Fréttablaðið - 16.08.2006, Blaðsíða 34

MARKAÐURINN
Jón Skaftason
Skrifar
Birgir Jónsson, framkvæmda-
stjóri Iceland Express, hefur
ekki áhyggjur af því að hryðju-
verkaváin í Bretlandi og þær
auknu öryggiskröfur sem fylgja,
valdi fyrirtækinu fjárhagsleg-
um skaða „Okkar flugleiðir eru
lengri en lággjaldaflugfélaganna
í Evrópu og vélarnar fljúga ekki
jafn oft á dag. Við getum þar af
leiðandi tekið á okkur meiri tafir.
Tapið verður ekkert á þessu í
heildina þótt það kunni að verða
smá dagamunur.“ Birgir bætir
við að ekki hafi orðið sýnilegt
tap af hryðjuverkaárásunum
í Lundúnum þann sjöunda júlí
2005.
Auknar öryggiskröfur á bresk-
um flugvöllum hafa valdið mikl-
um töfum á flugi og hefur EasyJet
til að mynda þurft að aflýsa
meira en fimm hundruð ferðum
undanfarna viku. Sérfræðingar
hafa sagt auknar öryggiskröfur
og lengri bókunartíma koma afar
illa niður á lággjaldaflugfélög-
um, sem eiga mikið undir því að
öllum kostnaði sé haldið í lág-
marki og að flugvélar nýtist sem
allra best.
Írska flugfélagið RyanAir
hefur hingað til fylgt þeirri
stefnu að flugvélar taki á loft á
ný tuttugu mínútum eftir að þær
lenda. Ómögulegt hefur reynst
að fylgja því eftir síðustu daga
og segja sérfræðingar að í ljósi
hertra öryggiskrafna á flugvöll-
um sé viðbúið að félagið þurfi að
sveigja frá þeirri stefnu sinni.
Er jafnvel talið að lággjaldaflug-
félög þurfi að hækka verð til að
mæta auknum kostnaði og minni
nýtni. Flugvélar Iceland Express
taka á loft fjörutíu mínútum eftir
lendingu.
Almar Örn Hilmarsson, for-
stjóri norræna lággjaldaflugfé-
lagsins Sterling sem er í eigu
FL Group, segir þau flugfélög
sem hafa bækistöðvar á stórum
flugvöllum á borð við Heathrow
verða verst úti. „Við vorum eina
flugfélagið sem flaug óraskað frá
Bretlandi meðan önnur þurftu að
aflýsa eða seinka.“
Almar telur ekki að umtals-
verð hækkun verði á fargjöldum
lággjaldaflugfélaga. Vissulega
kunni kostnaður að aukast vegna
hertra öryggiskrafna, hins vegar
sé rétt að flugvellirnir beri þann
aukakostnað. „Kastrup-flugvöll-
ur skilaði til dæmis hálfum millj-
arði danskra króna í hagnað á
fyrri árshelmingi. Það er ekki
hægt að bjóða fólki upp á að
þurfa að bíða klukkustundum
saman eftir flugi. Flugvellirnir
verða að bæta við fólki og setja
fé í uppbyggingu og skipulag.”
16. ÁGÚST 2006 MIÐVIKUDAGUR4
F R É T T I R
Eftir látlausar verðhækkanir á
ferskum laxi frá því í sumar-
byrjun 2005 hefur verðið lækkað
undanfarið. Hæst fór það í 48
norskar krónur á kílóið nú í júlí
en stendur nú í 37-38 norskum
krónum.
Kristinn Albertsson, fjármála-
stjóri hjá Alfesca, segir að í dag
sé mögulegt að gera framvirka
samninga um kaup á laxi á um
það bil 32 norskar krónur miðað
við afhendingu frá og með októb-
er nk. sem bendir til þess að verð
á laxi fari lækkandi.
Alfesca studdi stofnun Fish
Pool, sem er alþjóðlegur afleiðu-
markaður með lax, með það að
markmiði að tryggja meiri stöðug-
leika í viðskiptum með lax. - eþa
VERÐ Á LAXI LÆKKAR EFTIR MIKLAR
HÆKKANIR Alfesca er háð verði á laxi
sem fór hæst í 48 norskar krónur á kílóið.
Verð á laxi lækkar
Alfesca skoðar framvirka samninga um kaup á
laxi á enn lægra verði.
Herrafatakeðjan Moss
Bros Group greindi frá
því í síðustu viku að
sala á fyrstu 26 vikum
reikningsársins, fram
til júlíloka, hafi dregist
saman í fyrsta skipti í
fjögur ár. Stjórnendur
félagsins segja að hita-
bylgjan, sem gekk yfir
Bretlandseyjar í sumar,
og HM í knattspyrnu
séu ástæður þessa sam-
dráttar.
Forstjórinn Philip
Mountford telur að félagið hafi
tapað 140 milljónum króna í
veltu vegna HM en alls dróst sala
saman um 0,75 prósent
á milli ára.
Unity Investments
ehf., fjárfestingarfélag
í eigu Baugs Group,
FL Group og Kevins
Stanford, er stærsti
hluthafinn í Moss Bros,
með yfir 28 prósenta
hlut. Markaðsverðmæti
Moss Bros hrundi um
fimmtán prósent eftir
tíðindin en lækkunin
gekk að öllu leyti til
baka. Frá því að Unity
varð stærsti hluthafinn fyrr í
sumar hefur gengi Moss Bros
lækkað um tíu prósent. - eþa
DRÓ ÚR SÖLU VEGNA
HM 2006 Moss Bros-
herrafatakeðjan greindi
frá samdrætti á fyrri
hluta ársins.
