Fréttablaðið - 21.01.2005, Side 22

Í Fréttablaðinu á laugardaginn
fékk Hjörleifur Guttormsson um-
fjöllun í pistlinum „Maður vik-
unnar“ enda á hann heiður skilinn
fyrir sína glæsilegu framgöngu
gegn Kárahnjúkavirkjun. Hann
hefur aukið okkur sem berjumst
gegn þessari virkjun bjartsýni og
kjark til að halda baráttu okkar
áfram. Þökk sé honum og Atla
Gíslasyni lögmanni.
Það stakk hins vegar í augun að
Fréttablaðið skyldi í þessari sömu
umfjöllun halda því fram að „Aust-
firðingar upp til hópa séu hlynntir
byggingu Kárahnjúkavirkjunar“.
Ég vil biðja Fréttablaðið að leiðrétta
þennan leiða og særandi misskiln-
ing. Við erum alls ekki öll ginnkeypt
fyrir þessum stóriðjudraumi stjórn-
valda. Við erum mörg hér bæði á
Austurlandi og Austfjörðum – sem
erum kölluð Austfirðingar – mjög
mikið á móti þessari virkjun og höf-
um reynt af veikum mætti að láta
mótmæli okkar heyrast sem og að
reyna að gera fólki grein fyrir af
hvaða stærðargráðu þessi fram-
kvæmd er með fylgjandi spjöllum
og neikvæðum áhrifum af sömu
stærðargráðu. Við erum mjög
áhyggjufull bæði hvað varðar hin
stórkostlegu náttúruspjöll og rösk-
un á lífríki og dýralífi sem af bygg-
ingu stíflunnar með hinu væntan-
lega Hálslóni hljótast sem og þeim
áhrifum sem hið væntanlega Háls-
lón og flutningur Jöklu í Lagarfljót
mun valda hér á Héraði með ófyrir-
sjáanlegum og óviðráðanlegum leir-
foksvandamálum sem mjög munu
skyggja á lífsgæði okkar hér. Að
ekki sé minnst á hin slæmu samfé-
lagslegu áhrif sem svona stórfram-
kvæmd veldur, með ruðningsáhrif-
um sem þegar eru byrjuð að segja
til sín og því ójafnvægi sem þetta
skapar á svo mörgum sviðum. Fjár-
hagshliðin veldur ekki síður áhyggj-
um, hvernig geta ráðamenn þessar-
ar þjóðar leyft sér að setja auð-
lindir okkar á útsölu til erlends auð-
fyrirtækis að þjóðinni forspurðri,
og á svo ef til vill að kenna Austfirð-
ingum um ef illa fer? Það óttast ég
að muni einmitt verða reynt og
fengum við forsmekkinn af því
í Kastljósþætti í sumar þar sem
fyrrverandi heilbrigðisráðherra,
Ingibjörg Pálmadóttir, sagði í þessu
sambandi, „Austfirðingar sóttu
þetta mjög fast“. Mun þetta líkast til
vera byrjunin á því, þegar ráða-
menn þjóðarinnar og þeir sem bera
raunverulega ábyrgð á Kárahnjúka-
vitleysunni vegna þeirrar pólitísku
ákvörðunar sinnar að taka þetta af-
drifaríka skref, reyna að koma sér
undan þeirri ábyrgð.
Orðið „Austfirðingur“ er að
verða tákn fyrir þann sem vill al-
virkja Ísland. „Austfirðingur“ er sá
sem í framtíðinni mun verða kennt
um Kárahnjúkavandann. „Austfirð-
ingar heimtuðu álver“, „Kára-
hnjúkaklúðrið er Austfirðingum að
kenna“, „Austfirðingar drógu land
sitt og þjóð í svaðið...“, eða „sjaldan
hafa neinir sýnt þjóð sinni jafn-
mikinn hroka og Austfirðingar“.
