Fréttablaðið - 04.12.2004, Blaðsíða 14

14
465 TONN AF SVEPPUM ERU
FRAMLEIDD Í LANDINU
Miðað við árið 2003, samkvæmt
Landshögum Hagstofunnar.
SVONA ERUM VIÐ
Nokkur umræða hefur orðið um að
listamenn hafi fengið greidd laun fyrir
styrktartónleika sem voru haldnir í Hall-
grímskirkju fyrir skömmu. Herdísi Önnu
Jónasdóttur finnst í lagi að listamenn
fái eitthvað greitt fyrir svona uppákom-
ur.
„Auðvitað á þetta að vera trúnaðarmál
milli tónleikahaldara og listamanna
nema listamennirnir vilji koma sjálfir
fram og segja hvort eða hversu mikið
þeir hafi fengið greitt,“ segir Herdís
Anna. „Listamennirnir eru náttúrlega að
gera þetta í góðgerðarskyni en mér
finnst samt eðlilegt að þeir fái eitthvað
fyrir sína vinnu.“
Herdísi Önnu segist ekki vita hvað lista-
mennirnir fengu greitt nema að Kristján
Jóhannsson hafi fengið 700 þúsund
krónur.
„Mér finnst það reyndar ansi mikið en
hann segir að þetta sé fyrir útlögðum
kostnaði. Þetta hefur verið í undirbún-
ingi síðan í ágúst þannig að það getur
vel verið rétt að kostnaðurinn fyrir hann
sé svona mikill.“
Herdís Anna segir að fjölmiðlar hafi
blásið málið svolítið upp.
„Mér finnst að það megi alveg gefa
Ólafi M. Magnússyni, forsvarsmanni
tónleikanna, tækifæri á að klára sín mál
og skila sínu af sér áður en farið er að
dæma hann.“
Herdís Anna segist ekki hafa farið á
tónleikana en hún myndi ekki setja það
fyrir sig að fara á styrktartónleika þó að
hún vissi að listamenn fengju greitt fyrir
að koma fram.
HERDÍS ANNA JÓNASDÓTTIR
Í lagi að lista-
menn fái greitt
STYRKTARTÓNLEIKARNIR
Í HALLGRÍMSKIRKJU
SJÓNARHÓLL
Málverkafölsunarmálið var ofarlega á
baugi í fjölda ára en nú er dómur fall-
inn og Pétur Þór Gunnarsson sýknað-
ur. Margir hljóta að velta fyrir sér hvað
Pétur sé að gera þessa dagana og
hvaða áhrif málið hafi haft á líf hans.
Pétur lifir svipað og sjómaðurinn,
hann ferðast milli Akureyrar og höfuð-
borgarsvæðisins á tveggja vikna fresti.
Á Akureyri rekur hann kaffihúsið Café
Amour við Ráðhústorgið. Hann segir
erfitt að rífa sig upp og flytja norður
vegna þess að börnin eigi sína vini fyr-
ir sunnan. Fyrir norðan hefur hann þó
sína vinnuaðstöðu og þar málar hann
á milli þess sem hann vinnur á kaffi-
húsinu.
„Mér hefur liðið þokkalega. Ég fékk
svolítið sjokk þegar dómur féll í mál-
inu því að þá fyrst skynjaði ég hvað
þetta var rosaleg pressa. Þetta mál tók
líka rosalegan toll fjárhagslega. Gallerí
Borg og antíkverslunin, sem við rák-
um, urðu gjaldþrota og við urðum
það líka persónulega, ég og eiginkona
mín. Ég sat svo í fangelsi í sex mánuði
og fékk svo sýknu. Það sem hefur
staðið upp úr virðist vera að þeir sem
stjórna rannsókninni þurfi ekki að
bera ábyrgð sinna verka,“ segir hann.
Spurður um það hvort verð á lista-
verkum sé á uppleið segist hann ekki
alveg sammála því að það hafi dottið
niður. Málverkaverð fylgi upp- og nið-
ursveiflum á fjármálamarkaði. Verð á
lélegum verkum meistaranna hafi
lækkað en sala hafi aukist á verkum
núlifandi höfunda og yngra fólks.
Rekur Café Amour
EFTIRMÁL: MÁLVERKAFÖLSUNARMÁLIÐ
4. desember 2004 LAUGARDAGUR
Verum vingjarnleg
hvert við annað
Aðventan er álagstími fyrir marga og hætt við að stressið bitni helst á þeim sem síst skyldi.
Verslunarmenn fá oft að heyra það fyrir litlar sakir.
KURTEISI Búast má við að stressið
vaxi hjá landsmönnum eftir því
sem líða fer á jólamánuðinn. Stutt
verður í pirringinn. Sumir eiga
eftir að finna kergjuna blossa upp
og þeir hvefsnustu munu jafnvel
sleppa sér við þá sem síst eiga það
skilið. Afgreiðslufólk í verslunum
og þjónustufyrirtækjum fer þess
á leit við almenning að það sýni
því þolinmæði og kurteisi næstu
vikur sem endranær.
Yngri konum sýnd ókurteisi
Verzlunarmannafélag Reykjavík-
ur stendur þessa dagana fyrir
auglýsingaherferð þar sem
almenningur er hvattur til að
virða störf afgreiðslufólks. Anna
Siggeirsdóttir hjá VR telur að
virðing fólks fyrir þeim sem
stunda verslunarstörf fari þverr-
andi og segir hún hugmyndina
með herferðinni vera að snúa
þeirri þróun við.
