Fréttablaðið - 16.08.2006, Blaðsíða 2

Máttarstólpi Menningarnætur
Menningarnótt 19. ágúst
Tvö tónleikasvið!
Öll dagskráin á www.landsbanki.is
BAUGSMÁL Jón Ásgeir Jóhannes-
son, forstjóri Baugs Group hf.,
verður yfirheyrður í dag vegna
meintra brota á skattalögum,
lögum um ársreikninga og lögum
um bókhald, samkvæmt upplýs-
ingum frá lögmanni hans, Gesti
Jónssyni. Meint brot eru í tengsl-
um við rekstur félaganna Baugs,
fjárfestingafélagsins Gaums og
Fjárfars á árunum 1998 til 2002.
Samkvæmt upplýsingum frá
Ríkislögreglustjóra tengjast meint
brot ekki efnisatriðum málsins
sem tekið verður til efnismeðferð-
ar í Héraðsdómi Reykjavíkur í
haust. Yfirheyrslurnar byggja á
sömu rannsókn og málið sem tekið
verður til efnismeðferðar í haust.
Lögreglan gerði fyrst húsleit
hjá Baugi 28. ágúst 2002. Málið
hefur því staðið yfir í nær fjögur
ár um þessar mundir. - mh
Jón Ásgeir Jóhannesson:
Verður yfir-
heyrður í dag
DÓMSMÁL Gæsluvarðhald var í gær
framlengt á tveimur mönnum
vegna skotárásar á raðhús í Valla-
hverfi í Hafnarfirði 21. júní. Hér-
aðsdómur Reykjaness úrskurðaði
mennina í gæslu til 12. september.
Báðir úrskurðirnir voru kærðir til
Hæstaréttar. Skotvopnið sem notað
var við árásina er ófundið.
Þrír menn voru inni í raðhúsinu
á Burknavöllum þegar tveimur
skotum var skotið inn í það. Annar
þeirra sem nú situr í gæsluvarð-
haldi vegna skotárásarinnar er
jafnframt grunaður um að hafa
hent eldsprengju að sama húsnæði
tæpum sólarhring eftir árásina. Í
tengslum við rannsókn málsins
fann lögregla ýmis vopn, svo sem
kylfur, hnúajárn og skotfæri.
Tildrög árásanna telur lögregla
vera ósætti á milli annars þeirra
sem nú situr í gæsluvarðhaldi og
tveggja manna af þremur sem inn-
andyra voru þegar skotárásin var
gerð. Það ósætti náði svo hámarki í
skotárás þeirri sem áður er frá
sagt.
Mennirnir tveir voru úrskurð-
aðir í Héraðsdómi Reykjaness í
gæsluvarðhald til 29. ágúst, en þeir
kærðu til Hæstaréttar, sem stytti
gæsluvarðhaldstímann til 15.
ágúst. Framlenging var svo
úrskurðuð í gær eins og áður sagði
og kærð aftur til Hæstaréttar. -jss
Gæsluvarðhald byssumannanna í Vallahverfi í Hafnarfirði framlengt:
Haglabyssan enn ófundin
SKOTÁRÁSIN Stór göt voru á rúðum rað-
hússins þar sem skotin höfðu farið inn.
VIÐSKIPTI BNbank í Noregi, sem er
alfarið í eigu Glitnis, hefur náð
samkomulagi um kaup á 45 pró-
senta hlut í fjármálafyrirtækinu
Norsk Privatøkonomi. Þetta eru
sjöttu kaup Glitnis í Noregi á síð-
ustu tveimur árum, en bankinn
skilgreinir Noreg ásamt Íslandi
sem heimamarkað sinn.
Norsk Privatøkonomi veitir fjár-
málaþjónustu, en um 90 starfsmenn
eru hjá fyrirtækinu. Þá hefur félag-
ið leyfi til verðbréfamiðlunar.
Gunnar Jerven, forstjóri
BNbank, segir að með þessum
kaupum sé stefnt að eflingu dreifi-
kerfis bankans. - öhö
Glitnir fjárfestir í Noregi:
Kaupir í fjár-
málaþjónustu
VEÐUR „Það horfir bara ljómandi
vel,“ segir Sigurður Þ. Ragnars-
son veðurfræðingur um veður-
horfur á menningarnótt, næst-
komandi laugardag. „Það lítur út
fyrir suð-suðvestlæga átt og vind-
urinn verður hægur og ljómandi
góður. Líklega verður skýjað og
úrkomulítið, jafnvel úrkomulaust
um daginn. Skil gætu þó skriðið
inn á landið þegar líður á nóttina
og úrkoma fylgt með, en það er
erfitt að tímasetja það.“
„Hitinn verður frá 10-16 stig-
um um daginn, svo það horfir
ljómandi vel. Þó að það verði skýj-
að ætti flugeldasýningin að sjást
vel,“ segir Sigurður. - sgj
Veðrið á menningarnótt:
Fínustu horfur
LÖGREGLUMÁL Maðurinn sem réðst
á og reyndi að nauðga tvítugri
stúlku í Breiðholti í síðustu viku
er enn ófundinn.
