Fréttablaðið - 03.02.2005, Blaðsíða 59

FIMMTUDAGUR 3. febrúar 2005 31
Fregnir herma að Rudy Tomja-novich, þjálfari Los Angeles
Lakers í NBA-körfuboltanum, ætli að
hætta að þjálfa
liðið vegna
hrakandi
heilsufars.
Samkvæmt
talsmanni
Lakers hefur
ekkert verið
ákveðið að svo
stöddu en
þjálfarinn at-
hugar nú
vandlega þá kosti sem eru í boði.
Þó nokkrir þjálfarar hafa nú þegar
verið orðaðir við Lakers, t.d. Mike
Krzyzewski, þjálfari Duke-háskólans
og Jim Calhoun hjá Connecticut.
Patrick Vieira, fyrirliði Arsenal,neitar að hafa hótað Gary
Neville fyrir leik Arsenal og
Manchester United. Vieira er sagður
hafa ögrað
Neville þegar
leikmenn
gerðu sig lík-
lega til að
hlaupa inn á
völlinn. Vieira
lenti svo í
stimpingum
við Roy Keane
og þurfti dóm-
ari leiksins að
stía þá í sundur. „Ég hótaði ekki
neinum. Leikmennirnir eru nógu
stórir til að hugsa um sig sjálfir,“
sagði Vieira.
Lið Detroit Pistons fór í heimsókn íHvíta húsið til George Bush
Bandaríkjaforseta. Chauncey
Billups afhenti
forsetanum
Pistons-búning
með númerinu
04 aftan á.
Bush þakkaði
pent fyrir sig
og óskaði
Pistons-mönn-
um til ham-
ingju með titil-
inn. „Enginn
bjóst við að þið mynduð vinna
þannig að ég veit hvernig ykkur
líður,“ sagði Bush.
Emmitt Smith, leikmaður ArizonaCardinals í NFL-deildinni, er
sagður ætla að hætta í bandaríska
fótboltanum.
Smith vann á
sínum tíma
þrjá titla með
Dallas Cow-
boys á 10. ára-
tugnum en
skipti yfir í
Cardinals árið
2003. Hann
þvertók fyrir að
skórnir væru á
leiðinni á hilluna. „Sáuð þið tímabil-
ið mitt í fyrra? Finnst ykkur ég vera
tilbúinn að hætta?“ sagði Smith
sem er 35 ára gamall og segist eiga
nóg eftir.
Terrell Owens hjá PhiladelphiaEagles í NFL verður að öllum lík-
indum orðinn heill þegar liðið mæt-
ir New England Patriots í Ofurskál-
inni á sunnudaginn. Owens fót-
brotnaði í síðasta mánuði en segist
engu að síður vera tilbúinn í slag-
inn. „Hér er ég, ég
ætla að spila og
ekkert múður,“
sagði Owens.
Læknar Eagles-liðs-
ins fullyrtu að pilt-
urinn þyrfti lengri
tíma til að ná bata
en Owens lét það
sem vind um eyr-
un þjóta. „Ég virði
skoðanir læknanna en enginn þekk-
ir líkama minn betur en ég sjálfur.“
Rifrildið milli knattspyrnustjóransGraeme Souness og Craig
Bellamy ætlar engan endi að taka
þrátt fyrir að Bellamy sé haldinn á
brott frá Newcastle og genginn til
liðs við Celtic. Souness lét hafa eftir
sér á dögunum
að Bellamy hefði
ekki verið nógu
góður fyrir lið sitt.
„Pilturinn hefur
skorað 9,3 mörk
að meðaltali á
tímabili á ferlin-
um. Hann er ekki
nógu góður fyrir
okkur því við
þurfum framherja sem er nærri 20
marka múrnum,“ sagði Souness.
ÚR ÍÞRÓTTAHEIMINUM
NORÐMENN FAGNA Markvörðurinn Steinar Ege, varnartröllið Johnny Jensen og Borge Lunde sjást hér fagna sigrinum gegn Svíum.
Fréttablaðið/AP
Geta orðið heimsmeistarar
Sænska hetjan Staffan Olsson hefur trú á Norðmönnum á heimsmeistara-
mótinu í handbolta sem fram fer í Túnis.
HM Í HANDBOLTA Sænska handbolta-
goðsögnin Staffan Olsson segist
ekki hafa verið hissa á því að
Norðmenn hafi unnið Svía á
heimsmeistaramótinu í handbolta
í Túnis á þriðjudagskvöldið.
„Ég ætla ekki að monta mig en
ég benti á styrk Norðmanna í
tveimur dagblöðum áður en
heimsmeistaramótið byrjaði og
varaði sænska liðið við þeim,“
sagði hinn fertugi Olsson sem er
hættur að spila með sænska
landsliðinu eftir tæplega tveggja
áratuga nær samfellda sigur-
göngu. Sigurganga sænska liðsins
hófst á heimsmeistaramótinu
í Tékkóslóvakíu árið 1990 og
Olsson er á því að Norðmenn geti
leikið það eftir í Túnis og á næstu
árum.
„Norska liðið með fimm til sex
frábæra leikmenn sem spila með
bestu liðum Evrópu og í liðinu er
góð blanda eldri og yngri manna.
