Fréttablaðið - 11.11.2004, Qupperneq 10

10 11. nóvember 2004 FIMMTUDAGUR
ENGA KJARNORKU
Suður-kóreskir andstæðingar notkunar
kjarnorku efndu til mótmæla gegn frönsk-
um stjórnvöldum fyrir framan menningar-
miðstöð Frakka í Seúl. Franskur mótmæl-
andi lést á sunnudag eftir að hann varð
fyrir lest sem flutti kjarnorkuúrgang.
Nýtt olíufélag:
Íslensk olíumiðlun í Neskaupstað
OLÍUSALA Reiknað er með að nýtt
olíufélag, Íslensk olíumiðlun,
geti byrjað að afgreiða gasolíu til
skipa í byrjun næsta árs frá
birgðastöð sem félagið er að
reisa á hafnarsvæðinu á Norð-
firði.
Íslensk olíumiðlun, sem er í
samstarfi við danska olíufélagið
Malik, sótti um lóð við Norð-
fjarðarhöfn undir birgðatanka
fyrir rúmu ári og óskaði þá eftir
trúnaði við meðferð umsóknar-
innar hjá bæjaryfirvöldum í
Fjarðarbyggð. Það fékk síðan
byggingarleyfi í sumar og nú er
hafinn undirbúningur við að
reisa 4.000 tonna gasolíutank.
Malik hefur séð um olíusölu til
skipa í hafi síðustu 15 ár.
Að sögn Gísla S. Gíslasonar
hafnarstjóra þarf ekki að gera
neinar sérstakar framkvæmdir
við höfnina vegna þessarar
brigðastöðvar en á hafnaráætlun
er að lengja bryggjuna sunnan
við loðnubræðsluna um 50 metra
til austurs árið 2006 og verður
settur skjólgarður þar fyrir
austan. ■
Opinberir styrkir til
flokkanna fóru í skuldir
Framsóknarflokkurinn greiddi niður skuldir um 90 milljónir króna árin 1992 til 2000.
Flokksstarfið var í lágmarki þar sem allir peningar fóru í skuldir fyrri árra.
STJÓRNMÁLAFLOKKARNIR Framsókn-
arflokkurinn minnkaði skuldir,
sem voru vegna útgáfu Tímans
og NT, um 90 milljónir árin 1992-
2000 eða úr 100 milljónum í 10
milljónir króna.
Unnur Stefánsdóttir var
gjaldkeri flokksins á þessum
tíma og segir hún að starfsmönn-
um flokksins hafi verið fækkað
og opinberir styrkir, bæði sér-
fræðistyrkur og styrkur til út-
gáfumála, að mestu látnir renna
upp í skuldirnar.
Þá hafi ráðherrar, þingmenn
og aðrir, sem hafi fengið starf í
gegnum flokkinn, látið hluta
launa renna til greiðslu skuld-
anna, venjulega 5.000 krónur á
mánuði. Flokksstarfið hafi verið
í lágmarki. Þannig hafi tekist að
greiða skuldirnar niður á fjórum
árum. Fyrir kosningar hafi fjár-
öflunarnefnd flokksins svo safn-
að styrkjum hjá fyrirtækjum.
Unnur segir að sparnaðarað-
gerðirnar og störf fjáröflunar-
nefndar flokksins hafa verið
alveg aðskilið. „Þórólfur Gísla-
son kaupfélagsstjóri og Helgi
S. Guðmundsson, starfsmanna-
stjóri hjá Heilsuverndarstöðinni
í Reykjavík, töluðu við fyrirtæki
ásamt þriðja manni og söfnuðu
peningum fyrir kosningar eins
og hefur alltaf verið gert.
Ég man ekki eftir neinum
tölum í því sambandi. Það voru
náttúrulega mörg fyrirtæki úti
um allt. Ég veit ekki til þess að
olíufélögin hafi látið okkur fá
meira en hin félögin. Þórólfur og
Helgi voru alveg með það,“
segir hún.
Helgi hefur verið formaður
fjáröflunarnefndar Framsóknar-
flokksins undanfarin tíu ár.
Hann segir að Framsóknarflokk-
urinn hafi alltaf sagst leita til
einstaklinga og fyrirtækja í
landinu en það sé trúnaðarmál
hverjir styrki Framsóknarflokk-
inn og vill ekki ræða styrki ein-
stakra fyrirtækja til flokksins.
Þórólfur Gíslason segir mis-
skilning að hann hafi komið að
fjársöfnun hjá fyrirtækjum og
vildi ekki ræða það frekar. „Það
hefur ekkert verið á minni
könnu í þeim efnum,“ sagði
hann.
ghs@frettabladid.is
Barnavændi:
Neyða börn
í vændi
FILIPPSEYJAR, AFP Nokkuð er um að
ættingjar og nánir vinir barna
taki þátt í að innleiða þau í starf-
semi barnavændishringja, sam-
kvæmt nýrri rannsókn á barna-
vændi á Filippseyjum. Fólkið
þiggur þóknun af næturklúbba-
eigendum og vændishringjum
sem lofa börnunum oft vinnu við
heimilisstörf en neyða þau síðan
til að stunda vændi.
Talið er að 60 þúsund filipp-
eysk börn hafi stundað vændi á
síðasta áratug. Þar er mestmegnis
um að ræða stúlkur sem oft koma
úr fátækum fjölskyldum sem
stríða við ýmis vandamál. ■
HEILBRIGÐISMÁL Þýskum ferða-
mönnum á leið til Bretlands
hefur verið ráðlagt að láta bólu-
setja sig gegn hettusótt, vegna
faraldurs sem brotist hefur út
meðal háskólanema þar.
