Fréttablaðið - 03.02.2005, Blaðsíða 8

3. febrúar 2005 FIMMTUDAGUR
Páfi með flensu og á við öndunarerfiðleika að stríða:
Lagður inn á sjúkrahús
ÍTALÍA, AP Jóhannes Páll II páfi
dvelur nokkra daga á sjúkrahúsi
vegna veikinda sem hrjá hann. „Það
er engin ástæða til hræðslu,“ sagði
Joaqin Navarro-Valls, talsmaður
páfa, í gær. Hann sagði að páfi væri
með hita og haft yrði eftirlit með
honum næstu daga vegna öndunar-
erfiðleika sem hann hefur átt við að
stríða.
Navarro-Valls sló á létta strengi
þegar hann gerði lítið úr veikindum
páfa og sagði að ástæðan fyrir því
að hann hefði verið fluttur með
sjúkrabíl á sjúkrahús væri sú að
neðanjarðarlestin gengi ekki nógu
langt.
Heilsa páfa hefur lengi verið
bág. Hann þjáist af Parkinsonsveiki
og sagði Javier Lozano Barragan,
kardínáli og æðsti maður Vatíkans-
ins í heilbrigðismálum, að van-
máttur páfa til að halda sér upprétt-
um gerði að verkum að þrengt væri
að lungum hans og þind.
Páfi dvelst á sérstakri deild á
sjúkrahúsinu sem er frátekin fyrir
hann. Þar er kapella, eldhús og
svefnaðstaða fyrir helsta aðstoðar-
mann hans. Vegna þess hversu oft
páfi dvelur á Gemellisjúkrahúsinu
hafa ítalskir fréttamenn stundum
uppnefnt það Þriðja Vatíkanið. ■
MIÐ-AUSTURLÖND, AP Ariel Sharon,
forsætisráðherra Ísraels, og
Mahmoud Abbas, forseti palest-
ínsku heimastjórnarinnar, hafa
þegið boð Hosni Mubaraks
Egyptalandsforseta um að koma
saman til fundar í Egyptalandi
næsta miðvikudag. Að auki hefur
Abdúlla Jórdaníukonungur sam-
þykkt að vera viðstaddur.
Tilgangurinn með fundinum
er að treysta þau skref sem stig-
in hafa verið í átt til friðar að
undanförnu. Síðustu daga minnk-
aði bjartsýni manna á frið fyrir
botni Miðjarðarhafs þegar tíu
ára palestínsk stúlka var skotin
til bana og vígamenn réðust á
Ísraelsher í hefndarskyni. Ísra-
elar kannast hins vegar ekki við
að hafa orðið stúlkunni að bana.
Vonir standa til þess að Abbas
og Sharon komist að samkomu-
lagi um vopnahlé á fundi sínum í
næstu viku sem verður haldinn í
hafnarborginni Sharm el-Sheik
við Rauðahaf.
Mubarak hefur hingað til
neitað að hitta Sharon en
leynilögregluforingi hans, Omar
Suleiman, sem hitti Sharon í gær
kom boði Mubaraks á framfæri.
Í fyrradag ræddi Suleiman við
fulltrúa herskáu samtakanna
Hamas og Íslamskt Jihad í Kaíró,
höfuðborg Egyptalands. ■
Apótekarinn sætir
árásum bæjarfulltrúa
Framkvæmdastjóri Apóteks Vestmannaeyja segir bæjarfulltrúa hafa skaðað
rekstur apóteksins með neikvæðri umræðu. Bæjarfulltrúinn hefur tvisvar
sakað eiganda apóteksins um að standa ekki við gefin fyrirheit um vöruverð.
SVEITARSTJÓRNARMÁL Andrés Sigu-
mundsson, bæjarfulltrúi Fram-
sóknarflokksins í Vestmannaeyja-
bæ, hefur í tvígang, fyrst í bæjar-
ráði síðan í bæjarstjórn, sakað
eiganda Apóteks Vestmannaeyja
um að hafa ekki
staðið við gefin
fyrirheit um sam-
k e p p n i s h æ f t
vöruverð.
