Fréttablaðið - 12.11.2005, Blaðsíða 64

12. nóvember 2005 LAUGARDAGUR40
MAÐURINN: Listamaður sem ákvað
að fara með list sína inn í tísku-
heiminn. Hann skapaði merkið
Dead, hauskúpuna frægu sem
skreytir boli, húfur, jakka, hettu-
peysur og veggi. „En núna er
búðin að verða fullorðin. Hún er
búin að slíta barnsskónum. Ég
ætla að fara að stækka við mig
og vera með „fínni“ línu. Klæð-
skerasniðin jakkaföt, gamaldags
kjólfatajakka, kjóla fyrir konur og
Dead-bola línuna. Svo verður þetta
líka gallerí með verkunum mínum
og kollega minna. Þetta á að vera
virðulegt þar sem viðskiptavinir
geta fengið sér sæti og haft það
huggulegt. Þeir geta til dæmis
bent á verk á veggnum og sagt,
svona vil ég fá á jakkann minn.
Skartgripalínan mín mun einnig
verða til sölu þarna - hringar, háls-
men og fleira. „En hvar ætlarðu
að koma þér fyrir?“ „Ég er að leita
mér að hentugu húsnæði. Svo er
ég líka kominn með fötin mín inn í
aðrar búðir, er til dæmis með línu
í Elvisbúðinni á Vatnsstíg, og hef
nýverið gert samning um að selja
frímerkjabolina mína í Bútíkbúð-
inni á Bankastrætinu, sem er frá-
bært. Sigurjón Sighvatsson er að
gera mjög góða hluti með þessari
búð.“ Þú ert sem sagt alveg kom-
inn í túristabransann? „Tja, það
þýðir nú ekki endalaust að bjóða
fólkinu sem kemur hingað upp
á sömu gömlu lopapeysurnar og
lundana. Tvítugur trendírokk-
ari sem kemur til Reykjavíkur
vill ekki kaupa víkingabol í extra
extra large. Það er nú kominn tími
til að viðurkenna að það eru ekki
lengur hallærislegir bakpokatúr-
istar sem koma hingað.“
MORGUNNINN: „Jú, ég byrja nú
bara á því að opna augun uppi í
rúmi. Svo fæ ég mér te með mik-
illi mjólk og sykri og kornflexskál.
Svo klæðum við börnin og förum
með þau á leikskólann. Rölti síðan
yfir á Tíu dropa og fæ mér te með
mikilli mjólk og sykri og sígó, og
enda svo á vinnustofunni.“
FATASTÍLLINN: „Síðgoti,“ segir hann
og hlær. „Nei, nei, en ég er alltaf
að einfalda líf mitt og geng bara í
tveimur litum, svörtu og hvítu.
Þrír hlutir sem einkenna Jón
Sæmund: „ Ætli það sé ekki haus-
kúpa, svörtu hermannaskórnir
mínir frá Víetnam (sýnir mér
sundurtætta skó sem eitt sinn
hafa verið svartir og eru nú allir
út í málningarslettum) og Marl-
boro-sígaretta.
BANNAÐ? „Það er bannað að vera
ekki maður sjálfur, og það er bann-
að að tala illa um annað fólk.“
Á KVÖLDIN: „Þá kemur maður heim
til sín og á dýrmætan tíma með
fjölskyldunni. Borðum saman og
svo kannski kveikir maður á sjón-
varpinu. Er bara með RÚV, Sirkus
og Skjá einn. Skil ekki hvað málið
er með þessa íslensku raunveru-
leikaþætti. Sá Bachelorinn um
daginn. Það var alveg skelfilegt.
Við erum með svo ótrúlega skap-
andi og sniðugt fólk á Íslandi, af
hverju í ósköpunum þurfum við
að apa eftir þessari vitleysu. Oj
barasta.
ÁHRIFAVALDAR: „Ég er núna undir
sterkum áhrifum frá Viktoríu-
tímabilinu og tímabili Játvarðs
Englandskonungs. Bæði er ég
hrifinn af tísku þessara tímabila,
og þessum skrítnu hugðarefn-
um þeirra eins og að stoppa upp
dýr og setja þau í afkáralegar
og mannlegar stellingar. Ég hef
líka fengið mikinn innblástur frá
verkum Guðmundar frá Miðdal,
Muggs, Yves Klein og Mauricio
Catalano. Inspírerast líka af alk-
emistum, prússneskum forfeðr-
um mínum og svo auðvitað rokki
og róli, Brian Jones og svona.“
ÞRÁHYGGJA: „Líf fyrir dauðann.“
ÍKONIÐ: „Útlaginn.“
VEITINGASTAÐURINN. „Það er nátt-
urlega jórdanski staðurinn The
Purple Onion í Hafnarstræti.