Þórólfur Guðnason, yfirlækn-
ir á sóttvarnasviði Landlæknis-
embættisins, segir ekki ástæðu
til aðgerða hér vegna faraldurs-
ins í Bretlandi. „Hér var hettu-
sótt dálítið algeng áður fyrr, en
síðan farið var að bólusetja um
árið 1988 hefur verið mjög góð
þekjun á bólusetningu. Bretar
eru hins vegar að súpa seyðið af
neikvæðri umfjöllun um þetta
MNR bóluefni. Notkunin datt
niður og þar með þekjunin og þar
með eru þessir sjúkdómar farnir
að sjást þar,“ sagði hann og bætti
við að í þessu endurspeglaðist
hversu mikilvægt væri að halda
úti góðri bólusetningu á lands-
vísu. „Um leið og slakað er á fara
þessir sjúkdómar að skjóta upp
kollinum aftur. Hettusótt getur
verið nokkuð alvarlegur sjúk-
dómur, sérstaklega hjá kyn-
þroska karlmönnum. Hún getur
farið í eistun og gert þá ófrjóa.
Þá getur hún valdið alvarlegum
sjúkdómi í munnvatnskirtli og
vægri heilahimnu- og heila-
bólgu.“
- óká
Veðurstofa:
Hálkuvakt á
gangstígum
FINNLAND, AP Finnska veðurstofan
hefur ákveðið að grípa til eigin
ráðstafana til að fækka slysum af
völdum hálku. Nú verða gefnar út
tvær spár á dag á tuttugu spá-
svæðum sem beint er sérstaklega
að gangandi vegfarendum. Árlega
þurfa um 50 þúsund þeirra á
læknishjálp að halda eftir að hafa
runnið í hálku.
„Rannsóknir okkar sýna að
ástandið er verst þegar snjóar eða
rignir á frosið yfirlag, eða þegar
ísinn byrjar að þiðna,“ sagði Reija
Ruuhela veðurfræðingur. Því
verða gefnar út veðurlýsingar
sem segja til um hvort gangstígir
séu hálir eða ekki. ■
Tappatogari með skera
Frábær græja
- Tappinn flýgur af
Hettusótt í Bretlandi:
Bólusetning bjargar
BARN MEÐ HETTUSÓTT
Sérfræðingar í Bretlandi segja hettusóttarfaraldur meðal háskólanema þar orsakast af því
að fólkið hafi misst af bólusetningu sem hófst ekki fyrr en 1988, en einnig er talið að
brestur í bólusetningu vegna neikvæðrar umræðu um bóluefni hafi haft sitt að segja.
M
YN
D
/I
M
M
U
N
IZ
AT
IO
N
A
C
TI
O
N
C
O
AL
IT
IO
N
■ ASÍA
GJAFMILDARI EN HÚN HÉLT Tæp-
lega áttræð kona reyndist gjaf-
mild þegar hún gaf kimono-slopp
til góðgerðarmála. Í kjólinn hafði
hún saumað seðla að andvirði
rúmrar milljónar króna til að fela
þá fyrir innbrotsþjófum. Konan
fékk peningana aftur.
LEIKSKÓLAKENNARI DÆMDUR
Kínverskur leikskólakennari sem
myrti fjögur börn og særði tólf
hefur verið greindur með geðk-
lofa og dæmdur til vistar á geð-
sjúkrahúsi. Dómarinn sagði að
hin 28 ára Liu Hongwen væri
ósakhæf sökum geðsjúkdóms.
HAFNARSVÆÐIÐ Á NORÐFIRÐI
Hafinn er undirbúningur við að reisa 4.000
tonna gasolíutank.
UNNUR STEFÁNSDÓTTIR
Gjaldkeri Framsóknarflokksins 1992-2000. Hún segir að fjársöfnun flokksins hafi verið að-
skilin, aðeins hafi verið gengið í fyrirtæki til að safna fé fyrir kosningar.
Rassskellt í ísbúðinni:
Vondur
bragðarefur
BANDARÍKIN, AP Eigandi ísbúðar í
Red Bank í Tennesse hefur verið
ákærður fyrir kynferðislegt áreiti
gagnvart starfsmönnum.
Maðurinn lét starfsmenn, sem
yfirleitt voru konur undir tvítugu,
skrifa undir yfirlýsingu um að hann
mætti rassskella þær ef þær stæðu
sig ekki í starfi. Tvær starfsstúlkur
sem fengu nóg ákváðu að kæra eig-
andann til lögreglunnar. Eigandinn
hafði þá nýlega kallað aðra þeirra
inn á skrifstofu til sín. Skammað
hana fyrir að gleyma að setja
banana í bragðaref sem hún var að
gera og refsað henni með tuttugu
rassskellingum.■
Atlantsolía
Nýjar bens-
ínstöðvar
BENSÍNSTÖÐVAR Atlantsolía opnar
þrjár bensínstöðvar á næstu mán-
uðum. Framkvæmdir við þá
fyrstu, við Sprengisand í Reykja-
vík, hefjast á næstu vikum og
verður stöðin opnuð í byrjun
næsta árs. Tvær stöðvar til við-
bótar, við Hreðavatnsskála og í
Njarðvíkum, rísa svo á fyrstu
mánuðum næsta árs. Hugi Hreið-
arsson, markaðsstjóri Atlantsolíu,
segir að enn fleiri stöðvar muni í
framhaldinu. ■