Fréttablaðið - 21.01.2005, Qupperneq 16

16 21. janúar 2005 FÖSTUDAGUR
Um fimmtíu manns voru saman
komnir í stofu 101 í Odda, einni af
byggingum Háskóla Íslands, til að
hlýða á mál frambjóðendanna og
spyrja þá út úr. Fjórir prófessorar
eru í framboði; þau Ágúst Einars-
son, prófessor við viðskipta- og
hagfræðideild, Einar Stefánsson,
prófessor við læknadeild, Jón
Torfi Jónasson, prófessor við fé-
lagsvísindadeild, og Kristín Ing-
ólfsdóttir, prófessor við lyfja-
fræðideild.
Vel fór á með frambjóðendun-
um þegar þeir stungu saman nefj-
um við upphaf fundar, þeir brostu
og jafnvel hlógu.
Fundurinn í gær var sá fyrsti
sem efnt er til með frambjóðend-
um og markar upphaf kosninga-
baráttunnar. Framboðsfrestur
rann út í gær en kosið verður
þriðjudaginn 15. mars.
Eftir nokkru er að slægjast
meðal stúdenta því atkvæði þeirra
vega 30 prósent á móti 60 prósent-
um kennara, sérfræðinga og há-
skólamenntaðra starfsmanna og
tíu prósentum annarra starfs-
manna skólans. Áhugi stúdenta á
kosningunum virðist þó takmark-
aður, í það minnsta ef miðað er við
aðsóknina á fundinn í gær.
24 stundir
Ágúst Einarsson mælti fyrstur
frambjóðenda og lagði mikla
áherslu á samráð við nemendur
um málefni skólans. Hann nefndi
nokkur mál sem hann hyggst beita
sér fyrir og snerta stúdenta með
beinum hætti, til dæmis vill hann
bjóða upp á lesaðstöðu allan sólar-
hringinn, kennslu á að vera lokið
ekki seinna en klukkan 5 á daginn
og tæknivæða á allar skólastofur.
Ágúst vill auka sjálfstæði deilda,
hann leggur áherslu á jafnrétti og
segir nauðsynlegt að fjölga konum
í ráðandi stöðum í stjórnsýslu skól-
ans auk þess sem bæta þurfi fjár-
málastjórn hans. Hann leggur ríka
áherslu á að fjárframlög til skól-
ans verði hækkuð og staða hans
sem rannsóknarháskóla efld.
Ágúst lauk máli sínu á að segja Há-
skóla Íslands þurfa öflugan for-
ystumann og að sjálfur gæti hann
veitt þá forystu.
Vísindagarðarnir
Einar Stefánsson steig næstur í
pontu og byrjaði á að kynna sjálf-
an sig. Benti hann fundarmönnum
á að hann hefði meðal annars unn-
ið við virtan háskóla í Bandaríkj-
unum og taldi mikilvægt að slík
reynsla væri metin að verðleik-
um. Þá sagðist hann vera einn af
virkustu vísindamönnum Háskóla
Íslands. Einar horfir björtum aug-
um til fyrirhugaðrar byggingar
nýs hátæknisjúkrahúss og telur
allar deildir Háskólans munu
njóta góðs af. Þá vill hann sjá vís-
indagarða rísa sem fyrst í Vatns-
mýrinni. Hann telur mikilvægt að
samfélagið sameinist um að veita
góða menntun sem kostuð verði af
sköttum. Hann lagði ríka áherslu
á að fjárframlög til skólans yrðu
hækkuð og staða hans sem rann-
sóknarháskóla efld. Þá vill Einar
að sem flestum verði gert kleift
að stunda nám við HÍ.
