Fréttablaðið - 16.08.2006, Blaðsíða 72
36 16. ágúst 2006 MIÐVIKUDAGUR
sport@frettabladid.is
FÓTBOLTI Eiður Smári Guðjohnsen,
landsliðsfyriliði og leikmaður
Barcelona, var ekki með Íslandi
gegn Spáni í gærkvöldi en fjar-
vera hans var tilkynnt daginn
fyrir leik. Eyjólfur Sverrisson
landsliðsþjálfari sagði á blaða-
mannafundi sama dag að Eiði
hefði liðið illa um morguninn og
því var ákveðið í samráði við
þjálfara og lækni landsliðsins að
gefa honum frí.
„Þessi ákvörðun var tekin af
skynsemi en ekki út frá hjart-
anu,“ sagði Eiður Smári í frétta-
tilkynningu sem Eggert Skúlason,
fjölmiðlafulltrúi hans, kom áleið-
is. „Mig langaði að koma en hlust-
aði á lækna og aðra sem hafa með
þessa ákvörðun að gera. Ákvörð-
unin var tekin á síðustu stundu.
Það liggur fyrir að ég hefði eytt
30 klukkustundum í flugvélum á
þremur dögum og menn geta
spurt sig hvað ég hefði verið til
mikils gagns fyrir landsliðið eða
Barcelona eftir slíka törn. Það er
hins vegar alltaf heiður að spila
fyrir íslenska landsliðið og hlakka
ég til að koma heim og spila næsta
leik sem verður gegn Dönum. Þar
stefnum við á þrjú stig.“
Fréttablaðið fór þess á leit við
Eggert að fá símaviðtal við Eið
Smára en þess í stað hann gaf frá
sér áðurnefnda fréttatilkynn-
ingu.
Eiður kom til Barcelona á
sunnudagskvöldið eftir æfinga-
ferð liðsins til Mið- og Suður-
Ameríku en þrír félagar hans í
Barcelona voru valdir í spænska
landsliðið. Tveir þeirra, Xavi
Heranandez og Carles Puyol, for-
fölluðust á mánudag eftir að hafa
hitt lækni spænska landsliðsins í
Madríd en sá þriðji, Andrés
Iniesta, var með í förinni til
Íslands. Annars gat Luis Arago-
nes landsliðsþjálfari stillt upp
sínu besta liði í gær. - esá
EIÐUR SMÁRI Fagnar hér marki sem hann
lagði upp fyrir Lionel Messi í Bandaríkjun-
um um helgina. NORDIC PHOTOS/GETTY
Eiður Smári Guðjohnsen um fjarveru sína frá landsleiknum gegn Spáni:
Hefði eytt 30 klukkustundum í flugvél
FÓTBOLTI Ásthildur Helgadóttir
knattspyrnukona meiddist í leik
með Malmö gegn Sunnenå í sænsku
úrvalsdeildinni um helgina og þurfti
að fara af velli eftir að hafa fengið
fast olnbogaskot í andlitið. Meiðsli
hennar eru þó ekki jafn slæm og
óttast var í fyrstu og sagði þjálfari
hennar í gær að hún gæti byrjað
æfingar aftur fljótlega.
„Ásta fékk enga beináverka og
getur byrjað að æfa á nýjan leik
þegar höfuðverkurinn minnkar og
bólgan hjaðnar,“ sagði Jörgan Pet-
ersson við Sydsvenskan. Allar líkur
eru því á að Ásthildur geti verið
með íslenska landsliðinu sem mætir
því tékkneska um helgina. - esá
Ásthildur Helgadóttir:
Fékk olnboga-
skot í andlitið
ÁSTHILDUR HELGADÓTTIR Verður sennilega
með íslenska landsliðinu um helgina.
FRÉTTABLAÐIÐ
FÓTBOLTI Dean Ashton ökklabrotn-
aði á æfingu með enska landslið-
inu í gær. Þetta er gríðarlegt áfall
fyrir úrvalsdeildarlið West Ham
en reiknað var með að hann yrði í
byrjunarliði Englands í æfinga-
leik gegn Grikklandi í kvöld. Það
hefði verið hans fyrsti landsleikur
en Ashton stóð sig vel á síðasta
tímabili. - egm
Æfing enska landsliðsins:
Dean Ashton
ökklabrotinn
FÓTBOLTI Michael Ballack sagði á
heimasíðu Chelsea í gær að hann
vonaðist til að vera orðinn klár
fyrir opnunarleik Chelsea í ensku
úrvalsdeildinni um helgina þegar
liðið mætir Manchester City á
sunnudag. Hann þurfti að fara
meiddur af velli gegn Liverpool
um síðustu helgi eftir aðeins 26
mínútna leik.
„Ég er með slæmt mar á mjöðm
og er nokkuð bólginn. Ég verð að
bíða og sjá til í nokkra daga en
vonandi hefur þetta jafnað sig
fyrir sunnudag,“ sagði Ballack.
