Fréttablaðið - 08.12.2005, Qupperneq 48

[ ]
Árið 1954 söng Bing Crosby um
jólin og hversu heitt hann óskaði
þess að þau yrðu hvít. Flestir
taka undir óskir hans en verða
jólin hvít í ár? Sigurður Þ. Ragn-
arsson veðurfréttamaður, betur
þekktur sem Siggi Stormur,
Dalvíkurklúbburinn og spákona,
sem ekki vill láta nafn síns
getið, rýndu í framtíðina og báru
svo saman bækur sínar.
Í desemberspá Dalvíkurklúbbs-
ins er því lýst yfir að mánuðurinn
verði svipaður nóvembermánuði
„en að líkindum heldur kaldari.
Það yrði svipaður hringlandi eins
og í nóvember, hugsanlega heldur
meiri snjór, þó ekki til baga.“ Lík-
ast til verða jólin á Dalbæ, höfuð-
stöðvum Dalvíkurklúbbsins, hvít
þannig að Norðlendingar mega
búast við hrímuðum jólum. Sunn-
lendingar eru ekki jafn heppnir
og verða jólin rauðleitari á höfuð-
borgarsvæðinu.
Siggi stormur segir að það sé
erfitt að spá svo langt fram í tím-
ann en auðvitað sé hann tilbúinn
að gera sitt besta. „Það er aumt
fyrir mann sem hefur atvinnu af
því að spá fyrir um veður að þora
ekki að spá fyrir um jólaveðrið.
Það pirrar suma kollega mína og
ég vil ekki koma neinum í vont
skap en ég læt slag standa,“ segir
Siggi. Eftir að hafa skoðað gögnin
hefur hann komist að niðurstöðu.
„Heildarbragur kortanna segir
sitt. Langtímaspár fyrir haustið
hafa ræst illa en desemberspáin
hefur gengið eftir að mestu leyti,“
segir Siggi. „Niðurstaða mín er sú
að á suðvesturhorninu verði nokk-
ur grámygla um jólin. Ég hygg
hins vegar að jólin verði hvít fyrir
norðan og að á Austur- og Vestur-
landi verði jólin flekkótt.“ Í fyrra
var Siggi sannspár en fyrir tveim-
ur árum spáði hann rauðum jólum.
Þegar fönn huldi jörð á aðfangadag
tóku nokkrir fréttamenn Stöðvar
2 sig til og létu Sigga finna fyrir
mistökum sínum og fékk hann yfir
sig snjóboltaregn.
Spákonan segir að tarotspilin
séu óákveðin þegar kemur að jóla-
veðrinu og að veðrið verði mis-
munandi eftir landshlutum. „Það
er lítið um sterk spil og því getur
enn brugðið til beggja vona. Mér
sýnist að veðrið verði kaflaskipt
og að við fáum rauðan aðfangadag
en hvítan jóladag,“ segir spákon-
an. „Ég lofa hins vegar hvítum
áramótum og stend við það,“ segir
hún enn fremur.
Það er sama hvort stuðst er við
gamla hjátrú eða nútíma vísindi.
Jólin virðast ætla að verða rauð
sunnanlands en hvít norðanlands.
Allir spámennirnir vilja koma
því á framfæri að þrátt fyrir spár
sínar óski þeir landsmönnum
öllum hvítra og gleðilegra jóla.
tryggvi@frettabladid.is
Mikið úrval af gjafakörfum
Frí heimsending • Pöntunarsími: 554-6999
www.jumbo.is
Nonni GULL
Jólin verða að öllum líkindum ekki snjó-
þung í ár. FRÉTTABLAÐIÐ/VILHELM
Akureyringar mega búast við hvítum jólum.
FRÉTTABLAÐIÐ/KRISTJÁN KRISTJÁNSSON
Rauð jól í Reykjavík en
hvít fyrir norðan
Reykvíkingar fá ekki snjó um jólin ef veðurspár ganga eftir. FRÉTTABLAÐIÐ/VILHELM
Jólasveinahúfur eru nauðsynlegar á hverju heimili í
desember. Þær geta slegið í gegn við ýmis tækifæri og það
getur verið ágætt að setja bara upp jólasveinahúfu ef hárið er
ekki alveg að gera sig.