Flestir leikmanna liðsins eru á
aldrinum 27 til 32ja ára og eru
með alþjóðlega reynslu. Ég hef
reyndar beðið eftir því í nokkurn
tíma að norska liðið slái í gegn.“
Olsson sagði norska liðið betra
en það sænska í dag. „Þetta
norska lið er líka reynslumeira og
samstilltara en við vorum árið
1990 og miðað við ganginn og
sjálfstraustið sem er í liðinu núna
er ekkert ómögulegt. Ég ætla ekki
að spá því að Norðmenn verði
heimsmeistarar en þeir gætu
orðið það,“ sagði Olsson.
oskar@frettabladid.is
STAFFAN OLSSON Hefur haft tröllatrú á Norðmönnum í nokkurn tíma og varaði sænska
landsliðið við því norska fyrir heimsmeistaramótið.
Reshea Bristol líklega á leið til Keflavíkur:
Vill koma á nýjan
leik til Keflavíkur
KÖRFUBOLTI Ágætis líkur eru á að
Reshea Bristol, sem lék með
meistaraflokki kvenna í Keflavík
fyrri lungann úr tímabilinu í 1.
deild kvenna, muni snúa aftur til
Keflavíkur.
Bristol þurfti frá að hverfa
eftir að fjölskylda hennar lenti í
bílslysi og var hún kvödd heim af
sínum nánustu eftir það. Í hennar
stað kom LaToya Rose en hún bjó
ekki yfir þeim eiginleikum sem
Keflvíkingar leituðust eftir og var
látin fara eftir tvo leiki.
Þessar þreifingar hafa reynst
Keflavíkurstúlkum dýrkeyptar en
þær hafa tapað þremur síðustu
leikjum, þar af undanúrslitum
bikarkeppninnar. Liðið tapaði hins
vegar ekki leik með Bristol innan-
borðs enda skilaði hún liði sínu
21,5 stigum, 8,4 fráköstum, 7,75
stoðsendingum og 6,75 stolnum
boltum að meðaltali í leik.
Sverrir Þór Sverrisson, þjálf-
ari Keflavíkur, sagði í samtali við
Fréttablaðið að málið væri á loka-
stigi. „Hún vill koma aftur og er
að kanna hvort aðstæður leyfi
það,“ sagði Sverrir. „Fari svo að
hún komi ekki munum við leita
okkur að nýjum erlendum leik-
manni.“
smari@frettabladid.is
RESHEA BRISTOL, FYRRUM LEIK-
MAÐUR KEFLVÍKINGA Keflavík tapaði
ekki leik með Bristol innanborðs áður en
hún þurfti frá að hverfa.
Landsbankadeild karla:
Þróttur að fá
liðsstyrk
FÓTBOLTI Lið Þróttar í knattspyrnu
er komið langt á veg í viðræðum
við erlendan framherja um að
hann spili með liðinu í sumar í
Landsbankadeildinni. Að sögn
Guðmundar Vignis Óskarssonar,
framkvæmdastjóra félagsins, er
um að ræða mjög sterkan leik-
mann en hann sagði jafnframt að
málið sé á því stigi að hann geti
hvorki gefið upp nafn hans né
þjóðerni.
Samkvæmt heimildum Frétta-
blaðsins er að um að ræða öflugan
framherja frá einu af Norðurlönd-
unum sem skorað hefur mikið af
mörkum á sínum ferli. Þróttarar
höfðu áður fengið serbneska
varnarmanninn Dusan Jaic til liðs
við sín og segir Guðmundur
Vignir að ef samningar náist við
erlenda framherjann hafi liðið
lokið sér af á leikmannamarkaðn-
um fyrir sumarið. ■
Arsene Wenger:
Játar sig
sigraðan
FÓTBOLTI Arsene Wenger, knatt-
spyrnustjóri Arsenal, hefur gefið
upp alla von um að lið hans hampi
meistaratitlinum á Englandi í vor.
Eftir tapið gegn Manchester
United í fyrrakvöld metur hann
stöðuna svo að Arsenal sé orðið of
langt á hæla Chelsea til að hægt
sé að vinna forskotið upp.
„Við ætlum ekki að gefast upp
en forskot Chelsea er einfaldlega
orðið of mikið. United á veika von
um að ná þeim en ég held að
Chelsea eigi titilinn vísann núna.
Það er þó mikið stolt í okkar her-
búðum og við munum því halda
áfram að berjast,“ sagði Wenger.
Knattspyrnustjórinn vildi ekki
kenna markverði sínum Almunia
um þriðja mark United í leiknum,
þar sem hann þótti gera mistök
sem kostuðu mark og kenndi frek-
ar vörninni í heild um ósigurinn.
„Vörn okkar var slök í fyrsta,
öðru og þriðja marki þeirra og
þessi mistök sem við vorum að
gera eru eitthvað sem við vorum
ekki að gera á síðasta tímabili.
Eftir að United gerði þriðja
markið var svo eins og sjálfs-
traust minna manna dvínaði og
niðurstaðan var þægilegur sigur
Manchesterliðsins.“ ■
ARSENE WENGER Knattspyrnustjóri
Arsenal hefur gefist upp í baráttunni gegn
Chelsea.
ÁSGEIR ELÍASSON Þjálfari Þróttar ætlar
að fá einn nýjan framherja til að styrkja
liðið fyrir Landsbankadeildina í sumar.