Hann missir af vináttulandsleik
Þýskalands og Svíþjóðar á morg-
un. - esá
Michael Ballack:
Vill spila um
helgina
MICHAEL BALLACK Gengur meiddur af velli
gegn Liverpool um helgina.
NORDIC PHOTOS/GETTY
FÓTBOLTI Allt bendir til þess að
spænski landsliðsmaðurinn Jose
Antonio Reyes hjá Arsenal sé á leið
til spænska stórliðsins Real Madr-
id. Reyes þakkaði Arsene Wenger,
knattspyrnustjóra Arsenal, fyrir
gera sér leiðina aftur til Spánar
greiðari, „Draumur minn færist æ
nær. Wenger hefur sýnt mér skiln-
ing og hefur brugðist við eins og
sannur herramaður,“ sagði Reyes.
Leikmaðurinn er nú staddur
hér á landi þar sem hann lék með
spænska landsliðinu gegn því
íslenska í gær. Hann segist aldrei
hafa náð að aðlagast lífinu á Eng-
landi en hann kom ekkert við sögu
í Evrópuleik Arsenal í Zagreb og
ýtti það stoðum undir þær sögu-
sagnir að hann væri á förum. - egm
Mál Jose Antonio Reyes:
Færist enn nær
Real Madrid
REYES Er hér í leik gegn Real Madrid.
NORDICPHOTOS/GETTY IMAGES
FÓTBOLTI Gianluigi Buffon, mark-
vörður heimsmeistaraliðs Ítala,
staðfesti í gær að hann yrði áfram
í herbúðum Juventus þrátt fyrir að
liðið hafi verið dæmt niður í Seríu
B á dögunum. Buffon sagði að hann
hefði getað farið til Arsenal, Inter
eða AC Milan. „Helst vildi ég fara
til Milan en ákvað frekar að endur-
greiða Juventus öll mín góðu ár hjá
félaginu. Án þess hefði ég ekki
orðið heimsmeistari,“ sagði Buff-
on. - esá
Gianluigi Buffon:
Verður áfram
hjá Juventus
Tap fyrir Lettum
Íslenska drengjalandsliðið í körfubolta
tapaði í gær fyrir Lettum í A-deild
Evrópumótsins í körfubolta sem fer fram
á Spáni. Niðurstaðan 94-56 sigur Letta
en stigahæstur íslenska liðsins var Örn
Sigurðarson með 14 stig en hann tók
einnig flest fráköst, 7 talsins. Í dag mætir
liðið Slóvenum.
> Ragnar Snær til HK
Handknattleiksmaðurinn Ragnar Snær
Njálsson hefur skrifað undir tveggja ára
samning við HK en hann er uppalinn
í herbúðum KA. Hann hefur í gegnum
tíðina verið í unglingalandsliðum Íslands
og spilað þar aðallega vörn. Ragnar
skoraði 62 mörk í 23 deildarleikjum
fyrir KA í fyrra en stærsta ástæðan fyrir
því að hann spilar ekki á Akureyri á
komandi tímabili er sú að hann er að
fara í nám fyrir
sunnan.
Eins og
kunnugt
er hefur
KA
sam-
einast
Þór og
spilar
hið nýja
lið undir
nafninu
KÖRFUBOLTI „Ég hef nánast helgað
mínu lífi körfubolta og því á þetta
starf vel við mig,“ sagði Friðrik
Ingi Rúnarsson sem tók í gær við
starfi framkvæmdarstjóra Körfu-
knattleikssambands Íslands.
Hann er því hættur sem þjálfari
úrvalsdeildarliðs Grindavíkur en
Friðrik Ragnarsson, fyrrverandi
leikmaður og þjálfari Njarðvíkur,
mun taka við því starfi.
„Í þessu starfi ætla ég að
leggja áherslu á að sameina
krafta þeirra sem koma að hreyf-
ingunni. Mér hefur fundist hver
vera að vinna í sínu horni. Það er
fullt af góðu fólki sem er út um
allt að vinna fína vinnu og með
sameiginlegu átaki er hægt að
hefja veg þessarar tignarlegu
íþróttar enn hærra. Körfubolti er
ein stærsta, skemmtilegasta og
vinsælasta íþrótt heimsins,“ sagði
Friðrik Ingi.
Hann segir það í höndum KKÍ
að sjá til þess að umfjöllun um
körfubolta verði meiri. „Þetta er
margþætt starf sem ég er búinn
að taka að mér og margt sem ég
þarf að stússast í. Það var samt
vissulega erfið ákvörðun að segja
skilið við þjálfarastarfið og ég
hafði gaman að síðasta vetri. Ég
var alls ekki kominn með leið á
þjálfun en ákvað að breyta til
eftir að hafa hugsað málið ítar-
lega og margir þættir sem þar
komu að.“
Friðrik Ingi segist mjög þakk-
látur stjórninni hjá Grindavík og
hvernig þeir tóku á þessum
málum. „Þeir skildu mína afstöðu
og studdu mína ákvörðun. Ég held
að Grindvíkingar verði ekkert
sviknir af eftirmanni mínum.
