Fréttablaðið - 08.12.2005, Qupperneq 76

76 8. desember 2005 FIMMTUDAGUR
maturogvin@frettabladid.is
Concha y Toro er stærsta víngerðarhúsið
í Chile og hefur fyrir löngu sannað ágæti
sitt, Það var til að mynda valið „Besta vín-
hús Nýja heimsins“ á síðasta ári. Enn ein
skrautfjöðurin bættist í hattinn nýverið
því í októberhefti Wine Spectator var
Concha y Toro valið sem eitt af 20 bestu
víngerðarhúsum veraldar sem bjóða
afburðagæði á sanngjörnu verði.
Val þetta er eftirsótt af mörg þús-
und víngerðarhúsum um allan
heim og því mikill gæðastimpill.
Vínhúsið framleiðir fjölmörg vín.
Frontera, Sunrise, Casillero del
Diablo, Marques de Casa Concha,
Trio, Terruniuo og Don Melchor
eru allt vín sem fást hér á landi.
Vín þessi spanna víðan völl í
verði og gæðum, en öll eru þau
frá Chile og eru auðþekkjanleg af
Concha y Toro merkingunni sem
prýðir neðri hluta flöskumið-
anna. Vínbarinn við Kirkjuhvol
er án efa einn besti vínbar lands-
ins og um helgina verður hægt
að fá að smakka á þessum teg-
undum þar undir öruggri leið-
sögn starfsfólks. Ýmiss konar
aukahlutir sem tengjast vínum
verða á boðstólum fyrir þá sem
verða snemma á ferðinni!
Viking jólabjórinn var mest seldi
jólabjór í Vínbúðum í fyrra enda
var hann valinn besti bjórinn í
árlegri bragðprófun á veitinga-
húsinu Þremur frökkum.
Bruggun jólabjórsins er sér-
stök, en talsvert lengri tíma
tekur að brugga hann en hefð-
bundinn lagerbjór. Hann er því
aðeins framleiddur í takmörkuðu
magni. Í jólabjórinn er notað
svokallað karamellumalt, sem
gefur honum dekkri lit og keim
af brenndri karamellu. Þá er
einnig afar sérstakt við fram-
leiðslu jólabjórsins að hann er
látinn eftirgerjast við lágt hita-
stig þegar aðalgerjuninni er
lokið. Þessi vinnsluaðferð gefur
jólabjórnum þétt og mjúkt bragð,
mikla fyllingu og góða froðu.
Það gerir einnig að verkum
að jólabjórinn hentar einkar
vel með mat. Jólabjórinn var
fyrst framleiddur árið 1990
og er þetta fjórtánda árið
sem Viking framleiðir þenn-
an afar vinsæla bjór.
VIKING: Vinsælasti jólabjórinn
CONCHA Y TORO:
Gæðavín kynnt
á Vínbarnum
Hvaða matar gætir þú síst verið án?
,,Þetta er í raun spurningin um hvað
mér finnst best að borða. Ég er alæta
á góðan mat og gæti ekki verið án eins
frekar en annars.“
Besta máltíð sem þú hefur fengið?
,,Ég var í New York með vini mínum
Richard Avedon fyrir tuttugu árum síðan.
Við fórum inn á einhvern ótilgreindan
veitingastað sem ég man ekki lengur
hvað heitir. Þar inni fékk ég humar sem
að mínu mati er besta máltíð sem ég
hef nokkurn tímann fengið. Ég veit ekki
hvort það var maturinn, félagsskapurinn
eða andrúmsloftið en ég man enn eftir
þessu sem bestu máltíð sem ég hef
fengið.“
Er einhver matur sem þér finnst
vondur? ,,Ég er eins og áður segir
alæta á allan mat þannig að ég borða
það svo lengi sem það er ætt og ekki
skemmt.“
Hvað leynist í eldhússkápunum?
,,Ég er á ákveðnu umbreytingarskeiði í
lífi mínu núna þannig að það er ekki
margt sem þú myndir finna þar núna.
En það er nú alltaf til morgunkorn og
eitthvað svoleiðis í skápunum.“
Hvað borðar þú til þess að láta þér
líða betur? ,,Súkkulaði. Það er talað
um að sama efni hafi vellíðunaráhrif
á mann þegar maður er ástfanginn og
þegar maður borðar súkkulaði.“
Hvað áttu alltaf í ísskápnum? ,,Ég
á eiginlega alltaf skyr og ferskan
appelsínusafa.“
Ef þú yrðir fastur á
eyðieyju, hvaða mat
myndir þú taka með
þér? ,,Ég myndi án vafa
taka naut og kvígu.“
Hvað er það skrítnasta sem
þú hefur borðað? ,,Ég borðaði
einu sinni risaskjaldbökuegg
fyrir löngu síðan. Það er ekki
hægt að lýsa bragðinu. Eina
leiðin er í raun að segja
að það bragðaðist
nákvæmlega eins og
r isask ja ldbökuegg
myndi gera
venjulega.“
MATGÆÐINGURINN VALDIMAR ÖRN FLYGENRING LEIKARI
Ólýsanlegt risaskjaldbökuegg
> ekki gleyma að
...staðgóður morgunverður er
mikilvægasta máltíð dagsins.
