Fréttablaðið - 20.09.2006, Qupperneq 50

■■■■ { iðnaðarblaðið } ■■■■■■■■■■■■■■■■■■■■■■■■■■■■■■■■■■■■■■■■■■■■■■■10
Ljósmyndastofan Mynd var stofn-
uð árið 1984 og hefur verið í eigu
hjónanna Bjarna Jónssonar og
Grétu Björgvinsdóttur frá upphafi.
„Við erum búin að vera í þessu í yfir
tuttugu ár hjónin og höfum alltaf
haft í nógu að snúast,“ segir Bjarni
Jónsson.
Rekstur Myndar snýst að stórum
hluta kringum fasta liði á borð við
barna-, fermingar- og brúðkaups-
myndir. Á haustin er líka farið í
skóla og teknar bekkjar- og ein-
staklingsmyndir.
Mynd hefur alltaf verið til húsa
í Hafnarfirði. Fyrirtækið flutti í
eigið húsnæði við Bæjarlind 26
fyrir fimm árum eftir að hafa verið
í leiguhúsnæði árin þar á undan.
Starfsmenn Myndar eru fjórir.
Bjarni segir rekstur ljósmynda-
stofu nokkuð sveiflukenndan og
árstíðabundinn. Mestu tarnirnar
séu fermingar og stúdentaútskriftir
á vorin og síðan mánuðirnir fyrir
jól „Það er helst sumartíminn sem
er rólegur en þá eru helgarnar þó
vanalega fullbókaðar í giftingar
eða barnamyndatökur. Áður fyrr
var líka mikið af passamyndatökum
á sumrin en nú eru slíkar myndir
teknar á skrifstofu sýslumanns.“
Ljósmyndabransinn hefur breyst
gríðarlega undanfarin ár með til-
komu stafrænna myndavéla. Bjarni
segist lengi hafa þráast við en loks
látið undan fyrir um þremur árum.
„Ég sakna nú ekki filmanna ef ég
á að vera alveg hreinskilinn. Áður
fyrr var ég mikill filmukarl og var
því ekkert að skipta um bara til þess
eins að skipta um.“
Bjarni segist hafa fengið lánaða
stafræna vél fyrir nokkrum árum og
eftir það hafi ekki verið aftur snúið.
Hann bar saman stafrænu mynd-
irnar annars vegar og aðrar teknar
með hefðbundinni vél og sá aug-
ljósan gæðamun á myndunum. „Ég
hugsaði með mér að ég gæti ekki
þráast mikið lengur við.“
Spurður hvort stafrænu vélarn-
ar spari ljósmyndurum ekki mikla
vinnu segir Bjarni svo ekki vera.
Vinnan verði hins vegar öll miklu
léttari þótt sparnaður sé líklega ekki
mikill mældur í mínútum. „Munur-
inn er sá að nú er maður alltaf að
vinna í dagsljósi og sér hvað maður
er með í höndunum. Ég ferðast
mikið í starfinu og kom stundum
til baka með tvö hundruð filmur
og þurfti kannski að henda stórum
hluta af því. Í dag sér maður þetta
allt saman strax.“
Bjarni hafði komið sér upp
miklu safni ljósmyndabúnaðar
áður en hann skipti yfir í stafrænar
vélar. „Ég á fullt af tækjum; vélum,
linsum, stækkurum og dóti. Þetta
stendur allt saman ónotað og eng-
inn vill kaupa.“
Bjarni segir rekstur Myndar hafa
gengið nokkuð vel um árin. Hins
vegar liggi mikil vinna að baki,
sérstaklega þar sem mikið þurfi að
bera sig eftir vinnu við ljósmyndun.
„Þetta hefur stundum verið barn-
ingur. Hins vegar liggur ljóst fyrir
að við værum ekki ennþá í þessu ef
ekki hefði gengið hreint ágætlega.
Við lifum ágætis lífi og höfum ekki
yfir neinu að kvarta.“
Margir ljósmyndarar hafa misst
spón úr aski sínum eftir að sýslu-
mannsembættum var heimilað að
taka passamyndir. Ljósmyndara-
félag Íslands hefur höfðað mál
á hendur dómsmálaráðuneytinu
og hyggst leita úrlausnar málsins
fyrir dómstólum. Bjarni segir svo-
lítið skrítið að ljósmyndarar þurfi
meistarabréf í faginu til að opna
eigin stofur en ófaglærðir starfs-
menn sýslumanns geti myndað fólk
án þess að spyrja kóng eða prest.
„Sumir eru að missa allt að helm-
ingi tekna sinna. Svo eru þetta oft
einu myndirnar sem til eru af fólki
við andlát og betra að slíkar mynd-
ir séu þokkalegar en ekki eins og af
ótíndum glæpamönnum.“
Stafræna tæknin breytti öllu
Hjónin Bjarni Jónsson og Gréta Björgvinsdóttir hafa rekið ljósmyndastofuna Mynd í rúm tuttugu ár. Starf ljósmyndarans gerbreyttist að mati
Bjarna með tilkomu stafrænnar tækni. Hann segir rekstur ljósmyndastofu árstíðabundinn og telur furðulegt að ófaglærðir starfsmenn sýslumanns
hafi nú leyfi til að taka passamyndir.
Bjarni og Gréta hafa rekið ljósmyndastofuna Mynd í tuttugu og tvö ár. Stærsta breytingin varð með tilkomu stafrænna myndavéla, segir
Bjarni. FRÉTTABLAÐIÐ/HEIÐA
Norm-x • Auðbrekku 6 • Kópavogi • Sími 565-8899.Skoðaðu heimasíðuna www.normx.is
NORM-X
Hita pottar
Ál-, stál- og
trefjahúsgögn í miklu úrvali.
Íslensk framleiðsla
www.normx.is
Viðarkamínur á
ótrúlega góðu verði
Mest seldu hita pottar á Íslandi
Framleiddir með sérstöku tilliti til
íslenska hitaveituvatnsins  
Endingargóðir – yfir 30 ára reynsla
Þúsundir ánægðra notenda