Hann hefur spilað og þjálfað til
margra ára og Grindavík verður í
góðum málum hjá nafna mínum,“
sagði Friðrik en hann tekur við
framkvæmdarstjórastöðu KKÍ af
Hannesi Birgi Hjálmarssyni.
Hannes S. Jónsson, formaður
KKÍ, sagði við Fréttablaðið í gær
að miklar vonir væru bundnar við
ráðningu Friðriks. „Við þekkjum
hann vel og vitum að hvert sem
hann kemur þar gerast hlutirnir
og það er gaman að vera í kring-
um hann. Við erum að vinna í
umhverfi núna þar sem skemmti-
leg verkefni eru framundan.
Stefnan er að halda áfram að gera
það sem við höfum verið að gera
gott í körfunni. Friðrik Ingi á
pottþétt eftir að aðstoða okkur
við það enda hefur hann rosalega
mikla þekkingu og veit einnig
hvernig reka á fyrirtæki,“ sagði
Hannes Jónsson. elvargeir@frettabladid.
Þetta starf á vel við mig
Friðrik Ingi Rúnarsson var í gær ráðinn framkvæmdarstjóri KKÍ. Hann er hætt-
ur sem þjálfari Grindavíkur en nafni hans Ragnarsson tekur við því starfi.
FRIÐRIK INGI RÚNARSSON Segir að sameina þurfi krafta þeirra sem vinna í kringum körfu-
boltann. FRÉTTABLAÐIÐ
„Pabbi er mín fyrirmynd!“
Foreldrar eru bestir í forvörnum
Reykjavíkurborg
Velferðarsvið
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
H
BS
3
37
04
0
8/
20
06
U21 landslið karla er nú í Austurríki en
það mætir heimamönnum í forkeppni
Evrópumótsins í dag. Ferðin gekk þó
ekki eins og best verður á kosið fyrir
þá Theodór Elmar Bjarnason, Hjálmar
Þórarinsson og Rúrik Gíslason sem
flugu til Austurríkis frá Lundúnum. „Þeir
flugu til móts við okkur frá Heathrow í
London. Þeir fóru einhverjar krókaleiðir,
flugu fyrst til Þýskalands og svo Sviss,
og farangurinn þeirra týndist á leiðinni.
Í þeim farangri voru meðal annars fót-
boltaskórnir þeirra,“ sagði Lúkas Kostic,
þjálfari liðsins.
„Svo náðum við engu sambandi við
þá því þeir fengu ekki að taka símann
sinn með í handfarangur út af nýjum
öryggisreglum. Við náðum síðan loksins
sambandi við Rúrik en hann náði ein-
hvernveginn að taka símann sinn með
í flugið öfugt við hina tvo,“ sagði Lúkas.
Strákarnir fengu síðan lánaða skó frá
öðrum í hópnum til að geta tekið þátt í
æfingu í gærmorgun. Þegar kom að því
að kaupa nýja skó uppgötvuðu þeir hins
vegar að það var frídagur í Austurríki í
gær og nánast allar búðir lokaðar.
„Fyrir algjöra tilviljun átti hótelstjór-
inn vin sem rekur íþróttavöruverslun
og hann fékk hann til að opna
búðina sérstaklega svo að strák-
arnir gætu keypt sér skó. Þannig
að sem betur fer er allt komið
í lag núna,“ sagði Lúkas
Kostic sem er ánægður
með aðstæðurnar
ytra. „Völlurinn er
alveg frábær, er
í toppstandi. Arsenal kemur árlega á
þennan völl á undirbúningstímabilinu
og það kemur mér ekki á óvart eftir að
við fengum að æfa á honum.“
Lúkas segir að austurríska liðið
sé mikið baráttulið en auk þeirra eru
Íslendingar með stórliði Ítalíu í riðli.
Eitt af liðunum þremur kemst áfram
en aðeins er leikin einföld umferð.
Strákarnir okkar mæta Austur-
ríki ytra klukkan fimm í dag og
svo mæta þeir ítalska liðinu
á Laugardalsvelli föstudaginn
1. september. „Við stefnum á
sigur gegn Austurríki og það er
mikilvægast að við náum að
byrja leikinn vel. Þá erum
við til alls líklegir,“
sagði Lúkas Kostic.
U21 LANDSLIÐ ÍSLANDS: ÞRÍR LEIKMENN LENTU Í HRAKFÖRUM Á FERÐ SINNI TIL AUSTURRÍKIS
Fótboltaskórnir týndust á ferðalaginu