Fréttablaðið - 21.01.2005, Side 2

2 21. janúar 2005 FÖSTUDAGUR
Lítið fé sett í nýstofnuð fyrirtæki á Íslandi:
Í þriðja sinn á toppi frumkvöðlalista
RANNSÓKN Þriðja árið í röð er Ísland
með hæsta hlutfall frumkvöðla-
starfsemi af þeim Evrópulöndum
sem taka þátt í alþjóðlegri rann-
sókn, þeirri viðamestu sem gerð er
á frumkvöðlastarfsemi.
Rögnvaldur J. Sæmundsson, for-
stöðumaður hjá Rannsóknarmið-
stöð Háskólans í Reykjavík, segir
að hátt hlutfall Íslendinga telji sig
hafa hæfileika og sjái tækifæri til
að stofna fyrirtæki. Á því séu engar
augljósar skýringar.
Rögnvaldur segir ástæðu til
þess að hafa áhyggjur af aðstæðum
til stofnunar nýsköpunarfyrirtækja
sem byggi á nýrri tækni- og vís-
indaþekkingu.
„Það er vegna þess að svokallað-
ir áhættufjárfestar, sem eru velefn-
aðir einstaklingar eða framtaks-
fjárfestingarfyrirtæki, hafa veru-
lega dregið saman seglin undanfar-
ið og eru nánast ekki til staðar,“
segir Rögnvaldur: „Auk þess sýna
gögnin úr rannsókninni að fjárfest-
ingar á hvert fyrirtæki eru með því
lægsta sem gerist. Þó að margir
fjárfesti í nýjum fyrirtækjum er
um mjög lágar upphæðir að ræða
og þegar kemur að nýsköpunar-
fyrirtækjum er fjármagnsþörfin
meiri.“
Niðurstaða rannsóknarinnar
GEM sýnir að í öllum þátttökulönd-
unum eru karlar líklegri til að
stofna fyrirtæki en konur.
- gag
Dæmdur í 45 daga fangelsi:
Frakki framvísaði
fölsuðu vegabréfi
DÓMSMÁL Tvítugur Frakki var í
Héraðsdómi Reykjaness dæmd-
ur í 45 daga fangelsi fyrir að
framvísa fölsuðu vegabréfi við
komu til landsins á aðfangadag.
Vegabréfið var falsað frá
grunni, sem þykir sjaldséð.
Maðurinn, sem er franskur
ríkisborgari og með dvalarleyfi
í Danmörku, þóttist vera frá
Gíneu og sótti um hæli hér á
landi en móðir hans er frá
Gíneu. Ákæruvaldið telur mann-
inn hafa framvísað falsaða
vegabréfinu í þeim tilgangi að
kanna hvort landamæraeftirlitið
myndi uppgötva að það væri
falsað. Þar sem maðurinn hefur
franskt vegabréf og dvalarleyfi
í Danmörku á ekki að vera nokk-
urt mál fyrir hann að komast til
Íslands á eigin vegabréfi.
Sækjandi málsins segist telja
að maðurinn hafi verið að prufu-
keyra vegabréfsframleiðslu
skipulagðrar glæpastarfsemi.
Hann segir ljóst að vegabréfin
séu gerð í fullkomnum tækjum.
Maðurinn segir annan mann í
Danmörku hafa beðið sig að
framvísa vegabréfinu.
- hrs
Telja að ríkið hafi
gefið grænt ljós
Undirbúningur byggingar nýs hátæknisjúkrahúss á Landspítalasvæðinu er hafinn af
fullum krafti. Formaður uppbyggingarnefndar lítur svo á að ríkið hafi gefið grænt ljós
með lóðasamningum við Reykjavíkurborg og heimild til undirbúningsvinnu.
HEILBRIGÐISMÁL Formaður nefnd-
ar um uppbyggingu Landspítala
– háskólasjúkrahúss, Ragnheið-
ur Haraldsdóttir, kveðst líta svo
á að ríkið hafi gefið grænt ljós á
byggingu nýs hátæknisjúkra-
húss með því að heimila hönnun-
arsamkeppni 18. janúar og að
tekin verði næstu skref til und-
irbúnings að byggingunni.