FRÉTTABLAÐIÐ/ GETTY IMAGES
Dregur úr sölu hjá Moss Bros
Hitabylgja og HM ástæður samdráttar.
Ísland er í fyrsta sæti á lista yfir
samkeppnishæfustu hagkerfi
Evrópu í nýrri skýrslu sviss-
neska viðskiptaháskólans IMD
og er Danmörk í öðru sæti. Efst
á lista yfir samkeppnishæfustu
hagkerfi heims eru Bandaríkin,
Hong Kong og Singapúr. Ísland
er í fjórða sæti á listanum.
Í skýrslunni, sem heitir Í leit
að bestu norrænu leiðinni, og var
gefin út af samtökum atvinnu-
lífsins á Norðurlöndunum, kemur
fram að Norðurlöndin státi öll af
sterkri stöðu í alþjóðlegri sam-
keppni. En þrátt fyrir að margt
sé líkt með löndunum þá sé ekk-
ert eitt norrænt módel sem þau
vinni eftir og því geti þau lært
hvert af öðru.
Þá segir að Norðurlöndin eigi
það sameiginlegt að þau eru lítil
og samfélögin opin og því hafi
alþjóðleg samkeppni þar mikil
áhrif.
Skýrsluhöfundar leggja
áherslu á að þótt Norðurlöndin
séu á meðal samkeppnishæfustu
landa heims í dag þá sé engin
trygging fyrir því að svo verði
um aldur og ævi. Er bent á að
Þýskaland og Japan hafi verið
með efstu þjóðum á listanum
fyrir áratug. Því er ekki að skipta
nú og segja skýrsluhöfundar það
benda til að mikilvægt sé fyrir
löndin að geta lagað hagkerfi
sín að breyttum tímum. Það hafi
Norðurlöndunum tekist fram til
þessa. - jab
REYKJAVÍK Ísland býr yfir samkeppnis-
hæfasta hagkerfi í Evrópu. Í nýrri skýrslu er
bent á að hagkerfin verði að geta aðlagast
breyttum tímum. FRÉTTABLAÐIÐ/HARI
Aðlögun hagkerfa er mikilvæg
Íslensk lággjaldafélög
tapa ekki á hryðjuverkavá
Forsvarsmenn lággjaldaflugfélaga segja ekki búast við að
fargjöld hækki vegna hertra öryggiskrafna. Íslensku félögin
eru betur í stakk búin til að takast á við seinkanir.
FLUGVÉLAR ICELAND EXPRESS Í BIÐSTÖÐU Auknar öryggiskröfur á flugvöllum víða
um heim valda íslenskum lággjaldaflugfélögum ekki miklum skaða. Flugfélög með bæki-
stöðvar á stórum alþjóðaflugvöllum verða verst úti.
Samkvæmt heimildum Markað-
arins mun Baugur leggja fram
formlegt yfirtökutilboð í House
of Fraser öðru hvoru megin við
næstu helgi. Er talið að tilboðið
hljóði upp á 350 milljónir punda
sem jafngildir 47 milljörðum
íslenskra króna. Hlutabréf í
félaginu hækkuðu um þrjú pró-
sent í Kauphöllinni í London á
mánudag vegna væntinga um að
komið væri að því að Baugur
legði fram formlegt tilboð en
gáfu lítillega eftir í gær.
Fjárfestingarbankinn HBOS,
fjárfestarnir Kevin Stanford
og Don McCarthy og FL Group
verða meðal lykilfjárfesta í
kaupum Baugs á bresku keðj-
unni, samkvæmt heimildum
Markaðarins.
Takist Baugi yfirtakan á House
of Fraser verður félagið leiðandi
á verslunargötum Bretlands.
Meðal eigna Baugs eru Mosaic
Fashions sem meðal annars reka
Oasis, Coast, Whistles og Karen
Millen, leikfangaverslunin
Hamleys, Iceland-verslunarkeðj-
urnar og Whittard of Chelsea.
- hhs
HOUSE OF FRASER Búist er við form-
legu yfirtökutilboði Baugs í bresku keðj-
una HoF öðru hvoru megin við helgina.
Styttist í tilboðið
Landsvirkjun hefur gert samning
við TM Software um uppsetningu
símstöðva og búnaðar sem bygg-
ist á IP-símatækni fyrir skrif-
stofu Landsvirkjunar á Akureyri,
í Laxárstöð og Fljótsdalsstöð,
Kárahnjúkum. Í verkinu felst
meðal annars forritun, uppsetn-
ing, prófanir og kennsla á IP-sím-
stöðvarnar og símabúnaðinn sem
þeim tilheyrir.
Haft er eftir Óskari H.
Valtýssyni, fjarskiptastjóra
Landsvirkjunar, að símakostnað-
ur muni lækka og sveigjanleiki
aukast enda sé það Netið sem sé
samtengipunktur í stað símalína
áður. - jab
FRÁ UNDIRRITUN SAMNINGSINS
Landsvirkjun og TM Software hafa samið
um uppsetningu símstöðva og búnaðar
sem byggir á IP-símatækni.
Samið um IP-tækni