Fréttablaðið - 24.08.2006, Blaðsíða 4

4 24. ágúst 2006 FIMMTUDAGUR
ÖRYGGI Skilti sem banna umferð í
íshellum voru sett upp við Hrafn-
tinnusker í gærkvöld. Slysavarn-
arfélagið Landsbjörg stendur
fyrir uppsetningu skiltanna ásamt
lögreglu og sýslumannsembætt-
inu í Rangárvallasýslu. Þýskur
ferðamaður lést þegar hrundi úr
lofti eins af íshellunum á jarðhita-
svæðinu við Hrafntinnusker 16.
ágúst síðastliðinn.
Gils Jóhannsson, varðstjóri hjá
lögreglunni á Hvolsvelli, segir
hugmyndir uppi um að setja svip-
uð skilti við fleiri hættulega staði.
„Það hefur verið rætt um að setja
upp skilti við katla á Fimmvörðu-
hálsi,“ segir hann. - sþs
Landsbjörg setur upp skilti:
Banna umferð
um íshellana
GAZABORG, AP Áður óþekktur hópur
herskárra Palestínumanna sendi í
gær frá sér myndband sem sýndi
tvo fréttamenn Fox-sjónvarps-
stöðvarinnar bandarísku, en þeim
var rænt á Gazasvæðinu þann 14.
ágúst síðastliðinn. Mannræn-
ingjarnir krefjast þess að í skipt-
um fyrir gíslana verði allir mús-
limar í bandarískum fangelsum
látnir lausir innan þriggja sólar-
hringa.
Á myndbandsupptökunni, sem
send var arabísku gervihnatta-
sjónvarpsstöðinni Al-Jazeera,
sjást Steve Centanni, sem er sex-
tugur Bandaríkjamaður sem lengi
hefur starfað sem fréttamaður
fyrir Fox, og myndatökumaðurinn
Olaf Wiig, sem er 36 ára og frá
Nýja-Sjálandi. Þeir láta þess báðir
getið að þeir fái góða meðhöndlun
í prísundinni en kalla eftir hjálp
við að fá sig lausa. Myndbandið
var fyrsta lífsmarkið frá tvímenn-
ingunum frá því þeir hurfu af vett-
vangi í Gaza fyrir tíu dögum.
Í yfirlýsingu sem fylgdi upp-
tökunni er því lýst yfir, í nafni
„Heilögu heilags-stríðs-hersveit-
anna“ að gíslarnir verði þá aðeins
látnir lausir að allir múslimar í
bandarískum fangelsum verði
látnir lausir innan þriggja sólar-
hringa. Einskis var getið um hvað
myndi gerast ef ekki yrði gengið
að þessum kröfum.
Þótt herskáir Palestínumenn
hafi oft tekið erlenda gísla til að
þrýsta á um lausn palestínskra
fanga í Ísrael er þetta í fyrsta sinn
sem palestínskir gíslatökumenn
gera kröfur til yfirvalda í öðru
ríki en Ísrael.
Talsmenn palestínsku heima-
stjórnarinnar, þar á meðal Ismail
Haniyeh forsætisráðherra, hafa
skorað á gíslatökumennina að láta
Centanni og Wiig lausa.
Í flestum fyrri tilfellum þar
sem útlendingum hefur verið rænt
á palestínsku sjálfsstjórnarsvæð-
unum hafa gíslarnir verið í góðu
yfirlæti, oft boðið te heima í stofu
hjá fjölskyldum mannræn-
ingjanna, kröfur gíslatökumann-
anna takmarkast við að tilteknir
fangar Ísralea yrðu látnir lausir,
og búið að semja um frelsi fyrir
gíslana á sama sólarhring og þeim
var rænt. Í þetta sinn er allt annað
uppi á teningnum, enginn lýsti
yfir ábyrgð á hvarfi mannanna í
meira en viku og kröfurnar eru
aðrar og meiri.
audunn@frettabladid.is
KVARTA EKKI UNDAN AÐBÚNAÐI Gíslarnir Olaf Wiig og Steve Centanni virtust vel haldnir,
íklæddir íþróttagöllum, á myndbandsupptökunni sem birt var í gær. FRÉTTABLAÐIÐ/AP
Krefjast frelsis fyrir
fangelsaða múslima
Myndband sem birt var í gær var fyrsta lífsmarkið frá fréttamönnum Fox-sjón-
varpsstöðvarinnar sem var rænt á Gaza fyrir tíu dögum. Gíslatökumennirnir
krefjast lausnar allra múslima úr bandarískum fangelsum í skiptum fyrir gíslana.
����������������������������������������� ������������
�������������
������������
���������� ����������
�����������������������������������������������������������������
����
�����
�����
��
GENGIÐ
GENGI GJALDMIÐLA 23.8.2006
Bandaríkjadalur 69,95 70,29
Sterlingspund 132,29 132,93
Evra 89,63 90,13
Dönsk króna 12,01 12,08
Norsk króna 11,147 11,213
Sænsk króna 9,742 9,800
Japanskt jen 0,6011 0,6047
SDR 103,93 104,55
HEIMILD: Seðlabanki Íslands
KAUP SALA
123,7943
Gengisvísitala krónunnar
ÍSRAEL Íslendingur af palestínsk-
um ættum, Abraham Shwaiki,
var í haldi lögreglu á flugvellin-
um í Tel Avív í 10 klukkustundir í
gær og var að þeim tíma loknum
vísað úr landi. Hann var sakaður
um að ferðast á fölsuðu vega-
bréfi, sem ísraelskir lögreglu-
menn ógiltu síðan og tóku af
honum.
