Fréttablaðið - 21.01.2005, Síða 8

1Hvað hafa margir látist vegna flóð-bylgjunnar í Asíu?
2Forseti hvaða lands sór embættiseið ígær?
3Lið hvaða skóla sló Menntaskólann íReykjavík út úr Gettu betur?
SVÖRIN ERU Á BLS. 42
VEISTU SVARIÐ?
8 21. janúar 2005 FÖSTUDAGUR
Hákon Eydal banamaður Sri Rahmawati:
Gerir athugasemd við geðrannsóknina
DÓMSMÁL Hákon Eydal, sem varð
Sri Rahmawati að bana, hefur
hætt við að fara fram á að
dómskvaddir matsmenn geri
aðra geðrannsókn á honum en
hann er að hluta til ósáttur við
þá geðrannsókn sem gerð hefur
verið. Milliþinghald var í málinu
gegn honum í Héraðsdómi
Reykjavíkur í gær.
Í stað þess að farið væri
fram á aðra geðrannsókn voru
gerðar athugasemdir við rann-
sóknina sem fyrir liggur. Hákon
er ekki sáttur við suma þætti
rannsóknarinnar, rangt sé farið
með sumt og í öðru gæti óná-
kvæmni. Meðal annars er hann
ósáttur við þann hluta er lýtur
að vímuefnaneyslu hans og seg-
ir engar forsendur vera fyrir
þeirri niðurstöðu sem geðlækn-
irinn komst að. Eins gerir verj-
andi Hákonar athugasemd við
að úr geðrannsókninni komi
endanleg niðurstaða. Hákon er
sagður sakhæfur en verjandi
hans segir slíkt vera lögfræði-
legt mat og dómsins að meta út
frá geðrannsókninni.
Aðalmeðferð í málinu verður
4. mars næstkomandi.
- hrs
Blóðbankinn fagnar góðum viðtökum:
Tugir vilja gefa stofnfrumur
HEILBRIGÐISMÁL Tugir fólks hafa
gefið sig fram til stofnfrumu-
gjafa frá því að íslensk stofn-
frumugjafaskrá var kynnt fyrr í
vikunni, að sögn Sveins Guð-
mundssonar, forstöðulæknis
Blóðbankans. Hann sagði að
undirtektir blóðgjafa á þessum
fáeinu dögum sem liðnir væru
frá kynningunni væru framar
vonum.
Hin nýja íslenska stofn-
frumugjafaskrá verður hluti af
norsku stofnfrumugjafaskránni.
Upplýsingar um íslenska gjafa
verða því sendar til Noregs.
Sveinn sagði að stefnt væri að
því að skrá 500 sjálfboðaliða í
stofnfrumugjafaskrána hér á
landi á þessu ári og alls 2.500 að
fimm árum liðnum. Lyfjafyrir-
tækið Actavis og Norræna ráð-
herranefndin hafa styrkt Blóð-
bankann í tengslum við stofnun
stofnfrumugjafaskrárinnar.
Sjúklingarnir sem þurfa á
stofnfrumum að halda eru oftast
með illkynja blóðsjúkdóma eða
eitlaæxli en jafnframt getur
verið um að ræða sjúklinga með
meðfædda ónæmisgalla. Ef
sjálfboðaliði er með sama, eða
mjög líkan, vefjaflokk og sjúk-
lingur með illkynja sjúkdóm
einhvers staðar í heiminum er
þess farið á leit við viðkomandi
að hann gefi sjúklingi stofn-
frumur. Með stofnun skrár á Ís-
landi aukast líkur enn frekar á
því að sjúklingar hér á landi geti
fengið stofnfrumur ef á þarf að
halda. - jss
Vestmannaeyjagöng
fyrir 14-16 milljarða
Ný könnun eins stærsta verktaka á Norðurlöndum bendir til meir en helmingi lægri kostnaðar við
Eyjagöng en áður. Árni Johnsen segir fjárhæðina álíka þeirri sem fari í rekstur Herjólfs á 30 árum.
SAMGÖNGUR Borun jarðganga á
milli fastalandsins og Vest-
mannaeyja myndi kosta 14-16
milljarða króna og fram-
kvæmdatími yrði 6 ár. Þetta er
niðurstaða kostnaðaráætlunar
NCC, eins stærsta verktakafyrir-
tækis á Norðurlöndum. Árni
Johnsen, fyrrverandi alþingis-
maður og helsti hvatamaður að
þessari nýju könnun, segir að
þetta sýni að Vestmannaeyja-
göng séu ekki verkefni framtíðar
heldur nútíðar: „Það bendir allt
til að það fari minna fjármagn til
vegganga milli lands og Eyja en
ætla má að fari í Herjólf á 30
árum.“ Árni bendir á að nú sé
komið að því að taka ákvörðun
um endurnýjun Herjólfs, göng
eða höfn í Bakkafjöru.
Þessi kostnaðaráætlun er
miklu lægri en áætlun sem Línu-
hönnun og breskt fyrirtæki unnu
á síðasta ári en þar var gert ráð
fyrir 38 milljarða kostnaði. Hafa
ber í huga að ekki er gert ráð fyrir virðisaukaskatti í nýju
könnuninni eins og í þeirri.