Í okkar daglega lífi erum við
stöðugt minnt á þennan fjanda sem á
sér stað á fjöllum og fjörðum og allt
í kringum okkur; og því er það of
langt gengið að fjölmiðlar finni sig
knúna til að strá salti í sár okkar
með því að alhæfa sínkt og heilagt
um að „Austfirðingar“ séu svo glað-
ir og reifir því nú séu þeir loksins að
fá sitt langþráða álver og að hér ríki
bara eintóm gleði... Ég fullvissa
ykkur um að þetta er alrangt. Það
ríkir myrkur í huga margs góðs
Austfirðings, það er búið að koll-
varpa og umsnúa samfélögum hér
og umhverfi, framtíðin er hulin mik-
illi óvissu, hvað verður um okkur
hér fyrir austan vegna þessa gríðar-
lega inngrips? Víst er að margur
Austfirðingurinn hefur látið
glepjast af loforðum misvitra og
valdasjúkra ráðamanna, en ábyrgð-
in verður fyrst og síðast þessara
hinna sömu ráðamanna. Undan
þeirri ábyrgð er ekki nokkur leið
fyrir þá að skjóta sér. Minni þeirra
mun verða neyðarlegt en gjöldin
sem þeir koma sinni þjóð í er ekki
hægt að afsaka. Ég vil ekki þurfa að
skammast mín fyrir að vera Aust-
firðingur. En það veit guð að
ég skammast mín sem Íslendingur –
alveg hroðalega – fyrir okkar ráða-
menn sem hafa komið okkur í þetta
allsherjar Kárahnjúkaklúður. ■
21. janúar 2005 FÖSTUDAGUR22
„Hjörleifur“ í mörgum Austfirðingnum
Árétting vegna blaðaskrifa: Aðgát skal höfð
„Höggvið þótti mér í sama
knérunn“ eru upphafsorð
Borghildar Ragnarsdóttur, hjúkr-
unarforstjóra Víðiness, í bréfi til
blaðsins, sem birtist í Fréttablað-
inu 18. janúar 2005. Tilefni þess-
ara orða er það sem Borghildur
kallar „viðtal“ sem birst hafi við
Eirík Kjartansson, sjúkraliða, í
DV 13. jan. sl. Segir Borghildur
að það sé sárt til þess að vita
þegar starfsmaður bregðist
starfsskyldum eins og raun beri
vitni. Segist minna fyrrverandi
starfsmann á þagnarskyldu sem
hann hafi gagnvart sjúklingum.
Tekur fram að aðgát skuli höfð í
nærveru sálar og fyrrverandi
starfsmaður eigi ekki að reyna að
bjarga eigin skinni á kostnað þess
sem ekki geti borið hönd fyrir
höfuð sér.
Eiríkur hefur verið borinn al-
varlegum sökum sem hann þver-
tekur fyrir að séu sannar. Hann
hefur gefið allt aðra mynd af at-
vikum en þá sem Borghildur virð-
ist telja sig þekkja. Hefur lýst sig
saklausan af því sem á hann er
borið. Þótt Eiríkur eigi sama rétt
og aðrir menn, að teljast saklaus
þar til sekt hans telst sönnuð, þá
hefur hann mátt þola myndbirt-
ingar á forsíðu DV og tillitslausar
fullyrðingar um brot sem hann
neitar að hafa framið. Þá hefur
Borghildur rekið hann úr starfi í
Víðinesi án þess að hlusta á hans
hlið á málinu.
Nú áfellist Borghildur sakaðan
mann fyrir trúnaðarbrot gagn-
vart látinni konu. Það má Borg-
hildur vita að Eiríkur hefur ekki
veitt DV eða neinum öðrum fjöl-
miðli viðtal um þetta dapurlega
mál. Sorg Eiríks og fjölskyldu
hans er næg þótt hann ýti ekki
undir opinbera umfjöllun um
málið með því að veita viðtal.
Þegar aðalmeðferð í máli Eiríks
fór fram fyrir Héraðsdómi
Reykjavíkur 12. janúar sl. voru
ljósmyndari og blaðamaður frá
DV á staðnum. Undirritaður, verj-
andi Eiríks, bað ljósmyndara DV
að hlífa skjólstæðingi mínum við
myndatöku og opinberri umfjöll-
un um þetta viðkvæma mál. Við
því varð hann ekki. Réttarhaldið
var opið eins og tíðkast í réttar-
ríkjum. Blaðamaðurinn sat í rétt-
arsalnum meðan skýrslur voru
teknar af Eiríki. Hann hlustaði á
svör Eiríks við spurningum sak-
sóknara og dómara. Úr þeim
svörum hefur blaðamaðurinn
unnið „viðtalið“ án nokkurs at-
beina Eiríks. Borghildur má vita
að Eiríkur talaði ekki við DV og
braut ekki þagnarskyldu með því
að svara spurningum ákæruvalds
og dómara sem ákærður maður
fyrir dómi.
Við skulum reyna að hafa að-
gát í nærveru sálar og höggva
ekki oft í sama knérunn. ■
GRÉTA ÓSK SIGURÐARDÓTTIR
VAÐI, SKRIÐDAL
SKRIFAR UM KÁRAHNJÚKAVIRKJUN
AF NETINU
Borghildur má vita
að Eiríkur talaði
ekki við DV og braut ekki
þagnarskyldu með því að
svara spurningum ákæru-
valds og dómara sem
ákærður maður fyrir dómi.