Andrés flutti
tillögu um málið á
síðasta bæjar-
stjórnarfundi þar
sem hann sagði að
vegna þessara
vanefnda bæri
bæjarstjórn-
inni að
taka
j á -
kvætt í umsókn
annarra um
rekstur apóteks
í bænum. Engin
umsókn lá fyrir
og felldu sjálf-
stæðismenn og
fulltrúar Vest-
mannaeyjalistans
tillöguna og sögðu
enn fremur að bæj-
aryfirvöld ættu að
taka afstöðu til um-
sókna ef og þegar
þær bærust.
Hanna María
Siggeirsdótt-
ir, fram-
kvæmdastjóri apóteksins, segir
málflutning bæjarfulltrúans und-
arlegan. Vöruverðið í apótekinu
sé í takt við það sem gerist annars
staðar. Sem sakir standa segist
hún ekki ætla að aðhafast neitt í
málinu.
„Það var sagt um Andrés að
hann væri galdramaður ársins
2004 í Vestmannaeyjum því hann
hefði fengið hægri og vinstri
menn til að vinna saman,“ segir
Hanna María. „Þessi málflutn-
ingur hans er með ólíkindum og
enginn grundvöllur fyrir þessum
árásum. Ég skil ekki hvað honum
gengur til því það liggur ekki einu
sinni fyrir umsókn frá öðrum.
Andrés er kjörinn fulltrúi
minn jafnt sem annarra
V e s t m a n n a -
eyinga og sem slíkur
má hann ekki hygla
einum umfram
annan. Hann er
þegar búinn að
valda mér skaða
með neikvæðri
umræðu í bæj-
arfélaginu og
ef hann heldur
málinu áfram á
þessum nótum
mun ég alvar-
lega íhuga að
gera eitthvað í
því.“
G u ð j ó n
B r a g a -
son, skrifstofustjóri sveitar-
stjórnarskrifstofu félagsmála-
ráðuneytisins, segir að auðvitað
geti sveitarstjórnarmenn verið
ábyrgir fyrir orðum sínum fyrir
dómstólum. Það vegi hins vegar
þungt að samkvæmt sveitar-
stjórnarlögum geti sveitarstjórnir
ályktað um hvert það mál sem hún
telji varða sveitarfélagið. Þá segir
einnig í lögunum að sveitarstjórn-
armenn séu einungis bundnir af
lögum og sannfæringu sinni um
afstöðu til einstakra mála og þeim
beri að gegna störfum af alúð og
samviskusemi.
trausti@frettabladid.is
,,Það var
sagt um
Andrés að
hann væri
galdra-
maður árs-
ins 2004 í
Vestmanna-
eyjum.
199 kr/skeytið.
ALLT NÝJAR
VÖRUR Í
VERSLUNINNI
www.hm.is
TÍSKA ● GÆÐI ● BETRA VERÐ
Nýr listi
Pantið í síma: 5 88 44 22
BEÐIÐ FYRIR PÁFA
Tvær nunnur biðja fyrir
Jóhannesi Páli II páfa á Pétursorgi.
AP
M
YN
D
GÖNG EYÐILÖGÐ
Ísraelar og Palestínumenn hafa reynt að
stuðla að vopnahléi að undanförnu.
Palestínumenn eyddu í gær göngum sem
notuð voru til að smygla vopnum inn á
Gazasvæðið.
Egyptar boða til ráðstefnu um málefni Palestínu:
Abbas og Sharon funda í næstu viku
Andrés Sigmundsson:
Svikin loforð
SVEITARSTJÓRNARMÁL Andrés Sig-
mundsson bæjarfulltrúi segir að
forsvarsmenn apóteksins hafi
gefið skrifleg fyrirheit um sam-
keppnishæft vöruverð fyrir um
tveimur árum.
„Það var ýmsu lofað en það er
að koma á daginn að þau loforð
hafa verið svikin,“ segir Andrés.
Aðspurður hvort einhver
verðkönnun hafi verið gerð seg-
ir hann ekki svo vera. Hann viti
hins vegar um mörg dæmi þess
að verðið sé ekki samkeppnis-
hæft við það sem gerist annars
staðar. Andrés segist ekki skilja
hvers vegna tillagan hafi verið
felld. Hann vilji hvetja aðrar
lyfjaverslanir til að hefja
rekstur í bænum því honum
finnist eðlilegt að Vest-
mannaeyingar njóti sama
lyfjaverðs og aðrir
landsmenn. ■
ANDRÉS SIGMUNDSSON
Framkvæmdastjóri apóteks-
ins segir að sem kjörinn full-
trúi megi Andrés ekki hygla
einum umfram annan.