Hann er alger snilld.“
BÓKIN/TÍMARITIÐ: „Eg var að lesa
Alkemistann eftir Paolo Coelho í
annað skiptið. Ég las hann undir
áhrifum í fyrra skiptið, og í þetta
skipti las ég hann edrú. Gaman
hvernig myndmálið breytist í hug-
anum eftir því hvernig ástandi
maður er í. Ég er mjög hrifinn af
verkum hans. Svo var ég að lesa
bók um Mugg og er að byrja á
bókinni hans Kristjóns Kormáks
Guðjónssonar. En besta tímarit á
Íslandi er án efa Lifandi vísindi,
þó það sé sennilega ekki mark-
tækt. Ég les það alltaf.“
BARINN: „Það er aðallega Sirkus
þessa dagana og stundum 22.“
TÓNLISTIN: „Er að hlusta á mikið
af gömlu, hráu rokkabillí, Megas,
Delta Blues. Mikið af blús yfir-
leitt.“
FERÐALÖG: „Síðasta ferðalag sem
ég fór í var til Ítalíu. Fór á Tvíær-
inginn í Feneyjum. En næst á dag-
skránni er Marókkó. Mig langar
mikið þangað.“
BORGIN: „Alltaf gott að koma til
New York. Og Þórshöfn í Fær-
eyjum er í miklu uppáhaldi. En
draumaborgirnar eru aðallega
borgir sem ég hef aldrei komið til,
Moskva til dæmis og Helsinki.“

HEIMA: „Það er bara voðalega nota-
legt heima.“ „Eru hauskúpur uppi
um alla veggi? „Nei, nei, engar
hauskúpur. Bara þrír kettir og
mikið af myndlist eftir íslenska
listamenn. Hef reynt að skapa
heimilislega stemningu sem minn-
ir mig á það sem ég ólst upp við.
Er mikið annars að dútla í húsinu,
er til dæmis að lagfæra baðher-
bergið, og það hefur tekið ansi
langan tíma.“
DÆMIGERT LAUGARDAGSKVÖLD HJÁ
JÓNI SÆMUNDI: „Mér finnst þá fínt
að bjóða vinum mínum á vinnu-
stofuna og fara þaðan á góða
rokktónleika á Grand Rokki ef
einhverjir eru. Þaðan liggur leiðin
svo á barina, oftast á Sirkus og svo
endað á 22.“
ERTU KOMINN MEÐ FLEIRI FRÆGA
VIÐSKIPTAVINI? „Já, já, það eru allt-
af einhverjir spenntir sem senda
mér póst og vilja koma í heimsókn
í búðina. Tarantino ætlar að eiga
viðkomu í búðinni og ég er sér-
staklega spenntur fyrir að koma
honum í Arab Mutant-skyrtuna.
Ég ætla annars að minna hann á að
við höfum áður hist.“ „Nú, hvar var
það?“ „Ég var í leigubílavandræð-
um í New York. Var með einhvern
ömurlegan leigubíl sem vildi ekki
fara með mig í rétta átt, og ég var
orðinn alltof seinn á stefnumót. Ég
lét hann stoppa bílinn og fyrir utan
var þessi gaur, sem sagt Tarantino,
og spurði hvort ég vildi ekki bara
taka leigubílinn hans. Hann spurði
mig hvaðan ég væri og ég kallaði
til baka að ég væri frá Íslandi. Þá
varð hann voða glaður og sagðist
þekkja Sigurjón Sighvatsson og
aðra Íslendinga í Hollywood. Það
væri fyndið ef hann myndi eftir
þessu.“
HVAÐ ER SVO FRAMUNDAN? „Ég er
orðinn fréttaritari tískudívunnar
Diane Pernet hér á Íslandi þegar
ég hef tíma. (Diane Pernet, sem er
búsett í París, heimsótti tískuvik-
una í Reykjavík í sumar). Ég sendi
fréttir og myndir úr íslenska
tísku- og listaheiminum inn á vef-
síðuna hennar. Ég er líka búinn að
hanna fyrir hana bol, með mynd
sem birtist af henni í nýlegu ein-
taki Financial Times, og svo er
Sirkus-bolurinn mjög vinsæll
þarna úti líka. (Þar á hann við for-
síðu á tímaritinu Sirkus RVK sem
skartaði Diane Pernet, sem hann
prentaði á boli). Ég er líka í við-
ræðum við stóra fatakeðju í Bret-
landi og Danmörku um að vera
með fatalínur frá mér, þannig að
það er ýmislegt að gerast. Arab-
ísku kúrekaskyrturnar mínar,
sem ég kalla Arab Mutant, hafa
vakið mikla athygli í Frakklandi
og á Spáni.“ Ertu ákafur Palestínu-
sinni? „Það er ekkert hægt að forð-
ast það að verða fyrir áhrifum af
því sem er að gerast í heiminum.
Mér finnst bara sjálfsagt mál að
styðja þetta fólk í frelsisbaráttu
sinni. Svo er það náttúrlega að
finna gott pláss fyrir búðina mína
svo hún megi fullorðnast, dafna og
blómstra.“
STÍLLINN HANS... JÓNS SÆMUNDAR
BRIAN JONES ER FYRIRMYND OG ÁHRIFA-
VALDUR
VIKTORÍUTÍMABILIÐ OG UPPSTOPPUÐ DÝR
ÁPRENTAÐUR BOLUR OG VERK, BÆÐI EFTIR JÓN SÆMUND
Nonnabúð á Laugavegi er orðin fastur viðkomu-
staður stórstirna, smástirna og allra þeirra sem
vilja ná tangarhaldi á rokkstjörnuglamúrnum sem
umlykur Jón Sæmund Auðarson. Anna Margrét
Björnsson fékk sér kakó á vinnustofunni hans og
tyllti sér við hliðina á hvítlökkuðum dauðum ketti.
JÓN SÆMUNDUR Í
HLUTVERKI GALDRA-
MANNSINS EÐA
ALKEMISTANS