,,Það er allt brjálað að gera. Ég er
þessa dagana að skipuleggja tón-
leika sem fara fram 7. janúar næst-
komandi í Laugardalshöll. Tilefnið
er að vekja athygli á náttúruvernd á
Íslandi. Á tónleikunum munu koma
fram listamenn eins og Sigur Rós,
Björk, Damon Albarn og Egó,“ segir
leikkonan og athafnakonan Margrét
Vilhjálmsdóttir, sem að þessu sinni
miðlar til okkar uppskrift vikunnar.
,,Það er ljóst að landsmenn þurfa að
fara að vakna í sambandi við nátt-
úruvernd og þessir tónleikar eru
liður í því að vekja fólk til umhugs-
unar varðandi þessi mál, sem eru
þau mikilvægustu sem landsmenn
hafa staðið frammi fyrir í háa herr-
ans tíð.
,,Ég ákvað að vera á náttúru-
verndarnótunum þegar ég valdi mér
uppskrift og þar að auki er ég ennþá
að ná mér eftir þakkargjörðarhá-
tíðina,“ segir Margrét þegar hún
tilkynnir mér að graskerssúpa hafi
verið uppskriftin sem varð fyrir
valinu. ,,Þar að auki er hún svo fín
í vetrarkuldanum þar sem hráefnin
í súpunni, eins og kóríander og chili,
hita mann upp á löngum vetrar-
kvöldum.“
Þegar Margrét er spurð þeirrar
klassísku spurningar hver sé henn-
ar uppáhaldsmatur stendur ekki
á svari. ,,Rjúpur á jólunum klikka
ekki. Ég hef reyndar ekki þorað
að elda þær sjálf en ég fæ dásam-
lega útgáfu frá föður mínum sem
er algjör snillingur í matreiðslu
rjúpna. Hann sér alltaf um að
elda á jólunum og gerir allt sjálf-
ur, meira að segja sósuna.“ Spurð
um hve margar rjúpur hún borði
á aðfangadag segir hún að tvær
rjúpur séu staðalmáltíð fyrir einn.
,,Það hefur gerst að maður reyni
við þrjú stykki en ef maður nær
að torga þeirri þriðju liggur manni
við yfirliði í tvo daga á eftir,“ segir
Margrét og hlær.
Margrét segist elda töluvert sjálf
heima. ,,Það hefur nú samt eitthvað
minnkað núna af einhverjum furðu-
legum ástæðum. Maðurinn minn er
hins vegar frábær kokkur og eldar
mjög mikið. Hann tekur venjulega
við stjórnartaumunum í eldhúsinu
þegar von er á fólki í mat en ég
hjálpa auðvitað til.
,,Við erum eiginlega aldrei með
sama matinn oft þegar við bjóðum
fólki heim. Í sumar var til dæmis
ótrúlega gaman að grilla margvís-
legasta kjötmeti. Maðurinn minn og
ég höldum mikið upp á einn rétt sem
reyndar er svolítið breytilegur. Sá
réttur er að mínu mati góður á haust-
in og mér finnst vera hálfgerður vetr-
armatur. Þá kaupum við mjög mikið
af rótargrænmeti, allt frá rauðróf-
um og til selleríróta. Síðan grillum
við það með rósmaríni og ólífuolíu
og hvítlauk en erum síðan bara með
það kjötmeti sem okkur langar í þá
stundina. Þetta er að mínu mati voða-
lega þægilegur matur að hafa og svo-
lítið vetrarvænn einhvern veginn.
Það er eins og maður sæki eitthvað
í ræturnar á veturna“ segir Margrét
og skellir upp úr.
GRASKERSÚPA MEÐ KÓRÍANDER,
CHILI OG ENGIFER.
750 g grasker u.þ.b. 1 lítið eða 1/2
meðalstórt
(afhýðið og fjarlægið fræ)
1 laukur
2 hvítlauksgeirar
1 1/2 tsk. rifið ferskt engifer
1 tsk. kórianderfræ steytt í mortéli
1 þurrkaður chilipipar, skorinn í
smátt
2 1/2 tsk. balsamikedik
30 g smjör
1 l grænmetiskraftsoð
250 ml hvítvín
1 tsk. eða meira af góðu sjávarsalti
nokkrir hringir teknir á piparkvörn-
inni
þeyttur eða sýrður rjómi til að skvetta
út í í lokin
Laukur, hvítlaukur og grasker skorið í bita
og steikt í smjöri í 5 mínútur. Grænmetis-
soðinu bætt út í. Engifer og kóríanderfræ
er steikt í olíu á pönnu ásamt chili. Fylgist
með og hrærið svo ekki klístrist eða brenni.
Þessu er bætt út í graskersblönduna sem
nú má sjóða upp. Lækkið svo hitann og
blandið hvítvíni við og smakkið til. Bætið út
í ef ykkur finnst eitthvað vanta. Látið sjóða
í 15 mín., saltið og piprið. Mælt er með að
setja súpuna í mixer og svo er ediki bætt
út í. Berið fram með sýrðum eða þeyttum
rjóma og stráið miklu af kóríander yfir.
Verði ykkur að góðu og gleðileg
hálendisjól.
tomas@frettabladid.is
Snýr aftur til náttúrunnar