„Það er ekki búið að taka
ákvörðun um fjármögnun alls
verkefnisins,“ sagði hún. „Jón
Kristjánsson heilbrigðisráð-
herra hefur litið þannig á að
fjármögnun hvers verkþáttar
muni fara eftir efnahagslegum
aðstæðum á hverjum tíma. Að
undanförnu hefur verið rætt um
að nota andvirði af sölu ríkis-
eigna. Það hefur einnig verið
rætt um einkaframkvæmd. Við
vitum að það er áhugi hjá ýms-
um verktakafyrirtækjum að
koma að þessu verki. Við vitum
jafnframt að við höfum burði til
þess því við höfum reist mikil
mannvirki á skömmum tíma.“
Spurð hvort ekki væri
glannalegt að fara út í frum-
hönnunarsamkeppni upp á 25
milljónir og ýmsan annan undir-
búning fyrir miklar fjárhæðir
án þess að loforð um fjármagn
væri í hendi kvað Ragnheiður
svo ekki vera.
„Ég lít svo á að með ákvörðun
um samninginn við Reykjavík-
urborg á sínum tíma um lóð und-
ir nýjan spítala, um staðsetn-
ingu og ákvörðun um hönnunar-
samkeppni sé vilji ríkisins kom-
inn fram.
Við munum fara í hönnunar-
samkeppnina og áframhaldandi
undirbúning af fullum krafti. Við
hófumst strax handa við það.
En ég vil halda því til haga að
ekki liggur fyrir ákvörðun um
heildarfjármögnun verksins.“
- jss
Samfylkingin:
Vill aflétta
trúnaði
STJÓRNMÁL Þingflokkur Samfylking-
arinnar fer fram á að trúnaði verði
aflétt af fundargerðum utanríkis-
málanefndar og ríkisstjórnarinnar
þar sem fjallað var um aðdraganda
ákvörðunarinnar um stuðning Ís-
lands við innrásina í Írak.
Þingflokkur Samfylkingarinnar
telur mikilvægt að allur vafi verði
tekinn af um það hvernig ákvörðun-
in um stuðning Íslands við innrásina
í Írak var tekin þar sem fulltrúar
stjórnarflokkanna hafi orðið marg-
saga í málinu. Ríkir almannahags-
munir hnígi að því að viðkomandi
fundargerðir verði gerðar opinber-
ar. - th
Viðurkenning:
Þjóðlagahátíð
á Sigló efld
MENNING Þjóðlagahátíðin á Siglu-
firði hlaut Eyrarrósina. Hún er
viðurkenning fyrir framúrskarandi
menningarverkefni á landsbyggð-
inni. Dorrit Moussaieff forsetafrú
afhenti verðlaunin á Bessastöðum í
gær.
Í umsögn á vef Listahátíðar
Reykjavíkur segir að Þjóðlagahátíð-
in sé einstaklega metnaðarfull og
hafi á örfáum árum náð að stuðla að
varðveislu og nýsköpun í íslenskri
þjóðlagatónlist.
Listahátíð í Reykjavík, Byggða-
stofnun og Flugfélag Íslands standa
að viðurkenningunni. - gag
Tvöfaldir
Vildarpunktar
Tvöfaldir
*
* T
vö
fal
dir
Vil
da
rp
un
kt
ar
til
11
. f
eb
rú
ar
hv
or
t s
em
þ
ú
g
re
ið
ir
m
eð
p
en
in
g
u
m
eð
a
V
ild
ar
ko
rt
i.
Veltupunktar til viðbótar
Auk tvöfaldra punkta fá Vildarkortshafar Visa
og Icelandair alltaf veltupunkta aukalega.
14 stöðvar
SPURNING DAGSINS
Björgólfur, er þá bara ein erfið
viðureign eftir?
Nei, keppnin við Versló verður eins og
hver önnur keppni.
