Fréttablaðið - 21.01.2005, Side 6

6 21. janúar 2005 FÖSTUDAGUR
INNFLYTJENDUR Á síðasta ári var 637
útlendingum veittur íslenskur
ríkisborgararéttur, að því er fram
kemur hjá dóms- og kirkjumála-
ráðuneytinu.
Þetta er veruleg fjölgun frá ár-
inu 2003 þegar 436 útlendingum
var veittur ríkisborgararéttur og
árinu 2002 þegar 364 útlendingum
var veittur íslenskur ríkisborg-
araréttur. Auk þessara 637 útlend-
inga fengu jafnframt íslenskan
ríkisborgararétt með þeim 182
börn þeirra, sem einnig er fjölgun
frá síðustu árum. Árið 2003 fengu
109 útlensk börn ríkisborgararétt
með foreldri sínu og árið 2002
fengu 87 börn ríkisborgararétt
með þeim hætti.
Af þessum 637 útlendingum
fengu 594 ríkisborgararétt með
bréfi frá dóms- og kirkjumálaráð-
herra en 43 fengu ríkisborgara-
rétt með lögum frá alþingi. Árið
2003 veitti alþingi 27 útlendingum
ríkisborgararétt og 17 árið 2002.
Færri en 12 eru frá löndum
eins og Alsír, Angóla, Eþíópíu,
Gambíu, Gana, Kenía, Líbanon,
Mongólíu, Namibíu, Nígeríu,
Pakistan, Senegal, Síerra Leóne,
Srí Lanka, Sýrlandi, Túnis, Trini-
dad og Tobago og Úganda. - jss
Skyndileg kúvending
Halldór Ásgrímsson hafði lýst afdráttarlausri afstöðu ríkisstjórnarinnar varðandi
Írak á fundi mánuði fyrir innrás. Þar sagði hann að ef til aðgerða gegn Írak kæmi
yrði það einungis með samþykki öryggisráðsins. Annað kom á daginn.
Pétur Gunnarsson, skrifstofustjóri
þingflokks Framsóknarflokksins,
sagði í pistli sínum á tímanum.is,
málgagni Framsóknarflokksins,
14. janúar síðastliðinn: „Það var
Karl Rove sem bjó til hugtakið
„Listi hinna staðföstu þjóða“. Það
var engin pólitísk ákvörðun ís-
lenskra stjórnvalda sem lá að baki
því að nafn Íslands var skráð á
þann lista, það var almannatengsla-
ákvörðun, tekin í Hvíta húsinu, í
því skyni að koma pólitískum skila-
boðum á framfæri á einfaldan hátt
við bandarískan almenning. Á því
bera íslensk stjórnvöld ekki
ábyrgð heldur starfsmenn Hvíta
hússins og forseti Bandaríkjanna.“
Halldór Ásgrímsson, þáverandi
utanríkisráðherra, svaraði hins
vegar spurningu Þórunnar Svein-
bjarnardóttur á fundi utanríkis-
málanefndar 21. mars 2003, þrem-
ur dögum eftir að forsætisráðherra
og utanríkisráðherra tóku þá
ákvörðun að Íslendingar styddu
innrásina í Írak. Þar óskaði Þórunn
eftir skýringum á því hvernig Ís-
land hefði lent á lista yfir hin 30
staðföstu ríki og hvernig það hefði
farið fram. Halldór svaraði því til
að það hefði gerst í samtölum milli
embættismanna í forsætisráðu-
neyti og utanríkisráðuneyti hinn
18. mars 2003.
Af þessum orðum verður ekki
annað ráðið en að ráðherrarnir
tveir, Halldór og Davíð, hafi haft
fulla vitneskju um tilvist þessa
lista þegar þeir lýstu yfir stuðningi
Íslendinga, þrátt fyrir það sem
framsóknarmenn hafa viljað halda
fram, nú síðast í pistli Valgerðar
Sverrisdóttur iðnaðarráðherra sem
birtist á heimasíðu hennar í gær.
Þar heldur Valgerður því fram að
ekki hafi falist í ákvörðuninni við
stuðninginn við innrásina að Ísland
yrði sett á lista hinna staðföstu
þjóða. „Spurningin var ekki hvort
Ísland vildi vera á einhverjum
lista. Sá listi var búinn til í Wash-
ington. Þess vegna er umræðan
endalausa um listann óttalegt
rugl,“ segir hún í pistlinum.