Margt gott
Jón Torfi Jónasson notaði ekki
glærur með sinni framsögu, ólíkt
hinum þremur. Hann hóf mál sitt
á að segja að staða Háskóla Ís-
lands væri um margt mjög góð og
að skólinn nyti trausts í samfélag-
inu. Jón Torfi minnti á að Háskól-
inn ætti ekki bara í samkeppni nú
þó fleiri háskólar væru teknir til
starfa, hann hefði lengi átt í sam-
keppni við skóla í útlöndum og
einnig ríkti samkeppni á milli
deilda innan HÍ. Hann lagði ríka
áherslu á að fjárframlög til skól-
ans yrðu hækkuð og staða hans
sem rannsóknarháskóla efld. Jón
Torfi vill að fram fari vitræn og
víðtæk umræða um Háskólann í
öllu samfélaginu og telur að
þannig og aðeins þannig fái hann
meiri peninga til starfseminnar.
Þá telur hann að bæta þurfi vinnu-
aðstöðu að Þjóðarbókhlaðan eigi
að vera opin sem lengst.
Hættum í vörn
Kristín Ingólfsdóttir mælti síðust
og byrjaði á að ræða um stöðu Há-
skóla Íslands í gjörbreyttu um-
hverfi vegna stofnunar nýrra há-
skóla. Hún sagði HÍ yfirleitt vera
í varnarbaráttu og af þeirri braut
þyrfti að snúa. Þá telur hún mikil-
vægt að marka Háskólanum innri
stefnumörkun um leið og stefna
skólans út á við sé mótuð með
stjórnvöldum. Hún sagði mikil-
vægt að framfylgja jafnréttis-
áætlun skólans sem og að endur-
skoða stjórnskipulag hans. Hún
lagði ríka áherslu á að fjárfram-
lög til skólans yrðu hækkuð og
staða hans sem rannsóknarhá-
skóla efld. Þá vill hún hraða bygg-
ingu vísindagarða í Vatnsmýrinni.
Kristín sagði mikilvægt að efla
framhaldsnám við Háskólann en
um leið vill hún hlúa vel að grunn-
náminu og passa að það gleymist
ekki.
Shakespeare rýfur fund
Að framsögunum loknum var opn-
að fyrir spurningar utan úr sal.
Einum fundarmanna lék forvitni á
að vita hvernig mögulegt væri að
auka fjárframlög til Háskólans og
svöruðu frambjóðendurnir því
allir til að ríkið yrði að axla sína
ábyrgð í þeim efnum. Ágúst
nefndi þó að sveitarfélög og fyrir-
tækin í landinu ættu einnig að
koma að málum og Einar sagði
þjóðfélagið allt þurfa að samein-
ast um verkefnið. Benti hann á að
milljörðum væri varið í kosninga-
baráttu Íslands til að komast í ör-
yggisráð Sameinuðu þjóðanna.
Jón Torfi sagði umræðu á breið-
um grundvelli um hlutverk Há-
skólans nauðsynlega til að opna
augu stjórnvalda og Kristín sagði
menn hafa verið of hógværa í
sókninni í meiri peninga.
Þegar frambjóðendur voru í
þann mund að byrja að svara
vangaveltum eins fundargesta um
hvort Háskóli Íslands væri í raun
sá þjóðarskóli sem honum ber að
vera var fundi slitið því kennsla í
Shakespeare var að hefjast í sal
101. bjorn@frettabladid.is
Hörður Jóhannesson, yfirlögregluþjónn í Reykja-
vík, sagði í Fréttablaðinu að hópur fíkniefnaneyt-
enda væri orðinn breiðari en áður. Hann segir
kókaínneyslu þekkta og fína fólksins aukast og
hún sé orðin hluti af skemmtanamynstri þess.
Kókaín er dýrasta fíkniefnið á þessum markaði.
Hver eru áfhrif kókaíns?
Í hóflegum skömmtum örvar það miðtauga-
kerfið, blóðþrýstingur hækkar og hjartsláttur
eykst um helming. Leiðir til málgefni, æsings og
eirðarleysis. Þreyta hverfur, líkamleg áreynsla
verður auðveldari. Sjálfstraust eykst og viðkom-
andi „veit allt og getur allt“.