Björgólfur Guðni Björnsson er í Gettu betur-liði
Borgarholtsskóla. Liðið sló MR úr keppninni á
miðvikudag. Tap MR-inga kemur í veg fyrir að þeir
haldi í fjórðungsúrslit eins og þeir hafa gert frá
1991. Í fyrra tapaði Borgarholtsskóli fyrir Verzlun-
arskóla Íslands í úrslitum og stefnir liðið á að láta
það ekki endurtaka sig.
■ ÍRAK
Akureyrarbær:
Braut jafn-
réttislög
DÓMSMÁL Hæstiréttur staðfesti í
gær dóm Héraðsdóms Norðurlands
eystra um að Akureyrarbær hefði
brotið jafnréttislög. Brotið snýr að
því að konu var mismunað í launa-
kjörum á grundvelli kynferðis.
Konan höfðaði málið árið 2002
þar sem hún fékk lægri laun en
karlmaður sem var deildartækni-
fræðingur hjá bænum. Samkvæmt
starfsmati voru störfin sambærileg.
Í fyrra dæmdi héraðsdómur kon-
unni 3,7 milljónir króna í skaðabæt-
ur með dráttarvöxtum sem reiknast
frá febrúarmánuði árið 2002.
Hæstiréttur staðfesti þann dóm en
klofnaði í afstöðu sinni. - th
Ástæðan óljós:
Ók á lögreglu
og sýknaður
DÓMSMÁL Maður sem var ákærður
fyrir að aka á lögreglumenn við
Lyfju í Lágmúla í Reykjavík var
sýknaður í Héraðsdómi Reykjavík-
ur í gær. Vafi lék á hvort maðurinn
hefði ekið bílnum á lögreglumenn-
ina af ásetningi. Maðurinn kom inn í
apótekið eftir að sambýliskona hans
hafði játað þjófnað í versluninni. Til
orðaskipta kom milli hans og lög-
reglu og var hann leiddur út. Starfs-
menn gátu ekki greint frá því hvað
fólkinu fór á milli. Lögreglan tók
sér stöðu fyrir framan bifreiðina.
Maðurinn ber að hann hafi sett
sjálfskiptan bílinn í rangan gír. - gag
VEGABRÉF
Frakkinn framvísaði belgísku vegabréfi
þrátt fyrir að komast til landsins á sínu
eigin vegabréfi.
LANDSPÍTALI – HÁSKÓLASJÚKRAHÚS
Tölvumyndin af Landspítalasvæðinu sýnir hugmyndir um nýbyggingar þar. Þess skal getið að ekki er um endanlega útfærslu að ræða.
AFHENDING EYRARRÓSARINNAR
Dorrit Moussaieff afhendir Gunnsteini
Ólafssyni, listrænum stjórnanda Þjóðlaga-
hátíðarinnar, 1,5 milljónir króna.
FR
ÉT
TA
B
LA
Ð
IÐ
/V
AL
LI
Tvímenningar úr
Landssímamálinu:
Ákærðir
fyrir skattsvik
LÖGREGLUMÁL Kristján Ragnar
Kristjánsson og Árni Þór Vigfússon
hafa, ásamt þremur öðrum mönn-
um, verið ákærðir fyrir skattalaga-
brot í tengslum við rekstur fyrir-
tækja sem þeir áttu. Ríkisútvarpið
greindi frá þessu í gærkvöld.
Málið snýst um vanskil á 56
milljónum króna í vörslusköttum,
virðisaukaskatti og staðgreiðslu
vegna fimm fyrirtækja. Á síðasta
ári dæmdi Héraðsdómur Reykja-
víkur tvímenningana í tveggja ára
fangelsi í Landssímamálinu svo-
kallaða. Dómnum var áfrýjað til
Hæstaréttar. - th
RÖGNVALDUR J. SÆMUNDSSON
Segir engar augljósar skýringar á því hvers
vegna Íslendingar telji sig hafa hæfni til að
stofna fyrirtæki umfram aðra.
UPPTAKA FRÁ AL-ZARQAWI
Hryðjuverkaforinginn Abu
Musab al-Zarqawi sendi frá sér
hljóðupptöku á netinu í gær. Á
upptökunni hvetur al-Zarqawi
uppreisnarmenn til dáða í barátt-
unni gegn bandaríska hernum og
lofar því að sigur muni hafast.