Ekkert benti til árásar
Forsætisráðherra hefur ásamt öðr-
um ráðamönnum haldið því fram
að ráðherrarnir tveir hafi ekki
brotið gegn þingskaparlögum með
því að kalla ekki til fundar utanrík-
ismálanefndar áður en ákvörðunin
var tekin. Á fundi nefndarinnar 21.
mars var forsætisráðherra gagn-
rýndur fyrir þau vinnubrögð sem
viðhöfð höfðu verið í ákvörðunar-
ferlinu. Þar lýsti Sigríður Anna
Þórðardóttir, formaður nefndar-
innar, því yfir að hún teldi að
ákvæði 24. greinar laga um þing-
sköp Alþingis hefðu ekki verið
brotin enda hefði afstaða stjórn-
valda alltaf verið kunn.
Í lagagreininni segir: „Utan-
ríkismálanefnd skal vera ríkis-
stjórninni til ráðuneytis um meiri
háttar utanríkismál enda skal ríkis-
stjórnin ávallt bera undir hana slík
mál jafnt á þingtíma sem í þinghlé-
um.“
Rannveig Guðmundsdóttir,
þingmaður Samfylkingarinnar,
gagnrýndi það harðlega á fundin-
um að ríkisstjórnin hefði ekki haft
samráð við nefndina svo sem lög-
skylt væri enda hefði stefnumót-
andi ákvörðun verið tekin af ríkis-
stjórninni sem færi gegn þeim
grundvallaratriðum að ekki mætti
ráðast gegn öðru ríki nema með
samþykki öryggisráðs Sameinuðu
þjóðanna.
Steingrímur J. Sigfússon, for-
maður Vinstri grænna, tók undir
orð Rannveigar á fundinum. Hann
sagði að ekkert hefði áður komið
fram sem hefði gefið ástæðu til að
ætla að ríkisstjórnin myndi styðja
hernaðaraðgerðir gegn Írak án
undangenginnar ályktunar öryggis-
ráðs Sameinuðu þjóðanna. Þvert á
móti hefði mátt búast við gagn-
stæðri afstöðu ríkisstjórnarinnar
og vísaði Steingrímur til þess sem
fram hefði komið á fundi utanríkis-
málanefndar 19. febrúar 2003.
Halldór vildi gefa meiri tíma
Á fundi nefndarinnar 19. febrúar
2003, rétt rúmum mánuði áður en
Íslendingar lýstu yfir stuðningi við
innrásina, lýsti Halldór Ásgríms-
son því yfir að rétt væri að gefa
vopnaeftirlitsmönnum meiri tíma
og freista þess að ná friðsamlegri
lausn. Rétt er að benda á að þetta
var fyrsti fundur utanríkismála-
nefndar veturinn 2002 til 2003 þar
sem málefni Íraks voru tekin til
umræðu.
Þá sagði hann á fundinum að
margt benti til þess að samstaða
gæti náðst innan öryggisráðsins og
ekki væri ólíklegt að ný ályktun
yrði samþykkt þar sem Írak fengi
nýjan tímaramma en ella yrðu
Sameinuðu þjóðirnar að þvinga
fram afvopnun. Þessi afstaða hans
hafði áður komið fram, meðal ann-
ars í ræðu hans á Alþingi í lok jan-
úar sama ár þar sem hann sagði:
„Það er alveg ljóst af okkar hálfu
að við teljum algjörlega nauðsyn-
legt að þetta mál komi til umfjöll-
unar öryggisráðsins á nýjan leik.“
Á fundi utanríkismálanefndar
19. febrúar sagði Halldór jafn-
framt að samstaða hefði náðst inn-
an Evrópusambandsins um hvern-
ig ætti að nálgast Íraksmálið. Í
meginatriðum væri afstaða sam-
bandsins sú að Írak bæri skilyrðis-
laust að afvopnast en reynt yrði til
þrautar að komast hjá átökum.
Hann nefndi því tvær möguleg-
ar leiðir í málinu 19. febrúar: Ann-
ars vegar að Írakar féllust á af-
vopnun en hins vegar að öryggis-
ráðið samþykkti ályktun þar sem
samstaða næðist um aðgerðir.
Tæplega mánuði síðar var farin
þriðja leiðin, sem aldrei var nefnd
sem hugsanlegur möguleiki, sem
fólst eins og alþekkt er í innrás í
Írak án samþykktar öryggisráðs
Sameinuðu þjóðanna, með stuðn-
ingi 30 þjóða – Íslendinga þar á
meðal.