Dómgreind brestur og viðkomandi tekur áhættu
sem undir eðlilegum kringumstæðum myndi
aldrei koma til greina. Í upphafi neyslu finnur
viðkomandi sig í vellíðunarvímu og áhugasaman
um kynlíf. Eftir nokkurn tíma í neyslu dofnar sá
áhugi og getuleysi er algengur fylgikvilli.
Hversu lengi vara áhrif kókaíns?
Með innspýtingu varir víman eða eitrunin í tíu
til fimmtán mínútur. Víma af völdum sniffs
endist aðeins skemur.
Er kókaín ávanabindandi?
Það er líklega meira ávanabindandi en nokkurt
annað fíkniefni. Kókaín hefur áhrif á þá hluta
heilans sem stjórna ánægjulegum skynjunum
og tilfinningum. Strax að lokinni vímunni verð-
ur neytandinn mjög niðurdreginn, nánast
þunglyndur. Með því að fá sér annan skammt
getur neytandinn forðast óþægindi þunglyndis
og farið í aðra vímu eða framlengt upphaflegu
eituráhrifin.
Getur fólk dáið af kókaínneyslu?
Ofneysla er frekar sjaldgæf en viðkomandi
deyr nokkrum klukkustundum eftir neyslu ef
um of stóra skammta er að ræða og á dauð-
inn þá yfirleitt rætur sínar að rekja til
hjartaslags eða blóðrásartruflana í kjölfar lang-
vinnrar neyslu.
Þunglyndi fylgir kókaínvímunni
FBL GREINING – KÓKAÍN
Sigurjón Sighvatsson og Björn Steinbekk
Kristjánsson ætla að stofna nýja sjón-
varpsstöð á Norðurlöndunum á næstu
mánuðum. Sigurjón segir að stöðin
muni heita Big TV.
Hvernig kom þetta til? Ég er búinn að
vera með þessa hugmynd í mörg ár
enda hef ég unnið mikið við tónlistar-
myndbandagerð og annað slíkt. Síðan
hitt ég Björn og hann var líka búinn að
vera með svipaðar hugmyndir og upp
frá því fór boltinn að rúlla.
Hverjir eiga sjónvarpsstöðina? Ég og
Björn og síðan fjárfestar. Það verður
ljóst í næstu viku hverjir það eru.
Hvernig efni munuð þið sjónvarpa?
Markhópurinn hjá okkur er ungt fólk frá
tólf og upp í 24 ára. Efnið miðast við
það. Þetta verður fyrst og fremst afþrey-
ingarefni sem mikið til verður búið til af
ungu fólki.
Hvar mun stöðin nást? Til að byrja
með verðum við í Noregi og Finnlandi
en stöðin mun síðan nást á öllum Norð-
urlöndunum. Fólk víðs vegar um heim
mun líka geta horft á Big TV á netinu.
Er þetta dýrt? Nei, tæknin er orðin
þannig að kostnaðurinn við þetta er
ekki jafnmikill og hann var áður.
Hvenær hefjast útsendingar? 1. maí.
SIGURJÓN SIGHVATSSON
Gömul hugmynd
NÝ SJÓNVARPSSTÖÐ
SPURT & SVARAÐ
VINNUVÉLAR
Blað um vinnuvélar mun fylgja
Fréttablaðinu miðvikudaginn
26. janúar.
Ámundi Ámundason
Sölufulltrúi
amundi@frettabladid.is / Sími 515 7580 / GSM 821 7514
NÆSTI REKTOR HÁSKÓLA ÍSLANDS
Kristín flytur framsögu sína á fundinum í Odda í gær og Ágúst, Einar og Jón Torfi hlýða íbyggnir á.
FR
ÉT
TA
B
LA
Ð
IÐ
/V
IL
H
EL
M
Peningar og rannsóknir
Samhljómur er meðal prófessoranna fjögurra sem sækjast eftir embætti rektors Háskóla Íslands. Allir
leggja ríka áherslu á að fá meiri peninga til starfseminnar og vilja efla rannsóknarþátt skólans. Vaka, fé-
lag lýðræðissinnaðra stúdenta, efndi til opins fundar með frambjóðendunum í gær.