Talið er að nauðsynlegar rann-
sóknir, sem leggja þarf í áður en
hægt er að slá því föstu hvaða leið
sé fær, nemi 25 milljónum króna.
Árni Johnsen er bjartsýnn á að
þær fáist miðað við yfirlýsingar
samgönguráðherra og þingmanna
Suðurkjördæmis og geti byrjað
strax í vor. 16 milljarða myndi
verkið kosta ef gangaopið verður
við Kross í Landeyjum en ef rann-
sókn staðfestir vísbendingar um
að grynnra sé niður á fast berg
sunnan eða norðan við Kross,
myndi kostnaður lækka verulega.
Gunnar I. Birgisson, alþingis-
maður og áður umsvifamikill
verktaki, var Árna Johnsen til
fulltingis á blaðamannafundin-
um: „Ef svo virtur verktaki skrif-
ar upp á þetta er það mjög at-
hyglisvert og ber að taka alvar-
lega.“
Í hugmyndum Árna Johnsen
og félaga er gert ráð fyrir að
greitt verði veggjald 2.500 til
3.000 kr. á bíl og miðað við for-
sendur Hagfræðistofnunar Há-
skólans, það er 600 bíla umferð á
dag, í úttekt á þjóðhagslegri hag-
kvæmni gengi dæmið upp á 50
árum. „Þessi vegtenging myndi
kosta aðeins eðlilegt vegaviðhald
næstu hundruð árin,“ segir Árni
Johnsen.
a.snaevarr@frettabladid.is
Loðnuveiðar:
Mokveiði
LOÐNA Mjög góð loðnuveiði hefur
verið síðustu daga en loðnan hef-
ur fært sig nokkuð frá landi og er
veiðisvæðið nú um 70 til 100 míl-
ur úti af Austfjörðum. Upp úr há-
degi í gær tók að bræla og héldu
flest loðnuskipin til hafnar en þá
höfðu Samtökum fiskvinnslu-
stöðva borist tilkynningar um
samtals 90 þúsund tonna afla frá
áramótum.
Karl Már Einarsson, útgerðar-
stjóri Eskju á Eskifirði, segir að
skip félagsins séu nú búin að
veiða tæplega þriðjung af þeim
liðlega 66 þúsund tonnum sem
Eskja fékk úthlutað. „Ég óttast
ekki að við náum ekki öllum okkar
kvóta,“ sagði Karl. - kk
KYNNINGARMYND KORTSINS
Á myndinni hefur íslenska gæsin verið
klippt út úr náttúrunni, en samtökin segja
að svo muni fara nái markmið stjórnvalda
fram að ganga.
Nýtt Íslandskort:
Ísland örum
skorið
NÁTTÚRUVERND Tíu náttúruvernd-
arsamtök gefa út kortið „Ísland
örum skorið“ sem sýnir hvaða
breytingar verða á miðhálendi Ís-
lands ef stóriðjuáform stjórn-
valda ná fram að ganga. Af því
tilefni verður opinn kynningar-
fundur á Hótel Borg klukkan 13 í
dag.
Markmið útgáfunnar er að
upplýsa almenning um virkjana-
og stóriðjuáform stjórnvalda og
hvaða breytingar á miðhálendi Ís-
lands þau hafa í för með sér.
Fundarstjóri er Ásta Arnar-
dóttir, Sigríður Þorgeirsdóttir
heimspekingur kynnir kortið og
erindi flytja Guðmundur Páll
Ólafsson náttúrufræðingur, Þor-
valdur Þorsteinsson listamaður
og Ragnhildur Sigurðardóttir.
- bs
Til Íraks að hitta systur
Ruthar Reginalds með
fokdýra
líftryggingu
og skothelt
vesti
Uggur í brjósti
konu Jóns Ársæls
– hefur þú séð DV í dag?
STOFNFRUMUGJAFAR
Blóðgjafar hafa verið duglegir að láta
í sér heyra eftir að stofnfrumugjafa-
skráin var kynnt.
HÁKON EYDAL
Ósáttur við hluta geðrannsóknarinnar.
FR
ÉT
TA
B
LA
Ð
IÐ
/G
VA
FORSENDUR ÁRNA JOHNSEN OG NCC:
Veggöng milli lands og Eyja: 14-16 milljarðar
Endurnýjun og rekstur Herjólfs: 15-21 milljarður á 30 árum
Ferjuaðstaða og skip í Bakkafjöru: Á annan tug milljarða á 30 árum
BLAÐAMANNAFUNDUR ÁHUGAMANNA UM VEGGÖNG TIL EYJA
„Er ekki á leið í pólitík á ný,“ sagði Árni Johnsen á fundinum. Með Árna á myndinni eru
f.v. Helgi Bragason lögmaður, Magnús Kistinsson útgerðarmaður og Gunnar I. Birgisson
alþingismaður. HUGMYND AÐ LEGU GANGANNAGöng frá Krossi til Eyja kosta 14-16 milljarða.
FR
ÉT
TA
B
LA
Ð
IÐ
/G
VA