Fréttablaðið - 21.01.2005, Side 10

21. janúar 2005 FÖSTUDAGUR
Brasilísk kona sem gripin var með kókaín í Leifsstöð:
Reyndist einnig vera með LSD
FÍKNIEFNI Brasilísk kona sem var
handtekin á Keflavíkurflugvelli
við komuna til landsins fyrir að
reyna að smygla 850 grömmum af
kókaíni var einnig með um tvö
þúsund skammta af LSD. LSD-
sýran var í töfluformi sem falin
var í leggöngum konunnar en hún
kom til landsins rétt fyrir jól.
Ekki var vitað fyrr en nú í
vikunni hvers kyns töflurnar voru
sem konan var með. Töflurnar
sem sendar voru til greiningar
voru mjög smáar. Kókaínið sem
konan reyndi að smygla var
pakkað inn í pakkningar sem
huldu nánast læri hennar. Efnun-
um var vel komið fyrir og mátti
vart greina pakkningarnar þótt
hún hafi verið í frekar þröngum
buxum. Konan var úrskurðuð í
gæsluvarðhald skömmu eftir
komuna til landsins, fyrst í þrjár
vikur sem síðar var framlengt til
ellefta febrúar.
Mjög mikið var tekið af LSD á
síðasta ári eða um 4000 þúsund
skammtar sem er mun meira en
síðustu ár þar á undan. Árið 2003
náðist einn skammtur af LSD.
- hrs
Borgarfulltrúar senda skýr skilaboð til kennara:
Kennarar rusluðu til og fá
ekki borgað fyrir að þrífa
SKÓLAMÁL Skilaboðin frá borgar-
fulltrúum til kennara eru að þeir
hafi gengið of langt, segir Berg-
þóra Valsdóttir, framkvæmda-
stjóri SAMFOKS, sambands for-
eldrafélaga og foreldraráða í
grunnskólum Reykjavíkur. Borg-
arráð studdi ekki tillögu fræðslu-
ráðs um greiðslu fyrir endur-
skipulagningu skólastarfs í
grunnskólunum.
Bergþóra segir að hjá hópi for-
eldra hafi síðasti samúðarvottur-
inn með málstað kennara fokið
tveimur dögum eftir að lög voru
sett á verkfallið og sumir kennara
mættu ekki til vinnu. Hún velti
fyrir sér hvort ákvörðun borgar-
ráðs sé byggð á sjónarmiði þess
hóps og ráðið horfi til þess að
verkfall kennara hafi valdið því
að starfsáætlanir sem unnar voru
fyrir veturinn hafi ekki staðist.
„Þið rusluðuð til í herberginu
ykkar og þið fáið ekki borgað
fyrir að taka til,“ séu skilaboðin.
Bergþóra sem á sæti í fræðslu-
ráði segir ráðið hafa lagt sig fram
og gengið mjög langt í að koma til
móts við kennara. Það hafi verið
tillitssamt gagnvart tilfinningum
kennara og sálarástandi eftir
verkfallið. Borgarfulltrúarnir
endurspegli hins vegar hug hluta
borgaranna.
- gag
Aukavinna kennara
verður ekki greidd
Margir grunnskólakennarar höfðu lokið endurskipulagningu kennslu í þeirri
vissu að fá greitt fyrir vinnuna. Rætt var um að einn vinnudagur fengist
greiddur. Fræðsluráð mælti með greiðslunni en borgarráð felldi hugmyndina.
SKÓLAMÁL Borgarráð Reykjavíkur
hefur ákveðið að ekki þurfi fjár-
veitingu til endurskipulagningu
grunnskólastarfs þrátt fyrir tilmæli
fræðsluráðs þess efnis.
Fimmtíu milljónir verða hins
vegar veittar grunnskólum borgar-
innar vegna tapaðra skóladaga í
verkfalli kennara – og eiga þeir
fjármunir að renna beint til undir-
búnings efstu bekkja fyrir sam-
ræmd próf og til þeirra sem þurfa á
sérstakri aðstoð að halda.
Kristinn Breiðfjörð, varafor-
maður Skólastjórafélags Íslands,
segir skólastjóra geta nýtt verk-
stjórnartímann, sem þeir hafi til
umráða hjá kennurum, til endur-
skipulagningarinnar. Það komi þó
niður á öðrum verkefnum innan
skólans, til dæmis verði umhverfis-
fræðsla látin sitja á hakanum.
Kennarafélag Reykjavíkur
gagnrýnir borgarráð fyrir að fara
ekki að tillögum fræðsluráðs um
að greiða kennurum sérstaklega
fyrir endurunnar kennsluáætlanir.
Ólafur Loftsson, formaður félags-
ins, segir marga kennara þegar
hafa sinnt þessu verkefni á þeirri
forsendu að þeim yrði greiddur
einn vinnudagur fyrir verkið.
Ólafur spyr hvort ákvörðun
Reykjavíkurborgar snúist um
sparnað eða hvort tillaga ráðs-
ins hafi einungis verið illa orðuð.
Steinunn segir sparnað ekki hafa
ráðið úrslitum.
„Verið er að setja umtalsverða
aukafjárveitingu í skólana. Aðal-
atriðið er að peningarnir nýtist í
kennslu barnanna, því það eru jú
börnin sem hafa misst kennslu-
stundir og kennsludaga,“ segir
Steinunn og ítrekar þannig að auka-
fjárveitingin eigi ekki að renna til
kennara.
Runólfur Birgir Leifsson,
forstöðumaður fjármálasviðs
Fræðslumiðstöðvar Reykjavíkur,
segir að óskað hafi verið eftir
greinargerðum frá grunnskólum
borgarinnar um hvernig þeir hygg-
ist bæta nemendum upp tapaða
skóladaga. Fjórir hafi svarað en
skólarnir geri nú þegar ráð fyrir
aukafjárveitingunni. gag@frettabladid.is
BERGÞÓRA VALSDÓTTIR
Segir kennara geta unnið að endurskipulagn-
ingu kennslu í grunnskólum á laugardögum.
„Þeir geta það. Ef ég klára ekki það sem ég
þarf að gera þá geri ég það á kvöldin og um
helgar,“ segir Bergþóra. „Launalaust.“
FR
ÉT
TA
B
LA
Ð
IÐ
/E
.Ó
L.
SÝRA
LSD er oft síað í pappírsþynnur.
Sýran sem brasilíska konan var
tekin með var í töfluformi.
ÞRJÁTÍU OG FIMM DAGA VERKFALL KENNARA
# Almennur launakostnaður vegna kennslu kostar borgina um 20 milljónir króna
– sé miðað við 180 kennsludaga fyrir nýgerða kjarasamninga
# Kjarasamningarnir hækka upphæðina um 12 prósent
# Borgin greiðir 50 milljónir vegna tapaðra skóladaga
# Borgin greiddi 195 milljónir í eingreiðslu til kennara
# Laun kennara í vetrarfríi eru um 80 milljónir
# Laun kennara sem ekki voru greidd á verkfallstímabili um 500 milljónir
# Fjárhagslegur sparnaður borgarinnar gróflega áætlaður um 175 milljónir króna
Heimildir: Fræðslumiðstöð Reykjavíkur
UNGLINGAR Í FOLDASKÓLA
Börn að leik í frímínútum í Foldaskóla í Grafarvogi. Endurskipulagningu náms er að mestu lokið í grunnskólum höfuðborgarinnar. Kenn-
arar gerðu hana margir í þeirri trú að fá sérstaklega greitt fyrir þá vinnu.
FR
ÉT
TA
B
LA
Ð
IÐ
/V
IL
H
EL
M