,,
GESTUR JÓNSSON
HÆSTARÉTTARLÖGMAÐUR
UMRÆÐAN
SAKIR OG
ÞAGNARSKYLDA
Menningarsetrið Bæjarútgerð Hafnarfjarðar kveður ■ Göturnar í lífi Elvu Óskar leikkonu ■ Helgi Björns eldar ítalskt
Matgæðingurinn Ellý Ármannsdóttir ■ Sjónlistahjónin Brian Griffin og Brynja Sverrisdóttir ■ Fótboltahatur
F22. TBL. 2. ÁRG. 13. 1. 2005
Ásberg
Pétursson
Íslenskir
nútímalistamenn
- njóta ekki góðs af góðærinu
SELUR 200 MILLJÓN
KRÓNA HEIMILI
SEM ER ÓÐUR TIL
HÖNNUNAR OG
ARKITEKTÚRS
Allir í Laugum ■ Bóndadagsóskir ■ Göturnar í lífi Ágústs Einarssonar prófessors ■ Frönsk sælkeraveisla á Vox
Matgæðingurinn Egill Helgason ■ Dóri vinur: með gítarinn í annarri og golfkylfuna í hinni
F23. TBL. 2. ÁRG. 20. 1. 2005
Framkvæmdaglaðir Íslendingar
Tíðarandinn í innanhússhönnun
Matur og heilsa
Kemíska kryddið MSG
leynist ótrúlega víða
í Spaksmannsspjörum
Hafa klætt Drew Barrymore, Teri Hatcher og Umu Thurman
Vala
og Björg
Fylgir
Fréttablaðinu
á fimmtudögum
Tíska,
stjórnmál
og allt þar
á milli...
Það veit guð að ég
skammast mín sem
Íslendingur – alveg hroða-
lega – fyrir okkar ráða-
menn sem hafa komið okk-
ur í þetta allsherjar Kára-
hnjúkaklúður.
,,
Hvítasunnumenn í
Sjálfstæðisflokkinn
Nú er hins vegar spurning hvort hvíta-
sunnumönnum sé enn vært í Framsókn
í þeirri fordæmingarhrinu sem kemur frá
einum helsta forvígismanni flokksins og
vil ég þá hvetja þá til að hugsa sér til
hreyfings. Sjálfstæðisflokkurinn hefur
löngum verið breiður flokkur sem rúmar
trúað fólk jafnt sem aðra. Reyndar ættu
hvítasunnumenn að geta fellt sig jafnvel
betur við Sjálfstæðisflokkinn en Fram-
sókn, enda er þar kristið siðferði og krist-
in gildi í hávegum eins og fram kemur í
stefnuskrá flokksins. Allavega væri minni
hætta á að fram komi samsæriskenn-
ingar um að á ferðinni sé vel skipulagð-
ur hópur fólks úr einu tilteknu trúfélagi
að reyna að taka yfir flokkinn eins og
ýjað hefur verið að í fjölmiðlum, nú síð-
ast í grein eftir Birgi Hermannsson í DV í
dag. Reyndar efast ég um að hvíta-
sunnumenn séu almennt framsóknar-
menn upp til hópa, enda hefur Fram-
sókn ekki verið sérlega hliðhollt hags-
munum frjálsra trúfélaga í gegnum tíð-
ina þó það sé önnur saga. Vona ég að
flokkssystkini mín í Sjálfstæðisflokknum
séu sammála mér í því að bjóða fólk úr
Hvítasunnukirkjunni, sem og öðrum trú-
félögum til starfa í flokknum, enda væri
honum akkur í góðu fólki, með svipuð
lífsgildi og flokkurinn stendur fyrir,
hvaðan svo sem það kemur. Það er alla-
vega von mín og trú að innan flokksins
og almennt í þjóðfélaginu, séu ekki
sömu fordómarnir og lýstu sér í orðum
Alfreðs Þorsteinssonar og fleiri í fjölmiðl-
um síðustu daga og fólk almennt fari að
hugsa sig um áður en það dæmir menn
á grundvelli trúar.