Abraham, sem búið hefur á
Íslandi frá 1990 og er íslenskur
ríkisborgari, lenti í Tel Avív
klukkan fjögur í fyrrinótt að
íslenskum tíma. Hann ætlaði að
heimsækja ættingja sína, meðal
annars veikan föður.
Við komuna til Tel Avív beið
lögregla eftir honum, færði hann
til yfirheyrslu og tók af honum
farsíma hans. Fyrstu tvær
klukkustundirnar fékk hann ekk-
ert að vita hvers vegna hann var í
haldi. Þeir gerðu athugasemdir
við nafn Abrahams, þar sem
skírnarnafn hans er Ibrahim, en
honum var gert að taka upp
íslenskt nafn þegar hann fékk
íslenskt ríkisfang. Þá er fæðing-
arstaður hans skráður Jerúsalem
í vegabréfinu, þar sem hann
mátti ekki skrá óviðurkennda
ríkið Palestínu sem fæðingarstað
sinn, en það taka Ísraelar ekki
gilt. Að loknum 10 tímum var
Abraham fylgt í flugvél sem
flutti hann aftur til London. Þaðan
flaug hann til Íslands í gær-
kvöldi.
Díana Allansdóttir, eiginkona
hans, segir Abraham ábyggilega
ætla að reyna að komast aftur út.
„Ég held að það sé engin spurn-
ing. Hann á föður þarna sem er
veikur og hann á níu systkini og
það eru allir mjög spenntir að sjá
hann og ætluðu að koma að sækja
hann upp á flugvöll. Ætlunin var
að við færum öll en svo ákváðum
við út af ástandinu að hann færi
einn, sem betur fer.“ Díana segir
það ólöglegt að ógilda vegabréf,
sem eru eign íslenska ríkisins, og
taka það af handahafa þess. Hún
segir að líklega verði haft sam-
band við ísraelsk yfirvöld vegna
málsins. - sh
Íslendingi haldið á flugvellinum í Tel Avív og hann sakaður um að bera falsað vegabréf sem síðan var ógilt:
Vísað allslausum úr landi eftir 10 tíma
HVALREKI Rúmlega tveggja metra
langan tannhval af höfrungaætt
rak á land við Hólmavík í sumar.
Um er að ræða kýr sem hugs-
anlega hefur drepist þegar hún
var í miðjum burði. Sporður kálfs-
ins er sýnilegur þar sem hann
stendur út úr skepnunni.
Hræið fannst í fjörunni á vin-
sælli gönguleið. Hvalurinn er far-
hvalur sem venur komur sínar
hingað til lands á vorin, en miklar
hvalavöður hafa verið í Stein-
grímsfirði í sumar. - æþe
Hvalreki við Hólmavík:
Drapst hugsan-
lega við burð
HVALUR VIÐ HÓLMAVÍK Eins og sjá má er
hræið afar illa leikið eftir veruna í fjörunni.
Það verður ekki fjarlægt.
MYND/SIGURÐUR ATLASON
SÖFNUN Olga Guðgeirsdóttir, hús-
móðir í Vogum, hefur stofnað
söfnunarreikning fyrir fjöl-
skyldu Jóhanns Fannars Ingi-
björnssonar, sem lést í bílslysi á
Garðskagavegi þann 16. ágúst
síðastliðinn. Jóhann Fannar lét
eftir sig 27 ára eiginkonu og þrjú
ung börn.
Olga missti sjálf eiginmann
sinn fyrir þremur árum með svip-
legum hætti, þá einnig 27 ára og
með þrjú börn. „Á sínum tíma var
svona söfnunarreikningur stofn-
aður fyrir mig og það kom sér
mjög vel,“ segir Olga.
Þeir sem vilja leggja fram
fjárframlög til ekkju Jóhanns
Fannars er bent á bankareikning-
inn 1109-05-411333 undir kenni-
tölunni 201079-3149. - æþe
Banaslysið á Garðskagavegi:
Söfnun fyrir
ekkju hafin
DÍANA ALLANSDÓTTIR Segir Abraham
munu fara aftur til Ísraels.
LUNDÚNUM, AP Gæsluvarðhald var
í gær framlengt um viku yfir átta
mönnum sem grunaðir eru um
aðild að samsæri um að sprengja
farþegaþotur á leið frá Bretlandi
til Bandaríkjanna. Það var fram-
lengt um sólarhring yfir tveimur
öðrum og einum var sleppt án
ákæru.
Dómari hlustaði bak við luktar
dyr á rök rannsóknarlögreglu-
manna fyrir framlengingu varð-
haldsins, þótt mennirnir hafi enn
sem komið er ekki verið ákærðir.
Úrskurður dómarans byggði á
ákvæðum nýrra hryðjuverka-
varnalaga um að heimilt sé að
halda mönnum sem grunaðir eru
um aðild að hryðjuverkum í allt
að 28 daga án ákæru.
Áður hafði gæsluvarðhald
verið framlengt yfir öðrum ell-
efu sakborningum. Enn eru því
alls 21 í haldi í Bretlandi vegna
málsins. - aa
Bresk hryðjuverkarannsókn:
Gæsluvarðhald
framlengt