Fréttablaðið - 20.09.2006, Blaðsíða 42

■■■■ { iðnaðarblaðið } ■■■■■■■■■■■■■■■■■■■■■■■■■■■■■■■■■■■■■■■■■■■■■■■2
Halldór Helgason hefur rekið rakara-
stofu í kjallara Hótels Sögu síðan
árið 1971 og hefur því verið lengi
í faginu. „Ég fór að læra hárskurð
strax á sautjánda ári hjá Hauki
Óskarssyni við Kirkjutorg 6. Þeirri
stofu var einmitt lokað nú á dögun-
um eftir hundrað ára rekstur.“
Fljótlega eftir að Halldór hóf störf
á rakarastofunni á Sögu keypti hann
hlut í fyrirtækinu og eignaðist hana
loks að fullu árið 1972. „Þetta hefur
gengið upp og ofan gegnum tíðina.
Þó oftast nokkuð vel en það kostar
alltaf yfirlegu og iðni.“
Halldór segir stóran hluta við-
skiptavina sinna teljast fastakúnna
þótt auðvitað komi alltaf einhverjir
af hótelinu. Það séu þó helst hótel-
gestir í viðskiptaerindum enda
hefðbundnir ferðamenn roknir í
hinar ýmsu skoðunarferðir snemma
á morgnana. „Ég hef verið lengi í
þessu og er kannski orðinn hverfis-
rakarinn. Þótt vissulega hafi gengið
misjafnlega held ég að ómögulegt sé
að vera annað en sáttur.“
BÍTLAÆÐIÐ ERFITT
Halldór er aldrei kallaður annað
en Dóri í Vesturbænum og er afar
vinsæll meðal KR-inga enda hangir
vegleg klukka með merki Vestur-
bæjarstórveldisins á vegg á rakara-
stofunni. „Ég er nú af Grímsstaða-
holtinu og var upphaflega Þróttari.
Þeir fluttu síðan í burtu og þá var
ekki annað í stöðunni en að gerast
KR-ingur.“
Halldór hefur klippt margar
kynslóðir Vesturbæinga og segist
stundum klippa þrjá ættliði, hvern
á eftir öðrum. „Ég hef nú stundum
sagt að daginn sem einhver sem ég
hef klippt á bleyju kemur með afa-
barnið sitt þá er ég hættur.“
Rakarar verða fremur varir við
tískubreytingar en efnahagssveifl-
ur að sögn Halldórs. Þannig gengu
rakarar gegnum erfiða tíma þegar
Halldór var að byrja, enda Bítla-
æðið í hápunkti. „Menn voru með
Bítla- eða hippahár lengst niður
á bak og voru ekki að heimsækja
okkur rakarana sérlega oft. Tísku-
sveiflurnar hafa þannig stundum
leikið hárskera grátt.“
Halldór minnist þess þó að
rakarar hafi haft fremur lítið að
gera upp úr 1990, í kjölfar þjóðar-
sáttarinnar. Annars hafi efnahags-
sveiflur ekki mikil áhrif á rekstur
hárgreiðslustofa. Helst spari fólk
dýrari meðferðir á borð við strípur,
permanent eða litanir. „Unga fólkið
þarf alltaf að líta vel út, sama
hversu illa árar. Menn þurfa líka að
vera snyrtilegir og koma vel fyrir
þegar þeir leita sér að vinnu.“
Halldór segir Duran Duran-
tímabilið hafa verið gósent-
íð fyrir rakara. Sérstaklega hafi
menntaskólaböllin gefið vel af sér.
„Stundum varð allt fyrirvaralaust
vitlaust á stofunni og við komumst
síðan að því að það var kannski
menntaskólaball í MR eða Verzló.
Í þá daga þurftu menn hárgreiðslu,
strípur og allan pakkann,“ segir
Halldór.
MANNEKLA OG MIKIL AFFÖLL
Halldór starfar nú við annan mann
á rakarastofunni. Hann segist hafa
verið að leita manneskju til aðstoðar
að undanförnu en erfitt sé að ráða í
starfið enda gæti nokkurrar mann-
eklu í greininni. Þá sé nokkuð erfitt
að ráða útlendinga enda nauðsyn-
legt að hárgreiðslufólk tali íslensku.
„Ég var einu sinni með rúmenska
stúlku hér í vinnu. Hún var mikill
fagmaður og góð stúlka. Málakunn-
áttan var hins vegar erfiður hjalli
enda þarf hárgreiðslumaður bæði að
geta tekið við pöntunum og spjallað
við kúnna um daginn og veginn.“
Hann segir eldri kúnna helst
hafa lent í tungumálavandræðum.
„Tíu ára pjakkar ruddu því út úr sér
á ensku hvað þeir vildu. Hins vegar
kom á óvart hve margt eldra fólk
lenti í vandræðum.“
Tilfinnanlegur skortur er á fólki í
greininni og mikið um svarta vinnu,
auk þess sem talsvert er um afföll.