Nokkuð er um að afgreiðslu-
fólk komi á skrifstofu VR og segi
farir sínar ekki sléttar og að sögn
Önnu er einkum um það að ræða
að fólk telji sig hafa orðið fyrir
barðinu á óþolinmóðum, frekum
og dónalegum viðskiptavinum.
„Það eru frekar konur sem lenda í
þessu, sérstaklega þær yngri. Eft-
ir því sem þú lítur út fyrir að bera
minni ábyrgð, þeim mun líklegra
er að þér sé sýnd ókurteisi.“
Of heimsk til að vinna í bókabúð
Ásdís Benediktsdóttir vinnur hjá
Máli og menningu á Laugavegin-
um og kann því mjög vel. „Það er
ofsalega gott að vinna hérna enda
eru skemmtilegir kúnnar í bóka-
búðum,“ segir Ásdís en viður-
kennir þó að þeir séu ekki allir
jafn skemmtilegir. „Eitt sinn
sagði maður við mig að svona
heimsk kerling eins og ég ætti
ekki að vinna í bókabúð. Hann var
með son sinn með sér, unglings-
pilt, og honum leið greinilega
mjög illa.“ Ásdís segist ekki taka
svona orðbragð inn á sig enda tel-
ur hún að eitthvað hljóti að vera
að slíku fólki.
Almennt segist Ásdís gæta sín
á að láta ókurteisa viðskiptavini
ekki draga sig niður á sitt plan
heldur verði einfaldlega að koma
sér upp skráp. Hins vegar ítrekar
hún að allur þorri þeirra sem
versla í búðinni sé kurteisin upp-
máluð enda hlakkar hún til jóla-
verslunarinnar. „Jólin tengjast
svo bókum. Hér kemur alltaf
sama fólkið aftur og aftur og
stemmningin er svo mikil.“
Leikarastarf
Oft er handagangur í öskjunni í
Bónusbúðunum og viðbúið að
sumum þyki nóg um raðirnar.
Anna Björg Valgeirsdóttir lætur
hins vegar engan bilbug á sér
finna enda er hún búin að vinna
hjá fyrirtækinu í sex ár, þar af í
þrjú á Smáratorgi. „Mér finnst
þetta mjög skemmtileg vinna.
Þótt maður þurfi stundum að
vinna undir álagi eru 99 prósent
af kúnnunum yndisleg,“ segir hún
en marga þeirra er hún farin að
þekkja ágætlega.
Fyrir kemur að kúnnarnir séu
óþolinmóðir. „Þá heldur maður
bara ró sinni, er kurteis og yfir-
leitt verða þeir það á móti. Aðal-
atriðið er að taka þetta ekki inn á
sig. Það er einfaldlega hluti af
vinnunni að fást við fólk sem til
dæmis kvartar yfir því að ekkert
gangi, svona rétt eins og í auglýs-
ingunni,“ segir hún hlæjandi.
Í upphafi átti Anna erfitt með
að sætta sig við dónalega við-
skiptavini en í dag kippir hún sér
lítið upp við þá örfáu sem eru með
leiðindi. „Að vera á kassa er eins
og að leika. Þetta er bara leikara-
starf þar sem maður heldur bros-
inu hvað sem á dynur.“
Anna Björg telur fólk vera
kurteisara við sig heldur en yngri
stelpurnar og staðfestir þannig
mat nöfnu sinnar hjá VR. Hún
kvíðir hins vegar ekki vitundar-
ögn fyrir jólaörtöðinni. „Stress er
ekki til hjá mér,“ segir hún.
Leysum málið í sameiningu
Einar Magnús Halldórsson, sem
vinnur í Skífunni í Smáralind, tel-
ur að ánægja viðskiptavinarins sé
að stórum hluta undir því komin
hvernig afgreiðslufólkið tekur á
málunum. „Ef einhver er með
ókurteisi í almennri afgreiðslu
verður einfaldlega að hlusta,
leyfa kúnnanum að tala út og
segja honum að við getum fundið
lausn á þessu í sameiningu,“ segir
hann og leggur áherslu á sam-
vinnuna því þá er komin ákveðin
tenging á milli viðskiptavinarins
og verslunarmannsins.
Einar kveðst kunna mjög vel
við að vinna í Skífunni. „Í lang-
flestum tilvikum eru kúnnarnir
mjög skemmtilegir, þótt einn og
einn sauður sé inni á milli. En ég
er nú svo mikill jafnaðargeðsmað-
ur að ég læt svona ekkert fara
með mig. Þeir sem eru með leið-
indi eru í rauninni ekki að gera lít-
ið úr mér heldur lítið úr sjálfum
sér. Ef maður tekur rétt á hlutun-
um þá er fólk oft orðið dálítið
aumt í endann, fer að hrósa manni
fyrir þjónustuna og biðst jafnvel
afsökunar.“
Ekki þarf að koma á óvart að
þessi glaðbeitti verslunarmaður
hlakkar til tímans sem er fram
undan. „Þetta er bara eins og að
vera á sjó, það er mokveiði núna,“
segir Einar í Skífunni.
sveinng@frettabladid.is
PÉTUR ÞÓR GUNNARSSON
Pétur telur að sala hafi aukist á verkum
núlifandi höfunda og yngri listamanna.
FR
ÉT
TA
B
LA
Ð
IÐ
/R
Ó
B
ER
T
ÁSDÍS BENEDIKTSDÓTTIR ANNA BJÖRG VALGEIRSDÓTTIR EINAR MAGNÚS HALLDÓRSSON