Fréttablaðið - 11.11.2004, Side 71

35FIMMTUDAGUR 11. nóvember 2004
Skjótar ákvarðanir eru
lykillinn að árangri Flug-
leiða eftir 11. september.
Stjórnarformaður félagsins
segir hæfileikann til aðlög-
unar mikilvægastan.
Skjótar ákvarðanir og sveigjanleiki
eru lykilþættir þess að Flugleiðum
hefur tekist að skila hagnaði á sama
tíma og mörg önnur flugfélög hafa
barist í bökkum. Þetta er meðal
þess sem fram kom í erindi Hann-
esar Smárasonar, stjórnarfor-
manns Flugleiða, á fundi félags við-
skipta- og hagfræðinga í gær.
Hannes sagði að þær ákvarðanir
sem stjórnendur Flugleiða tóku í
kjölfar atburðanna 11. september
2001 hefðu skipt sköpum um fram-
tíð fyrirtæksins. „Forsendurnar
fyrir því leiðakerfi sem menn
höfðu verið að byggja upp frá 1989
voru horfnar á einni nóttu.“ Hann
segir félagið hafa staðið frammi
fyrir því að tapa milljarði á mánuði.
„Félagið stóð frammi fyrir tveimur
kostum. Fara í afgerandi uppskurð
á rekstrinum eða loka dyrunum og
henda lyklunum.“
Félagið gekk í gegnum róttæka
endurskoðun og niðurskurð í kjöl-
farið. „Menn tóku þá djörfu ákvörð-
un að halda áfram með markaðs-
starf á fullu til að halda uppi eftir-
spurninni.“
Þessar aðgerðir hafa skilað því
að félagið skilaði sama hagnaði
2003 og samanlagður hagnaður
allra flugfélaga í Bandaríkjunum.
Hannes segir að hraði og þor í
ákvarðanatöku skipti verulegu máli
í rekstri almennt. „Það ríkir oft sú
hugsun að löng ákvörðunartaka sé
góð ákvörðunartaka. Ég er ekki
sammála því. Hins vegar er lykil-
atriði að það fari fram öflug grein-
ing áður en ákvörðun er tekin.“
Hann segir hraða ekki sama og
fljótfærni. Hraðinn í viðskiptum er
mikill og umhverfi fljótt að breyt-
ast. Hannes segir að þótt söguleg
gögn kunni að vera mikilvæg sé
enn mikilvægara að búa yfir hæfi-
leikanum til þess að laga sig hratt
að nýjum aðstæðum. - hh
H
V
ÍT
A
H
Ú
S
I‹
/
S
ÍA
Burðarás hf., kt. 510169-1829, Sigtúni 42, 105 Reykjavík, tilboðs-
gjafi, býður hluthöfum í Kaldbaki, hf., kt. 670169-3679, Hafnar-
stræti 91-95, 600 Akureyri, að kaupa hlutabréf þeirra í félaginu.
Tilboð þetta er sett fram í samræmi við VI. og VII. kafla laga nr.
33/2003, um verðbréfaviðskipti. Samkvæmt 32. grein laganna er
meðal annars kveðið á um að aðilum sem eignast 40%
atkvæðisréttar í hlutafélagi, sem skráð er á skipulegum verð-
bréfamarkaði, er skylt að gera öðrum hluthöfum yfirtökutilboð.
Burðarás á 76,77% hlutafjár í Kaldbaki og gerir hluthöfum í
Kaldbaki tilboð í hluti þeirra. Tilboðsverðið er 0,637841438 hlutir
í Burðarási fyrir hvern einn hlut í Kaldbaki. Verðið er það hæsta
sem Burðarás hefur greitt fyrir hluti í Kaldbaki síðastliðna sex
mánuði. Burðarás hyggst gefa út nýja hluti til að greiða fyrir
hlutina í Kaldbaki.
Tilboðið gildir frá klukkan 9.00 mánudaginn 15. nóvember 2004
til klukkan 16.00 mánudaginn 13. desember 2004.
Stefnt er að því að sameina Burðarás og Kaldbak undir nafni
Burðaráss og munu samþykktir Burðaráss gilda um hið sam-
einaða félag. Sameiningin verður lögð fyrir hluthafafund í Kaldbaki
þann 18. nóvember 2004. Með samruna félaganna er tryggt að
ekki komi til skattlagningar söluhagnaðar við skipti á bréfum í
félögunum, en mögulegt er að sú verði raunin við skipti á hluta-
bréfum samkvæmt yfirtökutilboði.