Halldór segir að þessi miklu afföll
skýrist líklega af því hversu ungt
fólk sé þegar það tekur þá ákvörð-
un að nema hárgreiðslu. „Fólk getur
farið að læra strax eftir grunnskóla.
Sextán, sautján ára unglinga skort-
ir einfaldlega þroska til að velja sér
framtíðarstarf. Þótt ég hafi byrjað
að læra sautján ára var ég einfald-
lega svo heppinn að finna strax
eitthvað sem mér líkaði.“
Tískan erfiðari en
efnahagsþrengingar
Halldór Helgason rakari hefur verið í faginu i tæpa fjóra áratugi. Hann er hverfisrakarinn
í Vesturbænum og segir rakara finna meira fyrir tískusveiflum en efnahagsþrengingum.
Halldór er hverfisrakarinn í Vesturbænum og klippir stundum marga ættliði í sömu fjölskyldu. „Ég hef nú stundum sagt að daginn sem
einhver sem ég hef klippt á bleyju kemur með afabarnið sitt þá er ég hættur.“ FRÉTTABLAÐIÐ/HEIÐA
Á Sprotaþingi 2006 sem fyrirhugað er
að halda í lok næsta mánaðar verða
kynntar niðurstöður úttektar á þróun
og stöðu sprotafyrirtækja. Úttektina
unnu tveir námsmenn úr Háskólan-
um í Reykjavík, Hilmar Björn Harðar-
son og Pálmi Blængsson, sem sum-
arverkefni, en báðir stunda nám í
iðnrekstrarfræði, en úttektin er unnin
með tilstyrk Nýsköpunarsjóðs náms-
manna.
Í ágústhefti Íslensks iðnaðar, riti
Samtaka iðnaðarins, er fjallað stutt-
lega um verkefnið, en það er sagt
tvíþætt. Annars vegar er ætlunin
að kortleggja og flokka sprotafyrir-
tæki eftir stöðu þeirra og þörf fyrir
stuðning og hins vegar kanna óskir
og þarfir fjárfesta varðandi aðkomu
þeirra að fjárfestingum í sprotafyrir-
tækjum með það fyrir augum að finna
markvissari leiðir fyrir þessi fyrirtæki
til að vekja áhuga fjárfestanna.
Rætt hefur verið við valinn hóp
forsvarsmanna sprotafyrirtækja sem
og þá sem koma að því að fjármagna
slík fyrirtæki eða styðja við þau og
einnig hefur verið send til fyrir-
tækjanna ítarleg könnun á rafrænu
formi sem unnin er í samstarfi við
Outcome-hugbúnað ehf.
Á þinginu í haust á svo sem fyrr
segir að kynna niðurstöðurnar, en að
því er fram kemur í Íslenskum iðnaði
er stefnt að því að efna til samstarfs
við þingflokka stjórnmálaflokkanna
um framkvæmd þess. Í aðdraganda
Sprotaþingsins á að kynna þeim
niðurstöður úttektarinnar auk fleiri
gagna sem snerta starfsskilyrði
sprota- og hátæknifyrirtækja hér á
landi.
Úttekt kynnt á Sprotaþingi
Frá fyrirlestri sem haldinn var um sprotafyrirtæki í fyrrasumar.
REACH stendur fyrir Registration, Evaluation and
Authorisation of CHemicals, en svo nefnist ný efnalög-
gjöf sem í undirbúningi er í Evrópu.
Að því er fram kemur í grein Bryndísar Skúladóttur
um umhverfismál í nýjasta hefti fréttablaðs Samtaka
iðnaðarins er stefnt að því að samþykkja á næsta ári
svokallaða REACH-tilskipun í Evrópu. „Markmiðið með
henni er liprari innri markaður, vernd umhverfis og
heilsu borgaranna, auk þess að stuðla að samkeppnis-
hæfni og nýsköpun,“ skrifar Bryndís.
Hún segir að núverandi staða efnalöggjafar í Evr-
ópu sé ekki talin nógu góð vegna misræmis í kröfum
sem gerðar eru til nýrri og eldri efna, auk þess sem
Evrópulöggjöfin sé á þessu sviði bæði flókin og þvæld
í mörgum misgömlum tilskipunum. „REACH kemur í
stað 40 núgildandi tilskipana,“ bendir hún á og kveður
almennan vilja til að taka til í þessum ranni, en með
nýrri tilskipun yrði sönnunarbyrði um öryggi á mark-
aði snúið við, frá yfirvöldum til framleiðenda.
REACH nær yfir efnin
Slökkviliðsmaður í eiturefnabúningi, albúinn að takast á við leka
skaðlegra efna.
��������������������������������
����������������������������������
�������������
������
�������������������
E
N
N
E
M
M
/
S
ÍA
/
N
M
2
3
12
0