Fréttablaðið - 16.08.2006, Blaðsíða 71
LEIKHÚSTILBOÐ
Tvíréttaður matur, miði og frítt
í Göngin til baka í boði
Landnámsseturs
Frá kr. 4000 - 4800
MIDAPANTANIR Í SÍMA 437 1600
Sýnt í Landnámssetri
í Borgarnesi
Laugardag 19. ágúst kl. 20 Örfá sæti laus
Sunnudag 20. ágúst kl. 15 Uppselt
Sunnudag 20. ágúst kl. 20 Uppselt
Föstudag 25. ágúst kl. 20 Uppselt
Laugardag 26. ágúst kl. 20 Laus sæti
Laugardag 2. september kl. 20 Uppselt
Sunnudag 3. september kl. 15
Sunnudag 3. september kl. 20
Fimmtudag 7. september kl. 20
Föstudag 8. september kl. 20
Laugardag 9. september kl. 20
Sunnudagur 10. september kl. 16
Föstudagur 15. septemberkl. 20
Laugardagur 16. september kl. 20
Harry prins er að öllum líkindum
búin að koma sér í mikil vandræði
en þessi yngri sonur Díönu og
Karls Bretaprins hefur oft komið
sér á forsíður slúðurblaðanna
fyrir misgáfulegt athæfi.
Götublaðið The Sun birti í gær
mynd af því þegar Harry grípur
um brjóst ungrar stúlku á nætur-
klúbbi í London. Harry er sem
kunnugt er í tygjum við þokkadís-
ina Chelsy Davy en lét það ekki
aftra sér frá því að þukla aðeins á
brjóstum hinnar 21 árs gömlu
Natalie Pinkham. Samkvæmt sjón-
arvottum lét Harry stúlkuna varla
í friði á næturklúbbnum og gerði
hosur sínar grænar fyrir ung-
frúnni. „Hann kyssti andlit hennar
og á einhverjum tímapunkti tók
hann utan um Natalie og greip um
brjóstið á henni,“ sagði einn sjón-
arvotta. „Henni virtist aðeins
bregða en kippti sér annars lítið
upp við þessa tilburði prinsins“
bætti sjónarvotturinn við.
Harry komst einnig á forsíður
blaðanna þegar hann birtist í nas-
istabúningi á grímudansleik en
athæfið olli mikilli reiði á Bret-
landi. Líklegt verður þó að teljast
að þessi forsíða The Sun muni ein-
göngu valda uppþoti á vígstöðvun-
um heimafyrir.
Prinsinn grípur í brjóst
HARRY PRINS Hefur komið sér í vandræði
heimafyrir eftir að hafa gripið um brjóst
ungrar stúlku á næturklúbbi í London.
Leikkonan Kate Hudson og rokk-
arinn Chris Robinson er skilin
samkvæmt talsmanni leikkonunn-
ar, Brad Cafarelli. Hudson og
Robinson giftust á gamlárskvöld
árið 2000 og eiga saman tveggja
ára gamlan son, Ryder Russell.
Kate Hudson er dóttir leikkonunn-
ar Goldie Hawn og fósturdóttir
leikarans Kurt Russell en Robin-
son er söngvari Black Crowes.
Hudson var tilnefnd til Óskars-
verðlauna fyrir leik sinn í kvik-
myndinni Almoust Famous og leik-
ur á móti þeim Owen Wilson og
Matt Dillon í You, Me and Dupree.
Hudson vann í síðasta mánuði
mál sem hún höfðaði gegn Nation-
al Enquirer sem höfðu birt fréttir
þess efnis að hún ætti í erfiðleik-
um með að halda niðri mat. Birtu
þeir myndir af leikkonunni og
sögðu að hún væri „hrikalega
grönn“ auk þess sem haft var eftir
móður hennar að hún ætti að borða
eitthvað. Þetta reyndist allt byggt
á sandi, blaðið baðst afsökunar og
greiddi Hudson bætur.