Bjóst við samþykkt öryggisráðsins
Í máli Halldórs á fundinum 19. febr-
úar kom því fram sú afdráttarlausa
afstaða ríkisstjórnarinnar að ef til
aðgerða gegn Írak kæmi yrðu þær
einungis gerðar með samþykki ör-
yggisráðsins. Hann sagði að ákveð-
in hótun væri að hlaðast upp gagn-
vart Írak með liðsafnaði, fyrst og
fremst herstyrk Bandaríkjanna og
Bretlands. Aðrar þjóðir fengju hins
vegar það hlutverk að reyna að
greiða úr málinu með diplómatísk-
um hætti, til dæmis Frakkland og
Rússland.
Af þessum orðum má ráða að á
þessu stigi málsins, tæpum mánuði
fyrir innrásina í Írak, hafi ekkert
gefið tilefni til þess að ráðist yrði í
aðgerðir án stuðnings allra þeirra
þjóða sem sæti eiga í öryggisráðinu,
þar á meðal Frakka.
Utanríkismálanefnd var því al-
gjörlega óupplýst um þá skyndilegu
stefnubreytingu ríkisstjórnarinnar
sem varð með þeirri ákvörðun að
styðja Bandaríkjamenn og Breta í
innrásinni í Írak gegn vilja öryggis-
ráðs Sameinuðu þjóðanna. ■
Íslensk kona:
Með fíkni-
efni innvortis
FÍKNIEFNI Íslensk kona um þrítugt
var handtekin á Keflavíkurflug-
velli með fíkniefni innvortis og í
fórum sínum þegar hún kom til
landsins á þriðjudag. Í kjölfarið
var konan úrskurðuð í gæsluvarð-
hald til dagsins í dag.
Fíkniefnin fundust við hefð-
bundið tolleftirlit en lögreglan á
Keflavíkurflugvelli verst allra
frétta af málinu og vill hvorki til-
greina tegund né magn fíkniefn-
anna. Ekki liggur fyrir hvort far-
ið verður fram á áframhaldandi
gæsluvarðhald yfir konunni í
dag.
- hrs
Heldurðu að kosningarnar í Írak
eigi eftir að ganga vel fyrir sig?
SPURNING DAGSINS Í DAG:
Fylgist þú með Idol-keppninni
á Stöð 2?
Niðurstöður gærdagsins á visir.is
84%
16%
Nei
Já
Farðu inn á fréttahluta visir.is
og segðu þína skoðun
KJÖRKASSINN
Höfðabakka 1 - sími 587 50 70
STELPUR,
KONUR
ATH!!
STÓR HUMAR
Risarækjur
Risa hörpuskel
Túnfiskur
og Marlinsteikur
Súr hvalur
Vorum að fá súran hval,
nýr framleiðandi...þessi
er 100 sinnum betri en
í fyrra!!!
Allir fá að smakka.
Bóndadagurinn er í dag,
gleddu bóndann með
góðum mat. Hann verður
ekki vonsvikinn með
humarinn....
því getum við lofað!!
NÝIR ÍSLENDINGAR 2004
– FÆÐINGARSTAÐUR
Pólland 108 Sovétríkin (fyrrv.) 56
Júgóslavía (fyrrv.) 52 Taíland 49
Filippseyjar 45 Bandaríkin 25
Svíþjóð 20 Þýskaland 17
Víetnam 16 England 15
Marokkó 12
Æ fleiri útlendingar vilja setjast að á Íslandi:
Metfjöldi fékk íslenskt
ríkisfang í fyrra
FRÁ FUNDI UTANRÍKISMÁLA-
NEFNDAR 21. MARS 2003
Stjórnarandstaðan sagði á fundin-
um að ekkert hefði áður komið fram
sem hefði gefið ástæðu til að ætla að ríkis-
stjórnin myndi styðja hernaðaraðgerðir gegn Írak án
undangenginnar ályktunar öryggisráðs Sameinuðu þjóð-
anna. Þvert á móti hefði mátt búast við gagnstæðri afstöðu ríkisstjórnarinnar.
21. MARS 2003
Fundur utanríkismálanefndar
Þórunn Sveinbjarnardóttir óskar eftir
skýringum á því hvernig Ísland hafi lent
á lista yfir hin 30 staðföstu ríki og
hvernig það hafi farið fram.
Halldór Ásgrímsson svaraði því til að
það hefði gerst í samtölum milli emb-
ættismanna í forsætisráðuneyti og
utanríkisráðuneyti hinn 18. mars 2003.
SIGRÍÐUR D. AUÐUNSDÓTTIR
BLAÐAMAÐUR
FRÉTTASKÝRING
ÁKVÖRÐUNIN UM
STUÐNINGINN VIÐ
INNRÁSINA Í ÍRAK