Fréttablaðið - 31.05.2006, Blaðsíða 6

6 31. maí 2006 MIÐVIKUDAGUR
Félagar í Vildarþjónustu
fá allt að 30.000 kr. afslátt
af utanlandsferðum
Skoðaðu sumartilboð Vildarþjónustu Sparisjóðsins á spar.isFí
t
o
n
/
S
Í
A
EVRÓPUSAMBANDIÐ Evrópudómstóll-
inn, sem er æðsti dómstóll Evr-
ópusambandsins, komst í gær að
þeirri niðurstöðu að samkomulag
um að evrópsk flugfélög afhendi
persónuupplýsingar um farþega
sína stæðist ekki lög Evrópusam-
bandsins.
Bandarísk stjórnvöld segja
bráðnauðsynlegt að þau fái þessar
til þess að verjast árásum hryðju-
verkamanna. Þau hóta því að flug-
félög, sem ekki afhenda þessar
upplýsingar, greiði háar sektir og
missi lendingarleyfi í Bandaríkj-
unum.
Evrópuþingið kærði þetta fyr-
irkomulag til Evrópudómstólsins á
þeim forsendum að gögnin myndu
ekki njóta nægilegrar verndar hjá
bandarískum stjórnvöldum.
Flugleiðir hafa, eins og önnur
evrópsk flugfélög, farið að kröfum
Bandaríkjanna um miðlun þess-
ara upplýsinga. Persónuvernd ósk-
aði á sínum tíma eftir skýringum
frá Flugleiðum vegna þess og
ætlar að fylgjast grannt með fram-
vindu málsins í kjölfar þessa
dóms.
„Nú fer væntanlega í gang
mikil umræða innan Evrópusam-
bandsins um þetta mál,“ segir
Þórður Sveinsson, lögfræðingur
hjá Persónuvernd.
„Árið 2004 var gerður samn-
ingur milli Bandaríkjanna og Evr-
ópusambandsins um að evrópsk
flugfélög mættu miðla þess-
um upplýsingum til Banda-
ríkjanna,“ segir Þórður, en
sá samningur var byggður á
því skilyrði að Bandaríkin myndu
sjá til þess að upplýsingarnar
fengju næga vernd til þess að það
fullnægði kröfum Evrópusam-
bandsins um persónuvernd.
Í úrskurði Evrópudómstólsins
er ekki tekin afstaða til þess hvort
Bandaríkin fullnægi þessum per-
sónuverndarkröfum, heldur var
samkomulagið dæmt ógilt á þeim
forsendum að framkvæmdastjórn
Evrópusambandsins hefði ekki
haft lagalega heimild til þess að
leyfa flugfélögunum að miðla upp-
lýsingum um farþega sína til
Bandaríkjanna.
Embættismenn bæði Evrópu-
sambandsins og Bandaríkjanna
sögðust þó í gær bjartsýnir á að
lausn fyndist áður en tilskilinn
níutíu daga frestur rennur
út í lok september. „Hugs-
anlega verður gripið til
sérstakra ráðstafana til að
veita framkvæmdastjórn-
inni heimild til að taka
ákvörðun í málinu,“ segir
Þórður. gudsteinn@frettabladid.is
FARÞEGAR Á FLUGVELLI Í LONDON Evrópskum flugfélögum er óheimilt að veita bandarísk-
um yfirvöldum persónuupplýsingar um farþega á leið til Bandaríkjanna. FRÉTTABLAÐIÐ/AP
Flugfélög mega ekki
veita upplýsingar
Framkvæmdastjórn Evrópusambandsins var óheimilt að leyfa evrópskum flug-
félögum leyfi til að senda bandarískum stjórnvöldum persónuupplýsingar um
farþega sína. Persónuvernd ætlar að fylgjast með þróun málsins.
ICELANDAIR Íslensk flugfélög hafa veitt
Bandaríkjamönnum upplýsingar um farþega.
„Það hlýtur að vekja athygli að
Sjálfstæðisflokkurinn hefur tekið
að sér að tryggja völd Framsókn-
arflokksins í íslensku samfélagi
þrátt fyrir að lýðræðislegt umboð
flokksins sé mjög lítið,“ segir Ingi-
björg Sólrún Gísladóttir, formað-
ur Samfylkingarinnar. Þetta hljóti
að vera umhugsunarefni fyrir
kjósendur Sjálfstæðisflokksins.
Í svipaðan streng tekur Stein-
grímur J. Sigfússon, formaður
vinstri grænna, sem segir þessa
flokka hafa minnihluta kjósenda í
Reykjavík á bak við sig. „Tapar-
arnir í Reykjavík ætla að vinna
saman,“ segir hann og skilur ekki
að „Framsóknarflokkurinn haldi
áfram að troða þennan sjálfseyð-
ingarstíg“.
Guðjón Arnar Kristjánsson, for-
maður Frjálslynda flokksins, efast
um heilindi sjálfstæðismanna og
að það hafi einungis tekið þrjá tíma
að koma saman nýjum meirihluta
með Framsóknarflokknum.
Aðspurður hvort þetta muni hafa
áhrif á mögulegt samstarf við
Sjálfstæðisflokkinn í framtíðinni
segir Guðjón það fara eftir málefn-
um eins og verið hefur.