Auk tilraunar til nauðgunar
rændi árásarmaðurinn stúlkuna
og beit í hálsinn svo hún hlaut ljótt
bitsár.
Að sögn Sigurbjörns Víðis Egg-
ertssonar, aðstoðaryfirlögreglu-
þjóns hjá lögreglunni í Reykjavík,
var lýsing stúlkunnar á árásar-
manninum afar takmörkuð og
hefur það torveldað rannsóknina.
Rannsókn málsins stendur þó yfir,
en enn hefur enginn verið hand-
tekinn í tengslum við málið. - æþe
Árásin í Breiðholtinu:
Enginn verið
handtekinn
FRAMSÓKN Siv Friðleifsdóttir
segir þingflokk Framsóknar-
flokksins ekki ráða því hverjir
verði kosnir til forystustarfa
fyrir flokkinn, heldur flokks-
menn sjálfa. Eins og greint var
frá í Fréttablaðinu í gær voru níu
af tólf þingmönnum Framsóknar-
flokksins tilbúnir til þess að lýsa
yfir stuðningi við Jón Sigurðsson
sem næsta formann flokksins í
júní síðastliðnum. Jón kom í veg
fyrir að undirskriftasöfnun,
honum til stuðnings, færi af stað
innan þingflokksins, vegna þess
að honum fannst
óheppilegt að
stuðningur
þingmanna yrði
opinberaður á
þeim tíma-
punkti, þar sem
hann var ekki
búinn að gera
upp við sig
hvort hann ætl-
aði að bjóða sig fram til formanns
eða ekki.
Siv segist ekki vera í banda-
lagi við neinn annan frambjóð-
anda sem býður sig fram til for-
ystustarfa fyrir
Framsóknarflokkinn á flokks-
þinginu um næstu helgi. „Ég hef
tilkynnt um framboð mitt til for-
manns, eftir að væringar innan
þingflokksins stóðu yfir í júní
síðastliðnum, og mér finnst eðli-
legt að flokksmenn sjálfir taki
ákvörðun um það hvernig for-
ystusveit Framsóknarflokksins
verði skipuð, en ekki þingmenn
flokksins. Það verða um 850
manns sem kjósa á flokksþinginu
en þingmennirnir hafa aðeins
rétt til þess að greiða tólf
atkvæði.“
Frambjóðendur til embættis
ritara í Framsóknarflokknum
hafa að undanförnu sagt það
nauðsynlegt að styrkja innra
starf Framsóknarflokksins. Siv
segist ekki líta á slíkar yfirlýs-
ingar sem gagnrýni á hennar
störf en hún hefur gegnt stöðu
ritara í flokknum um árabil. „Rit-
ari er mikilvægt embætti en það
er langt frá því að hann beri einn
ábyrgð á innra starfi flokksins.
Það hefur verið unnið vel að
ýmsum málum innan flokksins
undanfarin ár en það er auðvitað
alltaf hægt að gera betur. Ég
fagna því að það sé nýtt fólk sem
vill taka við starfi ritara og sinna
því af heilindum á næstu árum.“
Flokksþing Framsóknar-
flokksins fer fram um næstu
helgi. Um 850 manns hafa
atkvæðarétt á flokksþinginu.
Fyrst verður kosið til formanns,
síðan varaformanns og að lokum
ritara. Halldór Ásgrímsson, sem
verið hefur varaformaður og for-
maður Framsóknarflokksins í
meira en aldarfjórðung, lætur af
embætti sem formaður flokksins
um helgina. magnush@frettabladid.is
Segir þingmennina
tólf atkvæði af 850
Siv Friðleifsdóttir segir flokksmenn í Framsóknarflokknum ráða því hverjir
verði kosnir til forystustarfa fyrir flokkinn, en ekki þingflokkinn. Ég er ekki í
bandalagi við neinn, fer fram á mínum eigin forsendum, segir Siv.
SIV FRIÐLEIFSDÓTTIR Siv Friðleifsdóttir hefur að undanförnu ferðast um landið, ásamt
öðrum frambjóðendum á flokksþinginu, og kynnt baráttumál sín fyrir flokksmönnum.
