Fréttablaðið - 16.08.2006, Blaðsíða 27
MIÐVIKUDAGUR 16. ágúst 2006 3
Tvenns konar tölur
Fyrir fimmtíu árum skipti nánast engu
máli hvað bílar eyddu miklu. Eldsneyti
kostaði ósköp lítið og engum datt í
hug að olíulindir jarðar gætu einhvern-
tíma tæmst. Útblástursmengun var
að kalla óþekkt hugtak og einfald-
asta leiðin til að auka vélarafl var að
stækka vélina og þar með eldsneytis-
notkun hennar.
Nú er öldin hinsvegar allt önnur, og
ekki bara bókstaflega. Bílaframleið-
endur leggja mikið á sig til að halda
eyðslu og mengun niðri, enda verða
nýir bílar, að minnsta kosti í Amer-
íku og Evrópu, að standast strangar
mengunarkröfur. Forsenda þess er
hófleg eyðsla.
Flestir vita að eyðsla er mæld í inn-
anbæjar-, utanbæjar-, og blönduðum
akstri. Færri vita hinsvegar að eyðslu-
mælingum má líka skipta í mælingu
eiganda og mælingu framleiðanda.
Á þessum tveimur er oft verulegur
munur.
Mælingu eiganda er auðvelt að fram-
kvæma. Næst þegar þú fyllir bílinn af
eldsneyti skaltu núllstilla kílómetra-
mælinn. Svo keyrir þú bílinn eins og
venjulega þar til tími er kominn á aðra
fyllingu. Þá berð þú saman lítrana
sem fara á bílinn og ekna kílómetra.
Með formúlunni lítrar / eknir kílómtrar
X 100 færð þú meðaleyðslu síðasta
tanks.
Segjum að þú hafir ekið 620 km á
46 lítrum. 46 / 620 X 100 = 7,4 lítrar
á hverja 100 km. Þú þarft reyndar að
hafa hugfast hvort um var að ræða
innanbæjar-, utanbæjar- eða bland-
aðan akstur, því munurinn á eyðslu
getur verið
umtalsverður eftir aksturssvæði. Berir
þú niðurstöðurnar saman við uppgefn-
ar eyðslutölur frá framleiðanda munar
líklegast töluverðu. Ástæðurnar eru
nokkrar.
Í fyrsta lagi skiptir aksturslag öllu máli.
Í öðru lagi eyða vélar yfirleitt meiru
í köldu loftslagi, sérstaklega fyrsta
spölinn. Í þriðja lagi eru aðferðir fram-
leiðanda við mælingar yfirleitt mjög
frábrugðnar mælingum eiganda.
Í Bandaríkjunum, og reyndar víðar, er
stuðst við útblástursmælingu í stað
raunverulegrar notkunar eldsneyt-
is. Við það bætist að mælingin fer
ekki fram í raunverulegri umferð
eða á raunverulegum vegi, heldur á
búnaði sem líkja má við hlaupabretti.
Umhverfisáhrifa sem stuðla að aukinni
eyðslu, eins og loftmótsstöðu, gætir
því ekki.
Formúlan sem notuð er til að reikna
eyðslu út frá útblæstri var búin til árið
1972 og síðan hefur orðið mikil fram-
þróun í vörnum við útblástursmengun.
Niðurstöðurnar eiga því lítt skylt við
veruleikann og dæmi eru um allt að
200% mun á uppgefinni og raunveru-
legri eyðslu. Þó að hægt væri að taka
upp aðrar mælingaaðferðir myndu
raunsærri niðurstöður koma mjög illa
út með tilliti til nýrra mengunar- og
eyðslustaðla og því er sem er.
Sem dæmi um eyðsluprófun er breska
aðferðin sú að í innanbæjarmælingu
er bíllinn keyrður í hermi sem sam-
svarar 4 km leið. Hámarkshraðinn er
50 km/klst og meðalhraði 19 km/klst.
Í utanbæjarmælingu er sami hermir
notaður til að snúa hjólum bílsins sem
samsvarar 7 km leið á 63 km meðal-
hraða, að hámarki 120 km/klst.
HVAÐ ER... MEÐALEYÐSLA
Skiptar skoðanir eru á því
hvaðan Kia Cee‘d er ættaður.
Kia sendi nýlega frá sér fyrstu
myndirnar af framleiðsluútgáfu
Cee‘d hlaðbaksins. Bíllinn var
fyrst sýndur sem hugmyndabíll í
Genf fyrr á þessu ári.
Hinu óvenjulega nafni mun
ætlað að koma bílnum í umræð-
una, auk þess að „vera stutt, kraft-
mikið, ferskt, óhefðbundið og
koma á óvart“. Ætli megi ekki full-
yrða að það hafi tekist ágætlega.
Nafnið er reyndar samsett úr
„CE“ (Conformité Européenne),
vegna þess að bíllinn er framleidd-
ur í Evrópu og eftir evrópskum
gæðakröfum, og „ED“ (European
Design) vegna þess að hann er líka
hannaður í Evrópu.
Burtséð frá nafninu, sem er
alls ekki eins og neitt annað, þykir
mörgum að bíllinn sé endurtekið
stef. Bent hefur verið á sameigin-
leg einkenni með bílum á borð við
Versa, Corolla, Legacy, Almera og
Lexus IS. Kemur kannski ekki á
óvart þar sem bílar 21. aldarinnar
hafa óútskýranlega tilhneigingu
til að líkjast hverjum öðrum. Hvað
sem því líður verður gaman að sjá
hvernig Cee‘d verður tekið hér-
lendis.
Nýtt nafn á
kunnuglegu stefi
Framsvipurinn minnir óneitan-
lega aðeins á Nissan Almera, og
gefur bílnum frísklegt yfirbragð.
Cee‘d nafnið er tvítekin
tilvísun í evrópskan uppruna
bílsins og því ekki ólíklegt að
hann hitti í mark þegar hann
kemur á markað.
Gott getur verið að hafa
meðaleyðslu bifreiðar sinnar
á hreinu, til dæmis ef
skipuleggja á langferð. 550 5000
AUGLÝSINGASÍMI