Fréttablaðið - 04.12.2004, Blaðsíða 81

LAUGARDAGUR 4. desember 2004 53
Gunnur Vilborg Guðjónsdóttir, af-
greiðslustúlka í bókabúð Máls og
menningar á Laugavegi, hefur ver-
ið iðin við að lesa jólabækurnar.
„Greppibarnið eftir Juliu Don-
aldson er sjálfstætt framhald
Greppiklóar sem kom út í fyrra.
Greppibarnið fer inn í skóginn og
leitar að músarskrímslinu sem
hræddi mömmu þess í seinustu
bók. Textinn er í bundnu máli og
myndirnar æðislegar. Þetta er
mjög skemmtileg bók og krútt-
leg,“ segir Gunnur sem er líka
búin að lesa Blíðfinn og svörtu
teningana eftir Þorvald Þorsteins-
son. „Ég er tryggur Blíðfinns-
aðdáandi. Þetta er víst seinasta
bókin um álfinn Blíðfinn og að
mínu mati sú næst besta, rétt á
eftir þeirri fyrstu. Þessi bók er
bráðskemmtileg og verulega
fyndin. Full af skemmtilegum
persónum og sögum sem fengu
mig til að skella upp úr.“
Gunnur hefur einnig lesið
Kleifarvatn eftir Arnald Indriða-
son. Hún segir hana fína glæpa-
sögu sem gerist á tveimur tíma-
skeiðum eins og Grafarþögn. „Ég
verð þó að viðurkenna að ég var
spenntari yfir hvort nú kæmi í
ljós hvort Marion Briem væri karl
eða kona, heldur en hver framdi
glæpinn,“ segir Gunnur. „Svartur
á leik eftir Stefán Mána er mjög
góð bók. Hún er vissulega rudda-
leg enda verða undirheimar
Reykjavíkur seint taldir ljúfir.
Aðalsögupersónurnar eru fúl-
menni sem ég vil helst ekki vita
að séu til en það varð nú ekki til
þess að ég hætti að lesa bókina.“
Gunnur segir að Furðulegt
háttalag hunds um nótt eftir Mark
Haddon sé án efa með bestu bók-
um sem hún muni lesa í ár. „Bókin
er um einhverfan dreng, Kristó-
fer sem leitar að morðingja hunds
nágranna síns. Leit Kristófers og
það sem hann kemst að er sumt
mjög erfitt en sagan er ljúf og
skemmtileg,“ segir Gunnur og
bætir við. „Hr. Ibrahim og blóm
Kóransins eftir Eric-Emmanuel
Schmitt er lítil bók og ég var inn-
an við tvo tíma að lesa hana. Við
lesturinn hló ég upphátt og viður-
kenni að ég fékk líka tár í augun.
Sagan er falleg, persónurnar sér-
stakar og endirinn góður og væm-
inn. Alveg eins og góð bíómynd.
Að lokum nefni ég Malarann sem
spangólaði eftir Arto Paasilinna.
Þessi saga er um malara sem
spangólar til að fá útrás nágrönn-
um sínum til mikillar armæðu.
Nágrannarnir segja hann geð-
veikan en mér finnst hann bara
sérvitur og skemmtilegur. Paasil-
inna er bráðskemmtilegur höf-
undur og ég skemmti mér vel yfir
þessum lestri. Ég trúi ekki öðru
en að öllum finnist þessi bók
skemmtileg.“ ■
Hjá Almenna bókafélaginu er
komin út bókin Smáglæpir og
morð, úrval sagna sem bárust í
glæpasmásagnakeppni Hins ís-
lenska glæpafélags og
Grandrokks. Ein af þessum sög-
um er Drottningarpeð eftir Jón
Karl Helgason og Hermann Stef-
ánsson. Þar leysa rannsóknarlög-
reglumennirnir Konráð Gíslason
og Tómas Sæmundsson morðið á
Davíð Stefánssyni handritafræð-
ingi. Þegar saga þeirra félaga,
Jóns Karls og Hermanns, var til-
búin kom bróðir Hermanns, Jón
Hallur Stefánsson, í heimsókn og
sá handritið. Hjá honum vaknaði
samstundis sú hugmynd að taka
þátt í keppninni. Skilafrestur var
um það bil að renna út en Jón
Hallur skrifaði sína sögu á tveim-
ur kvöldum – og vann keppnina.
Verðlaunasaga hans heitir Enginn
engill og er fyrsta sagan í þessu
skemmtilega glæpasagnasafni. ■
Hópur rithöfunda tók sig til á dög-
unum og skrifaði smásögur til að
afla fjár fyrir eyðnisjúka Afríku-
búa. Hugmyndin fæddist hjá
Nóbelsverðlaunahafanum Nadine
Gordimer. Hún segist hafa farið
að velta því fyrir sér af hverju rit-
höfundar fylgdu ekki í fótspor
söngvara og legðu sitt af mörkum
til að aðstoða eyðnismitaða Afr-
íkubúa. Hún ákvað að taka málið í
sínar hendur og skrifaði tuttugu
eftirlætishöfundum sínum og bað
þá að skrifa sögu. Allir tóku boð-
inu og afraksturinn er smásagna-
safn sem mun líta dagsins ljós nú
fyrir jólin. Meðal höfunda eru
Arthur Miller, Amos Oz, Gunther
Grass, Salman Rushdie, Margaret
Atwood, Gabroel Garcia Marquez,
Susan Sontag, Woody Allen og
John Updike. Höfundarnir fengu
frjálsar hendur við gerð sagn-
anna, en Gordimer lagði þó
áherslu á að sögurnar fjölluðu
ekki um eyðni. „Það er til nóg af
skjölum um staðreyndir og tölur,“
segir hún. ■
GUNNUR VILBORG GUÐJÓNSDÓTTIR
„Svartur á leik eftir Stefán Mána er mjög góð
bók. Hún er vissulega ruddaleg enda verða
undirheimar Reykjavíkur seint taldir ljúfir.“
Hrifinn af furðulegu
háttalagi hunds
JÓN HALLUR STEFÁNSSON
Skrifaði verðlaunasögu sína á
tveimur kvöldum.
Glæpasprettur Jóns Halls
NADINE GORDIMER
Fékk höfunda til liðs við sig til
hjálpar eyðisjúkum Afríkubúum.
Skrifa smásögur í hjálparskyni