FRÉTTABLAÐIÐ/VALLI
JÓN SIGURÐSSON
FRAMSÓKN Guðni Ágústsson von-
ast til þess að komandi flokksþing
Framsóknarflokksins um næstu
helgi sameini flokksmenn og efli
þá til góðra
starfa í fram-
tíðinni. „Við
frambjóðend-
ur erum á
okkar vegum í
framboði og
höfum ekki
myndað
bandalög til
þess að ná
sameiginleg-
um markmið-
um. Ég hef verið varaformaður
Framsóknarflokksins í fimm ár
og hef áhuga á því að sinna því
starfi áfram. Ég treysti mér til
þess að vinna með hverjum þeim
sem verða kosnir til starfa í stöð-
ur formanns og ritara.“
Guðni segist sammála því að
skynsamlegt hafi verið af Jóni
Sigurðssyni að koma í veg fyrir
að undirskriftasöfnun til stuðn-
ings Jóni, hefði farið fram innan
þingflokksins.
„Ég taldi, eins og Jón sjálfur,
að það væri farsælast fyrir Fram-
sóknarflokkinn að flokksmenn
kysu sér fólk í forystusveit Fram-
sóknarflokksins á flokksþingi.
Það hefði ekki verið rétt að koma
í veg fyrir það að aðrir hefðu
getað boðið sig fram í embætti
hjá Framsóknarflokknum, ef þeir
hefðu haft á því áhuga. Undir-
skriftasöfnun var hugmynd sem
kom upp á miðstjórnarfundi, sem
síðan varð ekki að veruleika.
Aðalatriðið er að grasrót Fram-
sóknarflokksins geti haft afger-
andi áhrif á flokksstarfið,“ segir
Guðni Ágústsson landbúnaðar-
ráðherra. - mh
Guðni Ágústsson segist ekki í kosningabandalagi:
Grasrótin hafi áhrif
GUÐNI ÁGÚSTSSON
WASHINGTON, AP George W. Bush
Bandaríkjaforseti lýsti því yfir í
gær að meinta hryðjuverkasam-
særið sem koma tókst í veg fyrir í
Bretlandi væri vitnisburður um að
Bandaríkin myndu eiga í höggi við
hryðjuverkamenn um langt árabil.
„Bandaríkin eru öruggari en
þau voru, en eru þó enn ekki
örugg,“ tjáði Bush fréttamönnum í
hryðjuverkavarnamiðstöð Banda-
ríkjastjórnar á leyndum stað í
Norður-Virginíu, rétt utan við
Washington DC. Í miðstöðinni er
stefnt saman undir eitt þak hundr-
uðum sérfræðinga og tugum tölvu-
kerfa alríkisstofnana. - aa
Bush um hryðjuverkaógn:
Segir langt stríð
framundan
Í HRYÐJUVERKAVARNAMIÐSTÖÐ Bush talar
við fréttamenn í miðstöðinni, sem er á
leyndum stað í N-Virginíu. FRÉTTABLAÐIÐ/AP
LEIKSKÓLAMÁL Hörð gagnrýni kom
fram á fundi leikskólastjóra í Ráð-
húsi Reykjavíkur í gær. Tilefni
fundarins var ákvörðun borgaryf-
irvalda að skipta menntaráði upp í
leikskólaráð og grunnskólaráð.
Sigrún Elsa Smáradóttir frá
Samfylkingunni vildi meina að
fyrirhuguð breyting á mennta-
sviðinu væri til komin til þess eins
að búa til stöðu fyrir Þorbjörgu
Helgu Vigfúsdóttur.
Svandís Svavarsdóttir frá
vinstri grænum sagði að vinnu-
brögðin bæru vott um reynslu-
leysi og vék orðum sínum þá sér-
staklega til Þorbjargar Helgu frá
Sjálfstæðisflokki. - æþe
Leikskólakennarar í Ráðhúsinu:
Mikill hiti í
fundargestum
Í RÁÐHÚSINU Meðal þeirra sem til máls
tóku voru þær Svandís Svavarsdóttir, Fanní
Gunnarsdóttir og Margrét Sverrisdóttir.
SPURNING DAGSINS
Kristinn, færðu að skrifa undir
svona stuðningsyfirlýsingar ef
þú verður ritari?
„Ætli ég verði ekki bara settur í að
semja hana.“
Kristinn H. Gunnarsson var eini þingmaður
Framsóknarflokksins sem ekki var beðinn um
að skrifa undir stuðningsyfirlýsingu við Jón
Sigurðsson í formannsframboð í flokknum.
Kristinn sækist eftir stöðu ritara í Framsóknar-
flokknum á komandi flokksþingi.