Hudson skilin
HUDSON OG ROBINSON Eru skilin eftir sex ára hjónaband en Robinson er tólf árum eldri
en Hudson.
Michael Douglas hefur endanlega
upplýst hver sé sagan á bak við
einhverja þekktustu slúðurfrétt
síðari tíma þegar blöðin kepptust
um að segja frá kynlífsfíkn leik-
arans. Þetta var sem sagt allt til-
búningur sem var eingöngu not-
aður til að selja blöðin. Douglas
sagði í viðtali fyrir skömmu að
hann hefði farið í meðferð við
áfengi en það hefði fjölmiðlum
þótt of leiðinleg frétt. „Tímarnir
breytast og kynlíf selur. Árið 1990
fór ég í meðferð vegna þess að ég
drakk of mikið. Þá hefur einhver
snillingur á ritstjórn slúðurblaðs
sagt að þetta væri leiðinleg frétt,
enn einn leikarinn á leið í með-
ferð, látum hann kljást við kyn-
lífsfíkn,“ sagði Douglas sem lék
meðal annars í Basic Instinct en
talið hefur verið að sagan sé kom-
inn til vegna opinskárra ástaratr-
iða í þeirri mynd.
Douglas lýsti því síðan yfir á
dögunum að hann hyggðist aldrei
aftur leysa niður um sig brækurn-
ar í kvikmynd. Hann væri einfald-
lega orðinn of gamall fyrir svo-
leiðis vitleysu.
Michael Douglas var
aldrei kynlífsfíkill
MICHAEL DOUGLAS Hefur loksins upplýst
að meðferðin sem hann fór í fyrir tæpum
20 árum var ekki fyrir kynlífi heldur áfengi.
FRÉTTABLAÐIÐ / GETTY IMAGES.
Bandaríkjamenn þekkja betur til
heimkynna Ofurmennisins en
eigin sólkerfis og fleiri vita hver
Harry Potter er en Tony Blair.
Þetta kemur fram í könnun Zogby
International sem framkvæmd
var á netinu.
Rúmlega helmingur þeirra sem
tóku þátt vissi hver töfrastrákur
J.K.K. Rowling var en aðeins færri
höfðu hugmynd um hver forsætis-
ráðherra Breta væri sem stutt
hefur dyggilega við stríðsrekstur
Bandaríkjanna í Írak. „Niðurstöð-
urnar sýna ekki hversu heimskir
Bandaríkjamenn eru,“ sagði
Robert Thompson, prófessor við
sjónvarps- og afþrey- ingar-
miðstöðina í New
York. „Þetta sýnir
eingöngu hversu
áhrifamikil popp-
menningin er og
hversu vel henni
er dreift,“
útskýrði hann.
Fleiri
skemmtilegar nið-
urstöður komu í ljós í þessari
könnun því sex af hverjum tíu
vissu hvað sonur Hómers
Simpson hét en færri gátu
nefnt aðra Hómerskvið-
una. Rúmlega sextíu pró-
sent vissu að Ofurmenn-
ið er frá Krypton en
aðeins einn af hverjum sjö
vissi að Merkúr væri sú pláneta
sem væri næst sólu. Þá áttu þátt-
takendur ekki í erfiðleikum með
að segja hverjir væru The Three
Stooges en aðeins fjörutíu prósent
vissu hverjar væru þrjár megin-
stoðir stjórnkerfisins í banda-
rískri stjórnsýslu. Könnunin var
haldin í tilefni af opnun netleiks-
ins Gold Rush sem AOL stendur
fyrir.
Þekkja Potter betur en Blair
OFURMENNIÐ Sextíu
prósent þeirra sem tóku
þátt í könnunni vissu
að Ofurmennið væri
frá Krypton. Færri vissu
hins vegar að Merkúr
væri sú pláneta sem
væri næst sólu.
HARRY POTTER Fleiri vita hver hann er en breski forsætisráðherrann Tony Blair.