni. Einnig
áskilur ritstjórn sér rétt til að birta
aðsent efni að meginhluta á vefsíðu
blaðsins, sem er Vísir.is, og vísa þá til
þess með útdrætti í blaðinu sjálfu.
Vinsamlega sendið efni í tölvupósti á
greinar@frettabladid.is. Þar er einnig
svarað fyrirspurnum um lengd greina.
AF NETINU