Fréttablaðið - 27.09.2006, Blaðsíða 44
■■■■ { sjávarútvegur } ■■■■■■■■■■■■■■■■■■■■■■■■■■■■■■■■■■■■■■■■■■■■■■■
Hörður Arnarson, fjármálastjóri
Ísfélags Vestmannaeyja, segir félag-
inu hafa gengið ágætlega það sem
af er ári, þrátt fyrir að loðnuvertíð
hafi verið rýr. „Hagstæðari króna og
góðar markaðsaðstæður hafa hjálp-
að mikið til. Verð, bæði á sjó- og
landfrystum afurðum, hefur verið
mjög gott, auk þess sem verð á
lýsi hefur sjaldan eða aldrei verið
hærra.“
Meðan gengi krónunnar var
hvað hæst í upphafi árs áttu mörg
sjávarútvegsfyrirtæki í erfiðleikum.
Hörður segir ekki hægt að neita því
að gengi krónunnar hafi mikil áhrif
á starfsemi sjávarútvegsfyrirtækja.
„Nánast allar okkar tekjur eru í
erlendum gjaldmiðlum svo það kom
aðeins við budduna. Krónan hefur
mikið að segja, það er alveg ljóst.“
Hann segist þó ekki verða jafn
var við hávaxtastefnu Seðlabank-
ans. „Ekki nema kannski tíu prósent
af okkar skuldasafni eru í íslensk-
um krónum og þau lán eru á verð-
tryggðum vöxtum. Síðan þurfum
við ekki á yfirdrætti að halda, svo
það má kannski frekar segja að við
höfum náð að nýta okkur þessa háu
vexti til að ávaxta laust fé.“
Hörður segir stefna í ásættanlegt
ár hjá Ísfélaginu; framleiðnin verði
hugsanlega sú allra besta frá upp-
hafi í krónum talið og gengistapið
sem varð á fyrstu mánuðum árs hafi
gengið talsvert til baka síðsumars.
„Ef krónan veikist ekkert sem heitið
getur er vel hugsanlegt að við skríð-
um í hagnað eftir allt saman. Ann-
ars er það framleiðnin sem skiptir
mestu máli.“
Um tvö hundruð manns starfa
nú árið um kring hjá Ísfélaginu.
Hörður segir reksturinn mjög árs-
tíðabundinn enda misjöfn nýting á
flotanum árið um kring. „Við eigum
sjö skip og gerum þau stundum öll
út, en stundum ekki nema þrjú. Nú
erum við til að mynda einungis með
þrjú skip úti. Að meðaltali eru þetta
svona tvö hundruð ársstörf.“
Hörður hefur verið hjá Ísfélag-
inu í rúm tuttugu ár og hefur séð
ýmislegt breytast á þeim tíma. Hann
nefnir sérstaklega fjármálaumhverf-
ið sem hafi tekið stakkaskiptum
í upphafi tíunda áratugs síðustu
aldar. „Fram til ´92, ´93 var þetta
bara leiðinlegt. Þvílíkt basl og leið-
indi. Síðan hefur þetta orðið mun
léttara; afurðaverð verið tiltölulega
hátt og fjármálaumhverfið allt létt-
ara og þægilegra.“ Hörður játar því
að regluverk kringum sjávarútveg-
inn sé mun minna en áður og segir
nokkra sátt ríkja um þá skipan sem
nú er. Kvótakerfið sé hætt að plaga
menn. „Við hjá Ísfélaginu erum í
það minnsta brattir enda fögnum
við hundrað og fimm ára afmæli
þann fyrsta desember og erum elsta
hlutafélag á landinu.“
Gengi krónu
hefur mikil áhrif
Ísfélag Vestmannaeyja er elsta hlutafélag landsins og
fagnar 105 ára afmæli þann 1. desember. Hörður Arnar-
son fjármálastjóri segir nokkuð bjart framundan í sjávar-
útvegi. Gengi krónunnar sé hagstæðara en fyrr á árinu
og markaðsaðstæður með ágætum.
Heimaklettur í Vestmannaeyjum. Hörður Arnarson, fjármálastjóri Ísfélags Vestmannaeyja,
segir stefna í ágætt ár hjá félaginu. „Ef krónan veikist ekkert sem heitið getur er vel hugs-
anlegt að við skríðum í hagnað eftir allt saman.“
Antares VE 18, eitt af skipum Ísfélagsins,
kemur af loðnuveiðum.
Aflaverðmæti íslenskra skipa
nam fjörutíu milljörðum króna á
fyrri helmingi ársins 2006, sam-
kvæmt tölum frá Hagstofunni.
Verðmætið hefur aukist um 7,3
prósent miðað við sama tímabil í
fyrra. Í júnímánuði veiddist fyrir
5,4 milljarða króna.
Aflaverðmæti botnfisks var
rúmir þrjátíu milljarðar og jókst
um átján prósent miðað við sama
tímabil í fyrra; þar af var þorskur
fyrir rúma fjórtán milljarða.
Verðmæti afla sem seldur er í beinni sölu útgerða til vinnslu var 16,1
milljarður króna en verðmæti afla sem keyptur er á markaði til vinnslu
innanlands var 6,4 milljarðar og jókst um tæpan fjórðung milli ára.
Aflaverðmæti:
Mikil verðmætaaukning
Verðmæti þroskaflans var rúmir fjórtán
milljarðar króna á fyrri helmingi árs.
Stjórn og sigling skipa
er sjálfsögð handbók sjómanna og nauðsynleg um borð í hverju íslensku skipi.
Bókin er tileinkuð íslenskum sjómönnum og veitir greinargóðar upplýsingar í máli
og myndum um alþjóðlegar siglingareglur, vaktreglur og sjómerkjakerfi .
Forlagsverð er kr. 4.500 með vsk.
Útgáfa og dreifi ng:
Siglingastofnun Íslands.
Vesturvör 2, 200 Kópavogi
Sími: 560 0000 - netfang: sigling@sigling.is