Ingibjörg Sólrún segir það held-
ur dapurlegt fyrir hið pólitíska
landslag að ríkisstjórnin sé komin
inn í ráðhús Reykjavíkur. Sá mögu-
leiki hafi klárlega verið til staðar
að mynda meirihluta án Sjálfstæð-
isflokksins. Steingrímur segir að
F-listinn hafi slátrað möguleikan-
um á slíku samstarfi. - bg
Formenn stjórnarandstöðuflokkanna gagnrýna nýjan meirihluta í Reykjavík:
Með minnihluta atkvæða
FORMENN STJÓRNARANDSTÖÐUFLOKKANNA Telja að niðurstaðan í Reykjavík muni þjappa
stjórnarandstöðunni saman á landsvísu.
KOSNINGAR J-Listinn, listi óháðra á
Dalvík sem Svanfríður Jónasdóttir
leiðir, er kominn í lykilstöðu eftir að
viðræður vinstri
grænna, framsókn-
armanna og Sjálf-
stæðisflokks runnu
út í sandinn. Svan-
fríður segir alla
möguleika skoðaða
en ekkert frétt-
næmt af viðræðum
enn.
J-listinn fékk
tæp 42 prósent atkvæða á Dalvík,
Framsóknarflokkurinn tæp 24 pró-
sent, Sjálfstæðisflokkur 17 og
vinstri grænir tæp 18 prósent. - gag
Viðræður út um þúfur:
Óháðir í lykil-
stöðu á Dalvík
SVANFRÍÐUR
INGA JÓNSDÓTTIR
Ferð til Litháen Herra Ólafur Ragnar
Grímsson, forseti Íslands, er nú staddur
í Litháen. Þar mun hann taka þátt í
ársþingi samtakanna Evrópskar borgir
gegn fíkniefnum. Forsetinn mun flytja
setningarræðu ásamt forseta Litháen,
Valdas Adamkus, á morgun. Þá mun forseti
einnig eiga viðræður við sérfræðinga,
sveitarstjórnarmenn og áhrifaaðila víða að
úr Evrópu um aðferðir sem reynst hafa vel í
baráttunni gegn fíkniefnum. Ólafur Ragnar
tekur þátt í fjölbreyttri dagskrá meðan á
heimsókninni stendur.
FORSETI ÍSLANDS
KJÖRKASSINN
Ertu ánægð(ur) með nýja borgar-
stjórann í Reykjavík?
Já 38%
Nei 62%
SPURNING DAGSINS Í DAG
Ætlarðu í ferðalag um hvítasunn-
una?
ALÞINGI Stjórnarandstæðingar
gagnrýndu harðlega við upphaf
þingfundar í gær meðferð meiri-
hluta iðnaðarnefndar á frumvarpi
iðnaðarráðherra um nýsköpun,
byggðaþróun og tæknirannsóknir.
Margrét Frímannsdóttir, Sam-
fylkingunni, kvaddi sér hljóðs um
málið og sagði formann nefndar-
innar hafa neitað umfjöllun um
fram komnar breytingatillögur á
frumvarpinu. Fyrir lægi að 108
mál biðu afgreiðslu frá ríkis-
stjórninni sem væru í biðstöðu
vegna frumvarpsins.
Helgi Hjörvar, Samfylking-
unni, taldi að ríkisstjórnin hefði
reynt að neyða Einar Odd
Kristjánsson, varamformann iðn-
aðarnefndar, til fylgis við frum-
varpið, en hann mætti ekki á fund
nefndarinnar á mánudag. „Það er
í andstöðu við hugsjónina um lýð-
ræði og þingræði.“ Helgi sagði
jafnframt að allir sem um frum-
varpið hefðu fjallað teldu það
ótækt.
„Þetta eru ótrúleg hrossa-
kaup,“ sagði Ögmundur Jónasson
þingmaður vinstri grænna og
bætti við að áhersla væri lögð á að
afgreiða gælumál iðnaðar- og
menntamálaráðherra meðan
órædd væru brýn efnahagsmál.
„Stjórnarandstaðan hefur ein-
sett sér að stöðva þetta mál. Það
er sannleikurinn í málinu,“ sagði
Birkir J. Jónsson, formaður iðn-
aðarnefndar. - jh
Stjórnarandstæðingar vilja stöðva málið segir formaður iðnaðarnefndar:
Deilt á breytingar Valgerðar
VALGERÐUR SVERRISDÓTTIR IÐNAÐAR-
RÁÐHERRA Stjórnarandstæðingar segja
ráðherra hafa algert vald yfir þinginu.
Fundað í Árborg Sjálfstæðismenn
í Árborg ræddu við Samfylkingu og
Framsóknarflokk í gær um myndun
hugsanlegs meirihlutasamstarfs. Sjálf-
stæðisflokkur fékk fjóra menn kjörna og
þarf tvo menn annars hvors flokksins til
að mynda meirihluta. Samfylking, Fram-
sóknarflokkur og Vinstri-græn ræddu
saman fyrst um myndun meirihluta
en upp úr viðræðunum slitnaði í gær.
Ástæðuna segir oddviti Vinstri grænna
vera ósamkomulag um byggingu skóla í
sveitarfélaginu.
KOSNINGAR