Fréttablaðið - 04.12.2004, Síða 95

Þessi árgangur 2003 frá myndlistar-
deild Listaháskóla Íslands hefur verið
býsna fyrirferðarmikill í sýningarhaldi
borgarinnar nú á haustmánuðum, t.d.
á Grasrót, Norður og niður sýning-
unni og Vetrarmessunni. Einn þeirra
er Sigurður Guðjónsson sem opnaði
einkasýningu í gallerí Kling og Bang á
Laugaveginum síðastliðinn laugar-
dag. Sigurður á bakgrunn í heimi
ný-gotíkur og dauðarokksins sem
blómstraði hér á árunum 1993-95
(Sororicide, Systramorð, Strigaskór
númer 42 og Cranium sem Sigurður
tilheyrði) og sér þess nokkur merki á
þessri sýningu hans. Hann hefur sýnt
á samsýningum hér heima og í Evr-
ópu. Hér sem endranær notar hann
vídeó, hljóð og skúlptúr sem hýsil
hugmynda sinna. Eða kannski frekar
að þá er bara allt galleríið götuhæð
og kjallari hugmyndahýsillinn.
Sýningarrýmið er lokað frá götunni
með brúnum lit (úr súrmjólk og sósu-
lit). Liturinn þekur stóra útstillingar-
gluggana þannig að ekki sést inn
utanfrá nema um pínulítið gægjugat.
Burðarverk sýningarinnar er staðsett í
kjallaranum. Það er tæknilega afar
vandað vídeóverk um nokkuð þoku-
kennt ferðalag úr ríki tilfinninga og
innsæis. Sviðsmyndin úr yfirgefnum
eða vanræktum skátaskálum, sumar-
bústöðum eða stökum hestaskemm-
um úr nágrenni Reykjavíkur. Húsin
sýnd sem samhverfa – virkar eins og
valíum lognmolla með verum sem til-
heyra ekki þessum heimi, sumar
standandi með eldhamar eða það sér
í logandi grjót þar sem eldmaturinn
er jötungrip sem sést vella fram í
sæðislíki. Drengur flýtur á vatni,
dauður hrútur og kirkjugarður. Sam-
hverfurnar tengjast nykurtjörnum og
þjóðsögum.
Verurnar leita upp á efri hæðina
inn í miðsalinn í formi styttri útgáfu
vídeóverksins í kjallaranum ásamt
tveim fjallmyndarlegum lagskiptum
ljósmynda- portrettum í forsal galler-
ísins. Seiðandi fagrar! Í miðjum for-
salnum rís svo upp úr moldarjarðvegi
stór jafnarma kross-skúlptúr örlítið
hallandi í líkkistustærð úr rauðbrúnu
harðviðarplasti. Á hverjum armi er
gylltur lúður og innan frá „kistunni“
koma skilaboð að handan í formi
trompethljóms.
Ný-gotnesk áhrif í samtíma-súrreal-
isma eru út um allt – ekki bara í
myndlist heldur líka í bókmenntum,
kvikmyndum, tölvuleikjum, tónlist og
tísku. Minnir á að súrrealismi í listum
var ekki einkamál Andre Breton og
félaga. Hann var til langt á undan
þeim. Aðeins þarf að minna á verk
Hieronymus Bosch eða Eyju dauðans
eftir Arnold Böchlin. Auðvelt væri að
tína upp nöfn áberandi fólks úr sam-
tímamyndlist sem vinnur á svipuðum
slóðum en líka mætti benda á kvik-
myndagerðarmenn eins og rússann
Tarkovsky.
Sigurður Guðjónsson hefur aug-
ljósan metnað og gerir sína hluti vel.
En spurningin er hvort honum hafi
tekist að gefa myndmáli sínum afger-
andi persónulegan svip. Hann gæti
auðveldlega og þarf að leggja meira
undir ef það á að takast að mínu
mati. Ekki spurning um hvaða hæfi-
leika hann hefur heldur hverju hann
þarf að fórna til þess að það gerist.
Hér vantar áhættu og hugrekki til að
umbreyta því kunnuglega. Henda
brynjunni – rífa úr sér hjartað og
traðka aðeins á því! ■
LAUGARDAGUR 4. desember 2004 67
MYNDLIST
GODDUR
Sigurður Guðjónsson
Gallerí Kling og Bang
Hjá Máli ogmenningu er
komin út Klisju-
kenndir eftir
Birnu Önnu
B j ö r n s d ó t t u r.
Sagan segir frá
Báru sem stend-
ur á tímamótum
og þarf að takast
á við þau marg-
víslegu fyrir-
framgefnu hlutverk sem bíða ungr-
ar konu í Reykjavík. En Bára vill
líka prófa að vera önnur en hún er,
og í því skyni bregður hún sér í
ýmis gervi. Besta vinkona hennar
er Áslaug eróbikkdrottning, en
Ásgeir skólaskáld er líka mikill
trúnaðarvinur hennar, þótt hún sé
skotin í ítalska skiptikennaranum
Giorgio, sem aftur á móti fellur
fyrir ljóshærða englinum Sædísi.
NÝJAR BÆKUR
Skeifukast í
Tungunum
Útilistaverk verður afhjúpað af
Guðna Ágútssyni landbúnaðar-
ráðherra í landi Efri-Reykja í
Biskupstungum í dag. Verkið, sem
ber heitið „Skeifukast“, er eftir
Stefán Geir Karlsson. Eigandi
verksins óskaði eftir verki frá
Stefáni Geir og skyldi það minna á
tvö helstu áhugamál hans, skóg-
rækt og hrossarækt.
Skeifukast byggir á samnefnd-
um leik, þar sem hæll er rekinn í
jörðina og síðan er reynt að hitta
hann með hestaskeifu.
Verkið er þriggja metra hár
gaur, 30 cm á breidd upp úr jörð-
inni og skeifan er 1,2 metrar á
lengd og 1 metri á breidd. Henni
hefur verið kastað og hún hefur
hæft staurinn – er sem sagt í vinn-
ingsstöðu. ■
GÍF
í dimmunni
Samspil ljóss og skugga er þemað
á sýningu sem stendur yfir í
Grafíksafni Íslands, Tryggvagötu
17 (gengið inn hafnarmegin). Þar
sýna listamenn frá Grænlandi,
Íslandi og Færeyjum, löndum sem
liggja norðarlega á hnettinum og
hafa mótast af skörpum skilum
ljóss og skugga. ■
Ný gotík VERUR SigurðurGuðjónssonhefur aug-
ljósan metn-
að og gerir
sína hluti
vel. En
spurningin
er hvort
honum hafi
tekist að
gefa mynd-
máli sínum
afgerandi
persónuleg-
an svip.