Í ljósi skattalegs hagræðis hluthafa Kaldbaks af samruna í stað
yfirtöku er hluthöfum bent á að ef hluthafafundur Kaldbaks
samþykkir samruna við Burðarás mun yfirtökutilboð þetta falla
niður og allir hluthafar Kaldbaks fá hluti í Burðarási í krafti
samþykktar hluthafafundarins. Hluthafar eru hvattir til að bíða
með að svara yfirtökutilboðinu fram yfir hluthafafund í
Kaldbaki því verði samruni Burðaráss og Kaldbaks
samþykktur á hluthafafundinum er ekki nauðsynlegt að
hluthafar sendi inn samþykki fyrir tilboðinu.
Verði samruna hins vegar hafnað á hluthafafundi Kaldbaks, mun
yfirtökutilboðið gilda til klukkan 16.00 mánudaginn 13. desember
2004. Þeim hluthöfum sem vilja taka tilboðinu gefst tækifæri til
að senda inn samþykki sitt fram að þeim tíma.
Umsjónaraðili yfirtökutilboðsins fyrir hönd Burðaráss er Fyrir-
tækjaráðgjöf Landsbankans, Hafnarstræti 5, 155 Reykjavík, sími
410 4000. Nánari upplýsingar um yfirtökutilboðið er hægt að
nálgast hjá umsjónaraðila.
TILBOÐ TIL HLUTHAFA Í KALDBAKI HF.
Burðarás • Sigtúni 42 • 105 Reykjavík • Sími 578 7800 • www.burdaras.is
4,2%
Kynntu þér kostina við íbúðalán
Landsbankans. Fáðu ráðgjöf hjá
sérfræðingum okkar og veldu
leiðina sem hentar þér best. Hafðu
samband í síma 410 4000 eða á
fasteignathjonusta@landsbanki.is
410 4000 | landsbanki.is Banki allra landsmanna
Íbúðalán
Fljótir og læra stöðugt
Jón Ásgeir Jóhannesson
segir Bónushugsunina ríkja í
fyrirtækinu. Lært af degin-
um í dag og breytt ef þarf á
morgun.
Snöggur að því var yfirskrift er-
indis Jóns Ásgeirs Jóhannessonar,
forstjóra Baugs, á fundi Félags
viðskipta- og hagfræðinga.
„Við þykjum snöggir til
ákvarðana og snöggir að klára
mál,“ sagði Jón Ásgeir. Hann
sagði að á stærri mörkuðum veitti
það mönnum ákveðið samkeppn-
isforskot. „Við vinnum í anda
Bónushugsunarinnar. Við hugsum
sem smásali. Við þurfum að meta
daginn í dag og læra af honum og
breyta á morgun.“ Hann segir
slíkan þankagang mikilvægan í
fjárfestingarstarfsemi.
Jón Ásgeir segir einn lykil-
þátta árangurs fyrirtækisins vera
að það er einkafyrirtæki. „Ég hef
sagt að markaðurinn steli 90 dög-
um frá forstjórum.“ Bæði í að
fylgjast með gengi og hverjir eru
að kaupa, auk krafna um upplýs-
ingagjöf. „Meðan þeir eru að
þessu erum við að skoða verkefn-
in.
Verði af kaupum Baugs á Big
Food Group verður Baugur
stærsta einkafyrirtæki á Bret-
landi með veltu á áttunda hundrað
milljarða króna. Jón Ásgeir segir
lykilatriði að stjórnendur komi
inn í hluthafahópinn og að þeir
haldi fókusi á rekstrinum. Þannig
hafi Baugur Group sent sitt fólk í
samninga um kaup á fyrirtækjum
og haldið stjórnendunum frá
samningunum, þannig að þeir
gætu einbeitt sér að rekstrinum.
Áherslan er á kaup á vel rekn-
um fyrirtækjum og vandaðri
áreiðanleikakönnun. „Við lærðum
okkar lexíu með kaupum á Bonus
Stores í Bandaríkjunum, sem eru
líklega dýrasta námskeið sem
tekið hefur verið á Íslandi.“ - hh
HLUSTAÐ EFTIR UPPSKRIFTINNI
Fjölmenni hlýddi á Jón Ásgeir Jóhannesson greina frá hugsunarhættinum sem liggur að
baki árangri fyrirtækisins hér heima og erlendis.
FORSENDUR BRUSTU
Hannes Smárason segir forsendur hafa brostið fyrir þáverandi rekstri Flugleiða 11.
september 2001. Félagið hafði val um róttækan niðurskurð eða að leggja upp laupana.
Skjótar ákvarðanir björguðu Flugleiðum