Höskuldur Marselíusarson á frelsi.is
EuroXperience
– ný leið á nýja markaði
AIESEC á Íslandi er að fara af stað
með nýtt verkefni sem heitir
EuroXperience. EuroXperience-
verkefnið er sameiginlegt átak
AIESEC-landanna í Vestur-Evrópu,
sem miðar að því að aðstoða fyrir-
tæki til þess að upplifa og læra um
viðskiptamenningu Austur-Evr-
ópu. Í kjölfar stækkunar Evrópu-
sambandsins á fyrri hluta árs 2004
hafa opnast nýir og spennandi
markaðir í Austur- Evrópu sem
íslensk fyrirtæki í vexti hafa í sí-
auknum mæli nýtt sér. AIESEC
getur hjálpað fyrirtækjum að auka
þekkingu sína á erlendum mörkuð-
um með því að bjóða þeim fram-
úrskarandi ungt fólk erlendis
frá. EuroXperience-verkefnið
nýtir sér starfaskiptakerfið sem
AIESEC hefur byggt upp í áratugi
en einbeitir sér að því að auka
tengsl viðskiptalífs Austur- og
Vestur-Evrópu, sérstaklega í ljósi
stækkunar Evrópusambandsins.
Alþjóðlegt starfaskiptakerfi
AIESEC gefur fyrirtækjum einnig
kost á kostnaðarhagkvæmum,
skammtíma starfskröftum til að
sjá um sérstök verkefni og/eða
koma til móts við sveiflur í
þörfum fyrir starfsfólk. Í verkefn-
inu taka þátt 14 Vestur-Evrópu
lönd auk 20 Austur-Evrópu landa.
Meðal þeirra Austur-Evrópu landa
sem taka þátt í verkefninu eru:
Albanía, Búlgaría, Eistland, Lett-
land, Litháen, Króatía, Pólland,
Rúmenía, Rússland, Slóvenía,
Tékkland, Tyrkland og Ungverja-
land.
Markmið EuroXperience-verk-
efnisins er að auka skilning og
þekkingu fyrirtækja á hæfileikum,
mörkuðum og viðskiptalífi land-
anna sem að verkefninu standa.
Ávinningur fyrirtækja sem taka
þátt í verkefninu felst meðal ann-
ars í að nýta hæfileika og þekkingu
starfsnema sem koma frá þessum
löndum. Verkefnið er tilvalið til
þess að kanna möguleika á útrás á
markaði Austur-Evrópu, koma til
móts við sveiflur í starfsmanna-
málum, þróa viðskiptasambönd er-
lendis, þjálfa starfsmenn fyrir-
tækisins í að vinna með fólki er-
lendis frá eða koma sérstökum
verkefnum í framkvæmd. Öðlast
má betri innsýn sem hægt er að
nýta til að sníða þjónustu fyrir-
tækis þíns að persónulegum þörf-
um hvers lands fyrir sig. Erlendur
starfskraftur veitir ómetanlega
aðstoð við myndun tengslanets í
viðkomandi landi auk þess sem
fyrirtæki og almenningur í þess-
um löndum mun frétta af þátttöku
íslenskra fyrirtækja í verkefninu.
Þannig getur fyrirtæki byggt upp
orðspor í löndum Austur-Evrópu
sem getur hjálpað mikið þegar
farið er að sækja inn á hina nýju
markaði. Verkefnið hefst á Íslandi
í upphafi árs 2005. Starfsnemarnir
koma til landsins á mismunandi
tímum en nákvæm dagsetning er
valin í samráði við fyrirtækin. Til
þess að fá meiri upplýsingar um
verkefnið hafið samband við
AIESEC í síma 552-9932, með
tölvupósti á aiesec@hi.is eða á
heimasíðunni aiesec.is
Höfundur er Starfaskipta- og
almannatengslastjóri í AIESEC.
SANDRA BRUNEIKAITÉ
UMRÆÐAN
MENNTUN OG
VIÐSKIPTI
EuroXperience-
verkefnið er sam-
eiginlegt átak AIESEC-
landanna í Vestur-Evrópu,
sem miðar að því að aðstoða
fyrirtæki til þess að upplifa
og læra um viðskiptamenn-
ingu Austur-Evrópu.
,,
SENDIÐ OKKUR LÍNU
Við hvetjum lesendur til að senda okk-
ur línu og leggja orð í belg um málefni
líðandi stundar. Greinar og bréf skulu
vera stutt og gagnorð. Eingöngu er tek-
ið á móti efni sem sent er frá Skoðana-
síðunni á visir.is. Þar eru nánari leið-
beiningar. Ritstjórn ákveður hvort efni
birtist í Fréttablaðinu eða Vísi eða í
báðum miðlunum að hluta eða í heild.
Áskilinn er réttur til leiðréttinga og til
að stytta efni.